فــــــاقد الشـــي
للتحميل
كليك يمين(حفظ اسم الهدف)
اخطيت يوم اني طلبتك حنانك
لاصرت فاقد شي..وشلون تعطيه؟
مهما نطق لي بالمشاعر لسانك
شيٍ بدون احساس ما أقتنع فيه
احساسك المصنوع خنته وخانك
جاملتني به وانت تجهل معانيه
مني نصيحه تنفعك في زمانك
الاّ شعورك..لاتبيعه وتشريه
كانك تقدّر قيمة الحب كانك
اللي يودّك..لاتحاول تعنّيه
ياكثر ماحبك فؤادي وصانك
مع كثر ماتبعده كنك تناديه
غيرك أمانه خوف والخوف أمانك
ماكل من راعاك تقدر تراعيه
حتى ولو عليت بالقلب شانك
ابقى يتيم الحب جرحي اقاسيه
اعذرك لاحطيت نفسي مكانك
لاصرت فاقد شي..وشلون تعطيه؟
|