منتديات قصايد ليل - عرض مشاركة واحدة

08-05-2011

لا تحسب إني على الـزلات معتـاده
وألاّ على هرجة الهافيـن باغمّـض
واسيب جمره بوسط الصـدر وقّّـاده
وأقول:عادي بطيبة قلبـي آعـوّض
لا والله إلا تروني شـر يـا سـاده
لتراب رجلي تفـز الجـن وتنفّـض
معروف عنّي نقا قلبي مـع عنـاده
مُهره عصيّه ولا لي فيكـم مـروّض
من أصل عز، وقبايل ساسهـم قـاده
من غير وادي حلي بنْخاه وافوّض؟؟
أهلي سحايب بوقت الضيـم رعّـاده
وفي الرخا بالسخا ما نعرف نقبّـض
خل المسافة قلم يـا مطهـر مـداده
والخط الأحمر نزيده حبر ونعـرّض
تنبيه لا أكثر،ولا ابغى أزيد بزيـاده
لك عِرض بكره به المفتاق بيعرّض!!
احذر دروب النشب والنـاس نقّـاده
يا شين حالك ندم لأظفارك تقرّض!!

وصلـك يجـدد بالهنـا روح مغليـك
ياساكـن(ن) قلبـي ومالـك خيالـي
أنـا أشهـد إن الله بعلمـه محلّـيـك
وأعطاك من فضلـه جميـل الخصـالِ
مثل العسل اسمـك إذا قمـت أناديـك
ومثل البـدر رسمـك بعتـم الليالـي
أعشق عذاب العشق وأموت أنا فيـك
وأهوى أجازف فـي بحـور المحـالِ
ما مثلك أحد(ن) في حياتـي يساويـك
ولا ظـن غيـرك لـه بقلبـي مجـالِ
يانسمة الريحـان لـي قلـب هاويـك
ولي خاطر(ن)بك دايم(ن)فـي انشغـالِ
دقّيت بـاب الحـب وأثـره مخاويـك
رحّب وخذني لك.....وااااعزتا لـي!!
محبوس نجمي فـي سمـاك ولياليـك
يقول : غالي استوطنـه قلـب غالـي
ذقت الشهـد صافـي محلّـى بياديـك
وإن ذقت مُر البعد باقـول :حاااالـي!!
أنته حبيبي وبالغـلا مـن يضاهيـك؟
لاصرت لك (مولى) ولي صرت (والي)!
احتار يـا الغالـي الا جيـت أسمّيـك
واوصف مكانك بيـن حسـن وجمـالِ
الطيب بأصلك والكـرم مـن معانيـك
والجـود والشيمـة وعـزم الرجـالِ
والله لـولا هرجـة النـاس لاجـيـك
أشكيلـك همومـي وسـر اعتـلالـي
واقـول أحبـك ألـف مـرة وأخلّيـك
تركض جنوب وأصـل دربـك شمـالِ
وارسم على صفحة خيالـك هقاويـك
مابيـن بعـد وبيـن لـذّة وصــالِ
مرّات أذوقك العطش ..مـرّه أرويـك
وأحـرّم اللـي عنـد غيـري حـلالِ
وأقتلك بأشواقـك وأموّتـك وأحييـك
وأهديك شوقـي فـي غـلاف الـدلالِ
ومرّات بهديك الزعل لجـل أراضيـك
لجل إنـي أسمـع منـك ذاك السـؤالِ
أبغاك تنسى في حـلا اليـوم ماضيـك
لو ني هجير... بوسـط قلبـك ظـلالِ
وتعيش بي وأعيش بك وأهتنـي فيـك
وأصير مكسب من غدا راااس مالـي..