منتديات قصايد ليل - عرض مشاركة واحدة

08-05-2011

أكره إني غصب عنّي صرت سجّاني وسَجينـي
وأكره إني في غيابك ماعرفت اشتاق غيرك !!
حتـى كلّـي قـام ضـدّي ، صـار كلّـي مـا يبينـي
حتـى وجدانـي خذلنـي كنّـه بروحـي سفيـرك!!
كـلـمـا ضـمّـيـت قـلـبـي قال:تكـفـيـن اتركـيـنـي
كل عمري مر ونتي حولي ونبضـي أسيـرك !!
ليش مـن بـد الوسيعـة قـام صـدرك يحتوينـي؟
اعذريني مل صبري ،مل من صحوة ضميرك .
أوعدك لامـات خوفـك.. أسمـح إنـك تحضنينـي
في عيون الوعد ومضة ياعسى وعدي يثيرك.
قلت أجـل ياقلبـي أصبـر والوعـد بينـك وبينـي
يا أسير بنفس دربـك، يـا أعـدِّل خـط سيـرك!!!
وأنت يـا اللـي قـام لجلـك كـل جـزءٍ حـي فينـي
(أكرهك) مليون مرّة ، كثر ما نمت فِعبيرك* !!
كثـر مـا لامسـت كفّـي والتـقـت عيـنـك بعيـنـي
كثر مـا قبّلـت خدّي،كثـر مـا أروانـي غديـرك!!
كثـر مـا رددت أحبِّـك ، كثـر مـا مسّـت جبينـي
الشفـاه اللـي يغالـب بردهـا لفـحـة هجـيـرك !!
هالكثـر (أكرهـك) ياللـي خوفـك إنـك مهتوينـي
ويا كبر خوفك وهمّك كان قلبي صار(طيـرك) !
يـا ( أنـا ) ملّيـت دمـع وملّـت الخيبـة سنيـنـي
ومن عرفتك وآنا (اضحك)كثّر الله ألف خيرك!!

عذاب الحب في قلبي حـرق صبـري ولوّعنـي
على محبوب ما يذكر زمـان مـن الولـع دافـي
زمــان الـلـي بتدليلـه..خـذا عقـلـي وطوّعـنـي
وجدّد فـي رُبـا قلبـي بساتيـن الهـوى الخافـي
الا يـا بسمـة الدنيـا عـسـى يــااارب تسمعـنـي
أناديلك من أعماقـي : تعـال مـن البعـد كافـي!
طرت في خاطري ذكرى على دربـك ترجّعنـي
وترمينـي بليّـا حيل..فراشـي الوجـد ولحـافـي
قليـل الحـظ مـن يومـي،ولاقـد يــوم طاوعـنـي
وقرّب لي حبيبي اللي كلامـه بلسمـي الشافـي
يمنّيـنـي عـلـى اللـقـيـا يلاعـبـنـي ويخـدعـنـي
يصوّر لي اللقا لحظة..ويرجع واقعي الجافـي
ويرسم لـي معـاك أحـوال ..تعطينـي وتمنعنـي
وأنا المجنون من شوقي فِبحرك طاح مجدافي
غرقـت ولا لقيـت اللـي مـنْ بْحـورك يطلّعـنـي
وصرت أشوفك بعيني (حقيقـة وهم)واطيـافِ
حسافـة يـا بخيـل أقفـى عـن أيامـي وودّعـنـي
سقاني المر في عمري وسقيته حبي الصافـي..