08-09-2011
|
|
|
ماعـــــــــــــــــــــــــاد ابيهم
أصحابـــــي اللي مفهموني وانا حي!!
...................مـــــا همــــــني يبكـــــوا عليا إذا مت
تذبل بصـــدري اعروق ما شفتهم ري
...................جفّت بساتينـــــــــي أبد مــــــا تكلمت
مكوي على صدري وآآهي من الكي
...................والله مـــــاعاتبتهم يـــــــــــــــوم أو لمت
لي أشتد قيـــــض أوجاعهم جيتهم في
...................لايحسبوني عن سهــــــــر دمعهم نمت
كم بت في بحـــــر الوجع ملتوي لي
...................جوني شواطي (آآه)من حبهم عمت
أشعلت أصابــع وحدتي لجلهم ضي
...................وآنا بليل البــــــــــــــــرد شفني تكوّمت
ذبحت لجـــل اعيونهم كلمة (شوي)
...................وضمّيت خنجــر حاجتـــي ولا تألمت
والله مابـــــــــــي من فرحهم ولا شي
...................لني بـــوادي حزن جرح الوفا همت
هم ما دروا عني وانا عادنـــي حي !!
...................وشلــون يدروا بــي اذا شفتني مت ؟!
للتحميل
|