في البحر عند الشباب و البنات
بعد ما تعشوا و خلصوا منصور احتشر عليهم
يبا ايس كريم من باسكن
و منال نفس الشي
احمد: تتوحمون على ايس كريم شوو
نورة: هههه يمكن
احمد: ميرة و مهره انتو شو تبون
مهره: انا اريد بنكهة الفرولة
ميره ساكته ( دوم يوم يكون احمد موجود هي اتم ساكته تستحي منه )
منال: و انتي ميراني شو تبين
ميرة بصوت خفيف: ما ابغي شي
احمد: اذا انتي ما تبين انا ما ابغي بعد
ميره بدون قصد قالت: لااااااا ابغي
الكل: ههههههههههههههه
احمد و هو مبتسم: انزين حبوبة قولي شو تبين
ميره: اي شي
احمد: انا ابغي بالفانيلا تبين مثلي
ميره: خلاص اوكي
منال: نورة اسمحيلي اقولج اخوووووج احمد طلع ما يستحي جيه يسألهم هم و انا ينساني
نورة: ههههههه تلقينه التهى بميراني
منال: عيـــــل اقول احمد
احمد: هلا
منال: انا بنزل وياك انت و منصور
احمد: لااااااا
منال: ليــــــــــــــش الا هو باسكن
احمد: اذا فيه زحمه ما بخليج تنزلين
منال: خلاص اوكي
اتصل احمد على حمدان
حمدان: الو،، مسرع ما اشتقتلي
احمد: ههه بغيت اقولكم ترا بنطووووف باسكــــــــن
حمدان: يالله توكم متعشين
احمد: يعني انتو ما تبون
حمدان: خلاص بنخطف بعد وياكم
و بعد عشر دقايق وصلوا باسكن
و كان مب زحمة وايد اللي فيه ينعدون على الاصابع
و نزلت منال وياهم
و نفس الشي حمدان نزل
بس جاسم و محمد تموا بالسيارة و وصوا حمدان شو يبون
و تم منصور مرتبش فباسكن الود وده ياخذ من كل نوع
و منال الفالحة فتحت غشوتها شوي تبا تشوف من اي نوع تختار لها
و من الجانب الثاني احمد و منصور يتنقون لهم و حمدان خذله بس يتريا
الين ما يجهز اللي طالبنه
و شوي يدخلون ثلاث شباب فيه واحد منهم ما خازت عينه موووووول عن منال
و هي الفالحه بعدها مبطله الغشوة تطالع و تختار لها
و حمدان انتبه على الشخص اللي يطالعها
و خـــــــــلاص حس عمره بيموووت من الغيــــــض حس الغيــــره تاكله آكال
فعلى طوووول سار صوب منال
حمدان و هو معصب: نزلــــــــــي الغشــــــــوة و اقلبـــي ويهج لسيارة
منال ربعت ايدها: نعـــــــــــــــم
حمدان: قلتلج نزلـــــي الغشــــــوة و ذلفــــــــي السيارة و انتي ساكته فاهمه و لا لاااء
منال نزلت الغشوة لانها خافت منه: انــــــــت شفيــــــك تخبلت شصارلك عافان الله
حمدان: بســـــــــــرعه جدامــــــــي على السيـــــــأرة يــــــــــلا اشــــــــــووووووف
منال: عنـــــــــــاد لك مب سايـــــــــــرة
و عقب يا صاحب المحل و عطى الايس كريم لحمدان
و منال سارت بسرعه بجهة ثانية عن حمدان
و عقب هذاك الريال اللي كان يطالعها سار قريب منها
منال انتبهت عليـــــــه و يوم رفعت راسها شافت الشرااااااار يتطاير من عيوووون حمدان
اول مرة تشوفه بهالمنظر
خافت زووووود منه مع ذلك هي مغتاضة منه على الاسلوب اللي عاملها اياه
فبشكل تلقائي تحركت بتروح على السيارة
و يوم وصلت السيارة تمت ساكته
بدون ما تنطق بشي
نورة: شفيــــــــــج مويمة
ميره: منال حبيبتي شصاير و ليش طلع حمدان معصب
مهره: صاير شي و نحن ما ندري
منال: ممكن تسكتوووون عني
نورة: خلاص بنات خلوها على راحتها يوم هي تبا تتكلم بتتكلم بروحها
في المستشفى:
عائلة بوفيصل تعرفوا على بوزينب و زوجته و ابدا و لا طرف سوى اي شوشرة لانه مب وقته
الاهم اللحين هو عبدالعزيز
ام فيصل تصيح: وااعليه عليه المسجين حفيدي بيروووح من بين ايدنا حراااام عليكم و انتو ما سفرتووه للحين
ام زينب: بس حبيبتي لا تصيحين هذا امر الله و ان شاء الله على طاري السفر بنسفره جريب
ام فيصل: لااا شــــــــــو جريب اليووووووم لازم تسفرونه فديته و فديت روووحه و الله قطع قلبي
بو زينب: فيصل شسويت على طاري السفر
فيصل: ورا باجر بنسفره يا عمـــــي و أنا بـــروح معاه
ام زينب: لا يا وليدي انت لا تروووح انا و بو زينب بنرووح معاه انت توك معرس يديد
فيصل: ولدي اهم من كل شي
ميثة مووول لا تسألون عن حالها تحس انها مب راضية تصدق شي
ام فهد راحت قعدت يم ام فيصل و لوت عليها: بس فديتج لا تصيحين ان شاء الله بيتشافى جريب،، الا انا ما شفته فاي غرفه هو
فيصل: فغرفة 133
ام فهد قامت بتروح له
ام فهد: يـــــلآ يا بوفهد قـــوم خلنا نشوف عبدالعزيز
كانت ام فيصل بتروح معاهم بس
فيصل قال: لا امايه خلاص انتي لا تروحيـــن ما اباااه يشـــوف حد يصيـــح جدامه بعدين يتحسس و يأثر على صحته
ميثة تحس بالذنب على اللي قالته عن زينب جدام فيصل لما تنازعوا بسبتها بس هي ما تقصد تقول عنها هالكلام لكن من حرتها طلعت كل اللي فخاطرها و اللحين هي تحس بغصة بجوفها و نار ما تنطفي مووول الا اذا سامحها فيصل لكن فيصل مووول اليوووم مب معبرنها و كله مسولها طاف و كأنها مب موجوده
و عقب راحت ام فهد مع ابو فهد يشوفون عزوز و قامت ميثة معاهم لانها بعد ما شافته
و أول ما فتحوا غرفته
وقفوا بمكانهم يتأملونه منصدميــــــــن
الولد قاضـــي مابه لحم مووول هذا شو ياكل
كان لونه شاحب و شفايفة بيضا و ويهه مصفر و جسمه نحيـــل
لكن عيووونه الوحيـــده اللي ما اختفى بريقها
كانوا محطين اجهزة عليه
و هو تعبان ما يقدر يشيل بعمره مووول
و عيونه كانن بالسقف متحمل عوار راسه
اللي صابه مثل التشنج
و طبعا ما يخلون حد يدخل معاه بالغرفة اكثر عن 3 اشخاص
لان حالته الصحية حاليا ما تسمح بهالشي
ميــــثة الدموع مب راضية توقف عندها
تقرب اكثر من عزوز و مسكت ايده و باسته على راسه
و هو بعده جامد و تعبان
ميــــثة تذكرت الآلام و المواجع في الماضي
ميثة ما قدرت تتحمل فطلــــــــعت برع و هي تشــــاهق و تبكي زيادة
سرطــــــــــــــــان الدم هو المرض اللي قتــــــــــــــل أمها
و اللحيــــــــــن هالولد الصغيــــــر بعد فيه سرطان الدم
و هالولـــــــــــد منووو ولد ريلــــــــــــها اللي تحبه
نرجع سنين ورى:-
اليده: تحمــــــــلي يا فاطمة تحـــملي
فاطمة: عمـــــووووه البـــــنات أمانـــــة برقبتج
اليده تصيح: لا تتكلمين لا ترهقين عمرج
فاطمة: دخيــــــــلج يا عموووه بناتي من عقب عيني ما ابغيهن يتشتتن
اليده: ان شاء الله يا فاطمة ان شاء الله
فاطمة لفت راسها اللي فيه شعر ابيض بسبة الكيماوي: ميـــثة حبيبتي تعالي ماماتي تعالي حبيبتي قعدي معاي
ميثة كانت حزتها صغيرة و كانت تخاف من شكل امها
اليده: قومي فديتج تعالي قعدي عند امج
ميثة هزت راسها بالرفض
و عقب ركضت برع
فاطمة صاحت: آآآآآآآآآآآآآ بناتي يخافون مني يا عموووه كان خاطري احضنهم كلهم
اليده: لا اله الا الله اذكري ربج يا فاطمة هذيل بعدهم يهال ما يدرون باللي فيــــج
فاطمة تصيح: تعبانه يا عمووووه وااااايد تعبانه أنا آ آآآ
اليده تصيح: وانا شسوي يا بنتي عبيد من رجعج من المستشفى قفل باب الحوي و لا نحن دارين عنه
فاطمه: آآآآ حسبي الله و نعم و الوكيل حسبي الله و نعم الوكيل نحن نعاني و هو يسكر اربع و عشرين ساعه
اليده: اسكتي يا فاطمة و استريحي لا تعبين عمرج مب زين يالغالية
فاطمة تمسك ايد عمتها: عمــــــووه أنا مب خايفة على عمري أنا خايفة على البـــنات أخافهم يضيعون من بعد عيني
اليده تمسح دموعها بالشمد: لا تخافين يا فاطمة البنات بعيوني
ميثة كانت ورا الباب مندسة و تصيـــح على الحال اللي هم عليه و عقب طلعت لامها مرة ثانية
ميثة تصيح شرات اليهال و تسير تحضن امها: أمــــــــــــايه أنا أحبـــــــــــــج وآيــــــد و ما ابغيــــــج تروحيــــن عنا إذا بتروحيـــن أنا بسير معاج انزين
فاطمة زاااااااااد صياحها و ما قدرت تتكلم
و عقب مها دخلت و كانت ماسكة التوام اللي توهم عمارهم ثلاث سنين
مها: يـــــدوووه الثـــلاجـــة فاضيــــة و نحن يوعانيــــن
اليدة: باب الحوي مقفول يا بنتي و انا من وين اييبلكم ،، انزين الخبز و الجبن وينه
مها: ابوي خذاه
اليده: لا حول ولا قوة الا بالله
فاطمة: مها اماية تعالي
مها سارت صوب امها و حبها على ايدها: امري امايه
فاطمة: سيري فديت روحج و اركبي النخلة و عقب بتكونين قريبه من اليدار و اركبيه و انزلي منه و روحي الدكان و هذي خمس ريال تحت مخدتي اشتري فيهم صمون و لا خبز لكم بسرعه فديتج لا تتاخرين قبل لا يوصل ابوج
مها: ان شاء الله امي
و راحت مها
اليده: وين منــــال ما قامت من النوم
ميثة: امبلا اللحين تخم الصاله لان ابوي عافسنها من البارحه
اليده: فاطــــــــــــــمة فاطــــــــــــمة
فاطمة ما ترد فقدت الوعي
و تركض ميثة لمها و تقول لها بدل ما تروح الدكان تروووح تنادي حد من الجيران يساعد امــــــها
و ينقلونها للمستشــــفى
ميــــــــثة اتذكرت هالشريط و اتذكرت الآلام اللي عانتها
و تذكرت شكل امها كيف كان بسبة هالمرض
و قعدت تصيح بشكل هستيري
فطلعت لها ام فهد تشـــوفها
ام فهد: ميـــــــثة اماية سمي بالرحمن اذكري الله
ميثة تمسك ام فهد: آآآآآآآآ يا خالتي
ام فهد حضنتها: ميثة شفيج فديتج شصاير ليش كل الصياح
ميثة: امي يا خالتي امي
ام فهد عقدت حياتها: امـــج ميته اللحين
ميثة بعدها تصيح بشكل هستيري: راااااااااااااااااحت بسبة هالمــــرض خالتي أنا اخاااااااف على عبدالعزيز يروووح مثل ما راااااحت عنا امي بسبة هالمررررررررررض
ام فهد: لااااا يا ميثة لاااا ما يصير هالـــــكلام اذكري الله
ميثة: لا اله الا الله
ام فهد: و عبدالعزيز بيقوم و بيتشافى جريب ان شاء الله بس مع العلاج يباله صبر زياده و انتي خلاص بس مسحي دموووعج فديتج
عند الجماعه الثانيين:
ام فيصل: لا حشـــى ما تبيتون بفندق و بيتي مفتـــــوح
بو زينب: ما نبي نثقل على حد يا ام فيصل
فيصل: لا شدعوة عمـــي بيتنا هو بيتكم حياكم فيه باي وقت
بو زينب: و الله ما ادري يا ولدي شو تقولين يا ام زينب
ام زينب: خلاص اللي يشوفونه
في بيت بو فهد
كل الشباب راحــــــــوا هناك
و نزلوا إلا حمـــــدان إللي شكله مصر يسوي
اللي براسه قبل ما يسير بيتهم
منال نزلت تحت فالصالة بعد ما فسخت عباتها
و سارت و قعدت عند مها و ظبية
منال سارت و قعدت من غير لا تقول شي و خذت الريموت و يلست تفر بهالقنوات
مها: بسم الله الناس تسلم اول
منال بعدها ساكته
ظبية: هذي شفيها
مها: علمي علمج
ظبية: منووول شفيج مويمه
حمدان يا صوبهم: الســـلام عليكم
مها و ظبية: و عليكم الســـــلآم
حمدان: ممكن تفهميني حضرتج باللي سويتيه اليوم
منال: أنا ما سويــــــــت شي
حمدان يصارخ عليها: لا تسويـــــــن عمرج بريئة
منال: حمدان لا تصارخ علي انا مب اصغر عيالك
مها: هـــــــدوا يا جماعة الخير و فهمونا شصاير
حمدان: سألي اختج المصونه فاتحة الغشـــوة يوم كنا بباسكن و الريال فاج عينه عليها و هي ولا هامها
منال: حـــــــــــــدك عاد لهني و بس لشــــو تبا توصله بالضبط اني مثـــلا صايعه اتريااا حد يطالعني و لا يغازلني مثـــــــل ما انت تسوي ببنات الناس
حمدان زاعج عليها: تراني وايــــــــــــد ساكت عنج و انتي تعديتي حدودج و انا عاطنج سالفة و انتي ما تستاهلين و بعدين انا اللــــــي اسويه ببنات الناس انتي مالج شغل فيه و لا تطلعين من السالفة الاساسية و شوفي علمن يوصلج و يتعداااااااااج لو مرة ثانية شفتج كشفتي عن ويهج جدام واحد غريب و الله ثم و الله لاخليج تندمين و انا حمدان ولد عبدالله و كلمتي وحده ما اغيرها و عانديني كان فيج خير
منال تيبست و دموعها بغصب عنها سالت من عينها: شــــــــووووف انت ما يحقلك تتحكـــــــــــم فيـــــني لا انت اخوووووووي و لا انت ابوووووووووووي فابعد عن طريجي احسن لك
ظبية: بــــــــــس يا جماعه بس ما يصير جيه
حمدان: أنــــــــا يوم بتحكم فيــــــج بتحكم فيــــــــــج بكيفي فاهمه و لا لااء و لو اقولــــــــج شي تنفذينه و انتي ساكته
منال صارخت بويهه: أقـــــــــــــووووووووول مريلتك هـــــــذي لا تطلعها علـــــــــــي فاااااااااهم و لااااا لااااء
حمدان ما تحمل عنادهـــــــــــا فضربها كـــــــــــف على ويهها
مها و ظبية شهقن و خافن
منال: اكـــــــــــــــــــــــــرهك يا الـــــــــــــــــنذل اكــــــــــــــــرهك
و عقب سارت منال ركض لغرفتها
و حمدان طلــــــــــــع معصب حـــــده
|