ღღالجـــــــــــــــزء الــــسادس عشـــــــر ღღ
في بيت بوفهد
ام فهد: و ليش ما تسيرون انتي و ظبيه معاهم بوظبي
مها: و الله يا خالتي مالي نفس بالطلعه احسنلي اتم هني
ام فهد: انا قلت بتغيرون جو احسن بدل القعده بالبيت
ظبية: أنا بيتوتية من يوم يومي
مها: و مدام ظبية بتم معاي فخلاص بنقعد نسولف مع بعض
و عقب دخل بوفهد و محمد و منصور و فهد من بعد ما كانوا بالمسيد لصلاة المغرب
بوفهد: الســــلآم عليكــــــم
الكل: و عليكم السلام
ام فهد: منصور اماية يلا سير البس قبل ما تطلع معاهم
منصور: محمد البس الكندورة السوده انزين
محمد: يبا يطقم معاي الاخ
منصور: انت البس انزين
محمد: انزين يلا روح و عقب ما تتلبس تعال انا بغترك
منصور: لا ابوية هو اللي راح يغترني
فهد: بنات اصعدن فوق و انت محمد سير وياهم
البنات قامن
محمد: قول انك تبا تقول شي نحن ما نبغي نسمعه
فهد: زين انك فهمت يلا روووح معاهم
محمد خذله موز و راح
بوفهد: شبغيت تقول فهد
فهد: توني قبل شوي متصل لخالد اطمن عليه قالي ان مرته بالمستشفى
ام فهد عقدت حياتها: بالمستـــــشفى
بوفهد: خير شفيها بعد
فهد: علمي علمكم
بوفهد: ام فهد تجهزي بنروح لهم
ام فهد: بلبس العباة و بيي
و عقب راحت ام فهد
بوفهد: الله يستر شصاير فيها هذي بعد ما رامت تمرض الا يوم قربت الملجه
فهد: صحة الفرد اهم من الملجة
بوفهد: هذي مدامها طاحت بالمستشفى معناتها الملجة بتتأخر
فهد سكت عن ابوه يعرف ان لو كلمه و فهمه ما راح يقدر الوضع
دخلت نورة عند امها
نورة: اماية وين رايحه بعباتج
ام فهد: رايحه المستشفى
نورة: بسم الله المستشفى ليش منو هناك
ام فهد ما حبت تخبرها عسب ما تقول لمها: هااا
نورة: اماية شفيج
ام فهد: ايه بروح ازور مريضة انا و ابوج
نورة: و ابوي من متى ابوي يزور حد بالمستشفيات
ام فهد: اوووه تراج وايد تبربرين
نورة: خلاص انزين بسكت،، انا يايتنج ابغيج تعطيني بيزات زياده
ام فهد: سيري فجي السدة و اخذيلج بس ألف و خمسمية
نورة: ماا يكفــــــــي و الله
ام فهد: نووووروووه تراني قبل اول امس معطيتج 3000 عن البزاااااا
نورة: بس صرفتهم على مشروووووووعـــــــــــي و كلفني وايد بسبة المواد اللي اشتريتهم
ام فهد: انتي عيارة و بزاية محد قالج فري فلوسج شرق و غرب و يلااا ديروا بالكم على عمركم و هالله هالله بمنصور عن يضيع
و عقب طلعت ام فهد و راحت نورة خذت لها بيزات و طلعت و سارت غرفة منال
نورة: هاه تجهزتي
منال: لاااا
نورة: منااااااااااااااااال عااااااااااد
منال: ما اقدر و الله ما اقدر بصيح اذا شفت حمدان
نورة: مها قالت ما بتسير و ظبية قالت ما بتسير و انتي قلتي ما بتسيرين عيل منووو بيسير بالله
مهره: عيل نحن و توامي نستحي نروح رواحنا معاكم و خواتي ما يبن يسيرن
نورة تنازعت: لاااااااااااااا و اللـــــــــــــــــــه ع كيــــــــفكم هووووو يــــلااا اشووووف كل وحده تلبس عباتها يــــــلا تلحلحن
منال كانت بترمس: أأ
نورة: اوووووص و لا كلمة يــــــــــــلاااا هاااج العباااية لبسيها جدامي
و عقب كل البنات لبسن العبي و تجهزن
منال: يااا رب يهون و ما يروووح معانا
نورة: احسن انا ابغيه يكون موجود عسب يحس فيـــــــج شوي
ميره: عيل احمد وينه ما بيسير
نورة: احم احم ليش تسألين
ميره: هاه لااا ما شي حرام اسال يعني
نورة: هيه حرام انتي بالذات تسالين عنه
احمد من وراهم و هم طالعين: هيه احمد بيسير ( ابتسم لهم و عقب راح يشغل سيارته )
مهره: هههههههههههههه اويه سمع
الكل: ههههههههههههههههه
ميره: جب جب لا تضحكون زيـــــــن و الله انكم تقهرون
منصور يا لهم: بــــــــنات انتو رووحو ركبوو مع أحمد
ميره: لااااااااااااا
منصور: مب كيفج توه قاللي اقولكم تسيرون تركبون معاه
منال لمحت حمدان و عقب نزلت راسها
و هو يا صوبهم و معاه جاسم
حمدان و جاسم: الســلام عليكم
الكل: و عليكم الســـــــلآم
جاسم: اشحالكم بنـــات
نورة: نحن كلنا بخير الله يسلمك
حمدان مستغرب غريبة منال ساكته ما قالت شي
محمد توه نازل و قاعد يعدل بغترته: هاااا خلصتوو
منال رفعت راسها و صدت على محمد و قالت: هيه خلصنا و تونا كنا نازلين
محمد: اشحالكم عياااااااااال العم
حمدان: بخير الحمدلله
جاسم: اشحالك انت يا بو الرقااااد
محمد: هههههههه انا بخير و عافية
جاسم: يـــلا سارينا دام انكم جاهزين
محمد: بنات من اللحين اقولكم ما نريد حواااطة بالمووول ستين سنة كلها ساعه و طالعين
نورة: لا و الله عيل ما بيدوبنا نتشرى،، محمد كلامك مب معقول
جاسم: خلاص خلااااص يبووج تسوقي على راحتج كلتيه حشى
حمدان: شو تتريا من البنات
منال ماتدري ليش انقهرت من هالكلام و نورة عادي عندها تسمع مثل هالكلام من يوم هي و صغيرة
في بيت بو فيصل:
ام فيصل: فيصل ابوية شو فيك متضايق عسى ما شر يا وليدي و ليش انت مب مع زوجتك حرام تخليها بروحها جيه
فيصل: مب متفيــــج لها
ام فيصل: بسم الله خوفتني بلاااك تقول هالرمسة انتو توكم معرسين
فيصل قاطعها: تراكم وايد تعيدون هالرمسة بهالبيت توك متزوج و توك متزوج اللي يسمع عاد بيقول انا متزوج برنسس ديانا على غفلة الا هي ميثة لا يت ولا ردة تبقى عندي و لا شي
ام فيصل خافت من كلام ولدها: خير ولدي صاير من بينكم شي
فيصل تنهد: ما صار شي بس انا مب بالعنها
ام فيصل: انت فيصل العاقل جيه تقول ليش شو اللي تغير يا ولدي هذي زوجتك اذا صار من بينكم شي تفاهموا بهدوء و ان شاء الله تنحل مشكلتكم
فيصل يطالع ساعته لانه لازم بعد شوي يروح لبو زينب و زوجته بالمستشفى مع عزوز ولده
ام فيصل: بلاك سكت ليش ما ترد
فيصل: ما عندي شي اقوله
ام فيصل: لا حووول يا ولدي مب زين جيه اتم مبوز جدامي و جدام حرمتك انا اول مرة اشوف معرس جيه
نزلت ميثة و لما شافت فيصل تحت كانت تبا ترد فوق لكن ام فيصل نادتها
ام فيصل: ميـــــثة أماية تعالـــي فديـــتج تعالــــي
فيصل وقف مكانه يبغي يروح
ام فيصل: و انت وين رايح بعد
فيصل: عندي مشوار مهم
ام فيصل: طيعني فديتك و اقعد
و رد عقب يقعد فيصل مع امه و ميثة حرمته يت و عاد فيصل قال مدام امه هني ما بيقدر يروح لبو زينب بالوقت المحدد
ميثة قعدت حذال عمتها ام فيصل اللي كانت تقطع لها تفاح
ميثة تمد يدها للتفاح و تاكله
و فيصل يطالع بمكان ثاني و سرحان و باله بعيد
و ميثة منقهره قالت اكيد يفكر بزينب
ام فيصل حست ان فيه شي شايد صاير من بينهم
ام فيصل: انتو بتقولون شو اللي قِلَب حالكم ولا شوو ترا حالكم ما يسر مووول
ميثة طالعت فيصل من فوق لتحت بنظرات شك
فيصل: خيــــر بلاج جيـــه تطالعيني و انتي قرفانــــه
ميثة تنرفزت لما صرخ عليها جدام امه
ميثة: ما كنت اقصد اطالعك بهنظرات انت اللي تفسر الامور ع كيفك
دخل بو فيصل عندهم
بو فيصل: الســــلآم عليـــــــكم
الكل: و عليكم الســــلام
بو فيصل: ميـــثة روحي هاتيلي عصيـــر اشربه
ام فيصل قامت عنها: لا حشى ما تقومين انتي توج عروس انا بروح اييبه
فيصل: اماااااية قعدي ميثة شخانتها بالبيت خليها تسوي شي
ام فيصل: وييي يا ولدي شهالكلام من قلة الخدم اللي عندنا يعني
فيصل بصرامة: ميثة قومي فزي طولج و هاتي العصير عن امي
ميثة الصيحة بعيونها بس كانت تكابر و قامت و سارت بتييب العصير
ام فيصل: عيب عليك يا فيصل هذي توها عروووس انت متى بتفهم هالشي حرام عليك
بو فيصل: ما الا هي بنت عبيد الخماري
فيصل: معاه حق ابويه
ام فيصل: عنبوكم انتو ما تخيلون عيب هالرمسة تبقى هالمسيكينه بنت من لحم و دم تحس حالها حالنا
بو فيصل: فيصل ابوية ان رفعت صوتها عليك عطها كف حااااااااااامي يأدبها
ام فيصل: بوووووو فيصل لا تزيده انت بعد هووووووو مب ناااقص عادي يصدق و يسويها
فيصل: لا تخافين انا مب غجري عسب اضربها
و عقب يات ميثة و حطت العصير جدام عمها
ميثة: تفضل عمي
بو فيصل شرب العصير و عقب قال: الا تعال فيصل شو هو الموضوع اللي قلتلي عنه
فيصل: بس حمدان و جاسم مب موجودين انا بغيت الكل يكون موجود عسب الكل يعرف
ميثة ارتبكت
ام فيصل: خير شو فيه
بو فيصل: انت قول لنا و عقب جاسم و حمدان نحن بنخبرهم
فيصل خبرهم بسالفة زواجه من زيــــــنب لنهايـــة موتها و خبرهم عن ولده عبدالعزيز و عن مرضه
ام فيصل تمت تصيح بصمت
ميثة تحس اطرافها متشلله منصدمة من اللي سمعته ما قدرت ترتب كل اللي سمعته بشكل صحيح
فيصل كان جامد لما كان يحكيلهم
بو فيصل ما يقدر يلوم ولده ولا يعاتبه على زواجه اللي قبل كانوا فيه رافضين ان فيصل يتزوج وحده بحرينية
لكن ام فيصل تكلمت بهاللحظة قبل ما يرمس بو فيصل: أنـــا عندي حفيـــــد و انت مخبي عليــــه
فيصل تنهد ما قال شي
ميثة ما رامت تتحمل فصاحت: زيــــــنب متـــوفية
هز راسه فيصل بالايجاب بدون ما يطالعها
ام فيصل قامت ببطئ من كثر ما تحس بثقل بجسمها و قالت و هي تصيــح: قــــــوم ودني لحفيدي قــــــوم حرام عليـــك ولدك يتعذب بمرض خبيث و انت ما خبرتنا قــــوم قــــوم شلني له قــــوم لا تتطالعني جيــــه
بو فيصل: و انا بروووح وياكم
كلهم قاموا إلا ميثة بعدها تحاول تستوعب فيصل طبها و راح يتلبس قبل ما يطلعون من هني
ام فيصل: قومي فديتج قومي مهما يكون هذا ريلج و لازم توقفين معاه
ميثة قامت و هي ساكته و الدموع مب راضية توقف و راحت تلبس عباتها و راحت معاهم المستشفى
عند الشباب
محمد و جاسم و حمدان و منصور بسيارة
و نورة و منال و مهره و ميره بسيارة احمد
فسيارة حمدان:
حمدان: عيل بتروووح عنا بنفتقدك و الله
محمد: احـــم حتى تصدق منصور دووووم يبكي على مخدته يترجاني ما اسافر
منصور: جـــــــــــــذاااااب
حمدان: ههههههه منصور ريال ما يبكي صح
منصور: صح أنا عمكم
جاسم: هههههههه لا و الله احلف انته بس
منصور: و شيخكم بعد
محمد: بدا عاد بالخقة ما ادري على منو طالع
جاسم: لا تنسى ان حمدان خاله
محمد: ههههه صدقت و الله
حمدان: انا مب خقاق هذي يسمونها ثقة
جاسم: امحق ثقة
محمد: و بعدين حمدان تعال انت ليش كاشخ هالكثر رايح عرس مثلا
جاسم: يعني ما تعرفه هذا لو يروح دكان تشوفه يكشخ عيل شو لو كان رايح مووول شو تتوقع منه
حمدان: يا ربيه على الغيــــــــــره اللي بتجتلكم
فسيارة قوم أحمد
مهره كان تلفونها يرن وايد
ميره بصوت هامس: اكيد هذي العله ريمووو
مهره: حراااام عليــــــج لا تسبينها
ميره: اففففففففف انتي متى بتتركين هالعله و نفتك منها
مهره: ما اقدر اخليها ما اقدر ظروفها صعبة هالبنية
اتصلت ريم مرة ثانية قامت ميرة شلت التلفون و اغلقته
ريم: غريبة توه مفتوح تلفونها و اللحين مغلق
راشد: ريــــــم أنا قلتلج اليــــــــــوم يعني اليــــوم
ريم: انت ينيت تراني قلتلك هي قايله لي انها بتطلع اليوم بس ما اكدت لي فكيف تباني اييبها
راشد: لو اتيني الفجر اباها يعني اباها تفهمين و لا لااااء
ريم: اووووه راشــــــــــــد لا تينني زوووووود بروووحي مضايجه
راشد: اسمعيني ريم عندج يومين ( و اشر لها بصبعين ) بس يومين مب اكــــثر و اذا ما ياتني مهره خلال هالفترة و الله ثم و الله لتشوفين مني الويــــل و قد اعذر من انذر
ريم خافت: بسم الله شفيك تهدد و الله احيانا انا اخاف منك عيل مهره حليلها لو سمعتك اكيد بتموت بمكانها
راشد مسك ريم من ذقنها و رص عليه: سمعيني عدل أنا ما يهمني خوفج مني انا اللي يهمني اللحين مهره و بس و انتي مالج شغل بس تيبينها و تروحين عنها و تتركينها بين ايدي انا و بس مفــــــــهوووم
ريم: ان شاء الله ان شاء الله مفهـــوووم بس هدني الله يخليك
هدها راشد و عقب راحت عنه
و على طووووول ركبت سيارتها و سارت لسارة
ريم: اقـــــــــولج هالانسان فيه شي و قسم بالله اني خفت انه يجتلني اصلا نظراته تخرع صاير ما يتفاهم موووول
انا لازم اييبله مهره باسرع و قت و اتخلص من حنته و اقطعه موووليه
سارة : لا ما عليــــج هو جيه طبعه لا تخافين منه و لا شي
ريم بخوف: انتي ما شفتيه لو شفتيه بتقولين عكس هالكلام
سارة كانت تبا تقول شي لكن ريم قاطعتها
ريم استغربت لما شافت غترة مفرورة على الطاولة
ريم معقده حياتها: هالغترة لمنووو
سارة ارتبكت: هااااااه اااا لااا هذي مالتي
ريم: مالتج و لا مدخله واحد هني ما احيدج تدخلين شباب بشقتج قلتيلي مرة انج ما تحبين هالشي
سارة: لا لا قلتلج مالتي انا كنت اجربها كربطة على الرقبة ( تقصد مثل حركة الشال )
ريم: سويرة تتغيشمين حضرتج انتي ما تحبين هالسوالف بعد
سارة: اففففف هو تحقيق يعني قلتلج مالي و خلاص ( جذابه اصلا هالغترة لناصر )
و عقب سارة اطالعت الساعه و شهقت
ريم: بسم الله شفيج
سارة تذكرت انها فهالساعه بييها ناصر
سارة: أأأ ريــــــــم أنا بطلع بعد شــــوي
ريم: وين
سارة: مشوار مهم اشوفج باجر ان شاء الله
ريم: اعتبر هذي طردة يعــــني
سارة: ريــــم قلتلج عندي مشوار
ريم: خلاص خلاص بطلع اللحيــــن
و عقب ما طلعت ريم لمحت سيارة
ريم: يا ربي هالسيارة مب غريبة علي كأني شايفتها من قبل
و عقب ما اهتمت و راحت على سيارتها
و السيارة طبعا كانت لناصر
و بعد ما دخل ناصر على سارة
ناصر: مرحبا
سارة: مرحبتين غناتي
ناصر: اليـــــوم بتصيرين ملكي و أخيــــــــــــرا
سارة: اولا نحن ما تزوجنا عسب اصير مرتك و ثانيا توها ريم طالعه من عندي ليكون شافتك
ناصر: لا ابد ما لمحتها بطريجي
سارة: اشوا اهم شي انها ما شافتك
ناصر: ها حبيبتي جاهزة للمحكمة ترا الشهود كلهم جاهزين( اليوم بيروحون للزواج )
سارة: لحظة بس ابدل و راجعه لك
و عقب ما سارت سارة تبدل قالت بنفسها: هه حليلك يا الغبـــي و الله لخليك خاتم بصبعي و اخليك تسجل كل املاك هالعيوز بأسمي و غير هذا كله أنا اللي بكون عقب مدة بسيطة ان شاء الله مديرة شركة التصنيع و عقبها يااا حلووو رااااااح اشوتك شوتت كلاااااااااااب انت و عيووووووز النار من الفلة اللي راح ان شاء الله تتسجل باسمي
و بعدها سارت سارة تركب السيارة مع ناصر
ناصر: هاه فديتج نتحرك ما نسيتي شي
سارة ابتسمت بمكر: لا ما نسيت شي
ناصر: حبيبتي ليش على الاقل ما نسوي حفلة بسيطة باجر
سارة: لا لااا ماله داعـــي اهم شي نتزوج و خلاص ( اكيد ما تبين حفلة لانج عارفة نهاية هالزواج )
ناصر: حبيبتي
سارة: هلا
ناصر: تحبيني
سارة: انت حبيبي كيف ما تبين ما احبك
ناصر: فديتج و الله غناتي
سارة بنفسها: تفدتك ينية قول امين خســـــي سارة الـــ......ــي تحب واحد من عقب ما تركني الحقير راشد
مع الشباب:
نزلن البنات كلهن
احمد صد صوبهم
و لفت انتباهه شي بميرة و راح صوبها
ميرة ارتبكت قالت بلااه هذا
احمد بشكل تلقائي دخل شعر ميرة اللي طالع بالغلط من طرف الشيلة بابهامه
احمد بصوت مسموع: اسمحيلي ادخل هالشعرتين اغـــــار أنـــا ما أحـــب حد يطالع شي هو ملكـــــي
و عقب كالعاده ابتسم لها و سار تجدم البنات شوي
ميرة تسمرت بمكانها
نورة: هههههههههه عادي عادي تصير بارقى العائلات
ميرة من الحيااا ربطت شيلتها عدل هالمرة
مهره: هههه بس بس و الله ماشي شعر طالع خلااااص
منال تطالع الصوب الثاني كان حمدان و البقية توهم نازلين و بييون صوبهم
منال تذكرت كلام ظبية و نزلت راسها
و عقب قالت: يلا بنات خلونا نتحرك صوب احمد
نورة : اوكيك يـــــلا
و عقب البنات سارن صوب احمد اللي وقف يترياهن
و حمدان ميت الا يكلم منال خصة ان اليوم ما عبرته مووول و كله تبوز لما تشوفه و تنزل راسها ما يعرف شو سالفتها
منال: اقول نورة
نورة: هلا
منال: اليوم اتصلت على ميثة ما ترد و اطرش لها مسجات بعد ما ترد اخاف صاير لها شي
نورة: لا عيني من الله خير ليش تفولين عليها بالشر
منال: فيني احساس غريب يأكدلي ان ميثة فيها شي
نورة: شفيج اليوم منال احس مالج بارض لاي شي ركزي على الطلعه و فرفشي شوي مب العادة انتي جيه
منال: و الله مالي نفس لشي مووول
نورة: لا ما عليـــــج بتتونسين ان شاء الله اذا مب بالمول بالبحر
منال: بنسير بعد البحر
نورة: هيه بنتعشى هناك جيه احلى
منال: و الله زين من زمان ما رحت البحر
( تمو بالمول ساعتين و نص و عقب طلعوا بيسيرون البحر و بيتعشون هناك )
عند البحر:
جاسم: منصور انت نزل البارد من السيارة ( يقصد الكولا )
منصور: انزين
سار منصور و فتح باب السيارة و خذ كيس الكولا بس كان ثقيل و نادى على منال
منصور: منااااااال مناااااااااال تعالي شوي
منال سارت صوبه: ها شو بغيت
منصور: هذا ثقيل وايد
منال: الله يهداه جاسم ليش شاري هالكثر منو بيشربه
حمدان من وراها: انا بشربه
منال اتصنمت لكنها حاولت تتمالك عمرها
حمدان: اشحالج منال
منال ساكته
منال: منصور طلع الحصير و عطها نورة تفرشها
حمدان: افا ليش مسويه طااااف هذا و انا احاتيج
منال ما طالعته مووول خذت كيس الكولا و راحت لكن فجأة انطرت الكيسة و طاحت الكولا
فنزلت منال تجمعهم بسرعه
حمدان نزل بعد مثل مستواها و يلس يجمع معاها
حمدان معقد حياته: شفيــــج منال
منال معصبة: ما فيني شي
حمدان: بسم الله شفيج انزين بشوي شوي على عمرج
منال بجدية اكثر: حمدان لو سمحت قوووم من هني انا بشل الكولا بروحي انت سير من هني
حمدان: لا مب رايح الين ما تقوليلي انتي شفيج علي
منال: ما فيني شي شو انت ما تفهم ( حست انها بتصيح فوقفت بتروح )
بس حمدان مسك ايدها
منال بعصبية اكثر: شيل ايدك عني شوووو من مذهب عليك تمسك ايدي،، و لا متعود عند الصايعات تسوي جيه
حمدان عصب: انتي شو تقولين
منال خوزت ايدها بقوه عنه: اقوووووووول اللي اقوووله انت مالك شغل فيني فاهم و اخر مرة تمسك ايدي شو ما تدري ان حرااااااام
حمدان: منال انتي مب صااااااااااااحيه و لا شووو ( ماسك اعصابه )
منال: عن اذنك انا بروووح وقفتي حذااااااالك اكبر غلط
و عقب راحت عنه
و حمدان حرج و خلا الكولا و رااااااااااح
في المستشفى عند شيخه
ام خالد متوترة: يالله يا ربيه محد طلع لنا يطمنا عليهااااااااااا
ام سعيد تصيح: واااااعليــــــــــج يا بنيتي يا ليت العوووق فيني و لا فيج
خالد: اذكـــروا اللـــه يا جماعة الخيــــر
ام خالد: لا اله الا الله
ام سعيد اعصابها متشتته لان اليوم بتنكشف بنتها و بتطلع مب حامل و بتبان جذبتهم بس هي اللحين تحاتي صحة بنتها اكثر
طلعت الدكــــتورة
الدكتورة: ويـــن زوج شيخه
خالد: انا زوجـــها
الدكــــتور: بصــــراحه يا خوي زوجتــــك اهملت صحتها و ما اهتمت بأكلـــها و هذا الشي مأثر على صحتها بشــكل سلبي
ام خالد: انزين يا دكتووووووورة و الجنــــــــــــين عسى ما صابه شي
ام سعيد طاح قلبها اللحين بتنفضح هي و بنتها
الدكتورة: لا الحمدلله الجنين ما صابه اي مكروووه و قدرنا نسيطر على الوضع
ام سعيد فجت حلـــــــــجها: بنـتي حــــامل
الدكتورة : ليش انتي من قبل ما تعرفين انها حامل
ام سعيد حاولت ترقع: هاه لا اعرف بس اقصد يعني ما اثر على حملها
الدكتورة: لا الحمدلله ما اثر عليها بشكل قوي و اللحين هي بخير اذا حابين تتطمنون عليها ادخلوا لها
ام سعيد تفاجأت ما توقعت ان بنتها تطلع صج حامل بس فرررررحـــت من الخاطر
و عقب ما راحت الدكتورة دخلو داخل يطمنون على شيخه
خالد راح و باس شيخه على راسها: ما تشوفين شر يا ام سيف
شيخه تصيح بهدوووء: بعدك تقولي ام سيف بس انا مب
ام سعيد قاطعتها: الحمدلله الدكتورة طمنتنا عليج و قالت ان الجنين ما فيه اي شي
شيخه مب فاهمه شي: الدكتورة قالت
ام خالد: هيه يا بنيتي قالت الحمدلله الجنين ما صابه اي مكروووه
شيخه: انا حــــامل
خالد: بسم شفيــــج تقوليناه و كأنج أول مرة تعرفين انج حامل
شيخه و البسمة على ويهها و هي تحس بالتعب: متى بصـــــــــــــــير ام و متى بولد و الله مشتاقه لهاليوم
خالد: بس اهم شي ترتاحين ولا تجهدين عمرج و تحافظين على اكلج باستمرار
شيخه: ان شاء الله من عيوني ان تامر امر
سمعوا الباب يندق
خالد راح و فتحه
خالد: يـــــــا مرحبــــابكم و الله حياكم،، تفضلوا
ام فهد: الله يحيــــــك ـ السلآم عليكم
الكل:و عليكم السلام و الرحمة
ام خالد: هلا هلا ام فهد اشحالج الغالية
ام فهد: بخير عساج بخير
خالد: عيل وينه بو فهد
ام فهد: هناك برع قاعد
خالد: خلاص انا بروح معاه
شيخه تضايقت من وجود ام فهد
ام خالد: هذي ام سعيد يا ام فهد
ام فهد ارتبكت لانها تعرف ام سعيد من قبل لما يو و خطبوا سعيد لظبية بس هم رفضوه: شخبارج ام سعيد
ام سعيد من ورى خشمها لأنها تكره ام فهد: بخير الحمدلله من صوبج ( بعدها مازالت تذكر لما طردهم بوفهد من بيته و هالشي حز بخاطرها لليوم )
ام فهد: الحمدلله بخير و عافية
ام فهد: ما تشوفين شر يا شيخه
شيخه: الشر ما ييج
ام فهد: اللحين شو قالولكم عن صحتها
ام خالد: قالو انها ما تهتم باكلها و هذا مسبب ضعف لجسمها
ام فهد: يا بنيتي لازم تديرين بالج على روحج اكثر ترا ببطنج ياهل و لازم تاكلين عدل
شيخه من غير نفس: ان شاء الله
خالد راح صوب بوفهد
خالد و هو مبتسم: الســـلآم عليـــكم
بو فهد قام يسلم عليه: و عليكم الســـلآم
خالد: اشحالج عمي بو فهد
بوفهد: الحمدلله بخير و عافية تستاهل سلامة حرمتك
خالد: الله يسلمك يا رب،، الا أقـــول عمي
بوفهد: آمــــر
خالد: بصرآحه يا عمي موضوع ملجتي وايد تأجل و أنا حاب أجدمه
بو فهد مستانس: و الله هذي الساعه المباركة يا خالد
خالد: شاور الجماعه و قول لهم اذا يبون الملجة يوم الخميس
بوفهد: محد له شور من عقب شورك خلاص مدامك تباه يوم الخميس خلاص تم
خالد ابتسم: و العروس لازم تشاورها
بوفهد: العروس جاهزة باي وقت و انت لا تشيل هم الا زوجتك فحالتها هذي انت بتقدر تملج
خالد: هيه بقدر املج شو المانع شيخه ما فيها الا العافية و بتطلع اليوم اذا الله راد
بوفهد: خلاص عيل يوم الخميس الملجة ان شاء الله بس مثل ما قلتلك لازم من قبل ما نبغي حفلة للملجة
خالد: ماعليه مثل ما تبون اهم شي راحتكم و ان شاء الله العرس بتاريخ 25-8
شوي و رن تلفون بوفهد
بو فهد: الو
بو فيصل: هلا بوفهد انت وينك
بوفهد: انا هني بالمستشفى نزور حرمة شيخه تعبانه شوي
بوفيصل: انزين انتو باي مستشفى
بوفهد: في مستشفى.......
بوفيصل: انزين تقدر تيي بمستشفى......
بوفهد قام بمكانه: صوتك مب عايبني قوللي صاير شي حد صابه شي
بوفيصل تنهد: انت تعال و انا بفهمك هناك كل شي ترا فهد عندنا
بوفهد: مسرع ما راح لكم توه كان معانا بالبيت خلاص انزين يلااا انا يايكم اللحين
بوفيصل: مع السلامه ( و عقب سكر عنه )
خالد: خير عمي صاير شي
بوفهد مسح على ويهه: ما ادري و الله بس اخوي قاللي اروح مستشفى....... ما ادري ليش
خالد حط ايده على كتف بوفهد: انت روح و ان شاء الله ما من شر
في بيت بوفهد
مها: انزين انتي ما تتعمدين تفكرين فيه فلا تلومين نفسج
ظبية: حاســــــــــة بالذنب
مها: لا تحسين بالذنب و لا شي ترا القلب يوم يهوى مافي شي يمنعه بالتفكير بمحبوبه
ظبية: بس أنا ما ابغي قلبي يميل لسعيد ما ابغي افكر بهالاشياء
مها: انا فاهمه عليج قصدج انج ما تبين قلبج يميل لشي ثاني غير عن رب العالمين صح
ظبية: صح هذا اللي اقصده و انا من جيه ما ابغي حبي لسعيد يطغى على حبي لربي ابغي ابين صج اني احب ربي بالمرتبة الاولى و اني مستعده اسوي اي شي لمرضاته
مها: صح كلامج بس جاوبيني كيف بتتصرفين بهالحاله
ظبية: شوفي انا قاعده ابذل الاسباب و يشهد علي ربي ان اللحين غلا ما اروح لها غير وقت الصبح لان سعيد ما يكون بهالوقت موجود و الشي الثاني اني لما ابدأ بالتفكير فيه على طووول اشغل بالي بالاستغفار بس ما انكر عليج يا مها اني ادعيله بالخير فيه صلاتي
مها: يزاج الله خير يا ظبيه يا ليت منج عشر بهالدنيا جان كنا بخير
ظبية: هيـــــــــــــه صح ابشـــــــــــــــرج
مها: قــــولي حمستيني
ظبية: مممم كيف اخبــــــــــرج
مها: يــــــلا قولي عـــــآد
ظبية: أنا قررت
مها: قررتي شووو
ظبية: قررت بتنفيذ حلمي يا مها و قريب بحققه
مها: اوووووه شوقتيني عااااااد تكلمي
ظبية: هههههههه ابشرج ترا الطريج تمهد لي و بيصير عندي جمعية خيرية
مها: لا تتمصــــــــــــخرين
ظبية: هههه و الله و خبرت فـــهد و قال بيساعدني و ما بيقصر معاي
مها: كملي كملي شو بعد خططوا
ظبية: لحــــظة بييبلج الورقـــة و بييج
و راحت ظبية تييب الورقة و عطتها لمها
ظبية: هاج اقريها
مها فتحت الظرف الكبير البني و طلعت الورقة و قرتها
المستفاد من الجمعيات الخيرية :
1. بأن هناك هيئة مؤلفة في بادئ الأمر من مجموعة من الناس وهذه الهيئة سيكون لها كما سنرى فيما بعد شخصية اعتبارية في نظر القانون يعترف بها.
2. هناك أغراض أو ما يسمى بالغايات (الأهداف) ستسعى الجمعية من أجل تحقيقها خدمة للمجتمع المحلي.
3. المجال الرئيسي لعمل الجمعيات الخيرية هو الخدمات الاجتماعية دون أن يكون الهدف جني الربح المادي، وهذا ما تختلف به الجمعيات الخيرية عن غيرها من المؤسسات الأخرى، وهذا يعني أيضاً أن القائمين على الجمعية لا يجوز لهم الاستفادة من عوائد الخدمات التي تقدمها للمواطنين.
4. يجب ابتعاد الجمعية عن أي نشاط سياسي.
5. التنظيم هو شرط جوهري وضروري في جميع شؤون وأعمال الجمعية وبدونه يتعذر نجاح العمل.
مها: ماا شاء اللــــــه ،، إلا ما قلتيلي من الجماعة اللي راح تشتغل مـــعآج بإذن اللـــه
ظبية: بعده جـــآري البحث و التنفيـــــذ
ظبية ظهرت الورقة الثانية و عطتها مها
ظبية: و هذي تتلخص أهم الأمور اللي تتوجب علينا نسويها
مها شلت الورقة و قرتها:
يسعي المستشارون إلي توفير البيانات والمعلومات التالية عن مؤسساتهم الخيرية لتساعدهم فى أعمالهم:
$ قرار إنشاء المؤسسات وأهدافها.
$ التنظيمين الإدارى والمالى للمؤسسة.
$ أسلوب تقديم الأعمال الخيرية نقداً وعيناً ممثلة فى الخدمات العامة فى المجالات الاجتماعية والتعليمية والثقافية والصحية والإنسانية مثل نشر التراث الفقهى والعلمى للفقهاء المبرزين، ودعم ورعاية الفقراء والمحتاجين، والإنفاق علي وجوه البر الأخري.
$ تشكيل كل من؛ الجمعية العمومية، مجلس الإدارة، اللجان الدائمة للجمعية العمومية أو مجلس الإدارة، واللجان المؤقتة التى تشكل لأداء غرض معين.
$ المستودعات الخيرية التابعة للمؤسسات.
$ أساليب متابعة المؤسسات لأعمالها داخلياً وخارجياً.
$ ضوابط حل المؤسسات.
مها: تمــــــــــام و الله شـــغل مرتــــب انزين وين المخــــطط العام للجمعية اللي بتسوونه
ظبية: هني عندي ( شلت الظرف تنبش الاوراق اللي فيه ) ممم اظن فهد خذها معاه،،، لااااا لاا هني حصلتها هاج
مسكت مها الورقة: يالله شـــــطولها
ظبية: ههههه لازم عسب تطلع جمعيتي منظمة و مرتبة من جميع النواحي ،، انزين يلااا اقري مخططي انا و فهد و عطيني رايج فيها
مها قراتها:
الإسهام فى إعداد ما يلى:
$ النظام الأساسى لكل مؤسسة، حيث من المتصور أن يضم اسم المؤسسة، مقرها، النطاق الجغرافى لخدماتها، أهدافها، أسماء المؤسسين، أنواع العضوية، مواردها المالية، سنتها المالية، طرق وأنظمة المراقبة المالية بها، عدد أعضاء مجلس الإدارة ومدتهم، الصلاحيات والاختصاصات، أسلوب إنشاء فروع للمؤسسة، رأس المال، ومدة عمل المؤسسة.
$ الإسهام فى وضع خطط المؤسسات قصيرة الأجل، متوسطة الأجل، وطويلة الأجل.
$ أسلوب متابعة الخطط وتقييمها، وتعديل مساراتها.
$ تشكيل الهيكل التنظيمى وخطوط السلطة.
$ إعداد اللوائح الداخلية للعمل.
$ الخطوات اللازم القيام بها بالنسبة لكل عمل.
$ النماذج المستخدمة.
$ تحديد دور كل من المسؤول والموظف والمتعاون والفنى والعامل، بالنسبة لكل خطوة من خطوات العمل.
$ تبسيط الإجراءات بقدر الإمكان ومتابعة تعديل ما يرد بدليل الإجراءات من خطوات أو نماذج أولاً بأول.
$ تدريب وتهيئة العاملين للقيام بمهامهم.
$ تنظيم العلاقة بين المركز الرئيسى وبين الفروع.
$ استكمال شبكة الحاسب الآلى لأداء العمل بالكمبيوتر وتجربة ذلك مدة كافية لاستقرار العمل.
$ استكمال تجهيزات المستودعات الداخلية.
$ تطوير العمل بصورة مستمرة.
$ تقويم الأداء الفعلى للمؤسسة وفروعها.
$ العمل المستمر علي توفير ما تحتاجه المؤسسة من دعم مالى وبشرى ليتسني لها الإعداد لانطلاقة أنشطتها المختلفة والمعاونة علي تطويرها.
مها: بصـــــــــــراحه شغل دقيـــــــــــق
ظبية: هذا بفضل اخوي فهـــد ما شاء الله عليه بهالامور وايــــــــد ذكـــي
مها: تخطيطج كان شامل و واضح و ان شاء الله تتوفقون فيه
ظبيةك امين الله يسمع منج
مها ابتسمت: انتي تستاهلين كل خير يا ظبية عسى ربي يوفقج يا رب
ظبية ابتسمت: فديتج و الله عسى الله لا يحرمني منج
|