سكين اجودي
شيب عيني يوم شفتش رايحـه
وكحلتش من فوق خدش سايحه
وكن دموعش حربة ٍ في مهجتي
من وجعها جر قلبـي صايحـه
والله ان فرقاش سكين اجـودي
العـروق وخافقـي ذبايـحـه
ناجف ٍ روحي وناحر خاطـري
وما سمع صوت الحنايا النايحه
فارتكى جفني بمعكـاز الصبـر
خايف ٍ لا تنهمـر فضايحـه
رحتي وعينش تناظـر ماقفـي
وكن نسم صدري دلال ٍ فايحـه
تحسبين ان روحتش بي ما اثرت
لا ورب البيـت لا يـا نايحـه
بري حالي يومها كيف اصبحت
حالتي وانتـي بوجهش شايحـه
وكيف لحظتهـا تملكنـي العنـا
وكن شرايينـي غـدت منايحـه
صدق انا وقفت حابس عبرتـي
بس روحي تو عينـش طايحـه
|