منتديات قصايد ليل - عرض مشاركة واحدة

08-07-2011

خالد:بروح للكوفي
سلمان:انا بنتظر البنات
خالد وهو رايح كان يمشي سيدا وعينه ع الارض وصدم في بنت حلوه جميله مره امريكية وكانت واقفه قدام
نهر بالمجمع كانت بطيح بس خالد مسكها من خصرها ووقفها وابتسمت له وضحك لها
تفاجى خالد بالشخص الا واقف عند الحمامات ودموعه متجمعه بعينها
لينا حطت يدها ع فمها لما شافت الامريكيه تحط يدها ع خد خالد عشان تشكره
انهارت لينا من هالحركة وراحت تركض قبل لاتشوف شي اعظم طلعت من المول وخالد لحقها
لينا توقف تكسي وركبت ومشى التكسي وخالد اخذ سيارته ومشى بسرعه وراء التكسي ووقف عند الفندق ونزل بسرعه
ركبو فوق عند شقتهم مسك يدها
لينا تلتفت له بدموع:اترك يدي
خالد:لينا والله العظيم انا الموضوع مو مثل فاهمه انتي
لينا:وش الا مافهمته كل شي واضح ماسكها من خصرها وتمسك خدك وش يعنيييييييييييييي فهمني قووووووول تبي تعرف شي خالد؟ اليوم انا كنت بعترف لك بشي مهم مره كنت بعترف لك بحـبي أغلى شي اعطيك اياه اسلم لك قلبي بس انت ضيعته قبل لاتأخذه اجل لو اعطيتك اياه وش بتسوي الحمدلله انها عدت ع خير
وانكشف امرك قبل لااعترف لك.. بس بقول لك شي من بعد الا شفته أكررررررررررهك اكرهك صدقني لو في اكبر من معنى لكلمة حقير قلتها لك دخلت الشقه ورمت نفسها ع اقرب كنبه وانهارت بكي وخالد مثل ماهو واقف مكانه مو مستوعب الاصار لينا تحبنـي تحبني راحت مني بايدي لازم بكره اصلح الموقف
لينا دخلت غرفتها وقفلت الباب وخالد راح لشقتهم ودخل غرفته وشدخ بالباب وقام يضربه
خالد:غــــــــــــــبي غبي غبي انا غبي مافي اغبــــــــــــــــــــــى مني
سلمان يدق الباب:خلودي
خالد:اتركني سلمان ترى مانا مروق والله العلي العظيم روح عني لاارتكب فيك جريمة
سلمان:خلاص بكره نتفاهم
في السعودية
في ديوانية بيت بو وليد
طلال:حمد ماراح يجي؟
وليد:مدري
طلال:بدق عليهم.. رن رنر رن
صوت ناعم..:الو
طلال:هلا البندري
البندري:اف اف خير
طلال:عدلي اسلوبك معي لاوالله اني اجي بيتكم واكفخش
البندري:تخسي
طلال:والله لو انك قريبه مني تروحي وطي وين حمد
البندري:سافر
طلال:وين راح؟
البندري:ماليزيا
طلال:ليش؟
البندري:وش دخلك تحقيق هو
طلال سكر بوجهها
طلال:تقول سافر
فارس:شدعوه ولا يقول؟!
وليد:براحته وانتم شدخلكم يمكن عنده شغل
فارس:غريبه من حمد
بعد شهر
في امريكا
سلمان:مع السلامة وصوولتي
وصال بحزن:كان ودي تجلس
سلمان:والله موبيدي ماقدر اترك اختي بعد لحالها
وصال:طيب مع السلامة
سلمان:ترجعون لنا بالسلامه
وصال:ان شاء الله وانتم توصلو لنا بالسلامه
خالد يطلع من شقته:سلمي على لينا
وصال:طيب
خالد يحضن وصال:بتوحشيني
وصال:انت اكثر سلم ع امي وابوي ولمار واجد واجد
خالد:يوصل غناتي يلا مع السلامة
لما راحو لينا من وراء باب غرفتها تكتم شهقاتها
دخلت لها وصال لينا ناظرتها وارتمت بحضنها وقامت تبكي بصوت عالي:احبــــــــــــه والله احبــــــه اهى اهى
وصال تضمها:خلاص ليوني حبيبتي
عند باب الشقه
...:سلام
خالد وسلمان:وعليكم السلام
..:لينا موجودة؟
خالد:من أنت؟
....:انا عناد
خالد:ووش تبي بليينآ؟
عناد:ابد بعطيها ملازمها كنت ماخذهم انقل منهم
خالد:مدري دق الباب وهي تطلع لك
في السعودية
في غرفة حمد:انت غـــــــبي
حمد:البنو اطلعي برى
البندري:انت تعالجت وخلصت وتقدر تجيب عيال
حمد:بس قال الدكتور موأكيد ع الله
البندري:خلاص ع الله روح اخطب البنت لاتعلقها او اتصل لهم وقول انك ماتبيها حرام تعلقها
حمد:وانتي ليش مهتمه لهالموضوع هالكثر
البندري :انت تصور لو كان طلال خاطبني اوكي وصار له الا صار لك وقبل كذا متكلمين بموضوع خطوبتنا تعرف وش بيصير فيني بنهااااار تعرف وش معناها الكلمه بموت لاني بتعلق بك فهمت حط نفسك مكانها
حمد:انا بخطب بنت الجيران اوكي وهي بتعرف اني ماابيها
البندري:حقـيييييييييييير
حمد:سسسسسسقيها بس
البندري :لاتخاف بطلع بكرامتي
طلعت من غرفته ووقفت عند الباب تنهدت وراحت
بعد يوميـن بالظبط
لمار تجلس ع الكرسي بصدممة:ليــــــش !
عذا:..
لمار:ليش ليش يعلقني فيه ويروح يخطبها
عذا:لمار غناتي كل شي قسمه ونصيب
لمار:ومتى الملكة؟
عذا:بكره(بتردد) والعرس بعد اسبوعيين
لمار بلا روح:يبي يذبحني هذا !!
عذا متفاجئة ليش دموعها ماطاحت:فيك شي لمار؟
لمار:لا بس ابي اجلس لحالي
عذا تحمل شنطتها:اوكي اشوفك بكره
عذا سكرت الباب ولمار جلست تناظر مكان عذا وانهارت بكي