هلا بك
هلا باللي سرق نومي وخلا ني سهير الليل
هلا بك كثر ماخيم علينا الليل بسكونه
هلا بك وان بغيت الصدق مشتاق اللقا بك حيل
عليك من الوله قلبي حزين ويعزف اشجونه
احبك كبر هالعالم ومن فرقاك ذقت الويل
ياليتك ترجع لخلك تشوف الشوق بعيونه
احسك في سما عمري تنور مثل نجم اسهيل
بدونك ينطفي ضوي واعيش الليل بجنونه
سقا الله يوم انا وياك نبكي والدموع تسيل
سقا الله قلبك الوافي وكيف اعيش من دونه
حبيبي والله ان قلبي يشيل الشوق يمك شيل
دخيلك ارجع وخيب هقاوي الليل وضنونه
|