منتديات قصايد ليل - عرض مشاركة واحدة

08-05-2011

لاقـلـت لـك : (الـلــي يـريـحــك!) . لاتـثــور .
لاصـرت أنـا أعـرف يــا الـغــلا راحـتــك ويــن!؟
ســو الــذي تـرتــاح لـــه وأنـــت مــعــذور
مـا دمـت تـجـهـل ويـش أعـانـيــه لـلـحـيــن.
مـنـتـه عـلـى حـرمـان ذي الـنـفــس مـجـبــور
عـطـهـا هـواهـا قـبـل مــا تـغـمــض الـعـيــن
شــرّق وغــرّب واوصــل شــهــور بـشــهــور
هـجـر وقـطـاعــة خـلّـهــا تـطــول عـامـيــن
يـجــف عـمــري وأنــت واديـــك مـمــطــور
وش هـم قـلـبــك وأنــت حـولــك مـزايـيــن؟؟؟
مـادام قـلـبــي بـالـرضــا ،، مـمـتـلــي نــور
والـنــور مـنّــي تـهـتــدي بـــه سـلاطــيــن
الـبــس ظـــلام غـــرورك الـمـمـتــلــي زور
وادفـن تـراب الـمـسـك فـي مـعـطــف الـطـيــن
ولا شـفـت دمـعــي تـحــت الأهــداب مـنـثــور
تــراه فــي ذمـتــك يــا ظـالــمــي ديـــن !
وإن شـفـت حـبــري بـيــن الأبـيــات مـهــدور
فـالـحـبــر دمّــي وأنــت بــرّا الـشـرايــيــن
اغـتـال فـيـنـي مــا بـقــى مـنــك مـحـفــور
بـأعـمــاق روحــي ، واقـتــل الــروح بـعـديــن
إن كــان صــدق الـخــل لـلـخــل مـحـظــور
لا بــارك الله فـــي حــيــاة الـمـحـبّــيــن !!
يـا كـتـابـي الـلـي شـفـت بـه الـعـمـر مـسـطـور
فـيـنـي ولا لـي فـيــه لــو بــس ..سـطـريــن. .

ياحزن تكفى مابقت بـي مساحـه
النفس ضاقت في بحر سبعة أيـام
والقلـب عيّـت لاتضمّـد جراحـه
يطيح ينـزف ...ويتـأوّه إذا قـام
يا كيف نبـع/ن ارتويـت بقراحـه
فيني غيابي مصدر/ن حكم الاعدام؟!
عـذّب فـؤادي واستلـذ بصياحـه
قرّح جفوني كنّها ماغفـت عـام!
فيني قهر يجرح دمـوع السماحـه
فيني ألم من هاجس الهم مـا نـام
فيني الحسن يبكي ظهور القباحـه!
نبْش القبور اللي بها سود الآثام!!
فيني التعب يعشب ويكبـر مراحـه
ياكل سنيني ،زهر عمري والأحـلام
لو الفرح غلطـة تبسّـم صباحـه
لابد ليلـه ينقضـي ضيـق وآلام
من ردّد إنه في الجفا بعض راحـه
حسيبه الله كيف يزرع بي أوهام؟؟
يا بُعده اللي من لبسنـي وشاحـه
والوقت لا وقّـف ولا سـار قـدّام
"البعد علّه" وإن بغيتوا الصراحه :
أنا فغيابه سطر نسيتـه الأقـلام!!!