ريم " آآه يا حســــــــــــرتي آآآه على حــــظي الردي ليـــــــش أنا بالذات حيـــــــاتي جحيم بجحيـــــــم ليــــــش ليـــــش سارة خانتني و استغلتني و راشــد خاني و استغلني و أمي تكرهني و بايعتني برخيص و ابوي همه الاجنبيــــة و ما يسأل عني ( صاحت من الخاطر ) و مهره اللـــي اضعف منـــي استغليتها و جذبــت عليها و كنت الســــبب بضياع شرفها و سمعتها ويـــن أروح اللحين ويـــن أذلــــف وين ويـــــــــــــــــن خلني اتصــــل على أمي لا لا أخـــــاف افتح تلفونـــي و حد من الشرطــــة يتصل عيـــل اللحيـــــــن شالصرفة شسوي يا ربي ،، ( تمسح دموعها ) خلنــــي أروح لها و اللي فيـــها فيها "
وصلت ريم صوب بيت أمها
ترددت تدخل وايــــــــد هالمرة
فتراجعت بترد سيارتها
لكن شافت أمها توها طالعه
أم ريم: ريـــــــــــم
ريم دموعها على خدها و الكحل سايح
ريم صــــــــــــــــاااااحت زوووود و راحــــــت لحضن أمها
أم ريم: ريــــــــــــم شفيــــــــــج تصيحين جيــــــــه صاير شي و أنا ما ادري
ريم: آآآآآآآآآآآآآآآه يا أمايـــــــاااااا
أم ريم ( لأول مرة تخاف على بنتها ) : ريـــــــم خوفتيني عاد قوليلي شصاير
ريم: يا ليــــــــــــتني أمووووت و افتك من هالدنــــــــــــــيااااااااا أنا تعبانـــــــــــــــة تعبانــــــــــــــة
ام ريم: تعالـــــــــــي ندخـــــــــــل داخــــــــل و قوليلي شصاير
ريم و امها دخلن داخل
ام ريم: أنا ودي أقــــولج شي يا ريــــم
ريم مرتمية بحضن أمها و هي تصيح: أنـــــــا يا امي ودي أقــــــــــــوووولج ســـواااد ويهي أنا خــــــــلاص يا امايااا رحت فيــــــها للهـــــلاك للضيـــاع للتشـــتت حاسة عمري مخنووووووووقة حيــــــــــــل
ام ريم: هم أنا بعد مثلج يا بنتي حاسة اني تعبانة و مخنوقة و مب مرتاحة بحياتي و انا مستعده من اليوم و رايح اعوضج عن كل اللي فات >> ( وينج من زمان يا ام ريم انتي اللحين ترمسين بالوقت الضايع )
ريم تأشر على عمرها: أنــــا خــــلاص يا اماية رحت للهلاك بيدي أنــــا انهيت حياة انسانة بريئة تخاف ربها بيد انسان ما يعرف للرحمة درب و الشــــرطة تدورني اللحيـــــن رحت لأعز صديقة عندي شفتها خانتني
ام ريم عقدت حياتها: منو تقصدين سارة ما غيرها
ريم هزت راسها بالايجاب
ام ريم مسحت دموع ريم بايدها و قالت: انزيـــن و شو تقصدين انج انهيتي حياة انسانه بريئة
ريم رجعت تتذكر كل شي و خبرت أمها بالسالفة كاملة
ام ريم فتحت عيونها على الآخر: انتــــي ريـــم سالم جيــــه تسوين لا انا اما اصـــــدق و اللحيـــــــن الشرطة تدورج
ريم هزت راسها بالايجاب
ام ريم بحسرة و ألم: ليـــــــــــش يا ريـــــــم ليــــــــــش سويتي جيـــــــه
ريم قالت بانفعال و اندفاع: شــــــــــو تبيـــــــني اســـــــوي عشــــت طووول عمري مفتقده حنانج اللين ما عيال الشوارع قصو علي و استغلوني و اولهم راشد و سارة عشـــــــــت طووول عمري ادور على اهتمام و حب الاب و الام لكن من غير فايده كنتي انتي و ابوي ما تســــالون عني و ما تهتمون فيني و اذا كنت مريضة خليتوا الشغالة توديني المستشفى و اذا مر يوم ميلادي ما تذكرونه الا اذا انا اذكركم فيه و لا حتى تعرفون جم صار عمري و اذا رسبت بامتحاناتي ما همكم و اذا نجحت سويتولي اكبر طاف و اذا طحت بمشكلة ما ساعدتوني الا البنات اللي صحبتهم سيئة خذوني و علموني كل شي و خلو ملذات الدنيا تحلى بعيني و خلوني اجرب اكلم شباب و اتواعد معاهم و علموني اسير شقق الحفلات الين ما عرفوني على سارة و عاد من هني المصيبة الكبيرة سارة علمتني كيف اكرهج زووود و علمتني على موضة الغرب اللي تخرب العقول و النفوس و علمتني كيف اتزين للشباب يوم اطلع و علمتني ان هالدنيا بس للعب مب لازم استعد فيها لآخرتي و غير هذا كله عودتني لما اسير المول كله افسخ شيلتي الين ما صرت ما اهتم بلبس الشيلة و لما انتو تشوفوني ياية من برع و الشيلة طايحه على جتفي ما نبهتوني و لا علمتوني الصح من الغلط و غيـــــــره من الاشياااااء اللي قضت على عقلي و قلبي و ذاتي و شخصيتي كل شي فيني تسمم كل شي ،، اليــــــــن ما تركز براسي ان هالدنيا ما تسوى شي فخلني اخرب حياة غيري شمعني انا حياتي خراب فخراب قلت لازم انشر الشر لغيري و اعذبهم معاي من جيه صرت مثل الهبلة اتبع راشد و سارة و انفذ كل افكارهم الشيطانية ،، و اللحيــــــــــــن انا قاعده ادفــــــــع ثمن غلطتي بــــس راااااااااحت مهره و راحت سمعتها بسبتي و راشـــــــــــــتد مااااااااااااااات مااااااااااااااااااااااااات
ام ريم تصيـــح: حــــــرام عليــــج تعقين كل اللوم عليه أنا و الله حرام عليـــــج أنا
ريم حطت ايدها على اذونها و هي تصيح: ما ابغي اسمع اعذاااااااااااار ما ابغي
ام ريم: لااا لازم تسمعيني مثـــــــل ما سمعتـــــــج ،، أنا بطفولتي عشت بين أم و ابو فقيرين ببيت خرابة كرهت حياتي معاهم بسبة الفقر كنا حتى الاكل ما نحصله الا بالصعوبة و اللبس للعيد ما نقدر نشتريه صديقاتي عايروني و كرهوني بعيشتي إلين ما توفو امي و ابوي ،، خطبني عقب ابوج و تزوجني و انا صغيرة و كانت حالته بعد متوسطة مب غني قمت انا درست و نجحت و دخلت الجامعة و تخصصت ادارة اعمال الين ما صرت شاطرة بالشغل بشكل نظري و عملي فقمت أأسس شركة باسمي الين ما كبرت و عيشتكم انتي و ابوج بعزي و خيري عاد يوم جربت الغنى و الفلوس و السفر شبعت منه و ما حصلت السعاده اللي ابغيها فاشتقت لشي اسمه حب لكن ابوج ما كان يعطيني اياه كله يناجرني و كله مشاكل و كله نزاعات على اتفه الاسباب و يوم بعد يوم بدى ناصر يدخل قلبي ساعتها هو كان سكرتيري فكان يقولي كلام يخليني اعيش بعالم اسمه الحب و كان كل يوم يعزمني و انا كنت اوافق بدون تردد و مب مكترثة اني على ذمة ريال و مع الايام صرت اكلم ناصر بالتلفون و اخبره باسرار حياتي مع زوجي و معاج و صرت ارتاح لما اشكيله و صرت احب اشوفه و احب اسمع صوته و ما كنت ارفضله طلب من زوود حبي له
ريم: و اللحيـــــــــــن من غير ما تفكريـــــــــــن سلمتيه الشركة بكبرها و سجلتي البيــــــــــت باسمه و عطيتيه توكيــــــــل عام
ام ريم: ايـــــــه شدرااااااااااااج
ريم نزلت راسها: ناصر يا امايــــــــة...
ام ريم عقدت حياتها: ايه شفيه ناصر
ريم: أماية ناصر يخونـــــــــــــج
ام ريم: نــــــــــــعم شقاعده تقولين انتي
ريم تمسح دموعها: قص عليـــــــــــــج و خانج
ام ريم قامت: لا مســــتحيل ناصـــر يقص علي هو يحبني و مستحيــــل يخوني
ريم و هي تصيح تقربت من امها: يخونــــــــج مع سارة اللي كنت اتحسبها تخلصلي بحبها طلع ناصــــر يحبها و متزوجـــنها و اليـــوم لما رحت ألجأ لها طردتني لأني كشفتها على حقيقتها هي و ناصر و سمعتهم يضحكــــــــون عليـــــــج و طلع ناصر ماخذ منج توكيل عسب يسجـــل الحــــــلال كله باسم سارة و فعلا سجله باسمها و سمعتها بعد تقول انها راح تداوم بالشركـــــة جريب
ام ريم: ريـــــــــم لا تجذبــــــــــــين
ريم: و الله و الله ما اجـــــــذب اذا ما مصدقتني تعالي بوديــــــج شقتها تتأكدين من كل شي بنفسج
شارة: مـــــــــا يحتـــــــــــاج يا حبيبـــــــــــتي تخلين الست الهانم تروووح و تتأكــــــــــد إن ناصر زوجــــــــي
ام ريم تفاجأت من وجود سارة: انتــــــــــــــــي شتخربطيــــــــــــــن
سارة التفتت على ناصر: أقـــــــــــــــووول حبيبـــــــــــي علم مرتك و قــــــول لها انك زوجـــي و ان هالبيت اللي اهي فيه باسمي يعني ملكــــــــــي
ام ريم منصدمه: صـــــــــــج اللـــــــــــي قاعده اسمعه يا نـــــــاصر
سارة: ما تتكلم يا عمري و لا خايــــــف من حضرتها
ناصر بتردد: لا شو خايف منها تخسي الا هي
ام ريم: نــــــــــــاصر انت شقاعــــــــــد تقـــــــــــول
ناصر: ام ريم أنتي طالق طالق طالق
عم الســـــــــــــكوت بالمكان لخمس ثواني
ام ريم تاشر على عمرها: تطلقــــــــني يا ناصر بسبة سارة
سارة: سارة فديت روحج عمتج و تاج على راسج
ريم باندفاع: تخســـــــــــــــــــــــــييييييييييين إلا أنتـــــــــــــي
سارة: جـــــــــــــب انتي لا كلــــــــــــــــــمة و يــــــــــــــلا و انتي و امج قلبو ويهكم من بيتــــــــــــــي يـــــــــــلاااا
ام ريم: هيــــــــــــــن يا ناصر بتشوف انت و زوجــــــــــــتك يالحرامـــــــــــي ان ما يريرتك للشرطة و المحاكم ما اكون انا ام ريم
سارة: ناصر زوجـــــــــــي مالج شغـــــــــــل فيه و الحــــــــلال انتي بنفسج وقعتي على التوكيــــــل الين ما سجله ناصر حبيبي باسمي و يـــــــــــلا عطيني مقفاااج انتي و بنتــــــــــج بررررررررررررررررررى و لا اقول قبل ما تطلعين شيلي قششج من هالبيت ما ابغي اشوفه ببيتي لأني ما بخليج مرة ثانية تحدرينه فاهـــــــــــــمة
ناصر: ريـــــــــــــتا ريــــــــــــــــتا
يت الشغاله بسرعه: يس سير
ناصر: شيلي اغراض مدام ابتسام و لميه بســـــــــــرعه و نزليه تحت يــــــــــلااااااا
راحت الشغالة تنفذ اوامــــــــر ناصر
في اليوم التالي
خالد سمع تلفونه يرن بس شاف الرقم غريب
خالد: الـــو
......: الســــلام عليكم
خالد معقد حياته: و عليكم الســـلام و الرحمة من معاي
......: أن الدكتورة سمية علي
خالد: خير فيه شي
الكتورة سمية: انت زوج المدام شيخة علي محمد الـ،،،،ـي
خالد خاف: هيه أنا زوجها خير شصاير
الكتورة سمية: أخوي حبيت اعتذرلك عن خطــأ صار لما يبت لنا زوجتك و فحصناها
خالد بخوف: شيخة فيها شي خطير
الكتورة سمية: لا يا خوي مب جيه السالفة ،، زوجتك شيخة مب حامل و نحن لما قلنالكم حامل لخبطنا بينها و بين وحده ثانية تشابهها بالاسم فعطينا نتيجة مرتك للثانية و ذيج عطينا نتيجة تشخيصها لزوجتك بالغلط و زوجتك ما كان فيها شي غير الارهاق و فقر دم فقط لا غير
خالد: صـــــــــــار خطأ فالتشخيــــــــــص دكتورة انتي متأكــــــــدة من كلامج
الدكتورة: ايه اخوي أنا متأكدة و اذا حاب تتأكد أكثر رجعها على المستشفى بنسويلها فحوصات ثانية
خالد: خلاص برايج مع السلامة
الدكتورة: مع السلامة
خالد اسودت الدنيا جدامه تضايج حيــــــــــــل من هالخبر " شيخة مب حامل عيــــــل هي قبل هالفحــــص بروحـــها قالتلي إنها حامل معقوله بعد بالغلط قالولها جيــــــــه اللحيــــــــــن بروووح لهـــا أشــــــووووف سالفتها و يا ويل ويلها إن طلعت تجذب علي بتشوفين يا شيخه "
ღღ الجـــــــــــــــزء الــــتاسع عشــــــر ღღ
في بيت ام سعيد
خالد دش داخل: شيــــــــــــــخة شيــــــــــــــخة
يت الشغالة: ماما شيخة نايم
خالد: رووووحـــــــــي ناديــها
أم سعيد يت: خالـــد انت هني و لك ويه تراويني ويهك من بعد ما عرست على بنتي
خالد: عمتي وين شيـــــــخه
ام سعيد: شو تبا فيـــــــــــــها
خالد: بــــــــنتج طلعت مـــــب حامل يا عمتي
ام سعيد: انت شـــو تقول
خالد: اللحيــــــــــن شيخة وين
شيخة توها كانت يايه: خيــــر حضرتك ياي لهني و صراخك واصل لآخر الدنيا ما تقولي شفيك
خالد بصرامة: شيـــخه قبل آخر مرة وديناج فيها المســـتشفى قلتيلي إنــــج حامل صح و لا لأ
شيخه: بس هذا اللي ياي عشانه
خالد: ردي علـــــــــــي
شيخة: ايه قلتلك اني حامل
خالد: مع اي دكتورة رحتي
شيخة بارتباك: هاه
خالد بحده: مع اي دكتورة رحتي
شيخة: ليـــــــش كل هالاسئلة
ام سعيد: حضرتك فاتح تحقيق لبنتي على الفاضي يعني
خالد: عمتي الله يخليج لا تدخلين
ام سعيد: جيه ما اتدخل هذي بنتي و اللي يهمها يهمني
خالد: شيخة باختصـــــــــــار انتي جذبـــــــــــتي علــــــــــــي بسالفة الحمل و لا لأ
شيخة: شووو تتهمني بالجذب يا خالد ،، و بعدين أنا ما جذبت عليــــك لأني صج كنت حامل
خالد: عيل ما اشـــوف بطنج يكبر
شيخة حطت ايدها على بطنها و ما تدري ليش دموعها طاحن: امبلا أنا حامل و بييب ولد و بسميه سيف مثل ما وعدتك
ام سعيد: و بعدين معاك خالد بشوي شوي على بنتي في حريم لما يحملون ما يبين بطنهم وايد و حتى لو كانوا بالشهر الثالث و حرمتك بعدها بالشهر الثاني اصبر عليها
خالد: توها الدكتورة اتصلتلي و قالت انهم لخبطوا بين فحوصات شيخة مع وحده ثانية تشابهها بالاسم و طلعت شيخة بالاصل مب حامل
شيخة رفعت راسها منصدمة و تهز راسها بالرفض: لا انت جــــــــذاب أنا حامل
خالد: جذبتي علي بسالفتج مع الحمل و بالمرة الثانية لخبطوا بين نتائج فحوصاتج مع وحده ثانية و طلعتي بعد مب حامل
شيخة صاحـــت و سارت صوب غرفتها و قفلت على عمرها الباب
ام سعيد: زيـــــــــــــن اللحين اللي سويته بالمسجينه لكن اكيـــــــــــد مب منك من مها الشينة اللي لعبت براسك
خالد: مهــــــا مالها خص بالسالفة و بعدين بنتج خليها تحس شويه تراها جذبت علي و هذا مب بالشي الهين
ام سعيد طبته و راحت تشوف بنتها و خالد كان بيطلع
لكن شاف سعيد و غلا توهم داخلين
سعيد و هو مبتسم: هـــــــــــلا و الله بالغالــــــي
خالد: هـــــــلا فيك اشحالك
سعيد: بخيــــــر دامك بخيــر إلا شفيك معفس الويه
خالد: مضايـــــــج من كل شي
خالد راح و مسح على راس غلا: اشحالج غلوووويه
غلا: بخيــــر
خالد: إلا وين كنتو
غلا: رحت ادرس
سعيد: رحت اليوم و سجلتها تدرس مع ذوي الاحتياجات الخاصة الا ما قلتلي خالد شفيك مضايج
خالد خبره بكل السالفة
سعيد: لا حول ولا قوة الا بالله
خالد: و هذا كل اللي صار
سعيد: الله يكون بعونك يا ريال
خالد: شنسوي يا ريال هذا حال الدنيا
سعيد: عطاري اللي صار لهالبنية بصراحة الله يكون بعونها لأن هالشي ثاني مرة تتعرضله
خالد: مب الا جيه الحمدلله ان ربنا سلمها مرتين من هالوحوووش
سعيد: سبحان الله شوف انت كيف ربنا حفظها و هذا راشد كيف حالته اللحين
خالد: بين الحيا و الموت بس ان شاء الله ما يموت لأن إن مات ما بيكون لصالح مهره و راح تتغير مجرى التحقيقات و عادي تحسب لمهره جريمة قتل
سعيد: بس هي المسجينه دافعت عن شرفها مالها ذنب ،، يعني شيبونها تسوي تقعد و تخليه يسويبها اللي يباه ،، و الله أنا رايي الشخصي بمهره و النعم فيــــها و سبعة انعام بذلت آخر طاقتها عسب تحافظ على شرفها و سمعتها
خالد: حليلها حالتها عصيبة و عمها كل ما يذكرها يسب و يسب ابوها
سعيد: هذا طبع بوفهد ما اقول الا الله يهديه
خالد: آميـــن الله يسمع منك
بــــــــــــعد شهــرين)(~
و أهم الأحداث اللي صارت :-
أصدرت المحكمة قرار بحبس راشد لمدة عشـــر سنين ،، تعالج راشد و صحته صارت متحسنة أكثر عن قبل و بعد شهرين طلعوه من المستشفى و على طول ودوه للســـــجن ،، هذا يـــزاك يا راشــــد حرام عليك اللي سويته بهالفقيــــرة المسجينة ،، دمرتها و دمرت مستقبلها و خليت حالتها النفسية دامرة على الآخر..
سجلت المحكمة أقــــوال راشد و الشغالــــة و ريـــم..
وكلت أم ريم محامي لبنتها يدافع عنها ،، و غير هذا كله راشد اعترف للمحكمة إن ريم ما كانت تعرف إنه راح يعتدي على مهره ،، و ريم اعترف بكل شي و ندمانة على فعلتها ،، لكن المحكمة أصدرت قرار بدفع ريـــم مبلغ قدره 400.000 درهم
فدفعت أم ريم المبلغ من رصيدها اللي فالبنك و اضطرت بعد تبيع جزء من ذهبها عسب تسدد المبلغ ،، و غير هذا كله بو ريــــم اعتدى على ريم بالضرب المبرح و تبرا منها ليوم الدين بسبة الفضيحة اللي سوتها..
راشد لأول مــــــــــــرة يكون ضعيــــــــف لأول مرة يحس إنه محتاج ســــند ،، راشد طلع من المستشفى و هم محطين على ايده الحديد ،، كان راشـــــــد ضعفان وايــــــــد و يحس عمره كسير ،، و كلــــه يفكر بمهــــره و باللــــي سواه لها ،، و يحس عمره يموت باليوم ألف مرة لما يتذكر مهره و حالتها لما كانت تترجاه ما يلمسها ،، راشـــد الإنســـــان اللي الكل يخاف منه و يهابه اللحيــــن صار الكل يشمئز منه و يشفق على حاله أو يمكن يحقد عليه و يكرهه ،، إن الله يمهل و لا يهمل يا راشد تذكر هالعبارة و حطها ببالك عدل ،، راشـــد أنت كنت رمز للشر و العدوانية و حب الذات و الأنانية ،، و اللحيـــن قولي نفعتك هالمواصفات ،، أكيد ( لا ) لأن الإنسان الطيب بأخلاقه الرفيعة يقدر يعيش مرتاح بعيد عن المشاكل ،، لكن الإنسان سيئ الأخلاق مثل ما كنت أنت عليه شوف كيف وصلتك ،، وصلتك لسابــــــــع قاع و إنت ذليل و راسك مسود من فعايلك الشينة..
دخلوا راشد داخل السجن مع اربعة اشخاص
الاول: هــــلا و الله هــــلا ،،، هلا بالحــــرامي شرفتنا
الثاني: لا شدعوة هذا شكله راهي شكله سارق بنك
الاول: لا وين شوف شكله كيف ،، هذا شارد من الديون
الثالث: اووووه انتو بتسكتون و لا شو ما تخلون الواحد يرقد
راشد يطالعهم كلهم و عقب يلس تحت
الاول: اقول سند
الثاني ( سند ): هلا طروق
طارق: هذا وين لسانه ما اشوفه سلم شكله داخل على يهوود
راشد مب معهم طووول
الرابع: يالربع انتو شفيكم عليه خلوه لحاله لازم تناقرونه من أول يوم
طارق: بدا المحامي سلمان
سلمان: ايه و الله يعني راعو حالته و اسكتوا عنه و عقب هو بروحه بيكلمكم
الثالث: اووووه و بعدين معاكم ما ترومون تسكتون
سلمان: بسنكت يا برهوم بنسكت ( و عقب راح سلمان يفتح القرآن و يقرا بصمت )
راشد " آه يا دنيا شو سويتي فيني ،، الدنيا و لا انت يا راشد ،، الدنيا ما تتغير لكن النفوس هي اللي تتغير و تدمر اللي حواليها ،، أنا انسان فاشل ،، استاهل اللي صابني ،، و هذا اقل من يزاي ،، ( حط ادينه الثنتين على راسه ) ،، و عقب تنهد بعمق و سكر عيونه و تذكر مهره ،، سامحيني يا مهره سامحيني ( تذكر لما كان يمسك جسمها الصغير من بين ايده الكبيرة و كيف يرها صوبه و هي تقاومه و تصرخ لكن ما فيه اي فايده ) طاحت دمعه حارة على خده ( لا تستغربون راشد هذي مب أول مرة يصيحها هذي مليون مرة يصيح من بعد الحادثة ،، آآآه أنا شو اسوي بحالي كيف اتصرف اللحين كيف ،، ابو راشد و ام راشد مطلقين من زمان و عقب بو راشد خذ مغربية و كانت قاسية على راشد وايد يوم كان صغير و كانت وايد تعذبه و ابو راشد ما كان داري بولده و لا كان مهتم فيه ،، كبر راشد و درس و اشتغل عند ابوه حتى لو ما داوم راشد الراتب كان ينزله شهريا بدون ما يسأل عنه ابوه ،، و غير هذا كله ابو راشد اغلب وقته للسفر و عقب فترة تقريبا من عرس راشد على ظبية طلق بو راشد المغربية و تزوج مصرية و راشد من ذاك اليوم و هو ما يعرف عن ابوه شي و خصوصا ان فقط يسمع اخباره من الناس و يقولون انه يسافر يتزوج و يطلق ( يعني ابوه مزواج ) ،، و راشد كان ضحية للتربية السيئة اللي ودته للداهية اللي هو فيها اللحين ( يوم نقول لكم ربوا عيالكم بالاخلاق الحسنة لكن انتو تستهينون بهالاشياء ) ،،راشد ضميرة يأنبه وايد على مهره و على اللي سواها فيه
راشد انسدح على كرفايته و صد بجسمه من ناحية اليدار بحيث محد يشوف دموعه
سلمان صد على راشد و حس انه مضايج وايد سلمان صارله 15 سنة بالسجن و هو اللحين حافظ القران كامل و له لحية كبيرة و يحضر الدروس الدينية يوميا اللي يسوونها لهم بالسجن بمكان خاص
سلمان حط براسه انه ينقذ راشد و يهديه عسب يرتاح لانه ما يحب يشوف اي انسان مضايج
أم ريم من بعد طلاقها الثاني سارت تسكن ببيت أمها الشعبي الجديم هي و بنتها ،، سبحان الله تأملوا معاي هالشي ما لاحظتوا إن ام ريم مثل ما كانت قبل فقيرة ردت اللحين فقيرة ،، ( الدنيا دوارة يا ناس ) خافوا ربكم و فكروا بعقولكم قبل لا تفكروا بهواكم ،، الله قادر على كل شي يقدر يخلي الانسان بين يوم و ليلة من اغنى الاغنياء و يقدر يخلي الغني بيوم و ليلة فقير يحتاج للدرهم الواحد ،، أم ريم طمعت و كل ماله هالطمع يزيد من فلوس لشركة لسفر لحفلات لحب و غيره ،، و تأملوا معاي نهاية هالطمع هل كان لصالحها ،، أكيد ( لا ) لأن هالطمع للأسف بالأخير يتخلى عن صاحبه و ينقلب ضده ،، أم ريم و بنتها اللحين ما يطلعن من البيت مول ،، من بعد فضيحة ريم و سواياها و طلاق امها مالهم ويه يظهرون جدام الناس ،، أم ريم ما راحت للمحاكم عسب تشتكي على طليقها يوم سرق حلالها لأن للأسف وقعها هو بنفسه على أوراق هي كانت غافلة عنها ،، ريم قررت خلاص تتوب من كل شي ،، و قررت تبدا حياة يديدة بس بشرط الانعزال عن الناس..
ام ريم دخلت الغرفة على ريم
شافتها قاعدة على السرير و تصيح
ام ريم: يا اميه تعالي اكليلج لقمة ما يصير جيه منعزلة على عمرج
ريم ما تجاوبت
ام ريم مسحت على شعر ريم: يا بنيتي اللي صار صار خلاص انسي و البنية اللحين تتعالج ما عليها شر
ريم عيونها منتفخة من الصياح و ويهها شاحب و الهالات السود تحت عيونها
و شكلها كان مبهدل
ام ريم عطتها كوب العصير: شربي على الاقل هذا العصير عشاني
ريم ما تتكلم دموعها بس اللي تتحرك على خدها
ام ريم تسألها: و الله لو عندي بيزات كان سافرنا من هني اللين ما تهدى الاوضاع لكن ما باليد حيلة
ريم بهاللحظة مب مع امها كان بالها مع مهره كانت تتذكر يوم كانت تجذب عليها و هي تواسيها و تساعدها بنية صافية
تتذكر اللحظة يوم سارت بيت راشد و معها مهره و يوم فتحت مهره باب غرفة راشد و هي تصيح من الخاطر تحس إن الألم يعصرها عصار و الهم يدور فيها و الحسرة من راسها الين ريلها و الندم يقطع فوادها و الخوف يرجفها من داخل بكل قوة
ريم رفعت راسها و هي تصيح بصمت: اماية
ام ريم: عيونها
ريم: أنا ما استاهل اعيــــش ما استاهــــل اعيش ما استاهل
ام ريم حضنت ريم: يا اميه رحمة ربج سابقة ليش تيأسين
ريم: أنا ما استاهل اعيش ما استااااهل اذبحوني
ام ريم: استغفر الله يا ريم شهالكلام
ريم: اماية أنا بتووووب و الله بتوووب لكن أنا خايفة
ام ريم: من شو خايفة فديتج
ريم: خايفة أموووت قبل ما يقبل ربي توبتي و عقب اروح جهنم
ام ريم تطمنها: لا فديتج لا تقولين جيه مب زين ،، ربنا يقبل كل توبة اذا كانت صادقة النية
ريم: و انا صادقة بتوبتي و الله بتوووب من كل شي و الله
ام ريم: خلاص فديتج خلاص لا تصيحين زوود ربنا رحيم و بيعفرلج و بيغفرلي ان شاء الله
ريم تمسك ايد امها بقو: اماية ابا ازور الكعبة دخيلج
ام ريم: ما عندي فلوس كافية فديتج
ريم: عيل ببيع سيارتي
ام ريم: لا شو تبيعينها
ريم: لا انا لازم ابيع سيارتي باسرع وقت و نقدر نستخدم سيارتج انتي يعني سيارتي مب ضرورية دخيلج اماية ابا اشوف الكعبة بيت الله قبل ما اموووت دخيلج
ام ريم: خلاص فديتج اللي تشوفينه و مثل ما قلتي نحن لازم نشوف الكعبة و نطلب العفو من ربنا و نتوب
ريم تمسح دموعها: يا رب ترحمني برحمتك يا رب
ام ريم حست ان ريم تبا اتم بروحها فطلعت عنها
ريم " آه يا فوادي عليج يا مهره ،، يالله دخيلج سامحيني ،، أنا غبية و جلبة كييييييييف وديتها لراشد كييييييييف ،، شو من قلب أنا شووو ،، خسرت مهره و خسرت سمعتي و خسرت ابوي و كشفت الخاينة سارة و حلال امي راح و نحن اللحين على بساط الفقر ،، و فوق كل هذا خسرت اعظم شي خسسسسرت اثمن شي بهالدنيا خسرت رضا ربي خسرت محبته ،، ( زاد صياحها ) لكن اوعدك يا رب اوعدك اني راح اتوب و راح امشي على صراط المستقيم
بو ريم خلاص تبرا من بنته و اللحين صار محور اهتمامه عياله التوأم سيف و سعود و فاطمة زوجته اللحين صارت ترمس اماراتي بشكل صحيح و عايشة بهدوء مع عائلتها ،، أم سالم كل يوم تتذمر و تتحرطم على صدعة اليهال ،، لكن ما بجذب عليكم صح هي عيوز مخرفة لكن سبحان الله حنانها سابق ،، تحب تلاعب اليهال و تكلمهم و هم ما يفهمون بس يطالعونها ،، و للحين ام سالم ما تذكر ان سالم ( بوريم ) ولدها ،، و للحين ما تركت ادمانها بالقهوة ،، و غير هذا كله صارت تتشرط عليهم و تقول لهم ابا قهوه يمنية اونه وايد حلوة ،، سيف و سعود طلعوا يشابهون بوريم وايد ،، و ام سالم لما تشوفهم و تقعد عندهم وايد تدمع عينها و لما يسألوها ليش تقول لهم إن سعود و سيف يشبهون ولدها سلوم الاغبر لما كان صغير ،، و بو ريم حاول مع امه يذكرها فيه لكن من غير فايدة..
في الصالة الصغيرة اليهال كانو واعيين
و اليدة (ام سالم) شلت سعود: وافديته من صغيرون إلا انتي شقا تفرقين من بينهم
فاطمة ابتسمت: أعرفهم زين و اقدر اميز من بينهم بسهولة
ام سالم: واعليه هالصغيرون متى بيكبر و نشوفه يلعب و يقلب كل شي بهالبيت
فاطمة: هههه لا ما ابغيه يستوي مشاغب
ام سالم: ايه أنا ولدي سلوم الاغبر احيده كان مشاغب ما يقر بمكانه
فاطمة: مشتاقتله صح ؟
ام سالم: خليها على الله ( و عقب تمت تلاعب اليهال )
دخل سالم البيت و كان ويهه معفس
عقب سارت فاطمة تلحقه للحجرة تشوفه شو فيه
فاطمة معقدة حياتها: خير فيك شي الغالي
بوسالم: افففف من هالحالة اللي انا فيها
فاطمة حطت ايدها على كتفه: شو فيك الغالي قولي
بوسالم: بالاول ما توفقت بزواجي من ام ريم و تطلقنا و الله رزقني منها بنت و طلعت على الهاوية و دامرة اخلاقيا و بسبة ام ريم امي ما تتذكرني اللحين
فاطمة: ليش ما تبدا انت تسامح
قاطعها: لا مستحيل
فاطمة: ليش انت جيه ،، اذا ربنا كريم و يسامح نحن البشر مو عسب نقسى على بعض و ما نسامح الدنيا ما تسوى فديتك هونها و تهون
بوريم: بس حريجة شابة بصدري من هالفضيحة اللي صارت بسبة ريم تدرين توني من وين ياي
فاطمة: من وين
بوريم: رحت مستشفى الامراض النفسية رحت اشوف مهره اللي تضررت بسبة راشد الجلب و بنتي لا بارك الله فيها ،، آه يا فاطمة ما شفتي حال البنت كيف صح انا ما دخلت عليها لان مالي حق لكن لما سألت عن حالها تألمت ايد ،، حاسس بغصة و الله و مستهم على هالمسجينه مهره
فاطمة مسكت ايد زوجها: بو ريم
بوريم: اسمي بو سيف و لا بو سعود
فاطمة تنهدت: بو سيف بقولك شي بس ياليت تاخذ كلامي بمحور الجد و ما تزعل و توعدني انك تفكر بكلامي
بوريم: قولي الغالية اسمعج انتي لما تقولين ما تييبين شي على هواج ما شاء الله عليج
فاطمة: بصراحة مترردة اقول
بوريم: قولي فديتج عادي بسمعج للآخر
فاطمة: بصراحة يالغالي أنا من يوم ما اسلمت و قمت احفظ الآيات القصيرة و دخلت هالدورة الاسلامية قاموا يعلمونا أحاديث عن الرسول صلى الله عليه و سلم و كان كل الاحاديث سبحان الله خالية من أي عداء أو كراهية أو بغض و كل الاحاديث نابعة من حكمة و كل اللي وصانا عليه الرسول كان باسلوب العظة و العبرة و الاسلوب الحسن و اللين و الرفق حتى ان الرسول من رحمته كان يزور اليهودي لما كان مريض مع ان هاليهودي كان يرمي الاوساخ للرسول شوف رحمة الرسول كيف اذا اليهودي ترحم عليه و زاره ،، أنا ابي منك يالغالي تسامح بنتك ،، أنا بقولك كيف تسامحها ،، أول شي غير من نفسك انت قبل لا تغيرها شوف اغلاطك انته و عقب شوف اغلاطها حاسب عمرك و عقب حاسبها ،، ريم صح غلطت و النفس امارة بالسوء لكن الواحد يتعلم من اغلاطه و اللي صار لريم درس ،، لو ريم ارتكبت جريمة قتل تبقى بنتك من لحمك و دمك و انت لازم تبصرها على الحق ،، انت يا بوريم غلط لما عطيت ريم الحرية و غلطت لما خليتها تطلع عن تعاليم الاسلام و انت تهاونت على تصرفاتها و سلوكياتها الانحرافية و الشي غلط و انت لازم تبدى من اول و يديد تعدل من نفسك و عقب تعدل من بنتك و صدقني ريم راح تستجيب لك لأن كل اللي صار لريم كان بسبب غياب رقابة الاهل و الحرية الزايدة و الثقة العميا اللي اشوف ان مالها داعي ،، يالغالي و الله فيه ناس ارتكبت الذنوب اللي من الكبائر لكن فجأة تشوفهم الله هداهم و يكونون احسن الناس يا سبحان الله
بو ريم طالع زوجته بحنية: كلامج عين العقل ما عندي شي ازيده على كلامج
فاطمة: اتمنى ان كلامي ما ضايجك و لا نفرزك
بوريم: الله لا يحرمني منج
فاطمة حبته على راسه: و لا منك فديتك
ام سالم: ســــــــــــــــلووووووووووووووووم تعال شــــــــــــــل عيالــــــــــــك عني صدعوووووووني
بوريم: هههه قومي قومي نسير الصالة شكلها اشتغلت حرب البسوس
فاطمة: ههههه يلا
عقب ما ساروا الصالة
ام سالم: وينكم فيه هااااااااه مخليني مع هذيلا المفاعيص الحشرة
فاطمة شلت سعود و باسته: هههه كنت ارمس بوريم داخل
بوريم شل سيف و يلس يلاعبه
ام سالم يلست تطالع سيف و بوريم
فاطمة لاحظت عليها: فيج شي عمتي
ام سالم: مب كنهم يتشابهون
فاطمة و بو سالم صدو عليها و قالوا: منو هم
ام سالم: ســـلوم يشبة سيف و سعود
بوريم طالع مرته: شورج تذكرتني
ام سالم: اتذكر شو
بوريم: اماية انتي ما تقولين ولدج اسمه سلوم
ام سالم: هيه سلوم الاغبر
بوريم: انزين تراني انا بعد اسمي سلوم و عيالي يشبهوني يوم على قولتج ان عيالي يشابهون ولدج
ام سالم طالعته بنص عين: أقـــــــــــووول بلا هذرة زايــــــدة صبلي قهوة
ابتسم بوريم و صب لها القهوه و عطها
ام سالم تمسك الفنيان: الا شغالتي الصـــفرة وين راحـــت ليكون شردت ( تقصد ريم )
محد رد عليها
|