الـــــــــــبـــ (38 ) ـــــــــــارت
----------------------------------
وصلت للمخزن وتتلفت حولها
وضحه: فين شوق
رغد (تتلفت ) : كانت هنا لحظه بروح أشوفها وارجع
وضحه (ترفع حاجبها) : وش تشوفها وترجع مو تقول انها هنا
فهد (من واقف ورآها) : ما اكفي أنا ( مسكها بيدها قبل تهرب ولفها له وبخبث يبتسم) حيالله وضحـ..
أنصدم لما شافها ما قدر يتحرك ولا قدر يتركها واهو يشوف هذا الجمال غير عن كل البنات اللي شافهن جمال يلفت جمال طاغي بديع سبحان الله بخلقه ووضحه تملكتها نظرت الرعب في عيونها لما شافته قدامها واقف
فهد ( بلع ريقه واهو يتأملها) : أنتي الوضحه
ألتفت حوله خاف أحد يشوفه وان أخته رغد غلطت وجابت وحده غير الوضحه وأهو يطيح في مصيبة سحبها ودخلها المخزن وسكر الباب
فهد (قرب منها واهو يتأملها) : أنتي الوضحه
وضحه ( تبتعد عنه هزت رأسها بدون كلام لا ) : .................
فهد ( مسكها بأيديها الثنتين ) : أحلم ولا حقيقة اللي أشوفه جاوبي أنتي وضحه ولا لا أخاف تطلعين وحده ثانيه
وضحه (ساكتة وتحاول تفك نفسها منه) : .......................
فهد(مسكها من زنودها وبعصبيه) : أنتي وضحه ولا لا
وضحه(بهمس وبخوف منه) : لا
فهد ( فكها وابتعد عنها وأهو يصد) : ...............
وضحه رغم انها ترتعش وابتسمت واهي تشوفه يصد اتجهت للباب وتتمنى بس تطلع
فهد : وضحه
وضحه(جمدت حست فيه خلفها) : آآ
فهد(كان قريب منها وهمس في إذنها بخبث ) : أعرفك لو بين مليون بنت تعتقدين إني غبي
وضحه : .................
فهد (ألتفت وصار ظهره على الباب متسند وأهو يبتسم بخبث) : هلا هلا بالبدوية
وضحه : طلعني
فهد : لا
وضحه (تبتعد عنه للخلف) : والله اصرخ
فهد : اصرخي الكل داخل وصوت الدي جي عالي والمخزن بعيد
وضحه : اصرخ
فهد : ليه تصرخين أنا اصرخ (حط ايدي عند فمه كأنه ينادي) هييييييييييييييييييييييييييه آآآآآآآآآآآآآآآآحد فيييييييييييييييييييه سااااااااااااااااعدوووني
وضحه(حطت أيديها على أذونها من صراخه) : بس بس
فهد (قرب ومسك أيديها ونزلها وضل ماسك ايديها وبخبث ابتسم) : عجيبة
وضحه (بعصبيه رغم خوفها) : أتررررررررررررررركني
فهد : غبي أتركك
وضحه (بخوف من نظراته) : وش تبي
فهد : وش أبي ههههههههههههههههه
وضحه : أنت مجنوووووون اتركني
{ آللي يصد وهـآقي أني آلآقيهـ
أقطع لسـآني لو لسـآني يحڪي بهـ
وآللي يصد وشـآف جرحي مسليهـ
عندي حضورهـ يشبهـ غيــآبهـ !!
فهد يرفع أيديه وكأنه يستسلم ويبتعد عنها واهي تبتعد
فهد : ههههههههههههههههههههه
وضحه (تتلفت حولها بعصبيه) : بذبحك بس بس
فهد : تذبحيني أممممم وضحه حقيقه بقول لك شيء
وضحه (بعصبيه): وش تبي
فهد : بصراحة أنتي ولا شيء يعني كثير كثير قالوا الوضحه والوضحه بس لما شفتك هههههههههههههههههه لقيتك عاديه بدويه (طالعها من فوق لتحت) حبت تقلد بنات المدينة حتى بلبسك
وضحه(طالعت لنفسها) : ................
فهد : عاديه واقل من عاديه لو تمسحين هالأصباغ والهبال اللي بوجهك وتشيلين العدسات ولا احد يلفتت لك
وضحه (كتفت أيديها ورفعت حاجبها) : تظن
فهد : متأكد وأنتي أصلا مو مستواي ولا تناسبيني
وضحه : لأن مستواك دارين وأشكالها هن يناسبنك
فهد (صر على ضروسه) : امسكي لسانك لا اقطعه
وضحه : هههههههههههههههههه لا بصراحة شيء انت عشان جبنا سيرة الحقيرة دارين
فهد(قرب منها و مسكها بشعرها وشدها للخلف واهو يصر على ضروسه) : انتبهي للسانك لا أقصه ودراين لا تجيبين اسمها على لسانك
وضحه (مسكت يده اللي بشعرها رغم خوفها بس مقهورة وبعصبيه) : أتررررررررررركني
فهد : أنتي ما تربيتي
وضحه(تطالع له بتحدي واهي تخزه) : مرتبيه غصب عنك
فهد(أبتسم بخبث) : ما تروضتي
وضحه : وش شايفني حيوانه ما تروضت
فهد : هههههههههههههههههه
وضحه من شدة العصبية قدرت تدفه وصدم ظهره في الباب وضحه ضمت نفسها في أيديها واهي تبتعد عنه وتطالع له
{ مسكين من معطي لــ نفسه أهميه
ياصغره بعيني .. ويـآكبره بضنه
هو يحسب إن العرب .. ماحصلوا زيه
وهو و" الله " .. لو يموت مادروا عنه ..!!
وضحه (ترفع أصبعها في وجهه بتهديد) : أبتعد يا فهد وخلني اطلع لا وربي اليوم تندم
فهد (تسند على الباب بظهره وكتف أيديه) : من بيندمني أنتي شوفي نفسك خايفه ترتعشين
وضحه (أشرت لنفسها بغرور) : انا بنت محمد أعلمك قدر نفسك وأعلمك مهي بنت محمد اللي تنهنا من واحد مثلك وأنا مو خايفه
فهد (يصفق باستهزاء) : لا لا كفو من أي مسلسل بدوي سامعته ههههههههههههههههه
وضحه : أضحك أضحك بس شوف من يضحك بالأخير
فهد : ما بيدك شيء
وضحه : لا بيدي تصوير لك وللحقيره دارين وأنتو عايشين جو العشاق (بأستهزاء) يا روميو
فهد (بصدمه) : شنو
وضحه : اللي سمعت
فهد : ليه
وضحه : ضمان لطلاقي منك
فهد (أبتسم ورفع حاجبه): طلاقك
وضحه : أيه بمجرد ما أبوي يشوفه ما راح يخليني على ذمتك
فهد : هههههههههههههههههههههههههههههههههههههه
وضحه (رفعت حاجبها) : ما قلت شيء يضحك
فهد : لا لا بصراحة أنتي نكته هههههههههههههههههههههههههههههههه
وضحه (بدت تعصب) : بس ضحك أنت سخيف
فهد : أنتي موقف تحسدين عليه
وضحه : ما فهمت
فهد ( يلتفت حوله) : أنتي منتبه أحنا فين
وضحه : بالمخزن وإذا
فهد (بخبث) : لوحدنا
وضحه (باستهزاء) : وإذا لوحـ.. (سكتت وأهي تنتبه لنظراته) لا أكيد ما تفكر كذا أنت بس بتخوفني
فهد : ههههههههههه مو تقولين ما تخافين مني
وضحه : إيه مو خايفه واقدر أدافع عن نفسي
فهد : يا بابا انا زوجك
وضحه : ملكه بس
فهد : ترى الأعراس شكليه
وضحه : أصلا ما فيه عرس لان أبوي لو شاف التصوير بيطلقني وجدي طبعا ما يرضى لوضحه بنت محمد تأخذ واحد خاين ما يعرف العيب
فهد : صح ما اعرف العيب واللي أبيه بيصير
وضحه : وتعتقد مهتمة للي تبي والحين الكلام انتهى طلعني
فهد : مو قبل ما أقول كلمتي الأخيرة وعندك خيارين يالوضحه
وضحه (كتفت أيديها تدعي القوه وهي خايفه منه) : خير
فهد : شوفي تبين تطلعين من هذا الباب (وأشر على الباب خلفه) سليمه أبي التصوير وإلا
وضحه (شافته سكت) : وإلا شنو
فهد : بتكونين الخسرانه
وضحه : خسرانه
فهد : إيه الكوره بملعبك يا تطلعين من هنا بخير يا تطلعين والندم بيكون في حياتك ما عاش من تحدى فهد
وضحه : المعنى
فهد (غمز لها بخبث) : زوجتي قدامي وهي حلال صح ولا
وضحه(شهقت) : حيواااااااااااااااان
فهد : حيوان حيوان بعطيك دقيقتين (طالع لساعته) يا التصوير تعطيني يا أنا آخذ اللي ابي وتحملي عنادك ترى أنا ما بخسر شيء الخسرانه الوحيده انتي
وضحه : ابوي يذبحك لو قربت لي وخليفه
فهد (يقاطعها ) : ابوك اخوك القبيله كلها ما همني اصلا لو سويت اللي ابي محد يقدر يقول شيء انتي زوجتي وبدل لا تتطلقين نتزوج حتى بدون عرس لا تنسين ان أبوك من النوع المحافظ خالي واعرفه بالقرية عندكم ما في شيء اسمه عرس ملكه وبس يزفونها لبيت رجلها وبدل لا انتظر شهور وشهور وتكونين عندي (بخبث ابتسم) الليله تكونين عندي
وضحه(تطالع له بخوف) : ...............
فهد (يكمل ) : وبدل لا انتي تقولين لهم انا بنفسي اطلع من هنا وأقول لهم
وضحه(ابتعدت عنه وتهز رأسها) : أنت مجنون
فهد (يقرب) : وما على المجنون حرج خصوصا لو شاف عسل قدامه ترى النحل يجذبه العسل
وضحه : لا يا فهد
فهد (طالع لساعته): باقي 5 ثواني
وضحه (تشوفه يقرب لين حست الجدار خلفها) : لا يا فهد
فهد : التصوير
وضحه (بدت ترتعش ودموعها تنزل ) : فـهـ ..
فهد (حط إصبعه على فمه ومد يده الثانية لها مفتوحه) : أشششش التصوير وإلا تندمي
وضحه : موافقة بس توعدني تطلعني ما تسوي لي شيء
فهد : أوعدك عطيني التصوير
وضحه(تمد له الجوال) : خذ امسحه بس بطلع ما أبي شيء بطلع
فهد (يأخذ الجوال ويبحث فيه) : أوووه فنانه تصوير
وضحه : ..................
فهد (مسح التصوير وتأكد ما فيه غيره) : لأن وعدتك بخليك تطلعين خذ جوالك
وضحه مدت يدها للجوال واتجهت بسرعه للباب وهي تمسح دموعها ودعي عليه وقفها صوته
فهد : لا تأمن للذيب هذي آخر فرصه لك ولو يا وضحه تحديتي فهد محد بيندم إلا أنتي
وضحه (ألتفت لها وبعيونها نظرت عتاب ودموع) : الله لا يسامحك
{ انــا ماني قليلة شر وتراني افهم التلميح
ولا ارضى اعيش منذلة ولا حتى يلوموني
ابحيا رافعه راسي بوقت من يقوم يطيح
وبألوي ذراع قوم على الغلطه يحدوني ..!!
وضحه ركضت للبيت وهي تبكي تبكي الرعب اللي عاشت فيه الدقايق اللي فاتت كأنها دهر بالنسبة لها مواجهه خلت جسدها يرتعش ما قدرت تمشي أكثر جلست عند باب المطبخ وتسندت على الجدار تبكي حست بيد على كتفها رفعت النظر شافت ليالي ما صدقت رمت نفسها في حضن ليالي
ليالي (خافت وضمتها) : وش فيك
وضحه (تبكي وأهي متمسكة في ليالي بقوه وترتعش) :..............................
ليالي (زاد خوفها وتشوفها ترتعش بقوه وحست قلبها طبول) : وضحه وش صاير لك
وضحه (تشاهق) : فهد
ليالي : وش فيه صاير فيه شيء
وضحه : حقير حقير أرسل رغد تجيبني له
ليالي(بصدمه) : وش سوى
وضحه (طالعت لها ) : كان كان (سكتت ونزلت رأسها تبكي) لييييييييه كل مره يأكد لي انه حقير
ليالي : لمسك تكلمي
وضحه (ارتعشت وهزت رأسها) : لا لا
ليالي : متأكدة
وضحه : أيه
ليالي (مسكت يدها) : قومي نطلع غرفة سمر قبل احد يشوفنا
وضحه : مو قادره رجولي ترتعش
ليالي (سندتها ) : لازم نطلع قومي ألحين بيوصلون الشباب
وضحه توقف بمساعدة ليالي وطلعن من السلم الخلفي اللي يوصل للدور الثاني والمخصص للشباب في حال كان البيت في حريم يقدرون يوصلون للطابق الثاني منه اتجهت لغرفة سمر ودخلت هي ووضحه وانصدمن البنات من شكل وضحه اللي جلست على الكرسي وقامت تبكي وتبكي جلست سمر جنبها وهي مرعوبه
سمر : وش فيك
وضحه (ما ترد) : .................
ليالي (تجلس جنبها) : وضحه اهدي
فرح : وش صاير يا ليالي
ليالي : مدري كانت عند الباب الخارجي للمطبخ وجالسه تبكي
مي (تجلس قدام وضحه) : وضحه قولي لنا شنو فيه
ليالي : كل اللي اعرفه فهد السبب
البنات (شهقن) : فـــــــــــــهـــــــــد
عذاري : وضحه وقفي بكي قولي لنا سوى لك شيء
مي (توقف بعصبيه) : والله ليندم وجدي بيعرف له
وضحه (وقفت ) : لا لا ما أبي احد يعرف
فرح : تكلمي صرنا في حيره
وضحه : ............
عذاري (توقف قدامها) : وش صار خلاك تنهارين كذا أنتي قويه
وضحه : فهد حطم قوتي خلاني اعرف أن مهما ادعيت القوه أبقى في النهاية أمراه يعني مالي رأي قويه من الخارج هشه من الداخل
سمر : لا تتكلمين في الغاز
وضحه : .................
مي (تمسك يدها) : اجلسي وقولي لنا كيف شفتيه وشلون
وضحه (تجلس بين سمر وليالي وتأخذ نفس وتمسح دموعها) : اللي صار كنت ارقص وشفت رغد وجاتني قالت لي إن شوق طاحت وتبكي وتبي أروح لها أشوفها وهي خايفه
فرح (بعصبيه) : بذبحهااااااااااااا
ليالي : بس فرح سكتي (ألتفتت لوضحه) كلمي
وضحه : طلعت معها وأنا اهديها وصلنا للمخزن وما شفت شوق سألتها وين شوق قالت كانت هنا بس كذب كان فهد ينتظرني
نترك وضحه تحكي للبنات وش صار معها والبنات بين صدمه وإشفاق للي مرت فيه وبين حقد وغضب من فهد وبين تهدئة للوضحه اللي ترتعش كل مره وأهي تحكي
|