منتديات قصايد ليل - عرض مشاركة واحدة

08-05-2011

يلعنك يا ثـوب النفـاق وعباتـه
يلعن أبوها المرجله كانهـا (أنـت)

ملبوسك اللي تستتر فـي صفاتـه
بيّن لنفسي وأنت لعيونهـا بِنـت !

يـا لعنبـو طبـع اللآمـه وذاتـه
ويا لعنبو وقتٍ بطيبـي تزينـت!!

حُسن النوايـا أورثتنـي شماتـه
لنّي قضيت العمر مايوم به خنـت

بياض قلبـي كـان سبّـة وفاتـه
لا عشت يا اللون الرمادي ولا كنت!

الحـظ عاثـر وأشغلتنـي سواتـه
يقسى عليّ ما ذاب صبري ولا لنت

كلن بهـا لدنيـا يمـارس حياتـه
له دنيته رجلٍ ، ولي عالمي بنت!!

من كان كسري هو عظيم امنياتـه
لا طال عمري كان لاحلامه اذعنت

لا هان عقلي ولا تزعـزع ثباتـه
ولاهنت ياقلب الطيابـة ولاهنـت!

لاباس يا اللي تشكي الوهن لا بـاس
يخطاك سهم السو يـا روح مغليـك
لا باس يا ( عقد اللآلي والالمـاس)
ياجعل عين النبض ما يـوم تبكيـك!
ليت المرض وهجوس همك والأتعاس
فينـي تمكّـن يـا حبيبـي ولا فيـك
من مرّني صوتك وهو ذبل الأنفـاس
وأنا على جمـر انشغالـي أراعيـك
قضيت يومي بس ماني مـع النـاس
مشغول فكري بـك وقلبـي يناديـك
مصعب غيااابك يا غذا عذب الإحساس
يصعب عليّه حيل لاجبـت طاريـك!
أدري المرض يعطي بلا حد وقيـاس
وكف الشفا من مهل ياشوق تعطيـك
يا الله عسى وقت المواجع للافـلاس
يشفيك ربي ومن ردى الحظ يحميـك
تختال متعافي وتاجك علـى الـراس
لجل أهتني بك واجتهد لـك وأهنيـك ..