ღღ الجـــــــــــــــزء الــــثامن عشــــــر ღღ
حانت ساعة الصفر لضياع هوية البراءة
حانت ساعة النهاية لاحراق كل ما هو جميل
حانت ساعة العذاب لتشويه حياة العذراء
( أكيـــد عرفتو منو اقصد )
من بعد ما سافر محمد و قوم فيصل
تقريبا فضى البيت و خصوصا إن فهد و ولده بعد
راحوا مع محمد لمدة اسبوع و غير هذا كله
الشباب الباقين كلهم راحوا على دواماتهم
حمدان و أحمد و جاسم الكل مشغول بشغله
بو فيصل و بوفهد لاهين بمشاريعهم و حلالهم و همهم
كيف يزيدون أموالهم،،
شرف مهره مهدد بالخطر و الكل مشغول
بدت الساعة تدق بموعد الحفلة يت الساعة 9
و بعد شوي بتروح مهره ويا ريم
و يا البنت الخبيثة و يا الخراب كله
ميره: دخيلج لا تسيرين
مهره: لا ما اقدر انا وعدت البنية
ميرة: بس أنا حاسة بشي مو حلو راح يصير دخيلج بلاها هالحفلة عشاني
مهره: تبيني ما روح بس بسبة احساسج
ميره: ما ادري ما ادري كيف اشرحلج و الله احس بشي خطير راح يصيبج و الله فيني خنقة احس اني بصيح
مهره: بسم الله بلاج انا ما فيني الا الخير
ميره: انزين منو هالبنية اللي عازمتج و ليش ما عزمتني انا شو ما تدري ان نحن توائم
مهره: هي ما تعرفج بس تعرفني انا ( الله يالدنيا يا مهره أول مرة تجذبين على توأمج و السبة ريم )
ميرة: انزين تمي نص ساعه و رجعي
مهره: يمكن اتاخر شوي
ميرة: افففففف انا ما ادري كيف مهوي وافقت
مهره: ربج بعد
ميرة تحضن اختها من ورى: لا تروحين لا تروحين لا تروحين
مهره: هههه ميااااري عن البزااا
ميرة بدت تدمع: حاسة بخوف رهيب
مهره باست اختها على خدها: اقري قرآن بترتاحين و يالله أنا اللحين رايحة
طلعت مهره بسرعه و ميرة بغت تلحقها لكنها ترددت
و قعدت مربعة ريلها و قاعده على السرير تصيح بصمت
ريم اتصلت على مهره
مهره: هـــلا و غــلا
ريم: هلا حبيبتي ها جاهزة
مهره بفرحه: اكيد فديتج
ريم: يــلا عيل نزلي بسرعه انا برى اترياج
مهره: اللحين يايه
ريم سكرت عنها
ريم " و الله لاحرق دمج يا ميرة على اختج و اخليج تندمين على كل اللي قلتيلي اياه "
يت مهره و ركبت السيارة
مهره و هي مستانسة: الســـلام عليكم
ريم: و عليكم الســـلام عيل ما اشوفج كاشخه وايد
مهره: تحيديني ما احب الميك اب وايد
ريم: و ليش لابسة النظارة
مهره: ههه بالله كيف بشوف
ريم بنفسها " انا ما يقهرني فيها الا هالنظارة الدائرية اففف " >> انزين انتي شو لج
في المستشفى
ام سالم هي و بوريم قاعدين بغرفة الانتظار
ام سالم تتحرطم: يالله بالســــتر يومين و هي بالمستشفى و اليوم الا ولدت
بوريم: الله يقومها بالسلامة ان شاء الله
ام سالم: الا محد قال لها تحمل بتسعة
بوريم: يا اميه هي حامل بتوأم
ام سالم: هيـــــــــــه حليلها
بو ريم: اففف اللحين بتكمل ثلاث ساعات و محد طلع لنا
ام سالم قامت
بوريم: اماية وين رايحه
ام سالم: بـــروح أولــــدها
بو ريم: هههه يا اماية انتي تخليني اضحك بوقت مب مناسب قعدي الله يخليج قعدي
ام سالم:لا بروح اولدها هالدكاترة فقدتهم شو دراهم بالتوليد بس فالحين بهالعمليات القيصرية
بو ريم: اقعدي فديتج اقعدي و ادعيلها تقوم بالسلامة
ام سالم: ايـــه على زمان أول أنا يوم ولدت ببكري ولدته بالبيت هيه تراني مب بزية شرات حريم هالايام
بو ريم: انزين منو بكرج شو اسمه ( يبا يشوفها تعترف فيه و لا ناسيتنه )
ام سالم: اسم ولدي سلوم الاغبر
بوريم: ههههه تراني انا ولدج
ام سالم: لا انت مب ولدي أنا ولدي تركني و خلاني بسبة حرمته اللي ما تخاف ربها
بوريم: يا اميه انا ولدج متى بتذكريني متى
ام سالم: مضيع اهلك و ياي تقص علي و تقولي انا امك تحسبني بصدقك
بو ريم: لا حول و لا قوة الا بالله
ام سالم: بطت الحرمة حشى ما تولد الا اكيد تغسل مالح >> ههه كلش مو وقته ( للي ما يعرف المالح ترا المالح اكله نوعها من السمج )
بوريم: اماية شفيج حليلها المرة تعاني من الولادة و انتي تقولين تغسل مالح
ام سالم: ايه مرتك قبل جم من يوم ما غسلت المالح زين حتى ان عظمة نشبت بحلجي يوم كليته
بو ريم: اماية فديتج مب وقته هالسوالف
ام سالم: اي سالفة
بو ريم: عن المالح
ام سالم: شفيه المالح
بو ريم تنرفز لكن حافظ على هدوئه: انتي تقولين حرمتي تغسل مالح
ام سالم: جيه من متى انت متزوج
بو ريم: استغفر الله العظيم
ام سالم: شو شايفني منكر جدامك و لا مفصخة مسود الويه
بوريم: يا اميه يا اميه الله يهداج سكتي شوي
ام سالم: خبلة عشان تقولي الله يهديني
بو ريم مسح على ويهه: يالله يارب تلهمني صبر ايوب
ام سالم: ايـــه على طاري راعي الدكان ايوبوه تصدق مرة جذب علي و باعلي الصابون 16 درهم فقته من حرامي
بوريم سكت و ما قال شي عسب امه بعد تسكت
حليله الريال على اعصابه يتريا حد يطلع و يطمنه على زوجته
مب فايج لراعي الدكان و لا للمالح !!!!
ام سالم بصوت عالي: ابــــــــــــــي قــــــــهوة
بو ريم فز بسرعه و تناول الكيسة و ظهر الدلة و صب لها فنيان و عطاها قبل لا تسوي اعلان بالمستشفى
( هذي هي ام سالم ما تغيرت )
عند مهره و ريم
مهره: مممم ريم
ريم: هـــلا
مهره: مــتى بنوصل
ريم: بعد نص دقيقة
مهره: أنا أول مرة أيي هالمكان
ريم: ايه عاد إن شاء الله تستانسين ببيتي
مهره ابتسمت ببراءة: اكيد بستانس دام انتي ساكنة فيه
اتصل راشد لريم
ريم: هـــلا أحلام
راشد: بشري ان شاء الله يبتيها
ريم: افا عليج موجودة عندي ( و عقب طالعت مهره بمكر )
راشد: خلاص اوكيك عجلي هاه
ريم: ما توصين على شي ثاني
راشد: من توصلين البيت خليها بالصالة التحتية و عقب اجبريها تفسخ عبايتها و شيلتها و تاكدي ان تلفونها مب معاها
ريم: لا تطمني من هالناحية شكلها رفيجتنا ناسيته
حليلج يا مهره يتكلمون عنج و تآمرون جدامج و انتي مسهيه
راشد ابتسم بمكر: يــلا باي
ريم: بايات حبيبتي
وقفت ريم سيارتها
مهره صدت صوبها
مهره: وصلنا
ريم: هيه فديتج وصلنا
مهره طالعت صوب الفلة : ما شاء الله بيتكم فخم وايد
ريم: شكرا حبيبتي ،، يلا نزلي
مهره و ريم نزلوا و ساروا داخل الفلة
مهره ألقت نظرة شاملة على الصاله الكبيرة
اللي يغلب عليها لون اثاثها الاحمر و الذهبي
كانت من الجهة ثانية عيون راشد تراقب مهره
راشد كان لابس تي شيرت ازرق و جينز و كان من فوق يطالعهم
مهره استغربت: وين البنات
ريم: ترا الساعه 10 بتبتدي الحفلة و انا يبتج من وقت عسب نرتب بعض الالشياء المهمة
مهره مب مقتنعه: ايوا
ريم: اقول مهره
مهره: هلا حبيبتي
ريم: فسخـــي الشيلة و العباية ترا محد بالبيت
مهره: لا انا اخاف و استحي
ريم: لا تستحين و لا شي
مهره: ما ادري و الله
ريم: مهااري عاد
مهره: بس الشيلة بخليها
ريم: لااا انا قلت بدون العباية و الشيلة بعد
مهره فسخت العباية و الشيلة
ريم راحت صوبها و فلت شعرها كامل
مهره: هههه بعد
ريم: هيه جيه احلــــى و عسب اضمن انج ما راح تلبسين الشيلة و العباية بالحفلة راح آخذهم عندي
و فعلا خذت ريم الشيلة و العباية عن مهره
مهره: احس غير و الله استحي
ريم: لا ما فيها شي نحن بنات شله المستحى بعد و يلا اللحين عطيني نظارتج
مهره: خلاص بفسخها و بخليها على الطاولة
ريم: اوووه نسيت
مهره: شو
ريم: اخ شو هالحظ
مهره: بلاج شصاير
ريم: انا قلت لما بمر عليج بخطف على المحل اللي مأجرة فيه فستاني فاللحين انا مضطرة اروووح اييبه
مهره: بروح معاج
ريم باندفاع: لااااااا لاااااا لاااا بروح بروحي ماله داعي تروحين معي
مهره: لا شو انا اخاف اتم بروحي
ريم: قلتلج محد بالبيت غير امي و امي فوق بدارها و الشغاله هني عندج و بعد شوي بيون البنات فليش الخوف
مهره: الله يخليج ما اقدر اتم بروحي ( دمعت مهره لأنها حست بخوف )
ريم تناولها العصير و تقعدها: لااا تخافين و لا شي انا قلتلج بروح اييب الفستان و برجع و بعدين انا ما بتأخر المحل جريب من هني
مهره بتردد: أنـــا خايفة و ما ابغي اتم خلاص برد البيت
ريم: مهره حبيبتي شفيج ،، سونيـــــــــــــا سونيـــــــــــا
سونيا: يس ماما
ريم: تمي هني عند مهاري الغالية لا تتركينها بروحها انزين
سونيا: اوكي ماما
ريم: يلا انا بسير و برجع صاروخ يـــلا بااااي
و عقب راحت ريم صوب باب الصالة و لفت تلمح راشد فوق و غمزت له
و هو غمز لها و اشر على سونيا
ريم عرفت شو يبغي
ريم: سونيا
سونيا: يس ماما
ريم: تعالي ابيج
طلعت ريم مفتاح الباب و قالت لسونيا تقفل الباب اول ما تطلع ريم من الصالة
سونيا هزت راسها وكانت مهره عاطية ظهرها لريم يعني ما تشوفها
أول ما طلعت ريم قفلت سونيا الباب من غير لا تحس مهره
و عقب سونيا راحت على المطبخ
في المستشفى
بو ريم : ولديـــــــــــــــــــــــن
الدكتورة: هيه ولدين ألف مبرووووك
بو ريم: ياللـــــــــــــــــــــــــه اللهم لك الحمد و الشكر
الدكتورة: و المدام اللحين تعبانة ما نقدر ندخلكم عليها
بو ريم بفرح: اهم شي انها طلعت بالسلامة من بعد هالعملية
ام سالم: عيل وينهم التوام اللي حشرتونا فيهم
الدكتورة بابتسامه: التوام بنحطهم بالشيشة لمدة شهرين لأنهم انولدو قبل شهرهم الطبيعي
ام سالم: واااعليهم عيل وينهم بنشوفهم
الدكتورة: تقدروا تتفضلون معاي براويكم التوام من بعيد بس
بوريم بحماس: يـــلا سارينا
و عقب ما وصلوا طبعا خلوهم برى الشيشة لكن فتحوا لهم ستارة
عسب يشوفونهم من بعيد
كان حجمهم صغير جدا و لونهم أحمر و واحد منهم كان قاعد يصيح
و شال الدنيا بصريخه
ام سالم: واعليـــــهم عيال فطووووم يحليلـــــهم الله يحفظهم يا ربيــــــه
بو ريم و هو مستانس: يا ربيه أنا مب مصــــدق مب مصـــدق فديتهم يا ربي
ام سالم: إلا شو بتسمونهم
بو ريم: بسمي الاول سيف و الثاني سعود
ام سالم: سيف و سعود ما شاء الله مب جنهم يتشابهون
بو ريم: الا طبق الأصل من بعض
ام سالم: قوم اللحيـــن خلنا نشـــوف فاطمة حليلها ما يندرى كيف حالها اللحيـــن
بو ريم: لا عقب بنحدر عليها اللحين هي تعبانه قومي اللحين نسير نشتري لها حلاوة بهالمناسبة الحلوة
ام سالم: امحق قال حلاوة قال جيه تشوفها ياهله تاكل حلاوة انا اقول ييب لها باقة ورد الحريم يحبن هالسوالف >> و الله و طلعتي مب هينه يا ام سالم
بو ريم: هههه ما تنغلبين خلاص باقة ورد بيبلها و حلاوة بعد
ام سالم: انا ما فيني ضروس و لا بقرض بهالحلاوة اللي تاكلونها
بوريم: هههه فديتج انا اسميج سوالف
ام سالم: ايـــه حليلها فطوووم طلعت مولدة و انا حسبالي تغسل مالح
بو ريم سكت ما قال شي يعرف يوم تبدي امه بالتخريف ما راح تسكت ان رمسها
في بيت راشد
راشد نزل بخطوات بطيئة من فوق إلين ما وقف بنص الدري
و مهره ما حست مووول و خصوصا انها كانت منزلة راسها و سرحانه
راشد يطالعها من فوق إلين تحت
و هي مب دارية عن أي شي جدامها
راشد قال مدام ما تقدر تفر منه اللحين بيتنحنح شوي
راشد: احــــم
مهره فتحت عيونها على وسعهن و ما بغت ترفع راسه او تنصدم بشي هي ما تحب تشوفه
راشد و هو يطالع مهره: فديــــــت طلـــــــتج
مهره متيبسة بمكانها و رفعت راسها بشكل بطيئ
و يوم شافت راشــــد انصــــــــــــــــــــــــــــــــــــدمـــــــــ ــــــــــــت حيـــــــــــــــــــــــل
و بققت عيونها على وسعهن و عقب حطت ايدها على حلجهـــــــــــا
راشد بدا ينزل شوي
مهره تصارخ: أنـــــــــــــــــــــــت منــــــــــو سمحلك تـــــــــــدش هني بهالطريـــــــــــقة ( و عقب التفتت يمين و يسار تدور على شيلتها لكن ما حصلتها )
راشد رفع شعره على ورى و قام ينزل أكثر : و اللـــــــــــه إني هايم فيـــــج
مهره قلبها يرقع بقـــــــــــو من الخــــوف و من شدة الروع ريلها ترتجف
مهره: سونيـــــــــــــــــــــــــااااااااااااااااااااا ا ســـــــــــــــونيـــــــــــــــــــــــــــــأا ااااااااااااااااااااااا
سونيا طلعت : يس ماما
راشد بصوت عالي: ذلــــــــــــــــــــفي داخـــــــــــــــــل و لا تراويـــــــــــــــني رقعة ويهج يــــــــــــــــلاااا
مهره: لاااااااااااااااااااااااا دخيلــــــــــــــــــــــج لا تتركيـــــــــــــــني معاااااااااااااااه تعاااااااااااااااالي ردي ردي ( ريلها ما قامت تشيلها فطاحت تحت و عيونها ما تشووووف منها زيـــــــــــــن من كثر الدمـــــــــــــوووووع )
راشد: فديــــــتج مهاري أنا أحبــــــــج و أبيـــــــج و مب مستعد أتخلــــــــــى عنج من هاللحظة و الله انتي الوحيـــدة اللي اسرتيني بجمالج
مهره تصيــــــــــــح مثــــــــــل اليهااااال: ويـــــــــــــــــــن ريــــــــــــــــــــم دخليـــــــــــــــــــــكم أبا ارجــــــع البيت دخيلـــــــــــكم رجعوني البيـــــــــــــــت
راشد نزل و سار صوب مهره اللي كانت تصيح و تشاهق و محطية ايدها على ويهها
مسك راشد ايدها
مهره صارخـــــت مرعوبة: آآآآآآآآآآآآآآآآآآآآآآآآآآآآآآ بعــــــــــــــــــــــــــــــــد عني بعـــــــــــــــــــــــــد
راشد: أنتي ملكــــــــــــي الليلة و حط ايده على شعرها
مهره خوزت ايده بعنف و نشت بسرعه و ركضت صوب الباب
تبا تفتحه بس ما تقدر
مهره تصيح بهستيريااا: فـــــــــــــــــــــتحوااااااااااااااا البــــــــــــــــاب ( و قعدت عقب تدقدق بالباب بقووووة ) فتــــــــــــــــحوا البــــــــــــــــــــــــــــــــاب آآآآآآآآآآآآآآآآآآآآآآآآآآآ يا نــــــــــــــــاس لحقو علـــــــــــــــي
راشد مبتسم نصف ابتسامة و ضحك بمكر: ههههه لو تصرخيـــــــــــن لباجر محد بيسمعج فديتج و بعدين لا تحاولين تراني قايلج انتي ملكي الليلة أنا و بـــــــــــــــس ( عقب تقدم بخطواته ناحيتها )
مهره تصرخ بهستيريا: لااااااااااااااااااااااا لاااااااااااااااااااااااااا تقرب منـــــــــــــــــــي قلتلك لااااااااااااااا تقـــــــــــــــرب مني آآآآآآآآآآآآآآآآآآآآآآآآآآآآآآآآآآآه لحقــــــــــــــــــــوا علـــــــــــــــــــــــي آآآآآآآآآآآآآآه ريـــــــــــــــــــــــم سونيــــــــــــــــا لحقووو علي
راشد: هههه انسي ريـــــــــــم فديتج انسيها تراني أنــــــــــــا اللي مخطط معاها عسب تييبــــــج لبيـــتي
مهره تشااااااااهق: أنـــــــــــــــــــــتوووووووووووووو خوووووووووووووووونه انتووووووووو خوننننننه حسبـــــــــــــــــي الله عليـــــــــــــــــكم
مهره شافت ان راشد تقرب منها زووووووووووووود فشردت عنه و صعدت لفووووق
و راشد يلحقها
مهره تصيح و هي مرعووووووبه و تصد وراااها وتلقا راشد وراها زاعجت عليه: حــــــــــــــــــــرااااااااااااااااااااااام عليـــــــــــــــــــــك انت شــــــــــــــــــــــــو تبا فيني انت ما تخـــــــــــــــــــــاااااااااااااااااااااف ربك
راشد مسكها قبل لا تلفت عنه
راشد يطالعها و عقب حط ايده على حلجها عسب ما تصارخ: أنــــــــــــــا أبغيـــــــــــــج أنتي
مهره قاومته و رفستـــــــــــــــــــه و عقب شردت و ركضت بآخر ما تملك من طاقة و دخلت وحده من الغرف و قفلت على عمرها
مهره كانت تتنفس بسرعه و قلبها يدق و كأنها ياية من سباق
و دمووووعها نهر على خدها و ريلها و ايدها ترتجف بالقو
و عقب نزلت تحت الباب و قعدت تشاهق و تصيـــح
راشـــد ابتسم بخبث و قال بنفسه " حليلج رحتي لغرفتي بريلج و أنا عندي مفتاح الاحتياط للغرفة ،، يايلج يا حلوة بس اتريي الين ما اطلع المفتاح الثاني "
رحم الله من قال :-
وإذا خلوت بريبة في ظلمة
والنفس داعية إلى الطغيان
فاستح من نظر الإله وقل لها
إن الذي خلق الظلام يراني
( الشعر منقول )
في بيت بوفهد
ميـــرة تدخل بسرعه على مها
ميرة تصيح: دخيـــــــــــــــلج سوي اي شي رجعيلي مهره
مها قامت مفزوعة: بسم الله شفيج و بعدين مهره بالحفلة مع رفيجتها
ميرة تصيح من الخاطر: لااااااااااااااااا لاااااااااااا صدقيني و الله فيها شي و الله انا حاسة ان فيه شي شايد قاعد يصير لها دخييييييييييييييييلج خلينا نسير لها
مها: ميـــــــــــرووووه شهالكلاااااااااااام لا تقعدين تفاولين عليها بالشر
ميرة مسكت ايد مها بقو: و اللــــــــــــــــــــه العظيــــــــــــم و أنا احلـــــــــــفلج يمين أن مهرة فيــــــــــها شي
مها: باااس عـــــــــــــــــاد لا تحلفيــــــــــــن على شي و انتي مب متأكدة منه و سيري على غرفتج و بلا هالوسواس
ميرة بعصبية: كلـــــــــــــــــــــــــه منج انتي كلــــــــــــه منج انتي اللي خليتيها تــــــــــــــروووووح
مها: استغفرك يا ربي انتي بلاااج اليوم
ميرة: أقولج مهـــــــــــــــرة بخطر و انتي ماخذه الامـــــــــــور بسهاله
منال دخلت عليهم
منال: بسم الله شفيــــــــــكم تصارخون خفوا صوتكم و استحو شوي هذا مب بيتنا
مها: تعالي شوفي اختج حضرتها حلمانة و ياية
ميرة قاطعتها و قالت باندفاع: قلـــــــــــــــــــــتلج و الله العظيـــــــــــــم ان ميرة فيها شي و الله قلبي يعورني و الله يعورني و ما اتمصخر عليكم يعلني الموت ان كنت أجذب عليكم
منال عقدت حياتها: بسم الله بلااااج ميراني انتي اليوم مسخنه و لا شو و بعدين حرام تحلفين على شي انتي مب متأكده منه
ضربت ميره كفوفها على خدها و هي تصيح: تدرووووووووووووووون ان هــــــــــذي توأمي و أنا أحـــــــــــــس فيها و احساسي ما يخيــــــــــــــــــــب أحـــــــــــــس بشي مب حلـــــــــــو قاعدة مهره تعاني منه آآآآآآآآآآآآآه و الله أحـــــــــــس إني مخنوووووووووووووووقة
ميرة ما قامت تتنفس عدل و يالله يالله تشيل عمرها فطاحت على الارض و هي تصيح و تشاهق و تحس بضيج تنفس
منال: اويــــــــــــــــــــــــه ميـــــــــــــــــرة
مها بسرعه يابت كوب ماي لها و عطتها لكن ميرة
صبته ما بغت تشرب
ميرة: آآه آآآآآآآآآآآآه مهــــــــــــــره تباني دخيــــــــــــلكم ودوني لها مـــهره مهره
منال: لا حول و لا قوة الا بالله
مها راحت لتلفونها و اتصلت على مهره
مها: ما ترد ما ترد
منال بخوف: و الله بديت انا بعد اخااااااااااااف
مها متوترة: منال سيري شوفي تلفونها شي بالغرفة و لا لااااء
منال سارت بسرعه تتأكد من وجود التلفون من عدمه
و مها شلت ميره و حطتها على سريرها
منال رجعت و قالت بخوف و فزعة: التلفون موجود بالغرفة يا ربيه كيف بنوصل لهالبنية اللحين و الله بصيح
مها بخوف: يا ربيه شصرفة اللحين
منال: هي متى قالت بترجع
مها: على الساعه 12
منال: شــــــــــــــــوووو و كيف سمحتيلها اتم الين هالوقت
مها: لا تقعدي اللحين تلوميني بروحي خايفة ومهره قعدت تترجاني عسب اوافق
في بيت راشد
مهره سمعت صوت حد يدخل مفتاح داخل الباب
فابتعدت عن الباب و هي تزحف صوب الطاولة من التعب
و عيونها حمــــــــــر من الصياح
دخل راشد و هو يطالعها بخبث
و كان مبتسم و هي تتنافض من الخوووف
مهره و هي تصيح: دخيلـــــــــــــــــــــك و أنااااااااااااا أترجــــــــــــــــــاك ترحـــــــــــــمني دخليــــــــــــــــــــك
راشد: أنــــــــــا راشـــــــد يا مـــهره و اللي أباه أسويه يعني أسويه
مهره تشاهق و كان شعرها مغطي نص ويهها: اللــــــــــه يخليـــــــــــــك لا تلمـــــــــــــسني و خلــــــــــني أروووح فسبيل حالي اللـــــــــــــــه يخليــــــــــــك
راشد: بــــــــــــس أنـــــــــــــا أحبـــج و ابيـــج
مهره صارخت بويهه: اللــــــــــــي يحـــــــــــب ما يفكر يسوي بمحبوبته الحــــــــــــــــرااااااااااااام أنت لـــــــــــــــوووووووث لا تتقــــــــــــــــــــرب مني
راشد نزل على مستـــــــــــــوووااااااااااها و مسك ايدها الثنتين
و رص عليهن
مهره تصارخ بهستيريا مع صوت الصياح: اتــــــــــــركنـــــــــــــــي يا الحقـــــــــــــــــــــير اتركــــــــــــــــــــــــــــــــني
راشد ما يقدر يسيطر على نفســـه كان يحاول يشلها
لكن هــــــــــي عضـــت ايده بقووووووووووووووة
راشــد: آآآآآآآآآآآآآآآآآخ
مهره نشت و طلعت من الغرفة
لكن راشد كان اسرع منها
و مسكها مرة ثانية
و هي تحاول تفلت منه لكن ما قدرت
مهره تصيح شرات اليـــهال: اترجـــــــــــــــــأاااااااااااااااااااااااااااا اااااااااك تتركني ابوووووووووووووووس ريلـــــــــــــــك لا تلمســـــــــــــــــــــــــــني ( و عقب ما قدرت تكمل رمستها من كثر ما تشاهق و تصيح )
راشد خوز شعرها اللي طايح على ويهها
راشد: خــــــــــلااااااص بـــــــــــــس من الصـــــــــــــــيااااح صدعتييينـــــــــــي
مهره عضت ايده مرة ثانية لكن هالمرة راشد ما فلتها من ايدها
و قام يسحبها للغرفــــــــــــــــة
مصيبة يا مهره مصيبة و كيف بتطلعين منها اللحــــــــين
أعرف فيكم فضول تبون تكملون الأحداث لكن فيه وقفات اتمنى انكم توقفون حذالها و تتأملونها و لو دقايق
للتذكيـــــــر و للـــتأمل
قوله تعالى: {وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا}
[الطلاق: 2، 3]
لكن اللحين وين الناس اللي تخاف ربها و الله يا ناس هالدنيا ما بتنفعنا بملذاتها تأملوا هالآيات الكريمة اللي بحطها تحت و استشعروها بقلوبكم قبل ألسنتكم و شوفوا جزاء من ترك الملذات و المحرمات لوجه مرضات ربنا الكريم و شوفوا النعيم فالجنة كيف..
قال ربنا الرحمن: فَوَقَاهُمُ اللَّهُ شَرَّ ذَلِكَ الْيَوْمِ وَلَقَّاهُمْ نَضْرَةً وَسُرُورًا * وَجَزَاهُمْ بِمَا صَبَرُوا جَنَّةً وَحَرِيرًا * مُتَّكِئِينَ فِيهَا عَلَى الْأَرَائِكِ لَا يَرَوْنَ فِيهَا شَمْسًا وَلَا زَمْهَرِيرًا * وَدَانِيَةً عَلَيْهِمْ ظِلَالُهَا وَذُلِّلَتْ قُطُوفُهَا تَذْلِيلًا * وَيُطَافُ عَلَيْهِمْ بِآَنِيَةٍ مِنْ فِضَّةٍ وَأَكْوَابٍ كَانَتْ قَوَارِيرَ * قَوَارِيرَ مِنْ فِضَّةٍ قَدَّرُوهَا تَقْدِيرًا * وَيُسْقَوْنَ فِيهَا كَأْسًا كَانَ مِزَاجُهَا زَنْجَبِيلًا * عَيْنًا فِيهَا تُسَمَّى سَلْسَبِيلًا * وَيَطُوفُ عَلَيْهِمْ وِلْدَانٌ مُخَلَّدُونَ إِذَا رَأَيْتَهُمْ حَسِبْتَهُمْ لُؤْلُؤًا مَنْثُورًا * وَإِذَا رَأَيْتَ ثَمَّ رَأَيْتَ نَعِيمًا وَمُلْكًا كَبِيرًا * عَالِيَهُمْ ثِيَابُ سُنْدُسٍ خُضْرٌ وَإِسْتَبْرَقٌ وَحُلُّوا أَسَاوِرَ مِنْ فِضَّةٍ وَسَقَاهُمْ رَبُّهُمْ شَرَابًا طَهُورًا * إِنَّ هَذَا كَانَ لَكُمْ جَزَاءً وَكَانَ سَعْيُكُمْ مَشْكُورًا
[الإنسان: 11-22].
في بيت بوفهد
منال بارتباك: لازم نتصرف لازم
ميرة: اللحين بتي الساعة 12:30 و هي ما ردت يا ربيه و الله بموووت من خوفي عليها
مها: اخاف أخبر عمي و يتنازع علينا
منال: يتنازع على شو بعد أصلا هو مب مهتم فينا
مها: لا انا قصدي لو قلتله يتصرف و يساعدنا نلقى مهره
منال: ول خيبتين بروحه عمج ما يطيقنا
ميرة: يعني شو نسوي
مها: حتى فهد ما نقدر نستعين به دام هو مسافر و لا هو ما يقصر راعي واجب
منال: انزين شو اسم ريبعتها بنتصل عليها
ميرة نقزت: هيـــــــــــــــــه صح كيف ما خطر هالشي على بالنا قوليلنا مهوي شسم ربيعتها
مها: اسمها اسمها ايه تذكرت اسمها ريم
ميرة فجت عيونها: شـــــــــــــــــــــــــووووووووووووو ريمـــووووة الخايســـة ما غيرهاااااااا
مها: تعرفينها
ميرة: هذي البـــــــــــنت قاضية على اختج بأفكارها الســــووووودة نحن لاااازم نتصرف لااازم
مها: انزين عندج رقم ريم
ميرة: بتلفون مهره بلقى رقمها
مها: عيــــــــل بسررررررعه هاتي الرقـــــــــــم يـــلاااا
منال: هني تلفونها عندي هاااااااج طلعيلنا الرقم
ميرة طلعت الرقم و اتصلت على ريم
ميرة: يرن و ما قاعده تشيله هالجلبة
ريم شافت الرقم رقم مهره
ريم " يا ربيه هذي كيف اتصلت علي من فونها انا احيدها ياية بدونه "
ريم ما ردت دام مهره عند راشد فخلاص اللحين هي انتهت مهمتها و مالي خص بالباجي
ميرة عصبت ليش انها ريم ماترد
ميرة: الله يعلها ما قاعدة ترد
مها: عطيني رقمها بتصل لها من تلفوني
ميرة: اكتبي الرقم *******
مها كتبت الرقم و اتصلت عليه
ريم " اووف هذا رقم غريب منو داق بعد "
ريم: الو
مها: ريـم
ريم: هي نعم انا ريم
ميرة شلت التلفون عن ريم: ريـــــــــــــم
ريم معقدة حياتها: منو معاي
ميرة بحزم: ويـــــــــــــن مهره
ريم: هذي انتي ما غيرج
ميرة: قلتلج ويــــــــــــن مهره
ريم ارتبكت: شو تبين فيها
ميرة: عطيني عنوان بيتكم أنا اللحين ياية لها
ريم: شو ياية تخربين وناسة اختج
ميرة: قلتلج عطيني عنوان بيتكم و لا ترا و الله ما بتشوفين مني خير
ريم: خوفتيني يحليلج
ميرة: بتعطيني العنوااااااااااااان و لا شـــــــــــووو
ريم: انتي ما يخصج بعنوان بيتنا فاهمه لا ردت مهره البيت تخبريها عن كل اللي تبينه
ميرة: انزيـــــــن عطيني اللحيــــــــــن اكلمها
ريم خافت: هاه
ميرة صارخت عليها: عطيني اكلم مهــــــــــــره ( هني عاد ميرة ما قدرت تستحمل فصاحت )
مها شلت عنها التلفون
مها: ريم ممكن اكلم مهره
ريم: بس هي بالحمام اللحين بعد شوي برجعها البيت لكم يلا بسكر اللحين
و عقب سكرت عنها
منال: شقالت
مها: قالت اللحين بترجع مهره البيت و اخيرا بنطمن عليها
ريم " يا ربيه اتصل على راشــــــــــد بس ما يرد شفيه هذا بعد اففففففف خلني اسيرله البيت احسن "
|