((5))
(.. مابين الماضي والحاضــر ..)
ميشو
هذا اليوم خصصته للعائله لم أخرج من المنزل منذ عودتي من الجامعه في الحاديه عشر صباحاً وبعد نقاشي الطويل مع ضحــى والقرارات الكثيره التي اتخذناها .. لم أستقبل أي اتصالات فقد قمـت بأغلاق هاتفــي لأتفرغ لحل أول مشكــله عائليه تصادفني بعد تولي القياده حتى وأن كنت تحت التجربه ..فكرت طويلاً بأنسب حل لهذه المشكــله فلم أجد ماهو أسلم من الصراحه لأن أي حل أخر أو بالأحرى كذبه أخــرى ستعقد الأمر أكثر ..ولكن واجهتني مشكلة كيف سأنفرد بأخــواتي من غير ضحى فذالك صعب بل مستحيل وهي مـوجوده في المنزل قضيت معظم فترة مابعد الظهيره في التفكير بحل ربما تتسألون لماذا لأرغب بتواجــد ضحـى وهي صاحبة المشكــله جوابي أن ضحــى لن توافقني على ماسأفعله بل ستمنعني بكل الطرق لذلك يجب أن تتم الأمور بالسريه تامــه ..أنتظرت في حجرتي حتى مغيب الشمس ثم خرجت ورأسي مازال يعج بالأفكــار وعلي أختيار الطريقه الأنسب لأخراج ضحــى من المنزل ولكــن تدبير الله كان اسرع فما أن نزلت السلالم حتى وجــدت ضحــى وهي مرتديه عباءتها استعدادً للخروج .. جلست على درج السلم بأنتظار خروجها .. كانت تملي على التوأم بعض التعليمات بشأن جدتي وخرجت وهي تمسك بالصغيره شدن ..
بعد خروجها بالثواني دخل ابن الجيران منير القى التحيه وهو يضم يديه خلفه ..
منير :حزروا فزروا ايه معايه ..
لأعرف لماذا أخترت تلك اللحضه للحديث بالسر ضحـى رغم وجــود منير الذي لايعتبر من ابناء مبارك ولايحق له سمـاع ماسأقول ولكني أعطيته ذلك الحق او ربما روحي الشريره هي من تصرفت عني تلك اللحضه ..
ميشو :من فضلكم أعطوني من وقتكم للحضات لدي مأقوله ..؟!
خيم الصمت عليهم ..
ميشو :في البدايه وعد لديها ماتقوله لكم ...أليس كذالك وعـد..
بدا الأستغراب عليها فقد أستنكرت حديثي ..
وعــد :وش قاعده تهببين أنتي ماعندي شــي أقوله ..
ميشو :بل لديك .. أخبريهم عن ماشاهدتيه صباح اليوم ..
هذه المــره بدا عليها الأرتباك وتحدثت بعصبيه ..
وعــده :قلت لك ماعندي شي ولاشفت شــي ولاأدري عن شــي أنت وش تبي مني جالسه تبلين علي ..
ميشو :حسناً يبدو أن وعد لاترغب بالمســاعده ..
ملاك :تساعد بايش ميشو خضيتينا وش عندك ..
سارا :الاصدق وعدوه وش وراك وش مسويه الصراحه بديت أشك فيك من الصبح وأنتي مانتي معنا وكله سرحانه ..
نوف :وعد وش السالفه ..
حركت يديهابأنفعال وهي تنفــي..
وعد :وش فيكم أنتم مصدقينها أنا ماسويت شـي ولاعندي شــي ..هذي مجنونه ماهي بالصاحيه ولا أحد فوقتنا يتكلم فصحــى ..
أعجبتني كثيراً بطريقتها الذكيه بتغير مجرى الحديث ..
ميشو :لابأس أهدأي أنا مجنونه وأكبر دلائل جنوني أني أتحدث الفصحــى ولكــن مارأيكم لو حكيت لكــم حكايه ...
وعــد :شفتوا قايله لكم ماعنــدهاسالفه قالت أحكي لكم حكايه ..مجنونه هذي مجنونه ..
شهــد :وعد أسكتي كملي مشـاعل وش السالفه ..
ميشو :جيد اصغوا الي جميعاً فحكايتي تهمكم كثيراً ..
وبديت أقص عليهـم ماحدث قبل ست سنــوات طبعاً بدون ذكر أسمــاء وبأستثناء كثير من التفاصيل التي منها أجبار ضحــى على الزواح .. في البدايه كان يبدوا على ملامحــهم التسليه ومع التعمق فالأحداث بدا عليهم التوتر وقرأت بعيونهم الرغبه بأسكـاتي ..أنهيت حديثــي وكان الصمـت يخيم على الجميــع ...
منيــر :عن أذنكم بروح للبيت عندي مذاكره ..
ميشو :كلا لن تذهب ستبقى لم أنتهي بعد ..
ملاك:من اللي تزوجها عساف أنتي ..
سارا بالصدمـه :عساف مين...!! .. هذي حكايه موو مشاعل أنتي من البدايه قلتي انها حكايه ..
ميشو :اهنئك على سرعة بديهتك ملاك بربط الأمــور ولست أنا من تزوجها عساف..
سارا :شلون وش قصدك يعني كيف .. ؟!
ووضعت رأسها بين يديها لاترغب بالسمـاع المزيد ..
ميشو :وعــد نوف شهد هند شوق مارأيكـــم بالحكايه ..
قفزت من مكــانها وبدأت تصيح بوجهي بجنــون..
وعــد :خلاص أرتحتي أنك علمتينا يافرحتك.. أنتي تكرهينا وتكرهين ضحــى وتبغين تفرقين بينا صح .. محد قالك أنا نبغى نفهـم أنا مأبغى بس أنتي حيوانه الا تبغينا تخربين علينا لأنك حقوده حقيــررره تبغين تقهــرينا ..
وخرجـت من المنزل وهي تركــض لحق بها منيــر بخطوات سريعه وهو ينادي عليها ..لم أعرها الكثير من انتباهي ..
ميشو :ضحــى من تزوجها عساف أعتقد بأن المــوضوع أصبح واضح اللحيــن ..
شوق :طيب عادي وش فيها ليش ماخبرتنا هي بنفسها أنا فرحانه لها ...
صاحت بوجهها هنــد ..
هنــد :أنتي غبيه ضحـى بتروح وتخلينا من بيبقى لنا لا أم ولا أب ولاحتى ضحــى ..
شوق :يعني تقطــع نصيبها بس عشــانك وش الأنانيه ذي اللي فيك بعدين حنا كبار مو أطفال عشان نحتاج لها ..
كنت أراقب الوضع بهدوء ...
شهد :على فكــره مشـاعل لاتفكرين تكــونين كبيره علي أنا ماصدقت أرتحت من ضحــى وهذا أسعد يوم فحيــاتي ..
قالتها وهي تصعـد السلم وتمــر من جواري ..
لم تمــر ثواني حتما سمعنا صياحهــا من الطابق الثاني ..
شهـــد :نووووووووووووووووووووووف نووووووووووووووووف الحقوا علي نوووووووووووووف أنتحــرت ..
|