منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

08-09-2011

في بيت بندر

الجوهره تلبس عباتها وتعدلها وأهي تنزل السلم حست بيد تجذبها ألتفت وكانت بتطيح بس مسكها

بندر(يصر على ضروسه) : وين
الجوهره(تخرعت) : صحيت
بندر : وين
الجوهره (بخوف) : أمي أتصلت تبيني ضروري
بندر (سحبها ودخلها الجناح وسكره) : بدون علمي
الجوهره : كنت كنت بقول لخالتي
بندر (بعصبيه) : ومن متزوجه أنا ولا امي
الجوهره : قلت انك تعبان بخليك ترتاح
بندر(مسكها بزندها وقربها له) : توك تحسين أني تعبان
الجوهره : انا والله حاسه
بندر (بترجي) : ريحيني وش فيك
الجوهره(نزلت عيونها) : .....................
بندر : جوجو وش فيك قولي لي
الجوهره(على نفس الحال) : ...........................
بندر (هزها بعنف وبعصبيه) : قووووووووووووولي
الجوهره : آآه بندر
بندر (صر على ضروسه) : تألمت وأنا والألم اللي احس فيه
الجوهره : مو فاهمه
بندر : لا فاهمه وانا فاهمك ليه تروحين لبيت أمك لا تحسبين اني مو عارف شيء
الجوهره (بصدمه) : عارف
بندر (دفها عنه) : انصدمتي اني عارف وان اللي كان على عيوني من غشاوه زالت
الجوهره : أي غشاوه انت مو فاهم شيء
بندر : لا فاهم كل شيء وحركاتك هذي فاهمها
الجوهره (حطت يدها على راسها) : بندر وش اللي تتكلم عنه
بندر (بعصبيه) : علياااااااااااااااان
الجوهره (رفعت راسها بصدمه) : عليان
بندر (قرب لها بعصبيه) : ايه عليان حبيب القلب اللي مستغفلين انتي واهو
الجوهره (مسكت يده بترجي) : لا بندر انت فاهم غلط
بندر(سحب يده كأنه متقزز من لمستها) : لا فاهم صح وصح ( جلس على الكرسي) جوجو قلت لك من قبل إلا الخيانه ما اسامح فيها
الجوهره (ترمي عباتها وتجلس جنبه) : بندر انا ما خنتك والله كل الامر أن في ظروف في بيت امي وبس
بندر (ألتفت لها) : طيب قولي وش ريحيني
الجوهره (نزلت عيونها لأيديها اللي ضامتها) : ما اقدر هذا شيء شخصي
بندر : أها يعني انا صرت غريب أعتبر غريب صح
الجوهره : لا لا بس والله
بندر (يقاطعها واهو يوقف) : لا بس ولا شيء لو اني حسبت القريب وماني غريب كان قلتي لي بس هذا عذر من أعذار الألف اللي كل مره تقولينها لي عشان تروحين بيت أمك مدري بيت أمك تلقين فيه الراحه وهنا لا ليه وش فيه بيت امك
الجوهره : لوين تبي توصل بكلامك تعتقد بان روحتي لبيت امي عشان عليان
بندر (كتفت أيديه وألتفت لها) : مو هذي الحقيقه
الجوهره (هزت راسها بصدمه) : مو مصدقه بعد ما عرفت انك بقلبي للحين على شكك وأفكارك المريضه
بندر (قرب ومسكها بأيديها ووقفها قدامه وأهو يصر على ضروسه) : أفكاري المريضه ولا أنتي المريضه اللي توهميني بالحب والشوق وعقلك مع عليان ودي أفهم كيف يضبط وقت وجودك عند امك بوجود عليان كيف متفقين يعني
الجوهره : تراقبني
بندر : أيييييييييييه اراقبك
الجوهره : ليييييييييييييييييييييييييييه
بندر : عشان اعرف حقيقة زوجتي
الجوهره(فكت ايديها) : انت انسان مريض فعلا مريض بالشك والوسواس بيصير لنا شهرين تقريبا متزوجين عمري ما فكرت اشوف انسان غيرك ولا فكرت اخونك بس أنت أنت مثل منت شكاك وسواس إذا عشنا يوم حلو نعيش 10 بنكد وهم ليه أنا وش سويت لك تعذبني كذا بتجنني كلمة الحب نطقتها لك أحبك وللحين مو مصدق وش تبي اسوي عشان اثبت لك أن كل اللي تفكر فيه وهم وهم عليان مالي أي صله فيه عليان انا ما شفته من يوم اللي صار وواجهته انت عليان مالي دخل فيه مالي دخل فيه
بندر : ههههههههههههه لا صدقت مثل ما كنت غبي وصدقت أن اللي صار لك مع عليان حقيقه وأهي كانت لعبه عشان اصدقك وأثق فيك وبكذا ما ارفض تروحين بيت امك وتقر عيونك بشوفة الحبيب
الجوهره (بعصبيه) : مجنووووووووووووووووووووووووووووون
بندر (بعصبيه) : لا ترفعين صوتك
الجوهره (تآخذ عباتها وشنطتها) : انا بروح أحسن من اني انجن منك
بندر(مسك يدها وبعصبيه) : طلعه من البيت مالك إلا بأمري فاهمه
الجوهره(تسحب يدها) : وش فيك قلت لك امي أتصلت تبيني
بندر (بأستهزاء) : امك يا روح أمك إذا أمك تبيك تجي لك بيت أمك تنسين تروحين لهم اكسر رجلك لو رحتي
الجوهره : بندر
بندر : انتهى الكلام داخل آخذ دش قبل أرتكب جريمه وألحقها بولد عمك وادخل بسببكم السجن
الجوهره : بندر أسمعني
بندر (بعصبيه) : بـــــــــــــــــــــــــــــــس

الجوهره هزت راسها واهي تشوفه يدخل الغرفه

أنا قلبي بدى يتعب
وأعاند نفسي وأتمنع
أنا ما فيني أترجي
لحد ولآ لك أخضع

تبني يا هلا حياك
لك عيوني لك أيامي يا أيامي
أنا لك من هنا لهناك
إذا ودك تبي ترجع

---

عزيز وقلبي ماينذل
تبي ترحل بعيد أرحل
مادامي حبك الأول
مرد عيونك بتدمع

تبني يا هلا حياك
لك عيوني لك أيامي يا أيامي
أنا لك من هنا لهناك
إذا ودك تبي ترجع

---

شريتك وأنت بايعني
وكنك ماأنت سامعني
مدام إنك سمعت الغير
كثير إللي له بتسمع

تبني يا هلا حياك
لك عيوني لك أيامي يا أيامي
أنا لك من هنا لهناك
إذا ودك تبي ترجع

أخذت شنطتها وطلعت الجوال اتصلت بهديل اختها واهي تحاول تمسك دموعها

الجوهره : ألو هلا هديل
هديل : هلا جوجو وينك تأخرتي
الجوهره : معليه ما اقدر أروح معكم
هديل : كيف ومزون
الجوهره : انتي تكفين وأمي معك
هديل : وش صاير فيك شيء صوتك فيه شيء
الجوهره : متضايقه شوي
هديل : بندر
الجوهره : أيه بندر
هديل : وش صاير بعد
الجوهره : تعبانه ما اقدر اتكلم ألحين بس ترجعين اتصلي علي وقولي لي وش صار
هديل : حاضر
الجوهره : لا تقولين لامي شيء أخاف تتضايق وتظن أنها السبب لانها طلبت مني اوعدها ما اقول لبندر شيء و أسرارنا ما تطلع لاحد
هديل : امي من خوفها عليك وعلى حياتك اللي صار بمزون شيء مو سهل وكذا زوجك لو عرف ممكن يهدم حياتكم
الجوهره (بأستهزاء) : اهو من غير ما يعرف هادم حياتي كيف لو يعرف
هديل : مدري
الجوهره : وانا مدري بعد بس يالله روحوا لا تتأخرون وسلموا عليها
هديل : يوصل
الجوهره : مع السلامه
هديل : مع السلامه

حطت الجوهره الجوال وسندت راسها على الكرسي واهي تتذكر قبل اسبوعين اكتشاف شيء سبب الصدمه وانهيار امهم ودخلوها لمستشفى لليله كامله بسبب ارتفاع ضغطها
غمضت عيونها واهي تتذكر لما دخلت البيت بعد ما وصلها بندر

الجوهره (تسلم على امها) : كيفك يمه
الام : بخير كيفك وكيف زوجك واهله
الجوهره (تنزل عباتها وتعطيها الخدامه هي وشنطتها) : بخير كلهم يسلمون عليكم
الام : راما جيبي القهوه والشاي والحلى
راما : حازر ماما
الجوهره : وين البنات
الأم : هديل نايمه يوم وصلت من الكليه نامت واهي ما تعرف انك بتكونين فيه ومزون (سكتت ونزلت راسها) آآه
الجوهره : بسم الله عليك من الآه وش فيه يمه مزون فيها شيء
الأم : والله يا بنتي مدري وش فيها هالبنت من تزوجتي تغيرت صارت تجلس لوحدها صارت ما تآكل وعصبيه ساعات وساعات تشوفينها تضحك وفرحانه
الجوهره : من تزوجت
الأم : بعد رجوعك من مكه
الجوهره : وليه ساكته لي ما قلتي لي
الام : وليه اقول لك واحملك هم ومشاكل
الجوهره : انا اختها
الأم : صرتي متزوجه ولك حياتك لمتى بتحملين همومنا انا حاسه فيك ومشاكل مع بندر تكفيك
الجوهره : يمه بندر حاله خاصه بس مزون بنت صغيره لازم ما نتركها كذا هذي فترة مراهقه طيب سألتها وش فيها
الأم : سألت قالت ولا شيء بس من الملل والطفش
الجوهره : مو هذي رغبتها أنها ما تكمل هذي السنه والله انا تعجبت نسبتها حلوه وتدخلها أي مؤهل دراسي جامعه كليه بس ليه تراجعت
الأم : مدري
الجوهره (توقف) : طيب انا بروح أصحي هديل وبشوف مزون وش فيها
الام : روحي يمكن تقدرين تعرفين وش فيها
الجوهره : يمه لا تحاتين بشوفها

اتجهت لغرفة هديل وطفت التكييف وفتحت الستاره

هديل (تغطت في اللحاف ) : يووووووووه مزوووووووون برا
الجوهره : وش برا
هديل (رفعت الغطاء عن عيونها اللي مسكره من الشمس) : هذا انتي
الجوهره (كتفت ايديها) : وش هذا انتي اطر ( اشحذ) منك ما تبين تسلمين علي
هديل : والله شوفي إذا تحبين اسلم وانا ما غسلت وجهي تبشرين اها بقوم
الجوهره : ووووووووع لا لا قومي غسلي وتعالي الصاله وبعدها سلمي مع وجهك
هديل : أنتظري بغسل وجهي واجيك
الجوهره : لا بروح لمزون وانتظرك في الصاله
هديل : طيب

الجوهره ضربت الباب ودخلت شافت مزون جالسه واهي سانده راسها للخلف وتضغط عليه بقوه

الجوهره : مزون
مزون (ألتفت لها وركض وحضنتها) : جوووووجوووو
الجوهره (تحضنها) : يا قلب جوجو شخبارك
مزون : بخير متى وصلتي
الجوهره : توني وصلت (انتبهت لها تمسك راسها) وش فيك
مزون : صداع
الجوهره : من متى
مزون : هاه لا عشان صحيت متأخرة
الجوهره : طيب تعالي نجلس مع امي برا ونتقهوى
مزون : طيب يالله

الجلسه كانت حلوه من زمان ما شفتهم تعليقات هديل كانت احلى بس مزون كانت عكس مزون اللي اعرفها مرحه فرفوشه مقالب حيويه كانت هاديه لولا مسكها لراسها وعيونها اللي تسكرها من الألم سألناها وش فيك قالت صداع بس هالات سوده تحت عيونها شحوب وجها ضعفها الشديد وشكلها المهمل دخلت الخدامه علينا ومعها كيس صغير

راما : مزون هزا يجيب
مزون (ما عطتها مجال تكمل نطت واخذت الكيس واتجهت لغرفتها) : عارفه عارفه خلاص
الجوهره(تعقد حواجبها) : وش فيها
الأم : مدري
هديل : راما من يعطي كيس
راما : هزا كدامه ماما نزلاء سبيكه
الأم : وش تقول
هديل : تقول يمه هذي خدامه نجلاء سبيكه
الجوهره : وش دخلها بمزون (ألتفت لراما) هذا اول مره يجي هنا سبيكه
راما : لا مدام هزا يجي هنا
الجوهره (توقف وتقرب منها) : تجي لمن
راما : مزون
الجوهره : ليه
راما : انا يسمع هزا مدام نزلاء يجيب أكراض لمزون
الجوهره : من متى
راما : من زمان هزا بس انا بس يشوف كيس
الجوهره : تعرفين وش فيه
راما : انا يسأل سبيكه هي يقول هزا دواء عسان رأس مال مزوي عور
الجوهره : وش
راما : مدام انا ما يعرف والله سبيكه يقول ما يفتح انا
هديل : دواء ورأس مزون وش فيه
الجوهره (ألتفت لأمها وهديل) : ما شفتنها ولا تعرف شيء
هديل (توقف وتقرب منها) : ابدا ولا مره
الأم : ولا أنا
راما : لا مدام هزا سبيكه يجي بس إزا ما فيه أهد يجيب كيس
الجوهره : اجل وش الطاري تجيبه كلنا فيه

تركت الكل واتجهت لغرفة مزون فتحت الباب بسرعه بدون لا تضربه بس تبي تعرف وش السر وحست بصدمة عمرها بتشنج في جسدها الزمن وقف والحركه حولها انعدمت بس نظرها متركز على ذاك الجسد الصغير المائل للطاوله يتشمم المسحوق الناعم الأبيض بنشوه ومتعه

هديل دخلت وشهقت وحطت يدها على فمها واهي تهز راسها لا وعيونها تدمع والجوهره ما قدرت تتحرك جسدها يرتعش من الصدمه ومزون تلك الطفله المدللة لم تشعر بهم لم تلحظ وجودهم أغمضت عينها وغرقت في عالمها تبتسم وتمسح أنفها من بقايا المسحوق صمت وسكون يعم المكان ولكن لم يدم لصرخه راما

راما : مداااااااااااااااااااااااااااااااااااااام
الجوهره وهديل وحتى مزون ألتفت للخلف وانصدمن والدتهن على الأرض وراما الخادمه تسندها
هديل (ركضت لامها) : يماااااااااااه

الجوهره انتبهت لنظرت مزون المرتعبه وضمها لنفسها وألتفت لأمها القابعه على الأرض بلا حركه

الجوهره : هديل خلي السواق يجيب السياره بسرعه
هديل : جوهره
الجوهره (بعصبيه تحاول تتحكم في أعصابها) : بسررررررررررررعه (ألتفت للخادمه) جيبي عباتي بسرعه
راما : حازر

الجوهره وقفت بعد ما حطت رأس امها على الأرض وأتجهت لغرفة مزون اللي عيونها غرقت في الدموع وأهي تشوف جسد أمها مسكت الباب وأخذت المفتاح منه

الجوهره (بعصبيه) : بس أرجع يا مزون لي كلام معك
مزون : الجوهره لا
الجوهره (قفلت الباب ورجعت لامها) : هديل بسرعه
هديل : السياره جاهزه
الجوهره : ساعديني نوصلها للمستشفى
هديل (ألتفت لغرفة مزون اللي تضرب الباب ) : ومزون
الجوهره : لا تحاتين بتبقى مكانها لين نرجع
هديل : قفلتي الباب
الجوهره (تمسك امها) : كان لازم اسوي كذا احميها لين نرجع ونعرف وش السالفه خفت تهرب من الخوف لما اكتشفنا اللي تسوي تعالي

طلعت مع هديل للمستشفى ودخلنا الطوارئ ودخلوا امي لغرفة وقالوا إن الضغط ارتفع ولازم تنام الليله عندهم تركت هديل عندها مرافقه واتصلت على بندر وقلت له أمي تعبت ولازم اكون في البيت لان مزون لوحدها رجعت للبيت على المغرب ودخلت وكنت في قمة الغضب لولا إني سمعت يأذن كنت ناويه اذبحها غمضت عيوني ودخلت أتوضأ وأصلي بعدها اتجهت لغرفة مزون وفتحت الباب بالمفتاح اللي اخذته شفت الغرفه ظلام فتحت النور وشفتها بالزاويه جالسه واهي ضامه رجولها لها وتبكي وتردد

أمي ماتت
امي ماتت

قربت منها عورني قلبي عليها وجلست قدامها بس حست فيني رمت نفسها في حضني حضنتني بقوه بقوه لدرجه تألمت من ايديها حول رقبتي حضنتها ومسحت على ظهرها بهدوء يعكس الأعصار داخلي

الجوهره : مزون اهدي
مزون (تبكي) : ذبحت امي امي ماتت
الجوهره : لا امي بخير تطمني بس الضغط ارتفع
مزون : أنااااااااا السبب
الجوهره : مزون اهدي وكلميني قولي لي اللي صار مو صدق انك
مزون : متعاطيه
الجوهره (أبعدتها عن حضنها) : انتي مخدرات
مزون : والله مو انا والله
الجوهره : كيف مو أنتي وش السبب قولي لي من متى
مزون : .......................

الجوهره بعصبيه مسكت يدها ووقفتها وقربتها من الكرسي وجلستها بعصبيه

الجوهره : شوفي اليوم ما راح يمر بخير لو ما تكلمتي وش السالفه
مزون : انا
الجوهره : انتي شنو يا مزون والله ما اخليك لين أعرف وش اللي يصير وليه تتعاطين وكيف وصل لك
مزون : نجلاء
الجوهره (بصدمه) : وش
مزون : نجلاء هي السبب في تعاطي للمخدرات
الجوهره (جلست بصدمه) : نجلاء (ألتفت لمزون ) ليييييييييييييييييييه
مزون (طالعت لها) : أنتي السبب
الجوهره(بصدمه) : أنا
مزون : أيه أنتي نجلاء سوت كل هذا بسببك خلتني مدمنه بسببك أنتي أنتي
الجوهره : كيف وليه
مزون : تقول لو أختك رجعت لأخوي كان ما سويت كذا بس مثل ما اهي جننته وخلته يهلوس فيها بخليك مثله تهلوسين وأحرق قلبها عليك مثل ما احترق على اخوي
الجوهره : عليان نجلاء مزون قولي لي كل شيء تكلمي كيف وشلون قدرت عليك
مزون : حصل بعد زواج وبالتحديد يوم رجعتك انتي وبندر وعملوا لكم عشاء
الجوهره : أذكر أمي حضرت
مزون : انا وهديل ما حضرنا بسبب إن هديل كان عندها اختبار وجلست معها كنت احس بصداع وأبي حبة صداع فتشت في الثلاجه والدواليب وسألت راما في حبوب صداع قالت لا ورحت لهديل وقلت راسي يوجعني كثير قالت خذي مسكن قلت ما فيه قالت وش اسوي لك خليني بذاكر جلست في الصاله بس ما قدرت اتحمل
(وقفت وأبتعدت شوي عن الجوهره اللي جالسه) قلت بروح بيت عمي وأسأل خدامتهم سبيكه هي حبوبه ورحت وطلبت منها مسكن قالت بتروح تشوف لي وانتظرتها برا ما كنت ابي ادخل البيت وتصير مشاكل لها مسكينه رجعت معها مسكن في منديل حبه وحده قلت لها وش ذا قالت حبوب قلت ليه كذا جبتيها قالت انا خفت عشان مدام نجلاء ما تهاوشها لو عطتني شيء قلت معليه المهم انها تهدي صداع راسي أخذتها وليتني ما اخذتها
(جلست على طرف السرير وضمت ايديها) وفي اليوم الثاني رجع الصداع لي ولكن اقوى ما تحملت رحت للمستشفى وعطوني مسكن بس ما هدأ تعبت تعبت كثير ركضت لسكينه وقلت ابي مثل المسكن امس قلت يمكن ان نجلاء شاريته من صيدليه أبي اعرفه وش يختلف راحت ورجعت هالمره في حبتين ونفس الشيء منديل خذيت وحده وكنت بأخذ الثانيه بس سكينه قالت لا واحد بس مو زين اثنين قلت طيب وهدأ راسي حسيت كأني فراشه اطير وارتحت كثير أحساس ثاني ما عمري حسيته كنت افكر إن الحبه هذي غير لأنها شاريتها من صيدليه يعني ماركه وصناعة غير ههههههههههههههههههههه
الجوهره (تقرب وتجلس جنبها) : وأستمريتي
مزون (ترفع عيونها وكلها دموع) : أيه ما يهدى راسي إلا بالحبه اللي آخذها من سبيكه لين يوم رفضت سبيكه تعطيني ترجيتها كنت ببوس رجولها بس أبي حبه قالت لي والله أنا ما يلقى حبه حسيت بموت قلت وريني وين انتي يشوف صار لي 10 أيام ما قدرت اتحمل دخلت معها البيت ولا همني أحد بس أبي احبه أرتاح بس جسمي كله يرتعش وراسي صداع قوي
(مسكت يد الجوهره) دخلت بشويش أنا واهي ورحت للدولاب اللي قالت عنه كان في مجلس البيت فتشت وفتشت ورميت كل شيء فيه ما كان فيه ألتفت بعصبيه لسكينه مسكتها بقوه في أيديها وقلت طلعي الحبوب ابي حبه وأهي مسكينه خافت مني واهي تقول ما في معلوم وأنا ولا همني بس ابي تعطيني بس في صوت اجبرني اوقف عن هزها
الجوهره : من
مزون : نجلاء و أمينه
الجوهره : كملي
مزون : قالت لي وش دخلك هنا جايه تسرقين قلت لا لا بس كان عندي صداع وكنت ابي حبه مسكن بس شفت نظرات استهزاء قررت اطلع قبل تصير مشاكل واتحمل الصداع بس لما كنت بمر من جنبها لفت نظري يدها مفتوحه وشفت نفس الحبه فيها ألتفت لها وقالت لي ما تبين مسكن قلت هذي قالت لي هذا المسكن مو اللي كنت تبينه تعالي خذيه ما كنت بقرب لها بس صداع اللي احس فيه اجبرني اقربها بس هي سكرت يدها اول ما قربت يدي لها وقالت نؤ نؤ قلت تكفين عطيني قالت لا كنت ببكي محتاجه له جلست وحطت رجل على رجل وامينه جلست جنبها قلت لها بترجي تكفين ابي الحبه راسي يوجعني قالت لي واهي تمد يدها بوسيها قولي تكفين عمتي النجلاء حسيت بقهر تبي تهيني وتنزل كرامتي الأرض رفضت وقلت ما راح يذبحني لو استغنيت عنها طلعت من البيت ألم وقهر
(سندت راسها على كتف الجوهره ودموعها على خدها) ما تحملت هذيك الليله كنت أتألم جسمي يرتعش وصداع قوي من الألم خفت اهلي يسمعوني عضيت على المخده (وساده) طول الليل خفت امي او هديل يحسون فيني طلعت من البيت وشفت نور غرفتها عرفت أنها للحين صاحيه دخلت البيت وأنا أتسحب على اطراف اصابعي ووصلت لغرفتها ضربت الباب وفتحت لي كان شكلها مو منصدمه من وجودي كانت واثقه بملامحها اني برجع
الجوهره (بألم) : حسبي الله عليها وبعدين وش صار
مزون : طلبتها الحبه وقلت أبوس أيديك عطيني قالت لا تبوسيني رجلي ذلتني وذليت نفسي رضيت من الألم نزلت وبست رجلها
الجوهره( بصدمه) : لا لا مستحيل
مزون (خبت وجها في أيديها) : ..............
الجوهره (وقفت وأهي ترتعش من الغضب وتبكي وبعصبيه) : بــــــــس بــــــــس بكي كملي وش صار بعدها
مزون : بست رجلها وعطتني الحبه و بعدها لو ابي حبه اروح لها وبعد فتره قالت الحبوب خلصن أنهبلت وانا كيف اسوي قالت في شيء مثله بس شم بورده رضيت رضيت وعلمتني كيف آخذه ومن يومها وأنا اتعاطي سألتها ليه سويتي كذا قالت لي من يوم الجوهره تزوجت وكسرت قلب اخوي اللي يموت فيها وانا اتمنى اكسرها احطمها ولما جيتي برجليك لي وطلبتي حبت رأس قلت جتني الفرصه على طبق من ذهب وكنت اقول لسكينه كل ما تبين تجي لي وهددتها لو فتحت فمها اسفرها ويا ويلها وبعد ما تأكدت انك صرتي خادمه للمخدرات أخذت الحبوب وما خليت سكينه توصل لهم وتنتظر ليه انا اجي عشان تحطمني وتدمر كرامتي وبكذا وصلت للي تبي يوم تشوفيني قدامك بهذا الشكل الذليل
الجوهره : اهي تتعاطى
مزون : مدري
الجوهره : يعني انتي تتعاطين من شهر
مزون : ايه
الجوهره (قربت ومسكتها بأيديها بعصبيه وقفتها) : ليييييييييييييييييييييييه ليه سكتي ليه ما تكلمتي صرتي مدمنه ليه
مزون : خفت خفت الألم كل مره أبي أقاوم رغبتي في المخدر أشوف نفسي اجري له
الجوهره (رمتها على السرير بعصبيه) : خفتي من الألم وربك لا ما تعرفين إن المخدر مثل المسكر والخمر وأن الله ورسوله نهو عن كل ما يذهب العقل عن أم سلمة رضي الله عنها أن النبي صلى الله عليه وسلم نهى عن كل مسكر ومفتر.. وما عمرك قريتي قول الرسول الكريم " كل مسكر خمر وكل خمر حرام" (قربت بعصبيه من وجها) أنتي منتي جاهلة وعارفه وش المخدر يسوي يا متعلمه كيف مشيتي في هذا الطريق ما فكرتي في أمي لو عرفت وش بيصير وهذا انتي شفتي وش صار فيها طاحت علينا وكانت بتموت ما فكرتي فيني وش بيكون نظرت زوجي والناس لي واختي مدمنه ما فكرت في هديل إن لا يمكن يخطبها أو يفكر أحد يتزوجها لان اختها مدمنه لييييييييييييييييييييه تذبحينا بجهلك وبرغبتك
مزون : والله اسفه بس حاولت حاولت حتى لما طلبت مني مقابل للمخدرات
الجوهره (عقدت حواجبها) : وش طلبت منك
مزون : أقابل شباب
الجوهره (شهقت بصدمه) : شنوووووووووووو
مزون (خافت ووقفت) : لا لا ما قابلت احد والله ما طلعت معهم بس كلمت بالجوال والله بس

الجوهره ما تحملت وقربت منها وبدأت تضربها واهي تصرخ ليه يا مزون مخدرات وشباب ومزون تترجى تذبحها بس ترتاح وتصرخ أنها حقيره بس مو الذنب ذنبها الجوهره ابتعدت عنها واهي تشوفها على الأرض ضامه نفسها وتبكي والجوهره بدأت تبكي وتحمل نفسها المسؤولية ما قدرت تتحمل صرخاتها وشهقاتها قربت وضمتها لصدرها واهي تبكي معها تسمع اختها تشاهق بحضنها وتقول لها

تعبانه ساعديني يالجوهره

الجوهره صحت على واقعها يوم حست بيد على خدها تمسح دمعتها رفعت النظر شافت بندر وبعيونه رجاء

بندر : ريحيني
الجوهره (غمضت عيونها ودموعها تنزل وفي نفسها) : خلني أرتاح أنا بالاول

سمعت صفق الباب بقوه وعرفت انه طلع معصب ضمت رجولها لها وبدأت تبكي وتبكي وتبكي

حاول عشاني ما تغيب وتتركني في الدنيا غريب
ما بيك تتركني وتروح وتهد في قلبي الطموح
أصلاً أنا مالي أحد في الدنيا ذي غيرك حبيب

أنت الوحيد إللي عليك قلبي من اللهفه يذوب
من دونك قلوب البشر ماحسها فعلاً قلوب
يا أجمل أحلامي حرام تضيع ويضيع الغرام

إفرض سئل قلبي عليك وإشتقت في لحظة أجيك
علمني وشلون أوصلك في أي عالم التقيك
لا تصير شمس وأن طولت آخر مداها للمغيب
----------