لو غبت عني لحظة تغيـب روحـي
أقسم بربي كل ما فيني يمـوت !!!
دام الوصل يبهج مداهيـل بوحـي
أكيد فِ / غيابك أنا بفقـد الصـوت
الصوت فيني يا معالـج جروحـي
اسمك ورسمك والغلا وأجزل بيـوت
أنا اشهد إنك يـا لذيـذ المزوحـي
ضاهيت يوسف واقتبس منك هاروت
سكنت فيني كـان تسمـع وتوحـي
سكنى الأمير اللي به العز منعـوت
لا لا تصير بكاس قربـك شحوحـي
لا تحرم احساس الوله لذّة التـوت
العمر لحظة وانت غايـة طموحـي
ودّي بقربك قبل ما عمـري يفـوت
من قمّتي عشقك ، لحااادر سفوحـي
ناظر عيوني وأنت تلقـاه مثبـوت
في قصر حبك شامخاتٍ صروحـي
والا من أول عشت عمري فِ/تابوت
خلّك قريب وخل روحـي لروحـي
تكفى تراني دون شوفتك بامـوت !!

يا عيدي اللي مختلف حييييل هالعام
كل عام وانته قبل الأعيـاد عيـدي
كل عام يا اغلاهم وضحكاتـك أنغـام
تغمس قديمي في مباهـج جديـدي
كل عام يـا قلبـي ودنيـاك قـدّام
يا نور عيني ، تاج راسـي وسيـدي
كل عام يا شوقي وحبّي لـك هيـام
هتّان صدق ومنسكب فـي وريـدي
كل عام يـا لـذّة نعاسـي والأحـلام
والعشق قيدك، والولع فيك قيـدي!
كل عام يا روحي، وبوحي، والالهـام
وأنت القصيد اللي يخلّـد قصيـدي
كل عام واحنا نسبق العيـد بأعـوام
ويمضي العمر وايديك باحضان ايدي..