الحلقــــة الأخيــــــرة
..الفصـــــل الأول ..
((1))
مشـاعل
اشعر بفرحه وصخب داخلي وأخيراً يوم زفافي ...
أخيراً ازف إليه قبل أن ينسحب وابقى ملطخه بالعــــــار ..
لم اصدق بيوم أن سأحسب حساب هذه الأمور
وأكبر طموحاتي أن اعلن زفافي للناس
قبل ان انفضح ...
فضيحه ... وسمعة سيئه ..!!
أمر لاأحتملـــه ..
اكره أن اعود يشار إلي بأني الفتاة سيئة السمعه ..
امقت كون شهرتي تعتمد على إشاعات تخرج علي
لأستطيع ردعهااا
لكن ماذا لو كانت الأمور حقيقه سيصبح الأمر أسوء
ولن اجد العذر الذي اصمت به ضميري
اني لست كما يدعون ..
نوف
استغليت فرصة زواج مشاعل
عشان اطلع مع اصدقائي
من اسبوعين وانا هواش مع ضحى
وهي رافضه تسمحلي اطلع معهــــم
ماصدقت انهم بيطلعون بنفس زواج مشاعل
اللي كنت اصلاً رافضه اروح له لأني مستحيل
البس فستـــــان وانخنق كم ساعه فيه
اهم شي انهم ماحاولوا يقنعونـــي اروح معهم
وانبسطوا عشان ابقى مع نوره وشدن وحمودي
ومايبقون لحالهم مع الخدامه
..
تمصخـرت كثير على وعد اللي متقطعه على عمــرها
تحسب نفسها ملكة جمال زمااانها لأنها لبست فستان وحطت لونين
على وجهــــا ..
يوم اختليت بالبيت تجهزت بسرعه ورحت ادق على اصدقائي...
كنت بقمة الوناسه وانا امـشـي للباب بطلع ...
جيت افتحه بس كان مقفل ......
مستحيل ... الحقيره ضحى ...الله ياخذها كيف تقفل علينا
كيف عرفت اني بطلع ....
حقيره حقيره حقيره ...
رميت العبايه والجزمه وجلست مقهـــوره ...
نفسي اهد جدارن البيت واطلع ...
.
.
.
سارا
انبسطت اليوم بزواج مشاعل والربكه اللي صاحبته
كانت الأيام اللي فاتت مرت علي سيئه ...من أسبوع تخانقنا
ان وقيس خناقه كبيره لأنه مسكني اكلم نجوى ...
بس هو اللي حدني على كذا لأنه تغير علي
وانا طفشت من بيتهــم وامه العجوز
عذبتني مو مثل جدتي كانت وش حليلها
وهي مريضه هذي بس تتشرط
وكل ماقالت ..انا اللي زوجتك ولدي عشان تخدميني
يعني جايبتني عندها شغاله اووووف منها لو مو عجوز
علمتها قدرها ...
بغيت اشتكي لأحد وافضفض له خواتي
مايساعدون ولا عندهم راي ولاهم فاهمــيني
نجوى بس هي اللي فاهمتنـــي وتعرف وش ابغى ..
بس قهر كشفني وانا اكلمهااا وعصب
لاويقول اني خنت ثقته ...
والله قهرني كلامه .. بس وش اسوي
هو اللي حدني اسوي كذا
كنت محتاجه احد يسمعني
احد يساعدني بحــــل..
بس هو كيف بيفهم
اصلاً هو تغير علي وصار بس يصارخ
ومايجلس معي بس طالع واذا رجع نام وقال مابغى ازعاااج ...
ومنيره من قلت لها عن زواج مشاعل
وهي مبهذلتني ايه مادري وش مستعجلين عليه انتم
حرمتونا من الفرحه ... وقيس مو هين المفروض
سوينا له عرس ... لين انفجرت وقلت لها
اصلاً انا تزوجت اخووك غصب
وماكنت مبسوطه فيه ...عشان اسوي عررس
وافرح فيــــــــه ...
وشكيت انها راحت قالت له لأن يومهااا
جاء معصب واكلمه وشوي كان بيظربني...
.
.
ضحكتني ملاك اللي هبلت بمشاعل
كل شوي مطلعه فيها عذروب...
ملاك:انا لو منك انتحر كيف بطلع لناس وعيوني زرقاء...
مشاعل :حقاً الأولى ان تفعلي ذالك لأمتلاك عينان عسليتان وبشره سمراء ...
ملاك :خبله انتي طبيعه هذي الطبيعه مو زرقاء الحمدلله وشكر ولا ليش المسكه ورد برتقالي
كان حطيتيه ازرق لزوم التطقيـــــم ..
سارا:رهيبه
ملاك:وانتي ماعندك الا رهيبه وحلوه جيبي شي جديد ... اوووووف متى بيخلص ذا العرسمليت منه
سارا:امداك ..
ملاك:اووف من الحوسه بالأسواق مليت منه ..
سارا:المفروض تنبسطين يالخبله الله يعافي الأسواق اللي طلعتك ولا أنتي محبوسه بالبيت
ملاك:والله ماحبسني بالبيت الا فرقاك ياشينه ولاطول عمري احوس من شارع للدكان لصيدليه للعماره تحت الانشاء ...
سار:كلمتك الأخيره مشبوهه ..
ملاك:اقبضي عليهااا ...
سارا :ممممممممااااااصخه
ملاك :زيديها ملح ...
مشاعل :اوووووه توقفا عن ذالك ..
ملاك:طيب ابله مشاعل .اوووف ملل ماعندهم قهوه ذولي مايجيبون لغرفة العروس قهوه ..شوكلاته بدون قهوه وش نسوي فيها
نصور معهااا..
مشاعل:اووه المصوره يألهي لا أعلم لما تأخرت
ضحكتني صرخة مشاعل وكأنها مو من الصبح قالبة روسنااا لأن المصوره متأخره ...
ملاك:تراك من الصبح ماعندك غير طاريها وش اللي ماتدرين ليه تاخرت ...هاتي اتصل اشوف وين وصلت
يمكن تقدمت سيارتين حشى بمزدلفه ..
وملاك تكلم دق الباب قمت اشوف مين كانت المصوره ومعها مساعدتهاا..
ملاك:عسى ماجيتي ..
سارا:ياربي فضحتينا خليك لبقه
ملاك:تركت اللباقه لك ..اقول لاتجلسين تميلحين صوري مشاعل صوره حلـــــوه ...
ياربي من ذا البنت صايره اووووم الدفاشه
سارا:اللحين هي سألتك اصلاً سافهتك ولاكأنك مـــوجـوده ..
ملاك:انا موتي الأجوبه اللي بدون أسئله .. يالله عن اذنكــــم بطلع للقاعه بقهرر نوره عفواً باشووووووه ...
ضحكت على طريقة ملاك بنطق اسم باشاا اللي اصلاً اسمها نوره بس مادري وش عندها نافخة نفسها مغيره اسمها
لباشا صدقت انها صارت باشاه مالت بس ...
ضحى
العرس الليله ماتوقع ينتهي على خير
وهالباشا فيه هي وبنتهـــا وشلة حسب الله اللي معهــا..
من تحدد الزواج وهم كل يوم
متسببين لنا بمشكله واخرها البطاقاات اللي وزعوها
على معارفهم بــــــس ...
لو ماخلف رجع سوى لنا بطاقات إضافيه ...
والله كنت بخرب الزواج على روسهــم ..
بس عشان مشاعل
ماقول إلا الله يصبرها على عوار الراس
لأن الكتاب من عنوانه باين
يعني حتى لو توفقت مع خلف اللي سمعته
مع الحريم مايحتاج ...
امه واخته ماراح يتركونها بحالها بينكدون عليهاا..
حاولت اوضح لمشاعل هالكلام بس كانت مبسوطه ومابغيت ازيد عليهااا ..
وكأن العرس اللي سواه لها شـي كبيـر
مأدري مستصغره نفسها لأنها من بنات مبارك
او وراها شي مادري ...
خلف
غريبه مشاعره ... أول مره يسوي زواج غصب عنه
رغم كذا يحس بمشاعر غريبه فيها من الأرتياح و من الحمــاس ..
بس فيه شي مقلقه وصايبه بالتــــــوتر..رغم ان هالشـي كان يسعده قبل ..
الهمـــس اللي يسمعه بأن هذا زواجه السابع ..بالعاده يكــون مبـسوط بهالحكي
اللي يغذي غروره لكن اليوم يحس بتوتر يوم يسمع هالكــلمه ...
لأنه يخاف الفشــل ...المره ذي يتمنى ينجح ..مايبغى أحد يذكره أنه تزوج قبل وفشـــل..
دايم كان يجري وراء اختيارات عشوائيه من عقــله ...
وبـالسعي وراء مميزات تعجبــــه بأي أنثى
لكن اليوم يجــري وراء اختيـار قلبــــــه ..
ياما رفض نسـاء كانن الأجمــل لنقص بالحسب او النســـب ..
وياما رفض بنات لسمعت اخ او قريب ...
واليوم يتزوج سمعه مشبوهه وهو راضي
وحاني رأسه ومايتصـور انه بيوم يرفضـــــها ...
بالعكس يخاف ان هي اللي ترفضه ..
وش اللي وصله لهنااا ولدرجة هذي من الضعف .. المصائب اللي مرت عليه بالفتره الأخيره
ولاهو اللي بدأ يضعف من نفسـه وعواطفه صارت تتحكم ..
وجود عساف ومالك حوله يضعف
الأول متحطــم وكئيب والثاني ماهو عارفله
يحسه متحمــس للزواج اكثر منه وبنفــــس الوقت مقهور
ويتمنى مايتم الزواج ...
عساف
سالت سلمان اللي جالس جنبــــــي
عساف :انت متأكد ان الجماعه بيرضون فينــي ..
سلمان :وليش مايرضون فيك وراك بلى انت لاتكـون تشرب
قالها باستهزاء انا عارفه ..
عساف:مادري بس البنات هالوقت يحبن التشرط ..؟؟
سلمان :طيب وين المشكله ..؟!
اووووووف هذا ليه مايفهم
عساف:ومن ضمن هالشروط ماكون متزوج وعندي ولدين ..
سلمان:هذا ماراح يعيق لأنك بتطلقها والعيال بتأخذهم هي ... يعني بتكــــون ولا احلى شاب
لو مسئوليات ولاشي بعدين انت ماتثق بأختيار اختك
هزيت راسي بالنفي وانا صادق من متى انا اثق بيسرى ولاخياراتها
عساف:انتي عارفني انا ويسرى خياراتنا ماتتفق ..انا اخاف ترميني ببلوى عشان بس تقهـــر ضحـى ..
حسيت باسمها شوكه تسد حنجرتي ....
رد علي سلمان اللي بديت انسحب من كلامه
سلمان :لا المره هذي اقتنع بخيار يسرى لأنها شاده حيلها وتبغى لك الخير ...
صدق بالليله ذيك ...صارت لي ذكراها مثل الكابوس ....ماني مصدقه ولامقتنع انه مجرد كابوس مو حقيقه
معقول سوت اللي سوته فيني ..... هي صدق رمت بوجهي كل شي وقالت اني مو رجاااال .....
ياليت اقدر اطلع هالكلمه من راسي ياليت ...وين ماصديت اسمعها ترن بأذني ......
كل لحظه اتذكرهاا مادري كيف ....... وصلتني متأخره ولا ليلتها ماكنت اسمع شي
بس هي صدق قالتهاااا ...كيف قالتها وأنا ماكنت اسمع كنت اشوف شفايفها تحرك بس ماسمع كلام
ليش الكلام وصل قلبي قبل أذنـــي وبقى فيه ....
لف على سلمان يسأله قبل ماترجع الذكرى
عساف :وين بدر ..؟!
سلمان :بدر مع مالك واقفين عند خـــلف ..شكلهم بيزفونـــه ...
عساف :يزفونه وين والضيوف مادخلوا على العشــــاء ..
سلمان :مادري شكله مستعجل ..
هزيت راسي بسخريه خلف من زمااان مستعجل مو بس اليوم ...
الله يوفقه بزواجه ...وجعل حظه احسن هالمره ...
مالك
الليله بدفعك ثمن كل الألاعـــيب اللي سويتهاا عشان توصل لمشاعل ...
كل الخدع اللي سويتها عشان تضمــن حصولك عليها بردهــــا لك ...
بحركه وحـــده بـس .. ماراح ادفعك ثمـن كل غلط لوحده لا مره وحــــده بتسدد كل ديونك ...
انتظرت اتصال سعـاد على نار
مليت اشوفه مبـسوط والناس تباركله ..
بس مجبور اصبر ووزع ابتسامات وكأني مبسوط لأخوي أو بالأحرى المفروض
اكون فرحان لأختــــــــي ..
واخيراً وصل الأتصـــــال ..
مالك :هاه وش صار ..؟!
سعاد :يالله قله يدخـــــل وكل شي تمام بس يجلسون بالكوشه بشغل اللي اتفقنا عليه ...
مالك :طيب لاتنسين اذا شغلتيه اتصلي ابغى اكون بصـوره ..
سعاد :طيب ولايهمـــــك ...
لازم تطلقها لو سمعت اللي مجهزه لك ياخلف غصب
بتطلقها ولاماتكـــــون رجاال ..
.
مشــــــاعل
بدأت اناملي ترتجف ... سيأتي الآن خلف
وسنخرج للملأ ...
يألهي لأعلم لما فعلت ذالك مافائدة الزفه
امام الأخرين ..
أنا أخشى الظهـــــــــــور أمامهم
كلا كنت اخشى الظهور أمامهم
الآن لأخـــــــشاه ..سأخرج
لأريهم اني حصلت اخيراً على ماريد ..
سأريهم ان المتشـــــرده ...حصلت على من يعتبرونه أمير بينهــم ..
سأريك ياباشا
ياسعاد
ياريم
وياجميع نساء خلف
اني حصلت على من صعب عليكن الحفاظ علـــيه
هو من الآن لي أنا فقط ...
وسأعمـــــــل لكي لاتحصل عليه غيــري ...
في هذه الليله يسيطـــــر علي شعور اني احب
خلف وأحببته منذ الأزل ...
لدرجة أن هاجس احمقمافتأ يكرر علي
ان انتقاماتي لم تكن بيوم ضده بل من أجله
حماقه لن افكرر بتفســــيرها ..
انا اعلم ماهو شعوري حينما كنت انتقم
غيضاً منه لأن والدي فضله علينا
نحن بناته اللاتي من صلبه ....
خلف لم يكن بقلبـي الا في الفتره
القصيره الماضـــيه ربما
قبل وفاة والدي سكن قلبي
ولكن انتقاماتي لم تكن بيوم من اجلــــــه ....
ملاك:خفي علينا يالسرحاااانه ...
ميشو :حسناً ماذا الآن ...
ملاك :فارس زمانه وصل .....
بكل غباء بزغ بذهني فارس حبيب كريمه لاغيره
مالذي اتى به الآن ... ولكن قبل ان اذهب لأبعد من ذالك ...
اكملت ملاك ..
ملاك:أنا بطلع لاتتوقعي اتخلى عنك بهذي اللحظه العويصه
بس لأنك تعرفيني مابلع هالغبي ابد ولو اشرب وراه كرتون كولااا ...
يالله بخليك وانتبهي تطيحين قبل الخلق لاتنسين ريم الخبله حاضـــــره ...
ريم اجل ريم كنت اعلم انها ستحضر وسأبحث عن هند وتهاني ولن استغرب حضور وديان ايضاً
وجميع نساء خلف لاعتقد ان يتخلفن عن هذه المناسبه ......
ارتسمت على شفتاي ابتسامه شامته بنفس اللحظه الذي دخل فيها خلفي وهو يتحدث لشخص يمشي خلفه
خلف:خلي المشلح معك لين ...وقطع جملته
ربما حين رأني بالتأكيد لذالك ...
اقترب مني وهم بتقبيل جبيني ..
خلف :قمـــر لا بحر الليله انتي بحـر وبتغرقينـــي وسطك ...حسبي على عدوك نسيت اتنفس يوم شفتك ...كنت بموت ...
لو تعلم اني الليله من يغرق فيك ...قلت لأخفاء أحراجي
ميشو :اووه توقف عن غزلك المبتذل الم تطوره بعد ...
لم انتبه لوجود سعاد الا لنظرات خلف التي ادارها لها بعد ان قلت عبارتي تلك ...
سعاد :مطولين مافيه وقت معكم عشر دقايق قبل ماتطلـــــعون للناس خلصوناااا ...
اعجبتني نظرة خلف المأنبه لها ..ولهجته القاسيه ..
خلف :طيب وش عندك معصــــبه ...
واستشفيت الحنان بلهجته
خلف:حياتي جاهزه ..
ميشو :احتاج للقليل من الوقت فقط ...
التفت للمرآه خلفي لأتأكد من مظهري الكامل هذه الليله ....
ورأيت خلف يرتدي مشلحه جاهزاً للخروج ...
سنخرج الآن يداً بيد ..
وسنتوج زواجنا أمام الجميـــع ...
وضعت كفي بكفه وتسارعت خطواتي مجاراتن لخطــواته وامامنا مصورتان...
يصورن كل لحظـــه منذ خروجنااا حتى وصولنا الكوشــــه...
كل ماقتربنا وتعالت أصوات الحاضرين أشعر بقلبي يزداد خفقان
في الخارج اعدائي اكثر من احبابي
من يحبني بالأخــــــر اخواتي فقط ...
والبقيه اذا لم يكرهوني فاني لأروق لـــهم ...
نفضت راسي محاوله ابعاد هذه الفكره عن رأسي متناسيه
ان هذه اللحظه هناك كاميرا ترصد كل حركه اقوم بها...
توقفت واخيراً سنصل الآن سأخرج للعلن ..
توقف خلف معي بعد ان اصبحت خطواته أخيراً مناسبه للموقف
بعد ان طلبت منه المصوره ذالك ...
خلف :مشاعل حياتي يالله ..
همست بصوت لم اتوقع ان يخرج
مشاعل :انا خائفه
ضغط على اصابعي بعذوبه
خلف :تخافين وانا معك ..
وبدأ بالتحرك واضطريت لمجاراته ولكني بت خلفه بخطـــــوه وكأنه يسوقنـــي ..
شعرت بأن قلبي فقد احدى نبضاته حينما اصبحنا في دائرة الضوء
الموسيقى وترت اعصابي اتمنى لو التف واهرب من هنا ولكن لامجال
يدي مقيد بيد خلف ...
نحن امام الجميع بت امشي خطواتي بخوف لامثيل له
لم اكن شجاعه بحياتي لأول مره أكون مع اخواتي في نفس التجمع
بحثت عنهن بعيناي ولكن الظلام يعم المكااان ولايمكن رؤيتهن على الاضاءت القليله ...
سمعت خلف يحدثني
خلف:خطوتيني ونوصل ... بس أنتبهي لدرج ...
يألهي واخيراً ...
لم اصدق اني اجلس اخيراً ...
ولكن الأضواء مازالت مسلطه علي انا امام الجميع
والكل يحدق بي..
حين توقف المصورات عن تسليط كاميراتهن إلي شعرت بالراحه اخيراً ...
شهد
واخيراً اليوم شفت خواتي ...كان شوقي لهم غيــــــر طبيعي
بس ماكنت قادره اجي خايفه من ضحـــى تظربني وتسببلي عاهه ..
وانفضح عند الخبل زوجـــــي ..
بس اليوم عرس وناس ماراح تقدر تسويلي شـــــي قدامهــم وإلى أخر الزواج بتكون
رضت علـــــي ..وحتى جبت عمتي وبنتهااا معي عشان يكون دروع حمايه لي ..
الصراحه استقبال خواتي لهم مو شي اللي صدت عنهم وماسلمت والمقصوده هنا ضحى
واللي فشلوني بخبالهم والمقصودين ملاك ووعــــــد ... بس هم سارا وهند وشوق اللي عاديين ..
ولا الباقيين فضايح ..
وعد :شهد شوفي الشايب خلف وش مســــوي ...
ياربي فضحتني الخبله انا وين جلستها معنــــا ...
ام نايف(زوج شهد):شايب ليش كم عمــــره ..؟!
ياربي وانا وش دراني عن عمـــــــره
نطت الملقوفه وعد اللي مادري وش فيها جالسه تميلح عند عمتي ..
وعد :هذا اللي كان يبغى يتزوج شهد قبل ......
ياويلي حسيت نفسي بذبحهاااا
سمر:يووه صدق ماقلتي لنااااا ..!!
شهد :وليش اقول مجرد كلاااام ..؟!..
وعد:اصلاً هو بيقهر مشاعل خطب شهد ولاهو يحب مشاعل من زمااااااااان ..
لاا وربي هذا ودي اذبحهـــــــاااااا ...وش اللي يحبها من زمان مادري من وين تجيب هالخرابيط ...
شهد :وعد الكذب حرام هو من وين يعرف مشاعل عشان يحبها عن هالخرابيط ..
وكملت وكأنها ناويه تقهرني
وعد:وتزوج 5 مراات ..!!
ام نايف:ياويلي والخبله اختك وش تبغى باللي متزوج 5 مرات ...
وعد :خبله ..!!.. بس ترى انا مو مثلها اصلاً انا وهي مانحب بعض ..!!
قهرتني هالوعد بتصرفاتها نفسي اقوم واسحبها من الطاوله بس مأقدر وش بيقولون عنــــــي ..
وعد :شهـد توقعين مسوي عملية شد وجه
والله والله كنت بصفقها قسم هالبنت مو صاحيه
شهد :وعد حبيبتي شوفي هند تناديك روحي لها ..
وعد :ماتناديني ..تناديك انتي اش فيك صايره حولااا ..
سحبتها من يدها ...
شهد :تعالي معي ...
مابغت تقوم يوم وصلنا عند هند
شهد:فهميني اللحين من قالك تعالي اجلسي معي واهذري على راس عمتي
وعد:يعني تبغيني اسكت هي اللي تسأل
شهد:احلفي هي اللي تسأل وهي اللي قالت لك من اللي خطب قبل ومن طلق
وعد:لابس معلومه مهمه
هند:انتي وش فيكم تهاوشون اعقلوا فشلتوناااااا
شهد:وانتي الثانيه وش عندك تأشرين لي
هند:ابغاك تجين تجلسين معنا ولا ليش جايه
شهد:اووووف طيب طفشتني هذي يالله بروح اشوف عمتي تبي شي وجايتكم ..
وعد :بجي معك
شهد :هند بليز امسكيهااا فضحتني ...
وعد
ياربي مادري وش فيهم علي مايبغوني احكي مع احد
كأن عندهم اسرار نوويه ... يخافون افضحها..!!
... لو جالسه مع نوف ارحم ...؟!
لفيت اشوف مشاعل يوم سمعت الطقاقه تقول اهداء خاص للعريس والعروس ...
اكشخ وش الأهداء ..
بس ماكان اهداء كان حاجه مسجله ...
هذا كلام مشاعل بس مادري وش تخربط ...
ياربي وش الفشيله الناس صارت تتلفت كأنهم يدورون شي ضايع ...
من الغبي اللي حاط الأهداء الغبي هذا سوالف الخبله مشاعل يعني
لازم الكل يعرف انها تكلم عربي ...!!!
مشاعل بصوت مسجل سمعه الجميع بالقاعه :
اجل انا من تسببت بمقتله ألم تملي هذه العبــاره ...ولكن لاتنسي ياعزيزتي انا فقط غيرت بالتسجـــــيل
ولم اوصل التسجيل لخلف انتي من فعلتي ذالك واذ كنت احتمل وزر انتي تحملين اضعافه ...
أنتي مجنونه انا لم اجبره على حمل السلاح ومحاولة قتل مالك هو من فعل وهو من قتل بذات السلاح والدي ..
انا من يحق لها ان تسخط لا أنتـــــــــي ..
خلف
انذهلت من اللي أسمـــــعه
مشاعل معقــــوله هي اللي ورى موت عمي مبارك وسجنـــي
هي
كيف كيف
قمت من مكاني مادري وش اســـــــــــوي
لفيت عليها وانا حتى اللحين ماني مصدق اللي اسمعه كنت احسها نكته غبيه
بس الخــــــوف اللي باين من نظرة عيونها ويديها اللي رفعتها بتحمي نفسهااا فيها
اثبتت ان اللي اسمعه حقيقه ....
صرخت بقهر
خلف:بس قفلــــــوووه
بس الصوت باقي شغال قمت تحركت بقهر ادور المصـــــــدر ...
لكن مشاعل اللي مادري وش توقعت من حركتي
صرخت
مشاعل:كلا ارجوك لاتقتلني انا حامل ...
وقفت اناظرها هذي وش تـــــــقول
سمعت صوت يكرر الكلمه باحتقار
:حااااااامل ...!!!!!!
جلست ادور على نفسي بقفل هالصوت مابغى اسمعه
صرخت بقهــــر
خلف :الله يلعنه من وين يجي ...
قربت مني سعاد مادري وش تبي دفيتها بكل قوتي
خلف:وخرواااا قفلـــــوه اللحين والله لأذبح اللي مشغله والله لأذبحـــــــه ...
مشاعل
لم اصدق مايصل إلي
انه صوتي اجل هذا الأهداء
لأعلم من كنت احدث
بل أعلم انها سعاد السافله لقد سجلت مكالمتناااا
جرى هذا قبل اسبوع من اليوم
كانت تحدثني لتكرر تهديدها لي بفضحي أمام خلف
لم اتوقع انه فخ منها يال غبائي سيقتلنــــــــي خلف لامحالة
سيقتلني ..لقد وقف بالتأكيد يبحث عن أداة ليتقتلني بها وربما
يفكر ان يخنقنـــــــــي ...
صحت به قبل ان يتجرأ ويقتلني
كان جميــــع جسمي مشلول وخشيت ان يكون لساني كذالك ولكنه
انقذني باللحظات الأخيره
:أرجوك لاتقتلني أنا حامل ..
أجل انا كذالك وانا من سعيــــت لذالك
مهما انكرت وفزعت اناااا من سعى لذلك الحقيقه المــره ...
شعرت بمقتــــــل وانا اسمع الكلمه تررد من باشا التي تجلس بقرب
احد المايكات ليسمعهااا كل من بالقاعه ....................!!!!
لقد انفضحت على المـلأ
لقد عرف الجميــــــع بفضيحتي ...
التي خبأتها عن اقرب الأقربين
ان اليوم مفضوحه
مر برأسي جميع الفضائح التي اختلقتها لأيذاء الأخرين ..
رفعت فستاني وبدأت بلأسراع للخارج لاأعلم أين سأذهب
وأين ستقودني قدماااي ولكن فعلت ذلك ..!!
يجب أن ابتعد جميعهم سمعوا فضيحتي
سأبتعد ......
سأبتعد قبل ان يقتــــــــلني خلف
سيفعلها أن واثقه من ذالك ...
ضحى
مسكت راسي مني مصدقه
وش اللي صار ...؟!
وش هالفضيحــــــه ....؟!!
تلفت اشوف خواتي بفهم منهم شـــــي كانوا مثلي متبلدين
واقفين يناظرون بالمهزله اللي جالسه تصـــــــير ...
معقوله اللي سمعنااااه
اصلاً انا ماني فاهمه شــــــي ...
وش هو صوت مشاعل
وش كانت تقول .......
تذكرت يوم جاني عساف مره معصب وعلى قولته
ان مشاعل فضحت خلف ...
يعني هذا اللي جالس يصير اللحين مشاعل تنفضح قدام الناس
جلست اتلفت حولي وش تكلم الناس وش تقــــــول ...
:حامل .. ايه اللحين عرفت السالفه كلهااا ..
خلف ماهو اللي بيذبح مبارك ...مبارك كان اللي بيذبحه لأنه لاعب ببنته
بس خلف قلبها عليه ...ماتشوفونه تزوج وهو بالسجــــــن ..كل هاللف والدوران لأنها حامل ...
هذي وش قاعده تقـــــول من المجنونه هذي ...؟!
مجنووونه من اللي حامل مستحيل مستحيـــل ..!!
مبارك بيذبح خلف عشان بنته هذي مجنونه وين عايشه ماهي فاهمـــــــه شــــي ...
انا ليش واقفه هنا اختي اللي تنهاااان اختــــــي
اللي يتكلم بشرفها اختي ....
مشاعل وينها مشاعل قمت بسرعه اركض للكوشه اللي كانت خاليه الا من خلف وامه ..
وين راحت مشاعل وش سوو فيها ركضت للغرفه اللي كانت فيها على دخلتي لقيت قدامي
سارا وملاك
سألتهم بخوف وانا اشوف فستااان مشاعل على الأرض
ضحى :وينهااا..؟!
ملاك :ماندري جينا ركض مالقيناهااا بس الفستاااان ...
صرخت فيهم
ضحى :وش تنتظرون بسرعه شووووف وينهـــــــاااا ...
وطلعت ان بسرعه وين البوابه من وين بطلع ابغى نفــــــس ابغى هواء ...
احس الجدارن بتطبق علي ....
ماصدقت اطلع برى شفت وحده بعيد تركض وهي لابسه عبايه
كانت مشاعل اكيد مشاعل بس وين بعيد بعيد ماقدر اوصلهااااااااااا ....
شهد
مسكت راسي وانا منزله راسي على الطاوله ماني قادر ارفع
راسي واشوف الناس
ياربي وش ذا الفضيحه
والله كنت حاسه قلبي كان ماهو مرتااااح طول الوقت ...
يافضيحتــــــي لو درى نايف يافضيحتــــي
اكيد بيطلقني حسبي الله عليــــــك يامشاعل حسبي الله عليك ...
الله يفضحك ولا انتي انفضحتي وخلصنــــــا ...
سمعت صوت سمر تناديني
سمر:شهد يالله نايف برى ....
رفعت راسي بسرعه لهاا
شهد :الله يخليكم لاتقولون له تكفين عمتي لاتقولين
ام نايف:ماحنا قايلين بس اذكري الله يابنتي وامشي
سمر:ولو درى انتي وش يهمك بعدين هي اختك من ابوك شوفي خواتي من ابوي
لو سوو شي انا مالي شغل فيه صح يمه
ام نايف:اكيد وش دخلك فيهم يالله امشوا خلصونا مو حلوه جلستناا كل الناس طلعـــــوا ....
لبست طرحتي واخذت شنطتي مريت من جنب الطاوله اللي عليها هند وشوق ووعد واسرعت بمشي
سمعت هند تناديني بس مالفيت عليهاااا
مابي علاقه فيهم خلاص كفايه فضايح
حتى متى بعيش اتحمل اخطأهم مليت منهم ومن فضايحهم ومصايبهم اللي ماتنتهي
جيب بفرح سودو عيشتـــــي ...وش الفايده من اهل زي كذا
هجــــرهم أرحم ...
سعاد
لعنت نفسي ألف مره ومالك مليون
امي احسها بتنجلط ....
اكثر انسان تضرر امــي ياويلي عنها
ولا الباقيين بحريقه ..
احسها مذهوله ماهي فاهمه شـــــــــي ...
حاولت اهديها بس ماقدرت ولاقدروا خالاتي ...
والزفت خلف جالس بمكانه ماتزحزح من بعد ماخلص التسجيل
هدت ثورته وجلس حتى مافكرر يطلع عن المكان او يلحق الزفت مشاعل يذبحهـــــا
الحقــيره طلعت حامل بعد ....
والله اللي جت على راسك يامالك وكل تخطيطك انقلبت عليك ..
هذي ابليس مو انسان
كل الأمور تمشــي بصالحهــــــا
عشر سنين وخلف يتزوج ماسمعنا بخبر حمل لو بالخطأ تجي
الزفت هذي وتطلع حامل قبل مايتزوجون اي عقل يصدقهاااا
بس كانت صادقه انا اعرف كذب مشاعل من صدقها
المره ذي صادقه ...
يالناس وربي هذي مو بشـــــر كيف كل شي يمشي معها صح
كيف ماقتلها رماها ظربها سوى لها اي شــــــي ..
ريم :اللحين وش المهزله اللي صارت ..؟!
سعاد :ريم الله يخليك ماهي ناقصتك اطلعـــي قبل ماتصير مهزله ثانيه انتي سببها خلف لو انتبه لك بيذبحنا كلنا
ريم :ياربي انا اش قايله اللحين بجد مهزله ...الله يعينكمـ بس ...
تصدقين الليله بس احمد ربي اني تطلقت من اخوك ..لأن النحس راكبه ..
سعاد :طيب مبروك وش اسويلك
ريم :لاتنرفزين مارضاها عليك ياقلبي انا بطيعك واطلع بس خبريني باخر المستجدات ...
وراحت تشمي مرت من جنب خلف بس مانتبه لهاااا ولا راح ينتبه ...
تنهدت وانا اسمع صوت امي يرتفع بالصياح
مألومها والله مألومها وش اللي سويته وين كان عقلي
الله ياخذك يامالك بس تستاهل اللي جاك خلاص حلمك بمشاعل انتهى ...
خلف
للحين صوتها يرن بأذني "اجل انا من تسببت بمقتله الم تملي هذه العبــاره"
مشاعل طيب ليش ....ليش تســــوي كذا
وكيف وصل لها التسجيل وليش ....ليش
وش هدفهاااااا ..انا وش سويت لها عشان تجازينـــــــي كذا ....
صح كنت واعدها ذيك الفتره اتزوجها وغيرت رايي بس ماستحق منها كل هـــــذا ...
وانتقمت مني ورجعت خطبتهااا وهي اللي رفضت هي مو اناااا ليش تسوي فيني كذا
ليش ...
عجبها اللي صار ....ابوها اللي مات مو أحد غريب
كنت بقتـل ناس ظلم ...ليش قلبها قاسي كذا ....
ماهي أول مره تسوي فيني هالحركه
الى متى اسامحهـــــــــااا..
المره هذي كبيره
ماقدر اعديهاا ...اصلاً ماني فاهمهاااا كيف مشاعل تسويهاااا
فيه شي خطأ ..... فيه شي ناقص يمكن أحد تلاعب بالمكالمه مثل المكالمات اللي قبل
سعاد هي كانت تكلم سعااااد اكيد من غيرها هي اللي وصلت لي التسجيـل ....
سعاد
شفت خلف يوقف وعينه علي حسيت قلبــــــي بيوقف ...
بس انقذتني الأنوار اللي بدت تطفـــــــي ..
هربت بسرعه لمكان عبايتي لبستها لفيت بطلع الا وجهي بوجه خلف اللي رمى مشحله عالأرض
بدأ يصرخ علـــــــــي ..
خلف :الكذب اللي جاني منك كثيرررر وماعاد انا متحملـه ...اللحين بتقـــولين لي الصدق وماشي غيــــــــره
سعاد :والله مو انا مااااااالك هو اللي قالي وهددني انا مالي شغل ....
ماحسيته انصدم الا شيطاينه ثارت ...
غطيت وجهي قبل ماينهال علي كفوف ...
ااييي حسبي الله عليه الله ياخذه ..
سعاد :اتركني انا مالي شغل يانذل اتركنـــــــــي ...
خلف :انا اوريك برجع واذبحك يال****** ...
جلست على كرسي وراي آآآه ياربي وش استفدت من هذا كل غير الطق الله ياخذكم من اخوان ...
بس هههههههههههههههههههههههههههههه فضحتكم اجل حامل ..!!
ملاك
مادري كيف قدرت اجمع خواتي ونطــــــلع ..
احسهم كأنهم مو مجمعين من الصدمه ... بس مأدري توقعت
ماتوقعت يصير كذا لا فيه شي داخلي يذكرني دايم بحركة مشاعل يوم تسببت بطلاق الريم
واحس انه بيصير لها شي من وراهاااا ...
الله يمهل ولايهمــــــل... ماودي اقول اللي جاها جزاها عشان مأكون شامته بأختي بس فعلاً اللي جاهاااا
جزاهااا .... ضغطت على الفستااااان اللي بين يدي فستاااانهاااا
كان مرمي عالأرض .. ماحد يفكر ياخذه ...
مادري وين راحت اللحين ...؟!
مشاعل ماينخاف عليها ..بتختفي كم يوم وبتجيها بكره ويدها بيد الثور خلف ...
شي طبيعي واقل من طبيعي بعد .... هذي مشاعل مو حيا الله ....
يتبـــــع ...
|