الله يلوم اللي على البعد لامك
يا للي مجلوى عن عيونـي وساكـن
في جوف قلبي كيف ابنسى غرامك ؟
وآنا أشوفـك فـي جميـع الأماكـن
وأقرا كلام الحب واذكـر كلامـك ..!
ويا كيف الومك وادري ان الغلا .. كن
فـي جوفـك وإنـي محـط اهتمـاك
اهيـم بـك ومجـدل الليـل داكــن
واسهر مـع طيفـك ولـذة غرامـك
نشعل فتيل الشوق والشـوق ماكـن
في من ينـزه عـن غيابـك مقامـك
لعـل خفـاق ٍ همـومـه تـراكـن
عليه .. يسلى عن شقاه .. ابـهيامك
مبعد وآنـا يـا لـذة العمـر راكـن
اني قنوتـك والدعـاء فـي قيامـك
وما دام روحك تعتبرنـي المساكـن
فالله يلوم اللـي علـى البعـد لامـك
ابعـد وآنـا ببعـد عشانـك ولكـن
حاول مع النسمات ترسـل سلامـك
|