الحلقه السابعه والأربعـــون
سارا
آآي راسي اوف وش هالألم ... حلمت اني مربوطه بالسياره وانسحبت بالشارع وآآآه اتألم واصرخ بس محد انقذني .. آآي ياراسي اخخ وش فيها عيوني كل شي رمااادي ماشوف زين فتحتها بقوه وانا افركهااا ... صرخت وانا اشوف العيون اللي قدامي ...
سارا :لااااااااااااااااااااااااااآآآآآآآ
نفضت راسي بقوه ابغى ابعد اللي اشوفه مع ان هالحركه تألمني بقوه احس بكهرباء داخل راســي وانا اسويهـــا .. ياربي وش هالحلم المرعب عجزت اصحي منه ابكي واصيح واصارخ بس ماني قداره اصحى .. والله اسمع صراخي انا ماأحلم هذي حقيقه ... بس هذا وش جابه ...
قيس :خلااص بس صدعتي راسي بصراخك .. قووومي يالله بنطلع من هنااا ...
مو حلم موحلم .. الألم بالراسي مثل الشلل.. الواقع كابوس والخوف عقد اللساني الا من كلمه كنت اصرخ فيهاا بدون احساس
سارا :ملاااااااااااااااااااك .. ملااااااااآآآآآك ..
**
سحبها مع يدها لين وقفت على رجولها ورمى عليها غطوتها ..:تغطي يالله بسرعه بس اول مافكها كانت بتهـــوي على الأرض :لاحوووول ولاقوة الا بالله يارب ارحمني ..
سحبها لين وصلها باب الحوش مره بالمداره ومره بالغصب كانت الساعه ثتنين بأخر الليل .. كان مختار هالوقت عشان يخلي الشارع فيه طوال النهار ماقدر يطلع لأي مكان .. الموقف اللي لقى نفسه فيه موقف بشع ماتصوره بحيـاته ..
والمشكله لو صحيح كان ماهمه بس انه ينظلم قهـــــر .. كيف بيواجهه امه وابوه واخوانه لو عرفوا بالمـوضوع ...
ركبها السياره اللي كان موقفها قدام الباب مباشر وكان حاط شنطته وشنطتها اللي رمتها عليه أختـها ...
طعم الخيانه مقرررف ... هو خانهم خان جيــــرانه هذا اللي صار وهذا اللي بيتكلم عنه الكــل .. كثير بيقولون عنه كان ناوي يلعب بالبنت بعدين بيطـلقها وبيقولون لو صدق ناوي يكمل الزواج كلم اهلها ماراح يتلاعب من وراهم ..
الكل فاهم الموضوع خطأ ....هو لايبغى يلعب فيهااا ولايبغاها من اصله .. كل اللي صار خطأ وكل اللي فهموه خطأ ..
ليت الموضوع ماينتشر ويبقى بينهــم ليت ..
اخخ لو ولو ولو كلها تدور براسه بس اللحين ماتنفع وقف عند كوفي على جنب الشارع واخذ له كوب قهوه .. كان بيبتعد عن بيت اهله بس .. لكن اللحين لقى نفسه على طريق الشرقيه ..معارفه بالرياض كثير ويخاف احد منهـم يشوفـــــه .. بكره بيكلم عساف ويتفاهم معه .. ايه يتفاهم معه هو ماأخطأ والمفروض لو بيطلع كلام بيكون انه اخذها بدون عـرس عشان الظروف اللي صايره بالعايلتين من حالات وفاه مـو أي شـي ثاني ..
نوف
صدعت راسي وعد ماهي نايمه ولاراضيه تخليني انام..
وعد :ماني مقتنعه احس السالفه سخيفه كيف يعني تطردهااا عشان راحت عند قيس يعني عادي هو زوجهاشوفي بالمسلسلات تطلع معه وهو خطيبهااا ..
نوف :خلااص بس ازعجتيني انا قلت لك اللي اعرف موفاهمه روحي اسألي ضحى تسأليني انا ليش ..
وعد :اسأل ضحى عشان تنسفنــــي ..بعدين كيف اسألها والعله عسافوووه عندها ..
نوف:ياربي ابي انام ماتفهمين انتي ..
وعد :تنامين وسارا ماهي فالبيت عديمة احساس انتي ...
نوف :يعني وش اسوي ابكي مثل ملاك ولااسهر انتظرها مثلك ولاشي من الشيئين بيرجعها بعدين ضحى قالت انسوها خلاص انسوهااا..
وعد :انتي مجنونه ساحرتك ضحى كيف ننساها غبيه تصوري قالت لك انسي وعد بتنسيني ..
اووووف مشلكة اللي يسولف مع بزران ..
نوف :ايه بنسااك ليه مانساك ..
طالعتني وعيونها مفتوحات على الأخير ..
وعد:يعني بس تقولين نسيت وعد تنسيني ...
نوف :ايه اجل كيف ...
وعد :نسيت سارا .. اووووووووووه مانسيتها شوفيني اشوف شكلها قدامي وتذكر اليوم الصبح انا وياها كنا نسولف ..
وفجأه قطعت كلامها وجلست تبكي ...يارررربي غطيت راسي قوه عشان مااسمعها وحطيت المخده فوق راسي وجلست ابكي .. اكذب مانسيت سارا ولاراح انسااااها مثل جدتي وابوي وشهد مانسيتهم ابداً .. كل يوم اتذكرهم كل يوم قلبي يعورني واشتاق لهم بس اسوي نفسي ناسيتهم واهز راسي وافكر بشي ثاني ... عشان انساهم ... بس سارا غيرررر .. سارا راحت عند الوحش اللي بيظربها ويعذبها ويمكن يقتلها ااا.. سارا انا احبهااا مااقدر انسااااهاااا ... بكل شي بشوفها وكل يوم بتذكــرهاااا .. وبكرره ضحى بسببهااا ...
***
اتصل على منيره وتأكد منها ان منـير عندها ماحس بصوتها انها عارفه شـي بس خـبرها انه مسافر الشرقيه وبس ...
كان موقف عند اشاره اول مادخل الدمام يوم سمع صراخهااااا ....
قيس :اللهم طولك ياروح .. وش فيك انتي استخفيتي ...
كانت تصرخ وهي كاتمه فمها بيديها الثنتين ... كان صوتها مخنــــوق ويرووع ...
سارا
صحيت ولقيت نفسي بالسياره مع الوحش ماني فاهم وش اللي قاعد يصير معي كنت دخلت بيتهم وبعدين صحيت احسب نفسي احلم بس طلع صدق .. واللحين وش اسوي هنااااااااا ... خطفني الووووحش ... خطفننيييييييي ...
سارا:ملااااااااااااااااااااااااااااااااااااك ...
صرخ بصوت قوووي ..
قيس :بس خلاااص فضحتينا وبعدين معك مافيه ملااااااك ولاشيطان انثبري ...
لصقت بالباب وهزيته حاولت افتحه بس ماقدرت ياربي انا وش اسوي هناااا مع هذا... يارب احلم يارررررب ...
جلست اصرخ عليه بيتنا برجع لبيتنـــــا لاااااااا ماابغى ابتعد كانت السيارة تبتعد وتبتعد وانا اشوف الشوارع حولي غريبه بعيده عن بيتنااااااااااا ..
سارا :افتح الباب ياحيووووووان افتح رجعني بيتناااااااااااااااااا ... بيتناااااااا رجعني بيتناااا .. ماابغى هناااا ابغى بيتنـــــــااااااااااااااا ابغى ملاااااااااك ..
***
كانت تصرفاتها تجذب الأنتباه بتفضحه ...
صرخ عليها لين انبح صوته بس هي ماتسمع تصارخ وكانها مو بوعيهـــــــا .. بالأخير سحب من راسهااا لين نزله تحت بقوه بحيث انكتم صوتها ارتد راسها على ورى وطاح على كتفهــا وكأنها خلاص ماتت .. كمل طريقه يبحث عن سكن مناسب لين استدل على شقق مفروشه تفي بالغرض ..
قيس قال بغضب للي طايحه جنبه بكرسيها وكأنها ودعت الحياه:يالله انززززززلي ..
يوم ماشاف منها ردت فعل :شوفي عاااد والله ان مانزلتي اللحين لأخنقك لين تودعين الحياه وارميك بقرب زباله ..
ترى اللي جاني منك للحين كافينـــــــي ..
***
بعد خنقته لها اللي بغت تطلع روحها تجمد الدم فعروقها تحس تشعر وتسمع بس حاسة الحركه عندها انشلت
... تسمع تهديده بلامبالاه تحس مشاعرها تجمدت من كثر الصدمات اللي تلقتها اليوم ..
وش يعني يرميها بالزباله بعد الخطف والتسحب والطق والترويع اللي جاااها ..
انفتح الباب اللي جنبهــا مسكها مع يدها وسحبها على برى .. كانت عباتها مفتــــوحه والقميص القصير اللي طالعه فيه من بيتهــم يوم ناداها منير مطلع سيقانها ..
قيس بنرفزه :زري عبااااتك ..
لااسمع لاارى لاأتكلم كان شعار سارا .. رجعها على ورى لين تكت على السياره وبحركه سريعه سكر ازرار عباتها الأثنين اللي بالوسط سحبها بيد وباليد الثانيه شايل شنطتها وشنطته على كتفه ..
اول مادخلوا الشقه ترك يدها بدون اهتمــــام .. وتوجه للغرفه الأولى بين الغرفتين رمى نفسها على السرير وماعاد شعــــر باللي حوله ...
**
تسندت على الجدار وسحبت جسمها لين طاحت على الأرض للحين اطرافها متشنجه ماتحس فيها وراسها يدور ويدور ماهي قادره تجمع افكـارها وش اللي صار وليـــــش قيس اخذهااا معه وين موديها وهم ويــــن ..؟!!
ماهي فاهمه شـي او ماتبغى تفهم بس تبغى ترجــــع لبيتهم ...
بيتهم اهتزجسمها من الكلمــه وتذكرت خنقته لها بأخر مره فقدت فيها اعصابها وجلست تصارخ بدون شعور وتطلب منه يرجعها بيتهــــــم ..
خلاص هي اللحين مع قيس وعنــــده ... هذا اللقاء اللي كانت مستبعدته سرعان مالقت نفسها فيه بدون تخطيط وبدون مقدمااات ..
خواتها يدرون اولا اكيد مايدرون وش بيدريهم هــــــم وش بيسوون لودروا .. اكيد بيجون يأخذونها من هـي صح هي لازم تتصل عليهم اكيد ضحـــــى ماراح تخليها مستحيــل تخليهاااا ..
ملاك بتسوي اللي ماينتسوى عشان تنقذها لأن هذا اللي هي بتسويه لوكانت ملاك مكانها ..
بس كيف بتتصل فيهم .. وهنا مافيه تلفون .. للأكيد هنا فيه تلفون .. لحضه وش هالمكان ..
فندق .. شقه ..طيب ليه جابه هنااا.. ماهي قادره تفهم شــــــي ... انسان متخلف وحش غبي مسخ حقـيرر ..
ميشو
تسللت بخفه الا الغرفة التي أخبرتني سوسو بأنها ستنتظرني فيها .. اتكأت على الجدار التمس السند وناديت بصوت ضعيف ..
ميشو :سوسو أي انتي ..؟!
اتاني صوتهاااا غاضباً ..
سوسو :واخيراً شرفتي موعدنا كان قبل ساعتين ياحلوووه ..
ميشو :كان لدي ظروف لم استطع المجيء مبكراً
اجل ظروف .. ظروف بشعه جداً وصعبه .. ولايوجد ماهو ابشع من الوقوف متفرجه وانا ارى ضحى تبطش بأخواتي دون رحمــــــه .. والوحش يلتهم صغيرتي سارا بكل بشاعه .. لاأعلم ماذا حدث ولكنى متأكده ان سارا لم تذهب إليه بقدميها كما ترى ضحـــــــى ..
سوسو :أكلمك انا ردي علــــــــي ..
ميشو :ماذا تريدين كفاكي صراخاً وكاني سأخافك ..
سوسو :غصباً عليك بتخافين منييي .. اسمعي ياحثاله ..
صرخت بغضب...
ميشو :توقفي عن مناداتي بهذه الألفاظ المنحطه لأن في جعبتي الكثير من الألفاظ المشابهه التي تناسبك ...
سوسو :ايش ولاهذا اللي ناقص تعايرني يالمتشرده ... يالحقيررررره ذبحتي ابوك وورطتي اخوي ..
قهقهت بنشوه ..
ميشو :قتلته كفاكي تهريج فأنا لأقتل ذبابه ... وليس ذنبي ان شقيقك الأهوج لايستطيـع التحكم بأعصابه ويظن ان القتل لعبه سهـــــله ..
سوسو :أنتي حقيررره وااااطيه كله منك انتي السبب انتي .. كنتي عارفه صح انتي تعرفين خلف زيــن صح حتى اكثر مني اناااا .. انا مغفله كنت اسمع كلاااامك وانتي واطيـــه ..
ميشو :اووووه توقفي عن قذف هذه العبارات المقرفه .. لم اجبرك على فعل شـيء ولم اضغط على زناد سلاح شقيقك .. لاترمي علي الأتهامات جزافاً ...
سوسو :بس انتي اللي قلتيلي اودي له التسجيل انتي .. انا كنت خايفه بس انتي اللي شجعتيني .. انتي اللي قلتي ان مالك يكلم ودياااااااااان .. انكررري قولي لااااا يمكن انا مجنونه واجيب كلام من راســــــي ..
ميشو :هه لم اجن بعد اعلم اني فعلت ذالك ولكن من اجلك انتي من طلـب مني ذالك ... هل سعيت إليك انا ام انتي من جأتي الي صاغره تبكين طالبه معـونتي لتنقذي حياة شقيقك من تلاعب الأخـر ..
سوسو :وأنتي قدمتي خدماتك ليه عشااان نيتك شينه تكرهينا وتبغين تخربين بيتنا ان الغبيه اللي ماكنت منتبهه من البدايه لمقاصدك ..
يألهي لأعلم كيف تتحدث بهذه الطريقه هذه ليست سوسو .. لقد تغير فيها أمر مـا ..
سوسو :لاتناظرين كذا تحسبين ماراح يجي يوم واكشفك فيه ..
ميشو :حمقاء .. انا لم افعل يوماً شـي ضد ارادتك كنت ارغب بمساعدتك ولكنك طفيليه ناكرة جميــــــل .. نسيتي كل ماصنعته من اجلك ومن اجل خلل بأمر واحد اصبحت انا المخطئه ..
سوسو :ههه أيه اضحكي علي بهالكلمتيــــن .. قديمه ياميشو افنـدي ..بس هين والله لأوريك اذا مادفعتك ثمن اللي سويتيه في مأكون سوسو ...
لم آبه لتهديداتها فأن في أمان مع خطة هروبي الجديده ..
ميشو :توقفي عن ذالك مالذي تريدينه مني الآن بالتأكيد لم تطلبي من المجـــيء لتخبريني عن استنتاجاتك العبقريه لماكان عليه الحال ...
***
كان يومه بغاية الكائبه طلع ودار بشوارع الرياض شارع شارع ...يدورعلى فرحه ضيعــها ... من له يفرح بالعيد معه ابوه
وراح ... واهله ولا اللي كان يسميهم اهله باعـووه عشان ولدهــــم .. اكيد ولدهم .. امه اللي كان يظن انه عندها بالدنيااا
هددته لوماتنازل عن حق موت أبوه بتطرده وماله حق لا بمال ولابأهل ..كل الأموال اموالها وكل الأهل اهـلهااا وهو مقطـوع من شجـــررره .. تنازل مايقدر يعيش من غير عائلته ومايقدر يعيش من غير امـوالهــم ..
بس كان مثل الهم على قلبهم خايفين منه متـوجسين حتى الكلام مايوجهونه له عايش معهم وماهـو عايش ..
كان راجع للبيــت بعد ماأرهـقه يومـه الشقـي .. مر من جنب غرفه بالملاحق الخارجيه التابع للمجالس اللي ينام فيهااا كانت منــــــوره وطالع منها صـوت غاضب حاد يعرف صاحبه زيــن .. جلس يسمـع اللي ينقال داخــــل والذهـول افقده حاسة النطق ..
هي هـــــــــي السبب ذبحـــــــت ابـــوه وفرقتــــه عن أهلــــــــه هي الســـــــــــبب
..
***
ضحى
كان المطر يصب بقـــوه علي وانا تحته كنت متكتفه وتاركه دموعي تنزل بدون قيــود ويغسلها المطر وتنزل ويغسـلهااا ...
الليل كله وانا كاتمه دموعي ... ماسمحت لها تنزل تفضحــني .. تفضح ضعفـــي ... وانكسـاري...
ضحكت وبكيـــت وتألمـت خلال هالساعات اللي قضيتها تحــت المطــر ..
ضحكت من سوء حظي حتى سارا .. سارا طعنتني ووهي اللي بكتنـي مرات ومرات كانت اول وحده توقف معي بمصابي وتكرر على مسمعي انهاااا تحبنــــــــي .. تحبنـي وتخـونني ...
ليش ياسارا ليش ياأخـتي ليش يابنتـــي ..
حتى انتي ماأمنت شــــــرك ..
طلعتي مثلهــم تحرين غفلاتــي ..
حسيت بيدينه على كتوفي ..
عساف:بلا جنااان ادخلـي داخل ...
اكرهه .. اكـره تدخله فشئوني اكـــــــره وجوده فحيــاتي .. اكره محاولاته الغبيه لأستعـادتي ...
ضحى :لوسمحت اللي فيني كافينـي .. اتركني بحاالي ..
عساف :لاتصرفين تصرفااات اطفال بالله عليك اللحين وش الفايده من تصرفك هذا ..
لفيت عليه بقوه وانا ابتعد عنه ..
ضحى :انتي اللحين وش تبغى مني يأبن الناس اتركني بحااالي ان شاءالله امررض اموووت مالك شغل فيني ..
عساف:الا لي شغل فيك انتي زوجتي وام ولدي .. وبعدين ترى اللي صار مايسوي كل اللي تسوينه بعمرررك ..
ضحى :مايسوى اكيد ماراح يسوى بنظرك... حرقة قلبي ماتســـوى اللي اسويه ليش لأني انا اللي انغدر فيني وخانوني اهلي والقريبين مني وطعنوني بتصرفاتهم مره بعد مــــــــره مو انت.. وش يسوى عندك انه ينذبح قلبي الف مره ولامره وحده ..
وش يسـوى عندك لو كل اللي حولي يرمون محبتي لهم واهتمامي بوجهي ويقولون حياتناااا لاتدخلين فيهـــــا .. اصلاً وش يسوى عندك لو اموت كمد وقهــــــــــــر ..
عساف:هدي اعصابك ولاتضمين الكل بكلامك اختك اللي خانتك انا وش دخلني تلومينـــــي ..وتفتحين بالقديم ..
ضحى :لاااا لتفكر انه بس سارا اللي مقصوده بكلامي حرقة قلبي كلكم شاركتوا فيها انت وابوي وجدتي وامي ..كلكم حرقتوني مره بعد مررره لين صار قلبي رمااااااد مايشعر مايحس ..
عسا:لاتقولين كذا لاتقهريني وانا مابيدي شـي اسويه لك ... انتي تدرين اني اللحين ماأبغي الا رضاك وسعادتك .. صدقيني كل شـي ياأذيك يأذيني اناااا .. لاتلوميني باللي كنت اسويه قبل ماأحبك ..
ضحى :تحبني .. وش دخل الحب بموضوعناا واجباتك كزوج ماتلزم انك تحبني عشان تأديهااا... انت اول من كسر قلبي وحطمني بتجاهلك لي ورمي وراك كأني أي شي تافه نستخدمه مره وحده ونرميه وراانااا ...
مسكني مع ايديني حاول يقربني بس انا ماعطيته فرصه صرررخت عليه ..
ضحى :اوووووووه ماتفهم اتركني بحااالي كفايه خلاص مليت منك ليه ماتبغى تفهم اني اكررررررهك مأطيقك مابيك بحياتي وكل هاللي تسويه بدون فايده انت ولاشــــي بالنسبه لي ... انت شي تافهه حقير غبي منكد علي حيااااتي .. ماأبيك ماتفهم حل عنــــي ... اكررررهك لوايش ماصار بحياتك ماراح تعنيلي شــــــــي ..
طاحت يديني بعد ماتركهااا وارتجفت وانا اشــوفه يتراجع لين وصل باب الشارع لف بسرعه وطلع منه بدون مايناظرني ...
خلاااص رااح .. ارتحت منه ...
ملاك
لميت اطرف عباتي بيد ترتجفابغاها تدفني كنت واقفه تحت المطر بأول الفجر بأنتظار المؤذن يقيم للصلاه عشان اطلع انقذ اختي من الوحش ... ماصدقت يوم سمعته اقام بديت ابكي وامسح دموعي باصابعي المثلجه وانا امني نفسي بشوفة سارا بعد دقايق ..
كنت مرهفه السمع انتظره يطلع بس ماطلع صبر خمس دقايق ماسمعت أي صوت باب طلعت وانا حاطه في بالي فيه ولاماهوفيه اختي برجعها يعني برجعها .... علقت على جرس الباب واطرافي البارده ماساعدتني ...
... ابغااااه يفتح لااازم يفتح ولابكسر الباب عليه .. سارونتي .. اختي .. ماراح اتركهااا لللوحش لو اخذهااا ونعيش بشارع لحالناااا بس ماأتركها له يعيش بحياه مجهـوله واكيد العذاب نصيبها ...
ماأهمتيت ان الوقت فجر والناس بتطلع من المسجد وتشوفيني ... وينها ساراا ليه ماتفتح لي الباب أكيد مقيدها او ساجنها مقفل عليها بغرفه .. او يمكن ذبحهااا لاااااااااامستحيل قيس يسوي أي شـي بس مايقتل ....
لو بيقتل قتلي انا بعد مااكتشف اني الشحاده ...
استمريت اطق مرات على الجرس ومرات على الباب لين انكسرت يدي وماأحد فتح ... ماحست الا بيد تسحبني على وررررررى ..
:وش تسوين .. من انتي ..؟!
صرخت بقوه وقهــــــــــــــر للأنسان اللي شفته ..
ملاك:قل لأخووك الحقير يطلع اختــــــي ..فاهم ابغى اختـــــي ... طلعوا لي اختي ...
وصرخت على ام كايد اللي تحاول بتعب تنزل من السياره ...
ملاك :قولي لولدك الحيوان الحقير المنحط يطلع اختي ولااا والله لأذبحه واحــــرق فيــه ...
***
سارا
خلاااص بموووت مأدري وش اسوي ماني لاقيه تلفون اكلم منه خواتي يجون يأخذوني واصلاً لو كلمتهم انا مأدري في المكان اللي انا فيه عشان اقولهم يجون يأخذوني منه .. بس انا ابغى اسمعهم اصواتهم بقولهم ايش اللي فيني .. اكيد خايفين علي رجعت ادور ... لين فجأه تذكرت جواله ... جوااال الوحش ... بس لااااااااااا مستحيل مأقدر كيف اخذه ...
مجنونه انا مجنونه كيف اقرب منه واخذ جواله ... والله لو انهبلت .... لااا انا انهبلت وخلصت ولااا انا اللحين معه في مكان واحد وماسكه اعصابي ..... ايه لازم امسك اعصابي هالشي كان بيصير اللحين او بعدين دامني تزوجته والمفروض اكون اقوى من كذا وماأخاف منه هو الوحش ... وانا لاااازم اكون وحشه اقوى منه ماراح اخاف منه هو انسان مثلي مثــله ...
لازم اهدي اعصابي وماأنهبل صح لو أي احد ثاني مكاني فقد عقله بس اناااا بكون قويه ...
اللحين بروح اخذ جواله وبتصل على خواتي ... وبطمنهم علي هم ماراح يقدرون يجون ينقذوني بس أنا بنقذ نفسـي بنفسـي ...
اخذت نفس عميق وقريت المعوذات الف مرره قبل ماأفتح البااب كان أي تصرف خطأ بيكشفني لأن الهدؤ بالشقه غير طبيعي لأنا بشتاء لامكيفات ولاشـــــي .. وقفت عن باب الغرفه متجمده وانا اشوفه نايم على السرير خايفه حيييل مووووت رجولي احسها رخوه موقادره تشيلني وبدون احساس مني تحركت الخطوه الأولى نحو السرير وين الجوال ....!
من شدة رعبي حسيت اني نطقت باللي افكر فيه ... مسكت اعصابي وماصرخت مثل ماكنت مخططه ..
ماتحرك ماحس فيني على نفس نومته على بطنه ماتحرك منه ولاجزء .. طاحت عيني صدفه على الجوال اللي بالشحن بعدماكنت خلاص مقرره اطلع ... اسرعت للشاحن سحبت الجوال منه وفصلته .. بس فكرت اطلع اهتز الجوال بيدي واطلق صوت قوي وجابر يتصل بك يتردد على الشاشه .... كانت حركتي سريعه وغبيه ....
كتمت صوتي ولانفس بعد ماكتمت صوت الجوال وحطيته على الصامت كنت مخبيته تحت ملابسي وهو يهز بأستمرار بس ماني قادره اتحرك المكان تحت السرير ضيق .... ايه تخبيت تحت السرير لاتستغربون ... سمعت صوته يطلع من الغرفه شوي وجلس ينادي علي ... واصوات ابواب تنفتح وتنصفق حتى باب الشقه شكله فتحه يدورني برى ... مرت دقايق وبعدها دقايق لين حسيت بضوء خفيف على وجهي .. فتحت عيوني اللي كنت مغمضتها لأني اخاف افتح عيوني بالظلام وطاحت بعيونه كان رافع طرف المفـرش ومنحني على ركبته يطالع فينــــــــي .. جلس دقيقه على هالحركه وبعدهااا مد يده لي ..
***
صحى على صوت جوال اللي كان على اعلى مستوى بالنغمه المزعجه اللي حطـها له منير ظهر العيـد كان ك شوي يتعبث بجواله ويغير نغمتـــه لين ثبت على هذي ... مديت يدي ادور الجوال حولي بس مالقيته تذكرت اني حاطه بالشاحن اول مارفعت راسي للمكان اللي شبكت فيه الشاحن شفته طايح على الأرض والجوال ماهو فيه.. قمت بسرعه ادوره مالقيته ... تذكرت العله اللي معي لايكون اخذته لحضه انا كيف تركت المفتاح بالباب لايكون هربت هذي قويه متعوده على الهياته الخبله يمكنها ماتدري انا طلعنا من الرياض تحسب انها بمكان قريب من بيتها بس تركب التاكسي وتدله العنوان .... طلعت بسرعه دورت عليها مالقيتها بالصاله ... فتحت الباب دورتها برى ماهي فيه ...رجعت ادورها بالشقه مالها أي اثر ... بعد ماقلبت الدنيا كلهااا رجعت للغرفه بأمل بسيط وطاحت عيني على طرف عباتهااا طالع من تحت السرير ... جمدت مكاني ماني مصدق معقوله ... تقربت من السرير بحرص اني ماطلع صوت وركعت جنبه ... سمعت صوت تنفسها السريع وتأكد انها هنااا .. رفعت طرف المفرش وشفتها مغمضه عيونها بقوه ويديها شابكتها على بطنها بقوه وكانها تترجى شـي ... شوي وفتحت عيونهااا .. هذي هي سارا اللي اعرفها بشفايفها المزمومه وعلى استعداد تام باي لحضه انها تهتز معلنه نوبة بكـاء ... وعيونها الي بحياتي ماشفت مثلهاااا بذعرها وخوفهاااا ... مديت يدي لهااا وسحبتها من تحت السرير ..
قيس :وش تسوين هنااا ..؟!
ومثل ماتوقعت ارتجفت شفايفها وطاحت دموعها ... من يومها صياحه يوم كانت صغيره لوقلت لها عينك براسك صاحت ...
قيس :طيب وين جوالي ..
سألتها وانا امسك يديها الثنتين ...
ارتجفت اكثربدون ماتنطق ... وهي تهز راسها بلاااا .. اللهم طولك ياروح ...
لفيت اناظر وين ماكانت تحت السرير بس المكان فاضي مافيه الجوال ..
ناظرتها بقوه ..
قيس :وين الجــوال ....؟!
***
نزلت من فوق على صوت زغاريط الطباخه المصـريه ... من بعد ماواجهتها امس مع ميشـو ماجاها نوم نزلت بتشوف امها اللي من مات عمها ودخل خلف السجن وهي مو على بعضها بس تكابــــــر ...وقفت عن المشـي وش هالمنظر اللي تشوفه قدامها امها حاظنه مالك وتبكــــي ... خلللف وش صار حكموا عليه .. بس لااا امها كانت تضحك فرحانه .. وش السالفه ...
سعاد :يمه وش فيه ..؟!
ام خلف :فيه الخير والرضا والسعاده ...
سعـاد :الله الله وش صاير ...
ام خلف وهي ترجع تحضن مالك :مالك حبيبي اقنع اهل وديان انهم يتنازلون عن حق بنتهم .. مارضا على أخوه ... يخيس بالسجـن وهو جالس مرتاح هنـــــــا ..
سعاد سألته وأنا اتذكر تهديد ميشو انها هي وخواتها ماراح يرضون ان خلف يطلع منهااا حتى لو يرفعون قضايا الدنياا :صدق مالك بتنازل عشـان خلف ...
مالك :ايه خلاص شبه وافقوا باقي ضغط بسيط وتنحل القضيه ..
سعاد قالت بتردد :لكن بنات عمي مبارك ماهن راضيات ...
ام خلف بنرفزه :وهن وش دخلـهن اصلاً ابوهن متبري منهن مالهـــن حق ...
مالك :ابوي ماله عيال غيـري وانا تنازلت ... ويكفي تنازل واحد بس عشاان مايحكمـون على خلف بالقصاص ...
ارتجفت سعاد من هالكلمه قصاص لو صار لأخوها شـي هي اللي بتكون السبب ... هي اللي جرته لهالبـلوه .. والسبب مشاعل الحيـــــــه ... بس هي ماراها تتركها بحالها لازم ترد لها الديــــــن ...
بتعلم المتشرده بنت الفقـر كيف تلعب مع الأكابر ...
مالك كان يفكر كيف امه رضت عنه من تنازل عن حق ابوه وقبل جتها فتره حتى السلام ماترد عليــــه .. ولاكأن ابوه مقتـول برصاصة ولدها ... وبالأخير هددت بالفلوس هو يدري ان ابوه مايملك شـي من كل هالعز وهذي فلوس ابو خلف . بس ماتوقعها من أمه كان يحسبها تحبــه لشخصه بس وش يجي جنب ولدهاااا ...
هي اللحين تظن انه مـوافق عشـان الفلوس مادرت عن اللي يفكـر فيه وابتسم بخبث ....
***
سارا
جلست ابكي و ابكي بعد ماطلع من الغرفه احس حنجرتي انجرحت من كثر مابكيت هذا غير صراخي بالسياره اللي افقدني صوتي ... كان يسألني عن جواله وانا ابكي لأن الجوال كان يهتز تحت ملابسي كنت مثبته على خصري وهو يهز والله وانا ابكي احس بضحك لأنه يدغدغني ... شهقت بقوه وانا مرتاحه لأنه طلع من عندي بدون احساس افترشت الأرض البارده وتغطيت بعباتي ورحت بالنوووومه طويله صحيت منهااا على كابــــــــووس كان ابطاله قيس والجوال ...
تعوذت من الشيطان وتذكرت الجوال لازم اكلم خواتي بس كيف اخاف يدخل ويشوفني الساعه كم اللحين ...
سحبت رجولي اللي صايره ثقيله وكانها مليانه كدمات ... طليت بالصاله مالقيته رجعت بسرعه ودخلت الحمام اللي بالغرفه ... دقيت على رقم ضحى اللي حافظته اكثر من اسمــــــــي .. بس ماتررد تقطعت وانا ادق ماردت علي خفت يكشفني ... وانا مادقيت على خواتي اتصلت بسرعه على البيت دق لين انقطع محد رد حاولت مره ثانيه وثالثه ومحد يرد ...
كنت برمي الجوال على ارضية الحمام من قهري بس لا لو رميته كيف بتصل على خواتي اللي مايردون .... هذا يناديني ولاانا اهلوس ... لاهذا صوته ياربي ...... خايفه حييييل رجعت خبيت الجوال ... لاتنسين ياسارا كوني قويه وضحي له انك مو خايفه لاتبكين وتذكري اسى شي ممكن يسويه يذبحك ويقطعك ويرمي لحمك لكلاب الشوارع بس لاتنيسين لوذبحك بتكونين مظلومه ازهقت روحك بدون ذنب .. لاتخافين لاتخافين ... اذا هو وحش انتي وحشه ... لو بتنامين هنا بالحمام سنين بالأخير بتواجهينه .. انتي وهو بمركب واحد ولازم توصلين لبر الامان بيتك فيه او بدونه ....
طلعت من الحمام بعد ماشجعت نفـسي بهالكلام ..
اول مافتحت الباب وشفته نسيت كل اللي قلته وماقدرت ابعد عيوني عن عيونه الحمراء ...
قيس :انتي هبلا فيه احد يدخل الحمام بعبايته...
بتكلم وين صوتي بصرخ واقول انا حررره .. اعتبريه وعد نوف شدن أي احد تافه ماتخافين منه بس لاتشوفينه انا هو بس مأقدر .. ارتجفت وعيوني ماتحملت تشوفه بدون ماتنزل دموعهااا ...
شفته يصد عني وهو يحط يده على راسه ... وهو يقول استغفرالله العظيم بصوت عالي ..
ثم لف على وسحبني مع يدي بقوه لبرى الحمااام وصلني نص الغرفه ثم هزني ...
قيس :ليه تصيحين اللحين ظربتك انا كلمتك هشتك رفعت صوتي عليك ....
وانا ماعندي رد الا جلست اصيح بصوت عالي ياربي كأني بزر حطيت يدي الثنتين على فمي بمنع صوتي بس ماقدرت ياررربي ...
قيس :ياررب الكون ... انا وش اسوي لك والله ماتكلمت ... خلااااااااص بس بقولك شي واحد اسمعيني ... اللي صارا صار وحنا اللحين صرنا مع بعض برضانا او بدونــه وبنستمر على هالحال لازم نفهم بعض مو حاله كل ماشفتيني صحتي ....
كان يقول كلااام كثير وانا ماسمعه كنت ابكي لأني مقهوره من نفسي ليش ابكي ...
قيس :لااا انتي موصاحيه ابد .. ابكي لين بكره واذا شبعتي بكاااء اكلي من الأكل اللي بالثلاجه مو تموتين علي .....
وطلع وهو معصب وسمعت صوت باب الشقه يتقفل بالمفتاح ... ياررررررررررربي ...
مسحت دموعي لما مليت من البكاء وقلت بروح اكل لأني جوعانه مره واحس راسي دايخ ماني قادره افكــــر ..
رحت للثلاجه واخذت منها عصير كان بارد مرره حسيته يحرق حنجرتي اللي تألمني خلقه ..
اخذت معه فطيـره وجلست اكلهم بسرعه ... برجع احاول اكلم خواتي ...
خايه يرجع ويطلب من الجوال بس لااامستحيل حتى لو يذبحني ماراح اعطيه الجوال هذا املي الوحيد وصلتي الوحيده بخواتي بدونه بمـووت ..
***
طلع من الشقه هو محتار وش يسوي جواله مايدري وينه وهو بدونه يضيع .. ركب سيارته وتذكر جواله الثاني اللي فيه بطاقة سوا ومن زمان مقفله طلعه من درج السياره وفتح ماكان فيه رصيد مر على اقرب دكان واخذ منه شحن لجواله ..
اتصل على جابر بيشوف اخبار امـه وهو يحمد ربه انها بقرية اختها وماتدري عن اللي قاعد يصيـــــــر ... مع ثاني رد جابر وهو يقــــول :مرحبا بالهربااان ......
حط يده على راسه ورد :وعليكم السلام وش اخباركم ..؟!
كمل جابر ملاغته :فضحتنا يالخبل كان قلت لنا انك مستعجل على الزواج وماكنا بنقول لك لاااا حتى ابوي زعلان منك ...
لاا ابوه بعد هذا اللي ماحسب حسابه ابوه موعند ابله وش رجعه الرياض بهالوقت :جابر بدون خبال امي وش قالت عطينيها بكلمهااا ..
جابر :امك ماعندها مانع الزم ماعليها انك تزوجت سارا حبيبة القلب والباقي ماهو هامهااا ..
قيس :احد غيركم درى ..
جابر:اعوذ بالله بتفضحنااا أنـت المهم ترى امي كلمة اختها المصون وحذرتها تقـول لأحد شـي عن اللي صار ...
قيس :زين هذا اللي كنت بسويه ...
جابر :ايه فضحنا وقل هذا اللي كنت بسويه ..
قيس بعصبيه :وش تبغى انت ..
جابر:عاجبتني حركتك يأخي خطيرره .. وينك اللحيـن ..
قيس :بجهنم سلم على امي وانقلع عن وجهـــي .. وقفل الخط بوجهه ..
اللحين من بقى ماعرف اذا حتى ابوه اللي مايدري عن الدنيا عرف ..
بس زين انهم دروى .. وتصرف امه ريحه عشان مايتصل على عساف مثل ماكان مخطط لأنه ماله وجــه منه ...
اللحين وش يسوي اذا رجع للشقه طاح بصياحه وهو دايخ مايبي الا فراشه ..
مايدري يلومها لأنها صياحه ومنفجعه من الطريقه اللي لقت فيها نفسها معه او يلوم نفـسه اللي تصرف بلحضة تهور بدون عقـل ..لازم يطاوع جنونه بشوفة شوشو يوم العيـد ... يآآآآه يوم العيد كأنه قبل شـهر مو أمـس على كثر الأحداث اللي مرت عليه ... صدق عيد على المسكينـه ... مسكينه ايه مسكيـنه ليش يحط خيبته عليها هو الغلطان هو سبب كل حاجه هي مالها اي ذنب الا انها جت بالوقت الغلط ... معقــــوله الطريقه اللي يفكر فيهااا سارا دايم هي سبب خيباته وش اللي تغيـر اللحيـــن ..
نسى انها سبب تفريقه عن شـوشو حبيبتــــه اللي حبهااا بجنون القلب والعقــل ..
لا هي موالسبب هي الضحيه اللي دايم تجي بالمكان الخطأ وبالوقت الخطأ ...
***
وعد
طلعت بالشارع بدون عبايه ايه طلعت بدونهــــــا .. ماتستاهل ضحى اللي اسويه عشانه ... حقيررره ماتستاهل شـي تطرد سارا وتصارخ على ملاااك وتبكيـهاااا ...
مليت من تحكمها وتسلطهااا صارت مثل ابليس اللعيــن ...
هذا عيد هذا حزن عزاء كرهت العيد ... وكرهت بيتنااااا وكل شـي كرهته يارب تصدمني سياره واموت وأرتاااااح من هالحيـــاه .. الممله .. الكئيبه ...
الناس عندهم اهل يفرحون معهم بالعيد وانا ماعندي احد خواتي اللي كنت احسبهم اهلي طلعو يكرهون بعـض ... وكل وحده منهم تبغى تكون اقـوى من الثانيه ...
حتى نوف تهاوشت معي لأني سبيت ضحــــــى .. انا من بقى لي طول عمري وحيده ...
ماعندي الا خواتي اللي مايحبون بعض وكل تبغى البيت لها وتحكم فيه ...
ليت ابوي مامات ... كنت يمكن اروح عنده بس لا أبوي اصلاً مايبغانا احسن انه مات ..
استغفر الله مايصلح اقول كذا بس انا من قهررري اتكلم واسب والعن ...
انا ماابغى اكسب ذنوب .. بس غصب عني ماعندي احد يساعدني اني ماأسوي هالأشياء ..
كلهم عندهم مشاكل اهم منــــــي ...
كنت امشي واناظر بالناس والسيارات اللي تمر من جنبي فجأه وقفت سياره فيها عيال كثيــــــر ... واحد منهم فتح الباب وقال ..
:تعالي اركبي ياحــلللوه ...
لفيت عليه وانا فرحانه اني بنزل قهري فيه ...
وعد :انقلع يامتخلف عساك للحصبه والسرطان ونزل المعــويه والملاريا ...
:احلى تعرفين بالأمراض شكلك مشروع طبيبه ... تعالي اركبي طببي قلبي الوجعااان ..
وعد :مالت عليك يالداشر انقلع ولاقسم لأصكك بذا الحصاه تكسر صف اسنانك الأمامي كله ...
:طيب مقبوله منك تفداك اسناني اللي فوق واللي تحت ...
انا غبيه ليش واقفه طنشته ورحت امشي وهم يلحقوني بالسياره ..
قال اللي تو :وين رايحه اركبي نوصلك ...
قال اللي بجنبه وهو يناظرني كلام قذر وصخ الله يلعنه قهرني وجلست ابكي من القهر لأني مأعرف ارد عليهم الملاعيين ..
رحت اركض على الرصيف بعيد عنهم عشااان مايقدرون يلحقوني واشوى اختفوا ...
بعد هالموقف قررت ارجع للبيت غبيه انا يوم ادور لحالي بعيد عن حارتنااا ومنير ماهو معـــي ...
بس قبل بمر هالدكان فيه حلويات تجنن احلى من اللي بدكاننا ..
كان معي فلوس كثير حقت العيديه اللي عطوني حريم حارتنا باالجامع واللي عطتني ضحى وحتى عسافوه الغبي عطاني اكثر واحد هو .. مالت عليه صاير يشفق علينا بعد مامات ابوي ... دخلت الدكان وجلست اخذ من كل الحلويات حسيت اني مبسوطه ابغى اشتري كل شـي دايم احب اقتصد بس اللحين لابشتري بكل الفلوس لأنها فرحتني ...
رجعت للبيت مبسوطه اول مادخلت بالحوش لقيت نوره تلعب لحالها بالطين مو لابس الا ملابسه خفيفه مثل ملابسي بس انا كبيره وهي نونو .. احس اني ارتجفت يوم شفت شكلها كيف متبلله وتلعب بالطين وتسولف مع نفسهااا ..
اليوم برد مو امس كان مره حاررر لدرجة انا جلسنا الصبح بالحوش وكان الجوو حلوو ..
اول ماشافتني رمت اللي بيدها وجت تركض لي ...
نوره :دوده ..
الحماره تسميني دوده يقالها بتدلعني ...
وعد :اسمي وعد ..
حطت اصبعها اللي فيه طين بفمهااا ...
وعد :لاايععع اووفااا طلعيه ...
طلعت اصبعها وسألتها بعصبيه ..
وعد :ليه طالعه بالبرد بدون جاكيتك وين جزمتك وشرابك ...
نوره :انا احبك ...
طالعتها بصدمه وهي تضمني المجنونه تحبنــــــي .. انا شوفها دايم بس تلحقني بس ماتوقعتها تحبني يقلع شكلها من اللحين تعرف حركات الحب بس لحضه موكنها تحبني عشان الحلويات اللي معي شلتها ودخلتها داخل ووااوو يادفا البيت ...
الدبه شدن منسدحه تحت التلفزيون واول ماشافت الكيس اللي معي نطت تبغى منه ...
وعد :لحضه اوقفوا .. فالبدايه لازم توافقون على شروطي قبل ماأعطيكم ..
شدن :لاتصيرين انانيه ..
وعد :بتوافقين على شروطي ولامافيه روحي جيبلي من المطبخ مويااا .. وانتي روحي البس جيكيتك ..
شدن :لأااا ليش ترسليني اجيب لك حاجه وهي بس تلبس جيكيتها ..
وعد :هي صغيره مو مثلك .. يالله روحي جيبي ولامومعطيتك شـي ..
رحت شدن للمطبخ وونوره لبست جاكيتها وجت جلست بحظني .. احبها مسكينه صغيره ومحد مهتم فيها تكسر خاااطري ..
شلتها وغسلت ايديها ووجها ورجولها عن الطيـن .. صايره حمراء من البيت .. مسكينه محد مهتم فيهااا تصوروا من امس ضحى ماسألت عنها ولاشافتهـــا .. انا خلاص قررت بهتم فيهاا وبخليها مثل بنتــــــي ..
بربيها زين ماراح اخليها تحس بالوحده مثلي ولا بخليها تطلع للشارع بدون عبايه من قهـرهااا ...
انبسطت لأن صار عندي شـي اعيش عشانه اربي نوره ...
انتهى البااارت
|