منتديات قصايد ليل - عرض مشاركة واحدة

08-05-2011

بجنون تعشقني وأنا ميتـه فيـك
موتٍ أزخرف به معالـم حياتـي
هذا الجنون اللي فِ/عيني محليك
ما هو الشماغ ورزّته يا غناتـي !
عذب الغزل موجه تداعب شواطيك
فيك أغرقتني قبل لا كتب وصاتي!
مابين صدرك والدفا بين اياديـك
مصرع صمودي...متكأ أمنياتـي
آخذك مني لي،واداريـك واخفيـك
عند الغرق قربك مراكب نجاتـي
أتنفس أنفاسك شذا وصل وأحييك
أسطورةٍ تزخـر بهـا ذكرياتـي
وأتبادل أدوار الوله فـي مغانيـك
وأتعطرك ضمّـة تلملـم شتاتـي
لو قلت :هاتي الروح.والله لاعطيك
ثم ابتهج بك في مراسم وفاتـي!
آجيك كلّي.. كيف بالله ما جيـك؟
لا صرت كلك محتوي لفظ (هاتي)!
الا على ذكر الولع بـك وطاريـك
والسكّر اللي تغزله لـك شفاتـي
هو مر بي يومٍ وما قمت أغنّيـك؟
أو مر وقتٍ ما احتفل بك سكاتي؟؟

لعنبو طبع المعانـد، لعنبـوه شلـون صعـب
يوم ذاك "اللون الأحمر" عن يميني قام جابـك
الله يا محلاها صدفة ، وأنت يا مغـلاك حُـب
لا تضيعها أمانـة وسـط لحظـات ارتيابـك
قمت تبعدها عيونك، تمنع النظـرات غصـب
والحنين اللي لمحته وأنت تنهرهـا وشابـك!
ليش تخرسها حبيبي؟ هو سلام العين ذنـب؟
والا تعرفها بتفضح بالغلا "حضرة جنابـك"!!؟
لاتكابر ...بس يكفي!..لهفتك جنحـان سِـرب
انتفض من هدْب عينك يهمس لروحي: هلا بك.
أنت تظمينا عناد وينتحب فـي النُـص قلـب
والتغلّي رقم خاسر...لاتضيفه فـي حسابـك.
الظما تطفيه نظره دام كـاس الشـرب قُـرب
كم مضى وأنا أعتّق بالوفا نكهـة شرابـك؟!!
هيه ي اللي في حياتي انسكب فِ الروح سكْب
لاسقى فترة شبابٍ مـا بهـا ثـورة شبابـك!
هي ثواني و " الاشارة" تهدي التنهـات "درب"
تطلق "السير" وتقيّد قلبي فْ لوعـة غيابـك!!