منتديات قصايد ليل - عرض مشاركة واحدة - ديوان لا وقت للأشواق

08-09-2011

السلام عليكم ورحمة الله وبركاته
هذه قصيده أسنتدها الى المدرسه الشعريه / زيد بن مبشر الحصني
كي أنهل من منهله وأستفيد من خبراته الطويله بالشعر
يـا زيـد أبــن مـبـشــر بـقــاف ٍ مـثـيـلــي
عـنـوانــه الـطـيــبــه بـــذوق ولـبــاقــه
ســلام مــن بـنــت الـكــريــم الأصـيــلــي
الـلــي بـعـالــي نـجــد يـرعــى نـيــاقــه
ســـــلام لا بالله مـــاهـــو قــلــيــلـــي
واحـلــى مــن الـلــي حـالــي ٍ فــي مـذاقــه
يـا زيــد شـفـنــا مـنــك شــي ٍ جـمـيـلــي
صـايــر لـســان الـكــل عـنــد الـمــلاقــه
الاولـــه مـشــكــور شــكــر ٍ جــزيــلــي
والـثـانـيــه لــو كــان عــنــدك لـيــاقــه
رد الــجــواب ان كـــان عــنــدك دلـيــلــي
وعـطـنــي مــن الأزهــار مــقــدار بــاقــه
يـاخـوك انــا قـلـبــي صـويــب وعـلـيـلــي
مــثــل إبـــدوي ٍ فــاقــد الــعــام نــاقــه
يـاخـوك بـعـض الـنـاس مـن عــرض جـيـلــي
امــا سـلـمـنــا مــنــه جــنــا نـفــاقــه
الـيــا سـكـتـنــا عـنــه جــاب الـرذيــلــي
وإن كـــان جـادلــنــاه صـــارت حـمــاقــه
والـحـمــد لـلــه يــوم بــالــي طـويــلــي
ورجـلــي عــن الـشـيـنــات دايــم مـعـاقــه
أقـــدر الـطــيّــب وأعــــده زمــيــلــي .
واعــرف مـعـايــيــر الــغــلا والـصــداقــه
اقـــدره تـقــديــر مــالـــه مـثــيــلــي.
وأسـابـقــه بـالـطـيــب وأكـســب سـبـاقــه
امــا الـــردي مــالــه مــقــام ونـزيــلــي
الـنــاس كــل الــنــاس تـبــغــى فــراقــه
اكـثــر عـلـومــه بـيــن قـــال ٍ وقـيــلــي
عـنــده طـمــان الــهــرج فـــن وحــداقــه
نـاس ٍ تـعـشـق الـطـيـب وتـصـهـل صـهـيـلـي
ونــاس ٍ تـعـشــق الـشــر دايــم عـشــاقــه
والـطـيـب مـا يـعـرف خـضـيــري قـبـيـلــي
الـطـيــب بـالـطـيّــب تــكــون الـعــلاقــه
والـفــرق واضــح بـيــن طـيــب وهـزيـلــي
مـثــل الـسـمــاء والأرض واســـع نـطــاقــه

وهذا رد الشاعر الكبير / زيد بن مبشر الحصني الحربي

ماللأصيله غير أخوهـا الأصيلـي
ولا للعِلاقه غيـر أخـوه العِلاقـه
النرجسيه جابـت آخـر موديلـي
وتطرّقت طاروق ما هـو سِراقـه
وأنا من اللي لي ويـش يغديلـي
كل الحقـوق مسجّلـه بالبطاقـه
يامرحبـا ترحيـب نـو ٍ ثقيلـي
للبرق بعروض الخيـال إنشعاقـه
يفرحبه اللـي كـل ذوده هزيلـي
ما عنده اللي مـا يـذوق ٍ ذواقـه
لاوالله أحلى من حـلا السلسبيلـي
على الكبود المرهقه عقـب فاقـه
ما أقول غير من الكثيـر القليلـي
ترحيبة المشفي بشـوق وشفاقـه
يابنت ما نـي للمشاكـل كفيلـي
آخذ جـلال العلـم وأتـرك دقاقـه
لوا هجادي منـك وآطـول ليلـي
أبحث عن الجوده برفـق ورواقـه
أحاول أقنـع كـل مـن يشتكيلـي
اللي من الأجنـاب ومـن الرفاقـه
واللـي يـدوّر حـل للمستحيلـي
ماله سوى حـل ٍ يضيّـق خناقـه
عسى الثّقه من كل جانب حصيلـي
والآدمي لولا الثّقـه وش وثاقـه
عندي ثقه في عملتـي وبعميلـي
ما أحمّله مشروه خـارج نطاقـه
أرد كـان الحـق مالـه بديـلـي
والكذب بظهـار الحقايـق زهاقـه
ولاني برأيي حسب عرفي بخيلـي
ولا أبادل الجاهل كفـوف الحلاقـه
عندي دليل إن الثّقـه مـا يعيلـي
ولابـد للعاقـل بوقـت إنعـزاقـه
وأهل الكلام السيء ما أخلوا سبيلي
قبلك لحقني مـن غثاهـم لحاقـه
لو ضقت ما أشعل بالزناد الفتيلـي
مرونتـي خشنـه ولاهـي رقاقـه
يابنت ما أشفي بالنميمـه غليلـي
أقـول وأقابـل بـدون إدّراقــه
ولا تجامليـن مروّجيـن النقيلـي
وراع النّفاق يطق مع عظم ساقـه
يعني على ما قيل مثـل الرجيلـي
وإن قيل هذا ليه؟ قولـي حقاقـه
يالنرجسيه لـو مصابـك جليلـي
العـود الأزرق جودتـه بإحتراقـه
وتقبّلـي تحيـتـي وإسمحيـلـي
القـاف متعبنـي بكثـر إنطراقـه

اختكم النرجسيه