منتديات قصايد ليل - عرض مشاركة واحدة

08-05-2011

رثاء بالشيخ جابر الأحمد - رحمه الله

للتحميل

شفتك على أكتاف الرجاجيل نايم

وشفتك مغطى بالعلم قلت بردان ..

وحزني داخل القلب حايم

قلت أشعل دموعي وأخليك دفيان ..

صوتي يبه من بين الأحزان عايم

لو أصرخه تهتز من حولي جدران ..

أخاف تقعد يايبه وأنت صايم

وأنت قلت قعدني على صوت الأذان ..

تعبان أدري .. والتعب فيك دايم

تفرش ضلوعك حب وتكون تعبان ..

للحين جسمك على الأكتاف نايم

وأنت الذي قامت على أكتافك أوطان ..

أنت العزيمه لا حكوا بالعزايم

ياما شعلت النور في ليل الأحزان ..

حتى الرمل في دفنتك صار هايم

من كثر ما وجهك يشع نور وايمان ..

تنزل في قبرك والدعاء فوق قايم

كل الأوادم صاروا قلوب ولسان ..

يالله ترحم من هو طفى الظلايم

اللي شعل عمره وسط عمر الأنسان ..