منتديات قصايد ليل - عرض مشاركة واحدة

08-05-2011

شاعرة بالمنتدى نبض القصيد
أنا وحدة ومعجبة في شعرها
من تقول الشعر أشواقي تزيد
ويتعلى وسط قلبـي قدرهـا
شاعرة لاقالت القـول الأكيـد
صورت بالقول أعذب سحرها
توصل المعنى لأعماق الوريد
لأستهلت تقطفه من زهرهـا
والتلاعب بالمعاني هي تجيـد
تدخل بجو القصيده وبحرهـا
أستلذ الشعر لاقمـت أستعيـد
في حروفه يوم ينطق ثغرهـا
كل قصايدها لها معنى جديـد
من قرأ في شعرها أبهر بهـا
شاعرة في قولها الرأي السديد
وأن تعلت في سمانـا بدرهـا
لبسوها عقد من جوهر فريـد
لجل يفخر به الزمان ودهرها
ماخذة من أسمها كل ماتريـد
للقصيدة نبض ونبضه أثرهـا..

من خلقني الله وأنا طبعـي عنيـد
الرضا مني...وعنّي شي صعـب
أحسب الحسبة ...وأكررها وأعيد
وأنقش أفراحي على كـف التعـب
تسند أحلامـي إرادة مـن حديـد
مع طموحٍ فوق هامـات السحـب
ومن بحور العلم جمّعـت المفيـد
وارتشفت الشهد من بحر الخطـب
كل همي...كيف محصولـي يزيـد
من فنون الشعر وأمثـال العـرب
من رُبى "الكامل" إلى "العقد الفريد"
رحلتي وصلت..ل"ميزان الذهـب"
ماعرفـت إن الغـلا للقلـب قيـد
وإن سوق الحب به عرض وطلب
لين شفت القلب وبجوفـه وليـد
زيـن وصفـه ماقريتـه بالكتـب
صار مثل الـدم يجـري بالوريـد
والا مثل النار...وأشواقي حطـب
ذبت فيه..وصار لي عمـرٍ جديـد
وانتشت روحي وغنّت له طـرب
وبين احساسي ..وذا الطبع العنيد
مقدر احدد أبد منهـو غلـب!!؟؟