08-07-2011
|
|
|
|
ديوان الشاعر : مستور بن عوض
شموع المدينه
يوم طابت ليلتي يا بنت مع طيب السوالف
وانتشر سحر الغرام وذابت اشموع المدينه
وابتدا هاجوس شعري ينظم الأبيات حالف
ما يجيب إلا جزال الشعر وأبيات(ن) رزينه
قلت اببدا بالعيون وقال قلبي ما يخالف
يا حلاة عيونها من صابته ربي يعينه
وإلا ذاك المبسم اللي صار للعشاق سالف
يسلم المبسم ويسلم كل حرف(ن) تنطقينه
طاب لي ذاك الجديل اللي على المتنين والف
ما خذا عقلي وقلبي غير خصرك يا حسينه
اطلبيني ما بغيتي وابشري بي لك موالف
والله إن يرخص لعينك كل شيّن تطلبينه
|