ღღ الجـــــــــــــــزء الــــسابع عشـــــــر ღღ
في بيت بوفيصل
في جناح فيصل & ميثة
ميثة: فيصل فيـــصل
فيصل كان نايم: هـــممم
ميثة: قــــوم اللحـــين الساعه 10
فيصل قام معصب: و شله ما تقوميني من قبل
ميثة: شفتك تعبان و ما هنت علي اوعيك
فيصل معصب: مسوية عمرج أونج عاد مهتمه فيني
ميثة حطت ايدها على كتفه: انت ليش معصب مني ترا قلتلك انا آسفة على كل اللي قلته لك
فيصل خوز ايدها: لا تلمسني رجاءً و أسفج هذا خليه حقج يمكن ينفعج
ميثة تضايقت و سكتت ما تباه يحرج زيادة
و عقب نزلت تحت
جاسم: صباح الخير
ميثة مالها بال حد يكلمها: صباح النور
جاسم: بـــلاج متوترة
ميثة: ما فيني شي
جاسم: صج اللي سمعناه
ميثة: ايه
جاسم: انزين هو من جم سنة متزوج و لا خبرنا
ميثة: ما ادري يا جاسسم ما ادري
جاسم: انتي مضايجة صح
الشغالة كانت تنظف و سارت حطت الشاي صوب ميثة و راحت
ميثة تشرب و سرحانه
جاسم: ميثــــــة
ميثة رفعت راسها: هلا
جاسم: اقولج انتي مضايجه من فيصل
ميثة سكتت
يت ام فيصل: ميثة اماية انتي اليوم ما تريقتي مب زين جيه اماية قربي منج هالاكل و اكلي احسنلج من هالشاي
ميثة: مالي نفس للاكل
ام فيصل: فديتج اماية لا تزعلين من فيصل و حاولي تقدرين ظروفه لانه هو محتاج سند له
فيصل كان ياي صوبهم: الا هي ما ابغى سند منها
ميثة انجرت و انحرت من كلامه
ام فيصل: فيــــــصل شهالكلام
فيصل سكت ماله بال يرمس حد
جاسم سار و قعد حذال اخوه
جاسم: بو عبدالعزيز
فيصل ما يدري ليش ابتسم: قـــول اسمعك
جاسم: ولدك شخباره اللحيـــــن
فيصل تنهد: حالــه ما يســـــر مووول
جاسم: يسمحون بالزيارة له باي وقت و لا
فيصل: عادي بأي وقت بس اهم شي ما يكونوا اشخاص وايدين
جاسم: خلاص عيل انا و حمدان بنروح له قبل لا تسفرونه
فيصل: الا هذا حمدان ما قام من النوم
ام فيصل: لا ما قام
فيصل: عيل وين عمي و عمتي
ام فيصل: طلعوا يشوفون عبدالعزيز
فيصل: حليلهم ما يرتاحون ابد الا لما يتطمنون على ولدي
ام فيصل تنهدت: الله يشفيه يا رب و يقومه سالم غانم من هالمرض الخبيث
الكل: أميـــــــــــن
جاسم: ما عليه يا فيصل لا تستهم و ولدك بيرد بخير و هذا مجرد اختبار من عند رب العالمين
ام فيصل: و فيه غسل ذنوب إن شاء الله
ويقول عليه الصلاة والسلام: «ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه»
وقال لقمان لابنه: «يا بني: الذهب والفضة يختبران بالنار والمؤمن يختبر بالبلاء»
في بيت ام سعيد
ام سعيد: و انتي بتمين جيه على حطة ايدج من غير لا تسوين شي
شيخه: أمــــــاية انزين دبريني شسوي اللحــــين اليوم ملجته و أنا بموت من حرتي
ام سعيد: خربي عليه او سوي اي شي يمنعه من الزواج
شيخه: اووووه انا بروحــــي متشتته ما اعرف كيف اتصرف كيف بعد تبيني اخرب عليهم
ام سعيد: اصـــــلا هذا زوجج ما يملى عينه غير التراب عيل شو يبا بالحرمة الثانية دام انتي صج حامل
شيخه: ما اقدر امنعه يا اماية من الزواج تعبت و انا اتقرب منه لكن ما فيه اي فايده
ام سعيد: اتصلي على مها
شيخه: مها
ام سعيد: هيه مها من غيرها يعني
شيخه: ممم بصراحه ما ادري احس بتردد انزين شقول لها
ام سعيد: قوليلها ما تتزوج خالد
شيخه: اماية انتي ينيتي اصلا مستحيل تسمعلي
ام سعيد: انتي ما عليج نفذي اللي قلتلج عليه و خلاص
شيخه: بس
ام سعيد قاطعتها: لا بس و لا شياته انتي جربي اتصلي لها
شيخه: انزين ما عندي رقمها
ام سعيد: انا عندي رقم بيت بوفهد بنتصل عليهم و قوليلهم انج تبين مها بدون ما تقولين انتي منو
شيخه: اخاف
ام سعيد: و الله اذا راح زوجج من بين ايدج عيل لا تقولين يا حسرتي
سمعوا صراخ غــــلا
ام سعيد: اااااافففففف شفيها هالعلة بعد تصارخ من يوم ما يابها سعيد بالبيت و هي كله صريخ و نجره
شيخه: اماية روحي شوفيها شفيها تصارخ جيه
ام سعيد تصارخ: غـــــــــــــــــلا غـــــــــــــــلا
غلا يات و كان العكاز بيدها: نعم خالتي
ام سعيد: شفيـــــــــــج تصارخين حسبالج انتي بغابة يالغجرية
غلا: لا بس شفت هذا شيسمونه
ام سعيد: هه دوووكم حتى رمسه ما تعرف ترمسها
شيخه: انا ما ادري هذي شتسوي هني المفروووض تجلعونها بالمستشفى
ام سعيد: شسوي باخوج العنيد هو اللي دخلها البيت
غلا: بخبر عليكم بابا انتو تسبوني
شيخه: ابوج الله يرحمه
غلا: بابا ما مات
شيخه: يعلج ما تربحين قولي امين صغيره و لسانها طويل
غلا: انتي خسفة
حرجت شيخه و قامت لها و شدت شعرها
شيخه: منوووو الخسفة هاه
غلا: آآآآآآآ بـــــــا بـــــــــــا سعيد الحق علي
امم سعيد: عشتو تنادي اخوها بابوها
غلا تصيح: آآآآآآآآ بطلي شعري انتي تعوريني
شيخه: ما بهد الين ما تعتذرين
غلا: آآآ شو اعتذر
شيخه دزتها: يــــــلا اعتذري
غلا: شو اعتذر ( غلا ما فهمت شو يعني الاعتذار )
شيخه يرتها و شلتها لغرفتها و قفلت عليها
و عقب ردت عن امها
ام سعيد: زيـــــــن سويتي فيها
شيخه: خيبه تخيبها هالعلة ما تسكت مووول ،، ذكريني عاد ابطل عنها قبل ما يرجع سعيد من الدوام
ام سعيد: هاه ما قلتيلي شو قررتي بتتصلين ولا لاء
شيخه: لا ما ينفع الحين
و عقب راحت شيخه لغرفتها و قفلت على عمرها الباب
و قعدت تصــــــــــــيح
ليـــش يا خالد ليــــش ما تحبني ليـــِش تزوجت علي
انا من لي غيرك بهالدنيا ،، غـــلا معاها حــق أنا خسفة
خالد ما يحب يشوف ويهي ،، من جيه بياخذ مها البنت الحلوة
الهادية ،، أنا حامل يا خالد تدري وش يعني حامل مع هذا انت ما افتكرت
فيني عيشتني ببداية حملي الوهمي باحلى عيشة و اللحين نسيتني و لما اكدولي
اني حامل ابتعدت عني اكثر و اكثر ،،
اتصل سعيد على تلفون البيت
ام سعيد: الو
سعيد: هلا اماية
ام سعيد: هلا فديتك
سعيد: اماية انا اليوم بتاخر بيي على المغرب
ام سعيد: يعني ما بتتغدى اليوم هني
سعيد: لا ما بتغدى بس انا داق اوصيج على غلا لازم تاكلونها غداها و تخلونها تاكل دواها و خليها تسوي تمارينها اللي وصى عليها الدكتور
ام سعيد: ان شاء الله ان شاء الله انت لا تحاتي
سعيد: يلاا عيل فمان الله
ام سعيد: الله يحفظك ( و عقب سكرت )
ام سعيد: نشاده انا عن غلا اسير اطعمها ولا اعطيها دواها
في بيت بو ريم
ام سالم: ســــــــــلووووم ســــلوووم
بو ريم: ياي ياي
ام سالم: انت ويــــنك هاه ساعه الين ما تييبلي غداي
ريم تطالع بقرف: استغفر الله شو هالاكله
بو ريم: احترمي عمرج مب زين تطالعين اكلها بقرف هذي نعمة الله
ريم: عيل هذي اكله بالله عليك البارحه ماكله لنا عيش و سحنا و اليوم عيش و مالح هذي اكلها غريب>> ( تبون الصراحه انا اموت على العيش و مالح خخ ) خلوني اكمل لكم الاحداث
بو ريم: اذا ما سكتي اللحين ترا بزوالج
ام سالم: هي انتـــــــــــــي الصفرة ( تقصد ريم لان شعرها اشقر )
ريم: تكلميني حضرتج
ام سالم: قـــومي انقفضي هاتيلي كـــــــووووب ماي قووومــــي يــــــــلااا
ريم: انا مب خدامة عندج عسب تتأمرين علي
ام سالم: الا خـــــــدامتي بغصب عنج و انتي صفرة يعني بشكارتي >> عاشت ام سالم عاشت
ريم: اقـــــــــــووول تراج وايد مصختيها
بو ريم يا و حط الغدا لامه: ريــــــــــــــــــــم قصري حســـج لا اقـــص لســــانج
ريم: حســـــي انا انت مالك شغل فيه بطوله متى ما ابغيه
بو ريم: بـــــلا هالقلة أدب و انطمي احسن لج
ريم: كله بهالبيت تسكتوني عافان الله
و عقب دخلت فاطمة يايبة السلطات
ريم تستهزا بزوجة ابوها: يــــت المطوعه
بو ريم: ريــــمووووووه و بعدين معااااج
ريم ما اهتمت: يـــــــلاا انتي بعد حطيلنا الغداااا خلصينا من متى و نحن نترياج تخلصين صلاااة اللي يقووول اللحيـــــن مسويه عمرج عارفة للاســــــــــــلام
فاطمة اللي بدت تفهم شو عربي: ليـــش تقولين جيه
ريم: سكتي انتي سكتي تعلمي عربي بالاول و بعدين تعالي كلميني و يا هالوية
بو ريم قام من مكانه: قـــــــومي على غرفتـــــج
ريم: مب قايمه شو بتسوى يعني
بو ريم: ريم قصــــري الشـــر و روحـــي غرفتج ترا و الله ما بتشوفين خير مني و انا حلفت
ريم قامت و كبت العصير على الطاولة و طرحت صحنها بالارض و شلت سويجها و راحت طلعت
بوريم: خيبه تخيبها من بنت عنبو هـــذي لو ولد شو كانت بتسوي
فاطمة: يا الهي حالها خطير جدا ماذا ستفعل معها او كيف ستتصرف معها
بو ريم: دعيها فلتذهب للجحيم انها نسخة من امها
ام سالم قاعده تاكل ولا عليها من اللي حولها
( فاطمة بدت تتعلم شوي عربي فمن جيه بدت تفهم على الرمسة الالماراتية و تحاول احيانا تتقنها )
في بيت بوفهد
ظبية دقت الباب على مها
مها: تفضلي ظبية
ظبية دخلت و هي مبتسمه: كيف عرفتي اني انا للي راح ادخل
مها: طالعي جدامج كل البنات عندي اليوم فقلت محد غيرج بيدق الباب
نورة: ماا شاء الله لابسة العباية شكلج بتطلعين
ظبية: هيه بطلع
مها: ما احيدج قلتي بتطلعين
ظبية: مهوووي تعالي اباج
نورة: شكلها الطلعه سرية
ظبية: ههه ما يخصج
راحت مها لظبية
ظبية همست باذن مها: انا رايحه لغلا تامرين على شي
مها: بس اللحين العصر يمكن يكون عندها سعيد بالمستشفى
ظبية: اذا شفته هناك بطلع بسرعه حرام ترا غلا ما شفتها من اسبوع تقريبا و انا اشتقت لها حيل
مها ابتسمت: خلاص حبيبتي روحي و توكلي على الله
ظبية: يـــلا عيل مع السلامة
مها: الله يحفظج
ظبية صدت على البنات
ظبية: يـــلا بنات أنا بطلع تامرون على شي
ميره: لا ســـلامتج
راحت ظبية المستشفى و تفاجأت لما قالولها إن غلا طالعة من المستشفى من ثلاث أيام
ظبية بنفسها: يا ربيه انا لازم أشوفها ضروري هالبنية أنا لازم أسأل عن بيت قوم سعيد لاازم أشوفها لازم
و عقب سارت ظبية و اتصلت على مها
مها: هلا ظبية
ظبية: هلاا العروووس سوري ازعجتج لكن بغيت أسألج وين بيت قوم سعيد
مها: ليش تسألين
ظبية: عقب بقولج
مها: بيتهم فــ،،،،،،،،،،،،،،،،،،،،
ظبية: مشكووورة غناتي يلا بخليج فديتج مع السلامه
مها: مع السلامة
و عقب راحت ظبية فريج قوم مها الأولاني لأن هالفريج فيه بعد قوم سعيد مثل ما وصفت لها مها
نزلت ظبية من سيارتها من بعد ما وصلت البيت المطلوب و دقت الجرس
و قلبها ينيض بسرعه لأنها راح تشوف ام سعيد اللي انطرت جدام عيونها أيام الملجة
ظبية بنفسها: الله يسامحك يا بوية يوم قسيت عليهم ولا عاملتهم مثل ما يستحقون
ظبية دقت الجرس مرة ثانية
و عقب عاد طلعت لها ام سعيد
ام سعيد : هـــلا منو معاي
ظبية ارتبكت و طبعا هي كانت متغشية من القطع الغليظة شوي فما كان ويهها ينبان عدل
ظبية: أنا أنا
ام سعيد: ايه تكلمي منو
ظبية: أنا ظبية
ام سعيد بعدها ما استوعبت عدل : خير شتبين
ظبية: يايه اشوف غلا
ام سعيد: نعم
ظبية: يايه اشوف غلا
ام سعيد: خير ان شاء الله من تكونين عسب تشوفينها و اصلا غلا ما تعرف حد باسم ظبية انتي على مو تجذبين
ظبية: يا خالتي انا تعودت ازور غلا بالمستشفى و ما كنت انقطع عنها و اليوم لما رحت قالوا انها ردت البيت و انا اللحين ابا اتطمن عليها لو ما عليج أمر
ام سعيد: بــس غلا نايمة اللحين ( تجذب أصلا هي من يوم ما قفلت عليها شيخه هي ما تدري عنها )
يت الشغاله ركض لام سعيد: ماما هــــــــــذا غــــلا يطيح داخل و هو يبكي اللحين
ظبية: شــــــــــــــوووووو مب توج تقولين نايمة ( ظبية تكلم الشغالة ) وينها فيه
الشغاله اشرت لها داخل صوب غرفتها
ام سعيد: هالبنت عيارة الا تبا حد يعطيها سالفة
ظبية: ما يصير يا خالتي هذي ياهل و من ذوي الاحتياجات الخاصة و محتاجة رعاية خاصة
دخلت ظبية و سارت ركض صوووب الصالة و عقب قالت للشغالة تدليها على مكان غلا
سارت الشغالة و اشرت على الغرفة و يوم سارت ظبية شافت ان الباب مقفول
شيخه: هـــــــــــــــي هـــــــــــــي منووو انتي و من سمحلـــــــــــج تدخليـــــــــن جيه كأنج حرامية
ظبية كانت خايفة على غلا و قالت بجدية: مب وقته أقول أنا منو ,, أنتـــــــــــو من شو قلبكم حرام عليكم البنية داخل تصــــــــــيح و قافلين عليها الباب الله يخليـــــــج أخــــــتي افتحي بسرعــــــــه الله يخليج
شيخه: انتــــــــي ما يخصــــــــــــج بالأول قولـــــي منو انتي و عقب بفكر اني افتح عن غلا
ام سعيد يات صوبهم: انتـــــــــــــــي من أذنلج تدخلين البيت من غير ما تستأذنين
ظبية: بس البنية في حاله خطـــــــــــرة و أنا لااااازم أطمن عليها
شيخه: اقــــــــــــول لا تتفلسفين ناسية عمرج إنج حرامية
ظبية: أنا حرامية
شيخه: هيه حرامية و نص عيل كيف تدخلين البيت من غير استئذان و مب طايعه تكشفين عن ويهج
ام سعبد: تقول انها ظبية
شيخه عقدت حياتها: أي ظبية انتي من وين طلعتي
ظبية كشفت عن ويهها
ظبية: هاه عرفتوني اللحيـــن ،، يـــلا الله يخليكم افتحوا الباب عن غلا أنا لازم أطمن عليـــها
شيخه: انتــــي ظبية سلطان الــ،،،،،ــي ما غيرها
ام سعيد حرجت: اطلـــــــــــــــــعي بــــــــــــــــرررررررررررى
ظبية: بس يا خالتي أنا
ام سعيد: قلتلج أطلعــــــــــــــــي بررررررررررررى ما اتشرف بوحـــــــــــده مثلج ببيتي
توه أذن المغرب
ظبية حست بخوف و ارتباك و اهانه لكنها بتصبر و بتسكت عنهم لانها تبغي تطمن على غلا
ظبية بهدوء: اذكري الله يا خالتي
ام سعيد: تخلخلت
ظبية قاطتها: اذكري الله يا خالتي
ام سعيد: تراج ذبحتينا قلنالج اطلعي بررررررررررررررى عمري ما راح اسامحكم على الطردة اللي طردتوني اياها
ويقول سبحانه: فَمَنْ عَفَا وَأَصْلَحَ فَأَجْرُهُ عَلَى اللَّهِ [الشورى: 40]
ظبية: ما بطلع قبل ما اطمن على غلا تراها تصيح داخل و الله العالم شو فيها اللحين دخيلج يا خالتي بس بشوفها و بطلع
ام سعيد: ما راح تشــــــــــوفين غلا لو تذلين عمرج مليون سنة جدامي و يــــــــلا قلبي شيفتج و اطلـــــعي بررررى البـــيت يــــــــــــلااا
سعيد توه كان ياي: أمـــــــــــــــــاية
شيخه شهقت: سعيــــــــد
سعيد معصب: هذي الأمانة اللي وصيتكم عليها انتو شوووووو ما تخافون ربكم و البنية حليلها ياية تطمن على غلا و انتو قاعدين تهينوها صج ما عندكم مذهب
سعيد مسك مقبض الباب يحاول يفتحه: بــــــــــــعد قافليـــــــــــــــــــن عليــــــــــها ياللي ما تخافون ربكم
شيخه: هي اذتنا و قفلنا عليــــــــها نفتك من حشرتها فيـــــــها شي يعني
سعيد: لا و اللــــــــــــــــــــه تستهبلين حضرتــــــــــــج هاتي المفتاح هاتيـــــــــــه
عطته المفتاح و شله عنها بعصبية و كل هذا يصير جدام ظبية و هي ساكته
و أول ما فتح سعيد الباب عن غــــــــــــلا شافها طايحه
ظبية شهقت و راحت لها بســـــــــــرعه
ظبية تهز غلا تحاول معاها: غــــــــلا غـــــــــــلا قومي حبيبتي قومي
سعيد: خلونا نشـــــيلها المستشفى ( قامت ظبية و ابتعدت و يا سعيد و شل غلا و خذها على السيارة بيوديها المستشفى )
ام سعيد: من يت غلا البيت يابت لنــــــــا المشاكل حسبي الله عليها
شيخه: افففففففففففف شهاليوم المقرف
سعيد قبل ما يروح قال لظبية
سعيد: برايج ظبية سيري بيتكم
ظبية: لا أنا لازم اسير اطمن على غلا ما تهون علي
سعيد طمنها: لا تخافين وايد أنا بوديها المستشفى و انتي دقي عليهم و هم بيطمنونج عليها اظن اليوم بتملج مها على خالد وانتي لازم تكونين معها بهالوقت و عن اذنج اللحين مع السلامه
ركب سعيد سيارته بيودي غلا المستشفى
و ركبت ظب
ية سيارتها رادة للبيت
وصل سعيد المسشفى و كان خايـــف موت على غلا
و قعد و هو ينتظر حد يطمنه عليها
قال تعالى: وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ [البقرة: 155-157].
( يالله هالآيـــــــة تريح الواحد و تخليه يطمن و يتوكل على ربه دوووم )
في بيت بو فهد:
كلوووولووولوووولولولولووووش
ام خالد: و أخيــــــــــــــــرا تزوجــــــت و فكيتنا بالمبارك يا ولدي بالمبارك تستاهل كل خير يا بعدهم كلهم
خالد حب امه على راسها: الله يبارك بعمرج يا رب و لا يحرمني من رضاج
ام خالد: مبـــــرووك يا مها مبـــروووك منه المال و منج العيــــال
مها استحت: الله يبارك فيـــج عمووه
خالد مبتسم: يـــــلا عاد متى بتخلونا بروحــــنا
ام خالد: هههههههههه لاحق لاحق عليها عقب بتم عندك طووول العمر
خالد: انزين انا اللحين ابا اعرف شي مها ليش قاعده بآخر الدنيا حد قايل لها إني باكلها
ام خالد: مها اماية لا تستحين خلاص خالد اللحـــــــين ريلج فماله داعي كل هالمستحى تعالي فديتج تعالي قعدي قربه
مها منزله راسها و تحس انها ما تقدر تتحرك
ام خالد: ههه عيل خالد انت روووح لها
راح خالد و قعد صوب مها و هي لازالت منزلة راسها
و تركتهم ام خالد و طلعت
لكن منو تتوقعو دخل عليهم ( أكيـــــــــــــــد منصـــــور )
منصور: ليـــــش قاعد حذالها قووووم عنهـــا قوووم
خالد: لا و الله احلف انته بـــس
منصور: مهووووي سيري غرفتج
مها ضحكت بشكل تلقائي: هههه
خالد: تعال انا بتخبرك انت ولي امرها
منصور: منقود طال عمرك الحرمة تقعد عند الريال
خالد: بس مها زوجتي
منصور: لا لاالا لا نحن ما عندنا هالكلام لا سويتوا العرس ذيج الساعه سوو اللي تبون تسوونه
شوي دخل عليهم محمد
خالد: اكملت
مها تبا تضحك لكن ماسكة عمرها
محمد: يـــــلا خلص الوقت روح بيتكم
خالد: نعــــم كيفك هووو مها حرمتي و انتو مالكم شغل فينا يلا مناك
محمد: ههههههه اتمصخر عليك يا ريال عنبو الريال من يعرس ما يشوف الا زوجته
خالد: يوم بتعرس بتعرف احساسي
محمد: لا ابويه انا مب معرس مالي خلق على صدعة الحريم
و عقب لف على منصور
محمد: انا ياي اشل منصووور يلااا منصووور قوم خلنا نطلع عنهم
خالد شق الابتسامه: هيه يلااا طلعوا
محمد: منصور خلاص تم تم
خالد: شوووو
محمد: ههههههه اسولف يا ريال بلااك انته
و عقب ما طلعوا
التفت خالد على مها
خالد: مهـــاوي
مها رفعت راسها تطالعه
خالد مسك ايدها لكن فجأة منصور دخل عليهم مرة ثانية
شل كوب العصير و طلع من غير لا يقول شي
خالد: بسم الله شفيه ولد فهد
مها: فديته اعذره ياهل هذا
خالد: ما علينا كنت بقولج..
كان يبا يرمس لكن منصور دخل مرة ثانية
منصور: وين غترتي
خالد: فمخباي
منصور: انا فارنه هني لكن مب محصلها
خالد: منصور حبيبي عقب بتدور عليها يلا سير عن عمك محمد
منصور: انزين
بعد ما طلع منصور
خالد: ان رد اللحين بفره برررى و بقفل الباب
مها: هههه
خالد: مها ممكن اطلب منج طلب
مها: آمر
خالد: ما يامر عليج ظالم كنت بقولج اني ما ابغيج تحتكين وايد بأولاد عمج و انتوا ببيت واحد لانج اللحين على ذمتي و انا ريال اغار على حرمتي
مها ابتسمت: من هالناحية لا تخاف انا من يوم يومي ما احتك وايد وياهم غير البنات بس
خالد: حلو جيه اباج ،، مها انتي مستانسة
مها سكتت
خالد: ليش ما رديتي
مها: اكيد مستانسة
خالد: عيل اشوفج متوترة احس عندج كلام تبين تقولينه
مها: بصراحه ايه
خالد: قولي اسمعج فديتج
مها استحت منه: مم بصراحه كنت ابا اقولك مدام انت اللحين على ذمتك حرمتين فلازم ما تظلم زوجتك الاولى لان بصراحه انا اخاف اخرب من بينكم
خالد: انتي حنونة ما شاء الله عليج من هالناحية لا تخافين بحاول قد ما اقدر اوفق فيما بينكم و اتأكدي انج انتي يا مها بعيوني
مها: تسلم
دخل منصور
خالد: منصــــــــــور شو بعد نسيت هالمرة
منصور: ههههههههه لا ما نسيت شي بس ان ادخل كل حين عسب اسمع انتوا شو تقولون
خالد: ههههه اسميك شيطان
و بعد ربع ساعة راح خالد و أمه و البنات تعافدن على مها
نورة: فــــديت العـــــــــــرووووووس أنا ،، اللحين بتخبرنا شو قال لها خالد
مها: يــــلا مناك
ظبية: هههه قفطتج
نورة: أفا بنت العم يهون عليج تقفطيني
مها ضحكت: ههه لا ما يهون لكن اللقافة ما يمدحونها الا منول و ميثاني وينهم باركولي مساع و راحوا
ظبية: بالغرفة يسولفن من حوالي ساعه
مها: غامضتني ميثة و حتى منال حالهم ما يسر مول
ظبية: ما عليه فديتج لا تحاتين حد انتي عروس استانسي و ميثة راح تتقبل اللي يصير لها مع زوجها و منوول من يوم ما صار لها ذاك الموقف مع حمدان و هي كله ساكته و سرحانه و اذا طريناه تحقد عليه
نورة: بصراحه ما ادري ليش حمدان تصرف هالتصرف ابدا ما توقعته جيه و منال اللحين مول ما تطيقه
مهره: معقوله بتحقد عليه
ظبية: ما ندري و الله
مهره: بس اللي يحب عمره ما يحقد على الانسان اللي يحبه
ميره: بس اللي سواه حمدان مب شويه ضربها و هو ماله اي حق يسوي جيه
في غرفة منال
منال: يخســــــي إلا هو أصيح بسبته
ميثة: كيــــــــــــف هو ضربج كيــــــــف
منال: خـــــــــلاص أنا كرهته و لا عــــــــاد يهمــــني لو يروح بستين ألف داهية ما يخصــــني فيه
ميثة: بس أنا ما احيد قلبج يشيل على حد يا منال
منال: شسوي يا ميثة قوليلي أنا شذنبي حبيت واحد ما يستاهل الحب و آخر شي يكلم مليون بنية بالفون من هالصايعات و غير هذا كله ضربني من غير حق
ميثة: و الله الدنيا ما ترحم
منال نزلت راسها
ميثة: انزين ما تبيني ارمسلج حمدان و افهمه السالفة
منال باندفاع: لاااااااا ما ابغي خلاص خليه يولـــي
ميثة سكتت
منال: ميـــثة
ميثة تلعب بالخاتم اللي بصبعها: هـــلا
منال: شخبار حياتج مع فيصل
ميثة دمعت: حياتي مع فيصل
منال: ليكون بعد مد ايده عليج
ميثة صاحت و حطت ايدها على ويهها
منال: ميثة ميـــــثة ارمسي قولي مد ايده عليج ولا لاااء
ميثة هزت راسها بالنفي
منال: عيل شفيج قولي لا تخافين حبيبتي أنا موجوده عندج فلا تحسين بالضعف
ميثة تأشر على عمرها و ترمس: أنا يا منال أنا البنت اللي كنت أحب الفرح و السعاده و اعيش حياتي ببساطه لكن يا هاليوم و تزوجت واحد كله يناجرني و يفهم كلامي غلط و كله ينفر مني و يجز مني كأني سلعة رخيصة
منال حضنت اختها و صاحت: و اللـــــه يا أخــــــتي حنيــــــــت لبيتنا الجديم
ميثة تصيح: و أنا حنيــــــت لسوالفنا و خبالنا عمري ما تخيلت اني بعيش هالعيشة مع فيصل
منال: ويــــــــن الأيام اللي كنا فيها نطالع التلفزيون و نضارب على الريموت و لا كنا نحاتي أي شي و لا كان عندنا هموم كثر ما هي مرماية علينا اللحين
ميثة: ويــــــن الأيام اللي كنا نسوي فيه مقالب على التوأم
منال: وين الأيام اللي كنا فيه نشتغل و نظف البيت ويا مها
ميثة: وين الأيام اللي كانت يدوووه تهزبنا فيـــها
منال: راحت و ولت هالايام يا ميثة
ميثة زاد صياحها و حضنت اختها بقوة
ميثة: و اللــــــــــــــه كرهت حيـــــــــــــــــاة العــــــــــز كرهـــــــــــتها
منال زاد صياحها لما شافت اختها تصيح اكثر: يا ليـــــــــــــتنا تمينــــــــــا فقارى ببيت عتيــــــــــج بدل هالفخامه اللي تيريرنا لألف داهية
][ كلما أغلقت الأبواب بوجه الإنسان فعليه اللجوء إلى من هو أرحم من الناس ][
قال تعالى: وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ * فَسَبِّحْ بِحَمْدِ رَبِّكَ وَكُنْ مِنَ السَّاجِدِينَ * وَاعْبُدْ رَبَّكَ حَتَّى يَأْتِيَكَ الْيَقِينُ [الحجر: 97-99].
على الساعة 12:30 عند ميره و مهره
ميرة: مهره بعدج ما نمتي
مهره: لا ما ياني نوم
ميره تشغل الاباجورة: و لا انا ما ياني رقاد
مهره قامت: ليش تشكين من شي
ميره: لا حبيبتي ما اشكي من شي لكن
مهره: لكن شو تكلمي لا تخوفيني عليج
ميره: أنا خايفة
مهره مستغربة: من شو
ميرة دمعت: عندي احساس قوي بشي مب زين راح يصير
مهره: بسم الله ليش تتشائمين جيه انا أقول سمي بالرحمن و ارقدي و بلا هالوسواس
ميره راحت و حضنت مهره: مهره حبيبتي ديري بالج على روحج
مهره: ليش تقولين هالكلام خوفتيني
ميره: حاسة بشي فضيع راح يصير لوحده منا
مهره: و الله
ميره: اقولج احساس قوي انا متأكده منه
مهره: يالله عيني من الله خير و لا تقعدين توسوسين
ميرة: أحس إن السالفة بتكون فيها يد من ريم
مهره: ردينا على ريم
ميره: اففففففففف من هالبنت لو نفتك منها كان نحن بخير حاسة ان الشر بيي منها و الله ما اتمصخر
مهره: لا انتي فيج شي اليووم مب طبيعية
ميره: عشان انا أخاف عليج و ابا مصلحتج تقولين عني مب طبيعية
مهره: ميراني استهدي بالله انا ما كان قصدي جيه
ميره: يا ليت بس لو تطيعيني و تتركين ريمووووه بحالها
مهره: قلتلج مليون مرة اني ما اقدر اخليها لانها تحتاج لي تخيلي ان اهلها مسافرين عنها و تاركينها بالبيت بروحها
ميره: ما عليج منها يمكن تخرط ( خارطه على اختج اكثر من جيه مب بس هالخرط )
مهره: لا لا ما تجذب
ميره: ترا ريم شيطان متمثل على شكل انسان صدقيني
مهره: ميرة عاد شبلاج على ريم لين متى بتمين ترمسين عنها بالسوء
ميرة: و الله هذا هو الصدق تبيني اجذب عليج مثلا
مهره: اقول تصبحين على خير
ميره: انتي الكلام معاج ضايع اقـــــووول انخمدي احسن اصلا انتي ما بتوبين الا اذا ابتليتي مع ريموووه العله
( يقولون ان التوام دايما يحسون ببعض )
بوفهد: بس يا مرة تراج أذيتينا ولدج مب أول و لا اخر واحد بيسافر
ام فهد: بس هذا محمد الغالي فديته ما يهون علي يبتعد عني هناكي من بيداري عليه
بوفهد: ولدج كبير و فاهم و عاقل و مب صغير عسب تحاتينه
ام فهد: انزين ليش ما يأجل السفرة لبعدين
بوفهد: لا خلاص نحن حاجزين له من باجر يسافر و ما فينا نأجل و تختبص الأمور علينا
ام فهد تنهدت: لا إله الا الله ( و عقب طلعت بتروح عند محمد )
في غرفة محمد
منصور: محمد بسنا من الكوووورة خلنا نلعب سيايير
محمد بدل اللعبة: طرار و يتشرط بس اذا غلبتك بالسباق لا تقول انا غشاش
منصور: انت كل يوم تغش مب شي يديد عليك
محمد: صج انك ما تستحي كان تقول عن عمك غشاش يا الغشاش
منصور: يــــــلااا انت العب العب بنشوووف منو بيفوز ( قالها بحماس )
سمعوا دق بالباب
محمد: تفضل
ام فهد: ما نمتوا
محمد التفت على امه و ابتسم : لا ما نمنا
ام فهد: هيه بس اللحين الوقت متاخر لازم ترقدون و انت وراك سفرة لازم ترتاح
محمد: تصدقين أماية اني بفتقدج
ام فهد صاحت و حضنت ولدها
منصور: هيه محمد لا تسافر و الله نحن نباك
محمد: لازم اروح ادرس و ارفع راسكم بالشهادة
ام فهد: انزين ادرس بالامارات ما شاء الله كثرت عندنا الجامعات و الكليات و بلاها هالسفرة
محمد: بس انا خلاص خططت اني ادرس بامريكا يا اماية و ما اقدر اهون
ام فهد: بس انا خايفة عليك من هالسفره هناك بلاد هالحمر ما منهم امان
محمد: لا تخافين علي انا سبع ولد سبع
ام فهد: ما اوصيك هالله هالله بعمرك و انتبه على اكلك و دروسك و لا تهمل راحتك و لا تضغط على نفسك وايد
محمد: ان شاء الله انتي تامرين امر يا ست الحبايب
ام فهد: و لا تنسى فروضك و لا تضيعهن و خلك ماشي سيدة و لا ترابع اللي مب زينين و حاول تبتعد عنهم
محمد: هذا شي اكيد اماية ( و عقب حب راسها ) و لا تنسين ترا بييكم بين فترة و فترة يعني لا تحاتين و هي جم من سنة و ان راد لكم
ام فهد: فديتك يا ولدي الله يحفظك وين ما تكون
محمد: بس عاد لا تحرمينا من دعواتج الحلوة
ام فهد ابتسمت بوسط دموعها: هذا شي اكيد يالغالي
و عقب محمد قال: منصور منصور وين راح هذا
ام فهد: هههه حليله شوفه كيف راقد شكله تعبان وايد
محمد: ههه مثل ما قلتي شكله تعبان
ام فهد: يلا انا بسير عنك تصبح على خير
محمد: و انتي من اهله
و بعد ما راحت ام فهد بخمس دقايق دخلت نورة على محمد
محمد: بسم الله الرحمن الرحيم بلاج حادرة جيه جنج ام الدويس
نورة: ههه شسوي قلتل اخوي باجر بيسافر لازم ايي اسولف شوي معاه
محمد: ههه بشتاق لج يا الصدعه
نورة ضربته على كتفه: انا صدعه عيل شوف عمرك اول
و تمو يسولفون ساعه و نص و عقب كل واحد راح ينام
( أنا بعد بفتقد حس محمد الكوميدي دامه بيسافر لأنه تقريبا ما بيكون له حوارات بالرواية كثير )
|