اليوم الثاني ...
في الكليه البنات مستلمات سمر تريقه و تنغز واهي مستحيه وكل شوي توصل لها رساله
أحيان .. أحس إني وسط خافقك / ذبت /
وأحيان .. أجي بالبال لا صرت فاضي !
يا صاحبي .. ليه أكره الناس لا غبت !
وأقول خذ / قلبي / معك .. منت راضي ..
بدور : بصراحه اللي يشوفكم يقول محد أعرس قبلكم
سمر : وش تشوفين ارسل عليه من اليوم اهو
دلع : حركاته معجبتك اعترفي
سمر (أبتسمت) : أيه بس مو وقته يعني الكليه كلها تطالعني
وضحه : أرسلي له وقولي يوقف وانه يحرجك
سمر : أرسل
مي : لا يا خبله (غمزت لها) اتصلي أحلى
سمر : أستحي
دلع : قومي بس والله انك ميته على صوته
سمر (أبتسمت) : صدقتي اوكيه بكلمه
مي (تمسك يدها) : وين كلميه هنا
سمر (تحرك حواجبها) : خبله تشوفيني بآخذ راحتي وانتو صكه ما تتحركون
البنات : هههههههههههههههههههههه
سمر( تتصل وحطته عند اذنها) : السلام عليكم
عبدالرحمن (بلهفه وحب) : وعليكم السلام هلا وغلا هلا بعمري حبيبتي حياتي
سمر (بحياء) : احم شخبارك
عبدالرحمن : شخباري حاف قولي يا عمري يا حياتي ان شاء الله حمنى راضي
سمر (بدلع) : مابي
عبدالرحمن : افااااا مابي
سمر : أيه
عبدالرحمن : ليه
سمر : انت تحرجني قدام البنات
عبدالرحمن : انا
سمر : أيه قلت لك بس رسايل
عبدالرحمن : أيه ارسلتي مره بس أنا ارسلت 10 وقلت لك كلميني
سمر : كان عندي محاضره
عبدالرحمن : اووه سوري
سمر : اممم عادي
عبدالرحمن : اعجبنك الرسايل
سمر : ..........
عبدالرحمن : ترى ارسل زياده اذا ما اعجبك
سمر : لا لا اعجبني تسلم
عبدالرحمن : انا زعلان منك
سمر : زعلان ليه
عبدالرحمن : اقول لا تنامين بكلمك وسكرتي الجوال
سمر (بحياء) : ليه تقل ادبك
عبدالرحمن (رفع حاجبه بخبث ابتسم) : اها عشان البوسه
سمر (تصر على ضروسه) : حمني
عبدالرحمن : ههههههههههه خلاص خلاص
سمر : أفف منك
عبدالرحمن : أففف منك ومن دلعك وحلاتك
سمر (تشوف البنات يأشرن لها على الساعه) : عبدالرحمن لازم اسكر
عبدالرحمن : لا لا ما صدقت تتصلين
سمر : عندي محاضره
عبدالرحمن : تصرفيني يعني
سمر : والله عندي محاضره
عبدالرحمن : طيب متى تخلصين
سمر : بعد ساعه تقريبا
عبدالرحمن : بتصل لا تسكرين الجوال
سمر(بدلع ) : مدري
عبدالرحمن : سمورتي لا تخليني انذر نذر تندمين
سمر : لا لا خلاص ما بسكر
عبدالرحمن : وعد
سمر : وعد ههههههههه
عبدالرحمن : يا ويلي على الضحكه
سمر (أستحت) : باي
عبدالرحمن : باي يا قلبي
سمر (ضمت الجوال لها وتهمس) : الله لا يحرمني منك (وصلت لها رساله شافت المرسل وأبتسم وفتحتها) ههههههه فديتك
يغليك قلب(ن) صرت بالحب | واليه |
من يوم حس ب : لهفتك : صرت سيده
لا ما نسيتك وأول الحب ~ تاليه ~
ذكراك | نبضي | والمحبه وريده
-------------------------
في كلية ليالي ..
تسولف مع صاحباتها ...
| ضاع | الفرح في ناظري
[ من يجيبه ]
دمع على الخدين أو كلمه ~ أبغاك ~
ب أقول أنا | أهواك | وأرحل غريبه !
وباخذ أنا أوراقي و ( ذكراي ) وياك !
سعاد : امس خطيبي تعشى عندنا وما طلع إلا الساعه 1 واليوم استحيت من امي لما قالت متى راح قلت 11 بالليل وانا اكذب رفض يروح وكل الوقت كان رومنسي وأنا ميته حياء منه
ليالي (كتفت ايديها) : يا شيخه احمدي ربك مو مثل اللي عندي الحمد لله والشكر لا احساس ولا شيء
سعاد : أمس رجعتي معه صح
ليالي : أيه بس ندمت لما وافقت ابوي ارجع معه يا ناس ما يتكلم لو تشوفنه كيف متمسك في مقود يا بنت كل شوي يمسح جبينه
سلوى : كل هذا خوف يعني
ليالي : مدري يعني حياء ولا خوف البلا أهو عايش بين بنات ولا ولد عنده في العائله يعني متعود على وجود البنات شنو شايفني أنا غير بنت والله بنت
ألهام : طيب انتي تحركي يمكن اهو خايف انك مو متقبلته
ليالي : انا ما اقدر اتقبله بصراحه بس مجبوره اني اتعايش مع حياتي واهو فيه
سلوى : انتي جربتي تقربين منه وتفهمينه
ليالي : وانا شفته عشان افهمه أقول لك امس قال ابوي ترجعين مع جاسم قلت يمكن بيعزمني بمطعم يعني نطلع مع بعض أنصدمت متجهين للبيت قل وش يحس فيه هذا يعني ما في مكان مع اخواني بسياراتهم للبيت وقفنا عند البيت ولما شفت الساعه 10 تقريبا قلت بكون ذوق واعزمه ينزل ونجلس مع بعض من ملكنا ما جلسنا قلت جاسم انا قلت اسمه والله يا بنات تقولين اللي كلمه عزائيل ارتعش قلت وش فيه هذا قال هلا قلت يعني تحب تنزل نجلس مع بعض قال لا لا لازم انام بدري عشان بكره عندي شغل يماااااااااااااه وش هالغبي أنا زوجته الواحد ما يصدق يجلس مع زوجته ولا خطيبته واهو يتهرب
ألهام : لا حالته مستعصيه
سعاد : حياء جاسم مبالغ فيه
ليالي (كتفت ايديها) : صدقتي وهذا اللي افكر فيه
سعاد : طيب مو يمكن عشان عايش مع بنات يعني بيته كله بنات شوفي انتي عشتي بين شباب وكنت عربجيه شوي بس تغير حالك بعد فتره
ليالي : يمكن بس كذا ما اقدر اتحمل يا بنت كلمه ما قالها لي حتى كيف حالك زين سلم على حسسني أني معدومه من الأنوثه
ألهام : اتصلي عليه وكلميه حطي النقاط على الحروف
ليالي : وهذا اللي بيصير لنا فتره مملكين ما جلسنا مره مع بعض ( طلعت جوالها ) بس انا اعرف لو اتصلت عليه ما يرد علي يستحي
سلوى : أجل من تتصلين عليه امه
ليالي : هههههههههههه حلوه امه لا على ناصر (حطت الجوال عن أذنها) ألو هلا نصور
ناصر : هلا والله
ليالي : وين أنت في البنك
ناصر : لا برا
ليالي : وين
ناصر: عندي شغل وطلعت آمري
ليالي (حست انه يتهرب غمضت عيونها عرفت وين اهو) : أبي تعزم جاسم على الغداء بكره
ناصر : وليه مو انتي
ليالي : ما يرد علي
ناصر : أووه ليه
ليالي (توقف وتبتعد عن البنات) : مدري هالانسان غريب لا يكلمني ولا يرد علي وش سالفته مدري
ناصر : حبيبتي لا تهتمين أنا بتكلم معه بهذا الموضوع
ليالي : لا لا بس ابي تعزمه وانا بتصرف
ناصر : بس لا تضربينه
ليالي (عصبت) : حماااااااار وش شايفني
ناصر : هههههههههههههههههه امزح
ليالي : سوى اللي طلبت مع السلامه
ناصر : مع السلامه
ليالي (تحط جوالها في الشنطه وحست احد خلفها ألتفت) : نعم
بشاير : انتي ليه تطالعيني كذا
ليالي (طالعت للبنات ورجعت طالعت لبشاير) : طالعت لك متى
بشاير : أيه لما كنت تتكلمين في الجوال
ليالي : أنا ما انتبهت لوجودك عشان اطالع لك
سلوى : هييه انتي وش تبين
سعاد : ناس هبل
بشاير : ما كلمتكم
ليالي (رفعت حاجبها) : قويه (قربت منها ) بعيد يا شاطره ألعبي
جميله(تقرب وبخشونه) : خير وش فيه
ألهام : كملت
جميله : تبن انتي فاهمه لا امسح الأرض في وجهك
ألهام (توقف وبعصبيه) : تخسين
جميله (قربت ودفتها ) : من يخسى
ليالي (توقف بينهم) : خير وش تحسبين نفسك
جميله (تطالع لها من فوق لتحت) : انتي مقدر أقول لك شيء والسبب هادي موصيني ما اسوي لك شيء
ليالي (ضربتها على كتفها) : لا تكفين سوي لي شيء
سعاد وقفت هي وسلوى وألهام وقربن منها
جميله : حلو حلو كلكم اجتمعتن
سعاد : عشان تعرفين محنا هينات وألحين فارقي
جميله : لا قبل اشوف اللي قالت تخسي تتأسف
ألهام : تخسين ولا راح اتأسف لأشكالك أنا أتأسف ان الزمن خلانا نشوف وحده مثلك
بشاير(وقفت خلف جميله وحطت يدها على كتفها وأهي تبتسم) : يالله
جميله (شافت وجها وغمز لها بشاير) : يالله
سلوى (تشوفهن يبعدن) : مهبل
سعاد : مهن صاحيات والله
ليالي : أقول خلوهم وقت المحاضره يا بنات
سعاد : يالله
جميله (حاطه يدها على خصر بشاير) : بشري
بشاير (تطلع من جيبها واهي تبتسم بخبث) : ربطت شعرها
جميله : أحلى واحلى شيء ما انتبهوا لك يوم تفتحين شنطتها
بشاير : كانوا حولك ولا احد ألتفت
جميله : الظاهر خافوا اتهاوش مع هذيك ألهاموه
بشاير : كنت اتمنى تعطيها كف وقحه
جميله : شكلي بعطيها كف تندم علي بس ما شاء الله ما خفتي يشوفونك
بشاير : لعيون هادي اسوي أي شيء
جميله : هادي ينتظرنا في الكفتريا يالله
بشاير : يالله
---------------------------------
عند ناصر اللي دخل المكتب وانتبه لسالم يأشر له وأهو يكلم بالتلفون يسكت قرب وجلس على الكرسي قدام المكتب
أحط يدي على صدري ..
عشان أتأكد بي [ قلب ]
وأخاف أحكي وأنا مخنوق و أبكي !
~ وأستحي مني ~
عقب ه العمر كله ..
استحي أقول ماني [ صلب ]
عقب ما كنت لا ضاقت علي !
~ أصد وأغني ~
ما طاح في قلب الغلا غير ~ الأوجاع ~
ما شالت كفوف الندم غير | ضيقه |
سالم ( السماعه عند أذنه) : أيه ....... كفو والله ....... خلاص مثل ما اتفقنا .............. لا لا بالضبط أول ترسل للجوال الأول بعده بدقيقه بالضبط دقيقه ابي ترسل للجوال الثاني وبعدها بدقيقه ابي الجوال الثالث ينرسل له (أنتبه لناصر اللي عقد حواجبه) .... عزام ترى هذي السالفه تهمني وأنا قلت لك كل اللي صار ابي كل شيء يتم ..... والله عزيز وغالي ...... اليوم تتم بس لا ترسل لين تتأكد أن الأثنين بالبيت ابي الأثنين وعلمني وش صار أنا جوالي مفتوح بنتظرك ......... مع السلامه
ناصر : خير وش فيه عزام
سالم (يحط السماعه) : فيه كل خير
ناصر : مو اهو مسافر كم يوم للشرقيه مع الشباب
سالم : أيه
ناصر : وش بينكم
سالم : أبدا عزام عرف عن اللي صار لي والسبب ريوف
ناصر : قلت له
سالم : كنت محتاج ينفذ لي شيء وكان لازم اقول له
ناصر : وش اللي نفذه
سالم (أبتسم بخبث واهو يطالع ساعته) : ريوف على الساعه 4 بالضبط
ناصر : ريوف
سالم : بتنتهي
ناصر : وش تبي تسوي
سالم (وقف وجلس على الكرسي قدام ناصر) : الانتقام مر بس يبرد حرتي وقهري وناري منها
ناصر : بس ريوف
سالم (يقاطعه) : وحده حقيره ضيعت حلم حياتي
ناصر : يعني بتضيع حياتها
سالم : هي ضايعه اصلا
ناصر (مسك يده) : لا تكفه سالم ابوك قال لا تتعرضون لها
سالم (صفق بعصبيه على الطاوله ) : الله لا يخليني إذا خليتها تتهنى والناااااااااار في قلبي على اللي سوته
ناصر : سالـ..
سالم (يقاطعه واهو يوقف) : ناصر عندي شغل اسف
ناصر : سالم انت صاحي
سالم (يجلس خلف الطاوله ويمسك ورقه وقلم) : مع السلامه
ناصر (هز راسه وأهو خايف من حالة سالم) : مع السلامه
سالم بعد ما طلع ناصر رمى القلم بعصبيه بالجدار وسند راسه على الكرسي
سالم (يصر على ضروسه) : الوعد اليوم يا ريوف والله لاحرق قلبك وحياتك اليوووووووووووووووم يا ريوف أنتقامي سم سم وبيجري في جسمك
بلغ اللي ياخذك مني ترآني
في صلآتِي ~ كُل فرض { ادعي عليه }
كيف ؟ ياخُذ من / خذا مني ,, كياني !
وآحدن ( عمري و روحي ) بين يديه !؟
كآنك ' تحبه ' .. ولآودك يعـاني !
قل له يخليك / لألعن والديه !
---------------------------
أنتهى البارت
وان شاء الله اني ماقصرت معكم ..
|