ريم: أنا بَيِن و السبه انت
راشد: ما صار شي بس غيرت المكان
ريم: انزين ليــــــــــــــش غيرت
راشد: أحسن اقابل مهره ببيتي أنا البارحه سرت بيتهم الجديم فاضي مافي شي جنه مهجور
ريم: بس اخاف حد يشك
راشد: محد بيشك هي بتكون ببيتي و انا ببيتي بعرف اتصرف و انا اباها باقرب فرصه تكون عندي
ريم: بصراحه انا بديت اتردد
راشد: لا تترددين و لا شي اسمعيني عدل هي ما تعرف وين بيتكم فخليها اتي هني ببيتي على اساس ان بيتكم عرفتي
ريم: بس
راشد: لا بس و لا شي انتي نفذي و خلاص و اللحين اتصلي لها
ريم: ليش
راشد: بس قوليلها انج لازم تستقبلينها ببيتكم
ريم: انزين
ريم اتصلت على تلفون مهره
مهره ما كانت موجودة بس ميرة
كانت موجودة و حرجت لما شافت المتصل ريم فردت عليها
ميره: نعم
ريم استغربت: منو
ميره: اقول ريمووووه بعدي عن اختي احسنلج و يا ليت مرة ثانية ما تتصلين لها
ريم: ميره
ميره: هيه نعم ميره
ريم: بس هذا تلفون مهره شله تردين عليه
ميره: ما يخصج تفهمين و لا لاء
ريم: لا مب فاهمه شو بتسوين يعني و انا عن طريج مهره ما ببعد عنه و سوي اللي تبين تسوينه
ميره: انتي وحده خايسه و قلبج اسود و انا بصراحه ما اثق فيج مول و مهره طيبه و على نياتها و انتي تبين تخربينها اعرفج
ريم: اقول ترا كلامج الفاضي انا ما يهمني و لو تسبين من اليوم لباجر الصبح ما بيأثر فيني كلامج
ميره: تعرفين ليش ما بيأثر لانج حقوده و كريهه و سمعتج فالقاع و اكيد كل شي عندج عادي
ريم: هــــــــــــي هــــــــــي انتي منو تحسبين عمرج عسب ترفعين صوتج علي
ميره بتعالي: انا مهره بنت عبيـــــــــــــد تاج على راسج يالحثالة
ريم: مالت عليــــــــــج يالمشوهه
قاطعتها ميره: هههه شو حسبالج كلمة المشوهه تاثر فيني لا حبيبتي ذاك زمن اول لما كنت اتأثر بكلامج لكن اللحين طز فيج و بكلامج و الله ما يأثر فيني مول
ريم: اقول يا حلوة اذا انتي ما تبلعيني ترا ما يهمني اهم شي مهره
ميره: قلتلج ابعدي عن اختــــــــــي شو انتي ما تفهمين
ريم: لا ما افهم و لا اريد افهم
ميره: و الله و الله ان سويتي شي بأختي لأدعي عليـــــــــــج ليل و نهار و براويج الويل مني تراج ما عرفتيني عدل
و عقب سكرت ميره عنها
راشد: خيبه شصار و منو هذي اللي كانت تصارخ جيه عليــــــــــــج
ريم: هذي الحقيره اختها ميره
راشد: ما عليـــــــــــج منها المهم ان مهره بين ايدنا
ريم انجرحت من كلام ميره يوم قالت عنها حقودة و قلبها اسود و غيره من الكلام اللي يعور بالقلب
اغتاضت ريم وايد من ميره فقالت لراشد: اقول راشد
راشد: خير
ريم: أنا مستعده اييب لك مهره اليوم قبل باجر و سوى فيها اللي تبااااااه بشوووووووف ميره الجلبه شو بتسوي
راشد: اوووه اوووه شصار قوة العزيمة
ظبية استانست لما عرفت ان غلا بدت تتجاوب مع العلاج الطبيعي
و عطوها رقم غرفتها اليديدة عسب تروح لها
ظبية قلبها كان يدق بقووو
عاد هي وصلت صوب الباب بس حست شوي بالخوف
ما تعرف ليش يمكن لانها تذكرت سعيد بس هي
قاومت الخوف و فتحت الباب
شافت غــلا قاعده على سريرها ماسكة دفتر و ترسم
ظبية طاحن دموعها غصب عنها
غـــلا رفعت راسها تبا تشوف منو ياينها
غلا تشققت من الوناسه: مــــــــــــــــــــــامــــــــــــــــــــا
كانت تبا تقوم بس ما قدرت
ظبية على طول راحت لها و حضنتها
غلا: حبيبتي ماما اشتقتلج كثر ما يشتاق النحل للعسل
ظبية باست غلا و خانها تعبيرها ما عرفت شو تقول
غلا: ماما
ظبية و هي تمسح على شعرها القصير: سامحيني حبيبتي سامحيني
غلا: ليش اسامحج انتي ما سويتي شي
ظبية: فديتج و الله يا غلا
غلا: بابا سعيد قالي ماما راحت و سافرت و عقب بتردلي و هي تحبني وايد
ظبية تفاجأت من هالكلام: بابا سعيد قالج اني مسافرة
غلا: هيه قال ماما سافرت بس بترد بسرعه و قال بعد انتي تحبيني وايد و انا بعد ماما احبج وايد
غلا حطت راسها على كتف ظبية
ظبية تمن دموعها يسيلن على خدها
للحين مب عارفة شو تقول لغلا
غلا: ماما
ظبية حبتها على راسها: هلاا حبيبتي
غلا: انتي خلاص بتمين عندي صح
ظبية ما تمالكت عمرها صاحت زوووود
غلا: ماما ليش تصيحين بابا ضايقج
ظبية: لا حبيبتي بابا سعيد ما قالي شي
غلا: عيل ليش تصيحين
ظبية: اصيح لاني اشتقت لج
غلا: و انا بعد مشتاقه لج لازم بعد اصيج مثلج
ظبية: ههه فديتج انا لا حبيبتي لا تصيحين
غلا: ماما شوفي أنا شو رسمت
ظبية شلت الدفتر عن غلا
و انصدمت من غلا
ظبية: انتي بروحج راسمتنه
غلا هزت راسها: ايه انا
ظبية: معقولة بنت بسنج ترسم بشكل دقيق كل هالتصميمات
غلا: هي انا وايد احب الفساتين
ظبية: يا بعد عمري يا غلا
غلا: و شوفي هالصفحه هني رسمت فساتين للاطفال
ظبية: ما شاء الله عليج حبيبتي انتي مبدعه يا سبحان الله
غلا: شفتي كيف انا شاطرة
ظبية: اكيد شاطره لانج حلوة و حبوبة و أمورة بعد و الله و طلعتي رسامه يا غلا قمتي تنافسيني اللحين
غلا: و انتي بعد ترسمين
ظبية: هيه انا ارسم بس ما اعرف ارسم تصاميم حلوة شراتج بصراحه انتي ما تنغلبين
غلا: ههه عقب بستوي اشطر منج ويو
ظبية: هههه فديتج.. اقول غلا
غلا: شو
ظبية: شو تتوقعين يبتلج
غلا: ممممم
ظبية: هاه شو
غلا: حـــــــــــــــــــــــــــــــــلاوة باتشــــــــــــــــــــــــــــــي اللي انا احبها
ظبية: هههههههههههه صح حلاوة باتشي
طلعت ظبية الحلاوة و حطتها على الطاولة الجريبه لغلا
غلا: اللـــــــــــــــه اليوووووم كله بخلصه برووحـــــــي حتى ما بعطي بابا
ظبية: هههههه ايا الطمع
غلا: هههههههه لو قلت لبابا ياكل معاي بيخلصها عني
ظبية: هههه خلاص حبيبتي خليها لج بروحج اقول غلا
غلا: شو
ظبية: بابا كل يوم اييج
غلا: هيه كل يوم يمرني على الساعه خمس العصر من عقب ما يرجع من دوامه
ظبية طالعت ساعتها و كانت الساعه خمس
ظبية: يعني اللحين بييج بابا
غلا: هيه بس ليش قمتي وين بتروحين
ظبية: انا بييج حبيبتي كلما سمحتلي الظروف ( و حبت غلا على راسها )
غلا: و لا تنسين بعد تييبين حقي حلاوة
ظبية: من عيوني ما طلبتي شي يلا فديتج مع السلامه
غلا: مع السلامه
طلعت ظبية مستعيله عسب ما تشوف سعيد بدربها
و لما كانت بتطلع من البوابة الرئيسية كان سعيد توه ياي
سعيد قلبه فــــــــــــز لما شاف ظبية عرفها حتى و هي
متغشية عرفها
ظبية انقبض قلبها بشوفة سعيد فسارعت خطواتها شوي عسب
ما ينتبه لها
سعيد وقف لما شافها: ظبيـــــــــــــة
ظبية تشللت ريلها من الحركة
سعيد استانس لما شافها: شخبارج ظبيـــــــــــة
ظبية ما عرفت كيف ترد عليه و بسرعه اداركت الوضع لان عيب توقف هالوفقه معاه ما يجوز و قامت
تمشي سريع هي ما تبا شي يغضب ربها فراحت عنه بدون ما ترد عليه
سعيد بعده واقف تم يطالعها الين ما اختفت عن عيونه
في بيت بوخالد
ام خالد: اقولــــــــــج ردي على باب الحارة لا اكسر الريموت على راسج
شيخه: و انا ما ابغي الا اسمع هالاغنية كيفي مزاجي
ام خالد: بتحطين باب الحارة و لا شــــــــــــووو
شيخه ببرود: و الله بدارج شي تلفزيون قومـــــــي سيري هناك طالعي
قامت ام خالد شلت كوب الماي و صبته على راس شيخه
شيخه: آآآآآآآآآآآآآآآآآآآآآآآآآآآآآآآ
ام خالد: تستاهلين يالبغل
شيخه: بتشوفـــــــــــــــــــــــين يا....
يا خالد عندهم: خيـــــــــــــــــر خيـــــــــــــــر بلاااه صوتكم طالع
شيخه: شوف شوف امك صبت الماي على راسي
ام خالد: فقــــــــــــتج
خالد: انزين الا هو ماي نشفي شعرج و خلاص
ام خالد: سيري نشفي مكنستـــــــــــج
شيخه: انا شعري مكنسه شوفي شعرج اول
خالد: شيخه بس خلاص روحي نشفي شعرج
سارت شيخه و هي مغتاضه من ام خالد
خالد: ههه نفسي يوم واحد بس تتوالفون
ام خالد: عمرها الملائكة ما توالفت مع الشياطين
خالد: انزين اماية ما دقيتي على مها ما تطمنتي عليها
ام خالد: اشوا حسبالي نسيتها
خالد: لا ما نسيتها و مستحيل انساها
ام خالد: لا يعني انا قلت من يوم ما حملت شيخه انت تهون عن مها
خالد: مها دخلت قلبي قبل ما تدخل عقلي يعني مستحيل اهون عنها لو شو
ام خالد استانست: هيه انت جيه تعجبني
خالد: انزين دقي لها تطمني عليها
ام خالد: انزين لحظة بدور رقمهم باللسته
دقت ام خالد على بيت قوم بوفهد
منصور كان تحت بالصالة سمع التلفون و رد: الو الشيخ منصور فهد الــ......ـي يتكلم من معي
ام خالد نقعت ضحك: ههههههههههههههههه انت اكيد الصغيرون
منصور: اقولج شيخ تقوليلي صغيرون افا افا
ام خالد: ههه شخبارك اميه و شخبار يدتك
منصور: كلنا بخير و عافية الا انتي منو
ام خالد: انا ام خالد
منصور: هيه تذكرتج تبين يدووه
ام خالد: هيه وينها
منصور: محد طالعه الجمعيه
ام خالد: عيل مها موجوده
منصور: هيه هني تطالع باب الحارة
ام خالد: وافديتها هذي الا مثلي لو كانت عندي كنا بنطالعه مع بعض و نقضي على الشينه شيخوه
منصور: انتي طلعتي حشاشــــــــــــة
ام خالد: ههههههههه يابوك شسوي اطلع حرتي الا وينها مها نادها لي
منصور: اوكي لحظة.. مهاااااااااااااااااااااااااااااااااا
مها اشرت له شو يبا
منصور: تعالي عمتج تبغيـــــــــــج
سارت مها لسماعه التلفون بترد على ام خالد
مها: مـــــــــــــرحبا مليار فذمتي و لا يسدن
ام خالد: هي هذا هو الصوت اللي يفتح النفس شخبارج
مها: انا بخير دامج بخير اشحالج انتي
ام خالد: الحمدلله بخير وينج ما تقولين اتصل لام خالد اطمن عليها
مها: هههه السموحه منج من اليوم و رايح ما راح انساج كل مرة راح اطمن عليج
ام خالد: اقول ترا في ناس يسلمون عليج
مها استحت
ام خالد: يالله بالستر قولي انزين الله يسلمه و يسلم امه
مها: ههههه الله يسلمه و يسلمج
و تمت عقب ام خالد ترمس مع مها ربع ساعه و عقب سكرت عنها
خالد مبتسم: هاه شخبارها
ام خالد: الحمدلله بخير و الله
خالد: بس
ام خالد: هيه بس شو تباني بعد اقولك
خالد: خبريني شو كانت تقول لج
ام خالد: ما بقول
خالد سار و قعد عند ام خالد: افا يعني ما بتقولين لولدج و وحيدج
يات لهم شيخه
فما رام خالد يحن على راس امه عسب تخبره اخبار مها
في بيت بوفيصل
ام فيصل: انت اليوم متى بداوم
حمدان: ما ادري
ام فيصل: لا و الله شو ما تدري اخوك راح و انت بعدك
حمدان: ما اروم
ام فيصل: وابوي عليك.. يلا قوم سير دوامك
حمدان يا و حط راسه فحضن امه و غمض عيونه: تعبان
ام فيصل: انت عيار ما فيك شي
حمدان: اللحين لو جاسم و لا فيصل طايحين كنتي بتركضين لهم الا انا حليلي ما مهتمه فيني
ام فيصل: عن الخرط انا ما افرق من بينكم
حمدان: هيه هيه صح
ميثة و فيصل نزلو عندهم
فيصل قعد على الغنفة و تنهد
ام فيصل: شو فيك اميه ليكون تعبان
حمدان: صـــــــــــــــــيووو طااااااااااااخ انا حليلي من متى قاعد حذالها و اقولها تعبان و لا عبرتني و يوم يا فيصل بس تنهد قالت اكيد تعبان و الله شو هالظلم بهالبيت
ميثة: تزوج و زوجتك بتهتم فيك
ام فيصل: هيه تزوج و فكني
حمدان: عيل عناد مب متزوج بسوي مثل فيصل
ام فيصل احتشرت: قصـــــــــــــــــــــورك بعد
حمدان: هههههههههههههه
ميثة بنفسها: يا ربي اللحين من ظلم منو هل شيماء كانت جذابه و لا حمدان يتلاعب على اختي انا اشوفه يتصرف عادي ولا كأنه مسوي شي اففف السالفه معقده
فيصل: اقول امايه
ام فيصل: هلا فديتك
فيصل: ترا انا و ميثة بنسافر
ام فيصل: زين و الله اخير لكم بتستانسون هناك
حمدان: و اخيرا قررت تسافر شهر العسل الا جم يوم بتمون هناك
فيصل: اسبوعين و بنرد
حمدان: يالله بالستر شو اسبوعين تمو شهر و عقب ردو
ام فيصل: هيه صدقه حمدان
فيصل: لا ما اقدر اخلي شغلي اكثر عن اسبوعين
رن تلفون حمدان و شاف المتصل
حمدان: افففففففففففف
ميثة طالعته و قالت بنفسها: معقوله تكون هذي شيماء و هو متضايج منها
و عقب طلع عنهم حمدان عسب يرد على المتصل
ميثة: لااا عيل شكوكي بمحلها اكيد هذي شيماء و مدام هو تضايج من اتصالها اكيد عيل ما يعبرها و من جيه تطلع شيماء تجذب على منال
تم عقب فيصل يسولف مع امه
و ميثة شاركتهم بعد السوالف
حمدان: خير شو تبين داقه
شيماء: ليش تكلمني جيه
حمدان: عنبوج انتي ويهج لووح و لا شوو قتلج انا ما احبج يا بنت الناس لشو متصله
شيماء: بس انا احبك
حمدان: و انا ما احبج و من اول يوم كلمتج فيه قلتلج انا مب مال سوالف حب و غيره
شيماء: و انا يا حمدان و انا
حمدان: انتي الله يستر عليج
شيماء: صدقني بسويلك اللي تباه بس دخيلك لا تهدني و الله اني احبك
حمدان: لا حووول انتي ما تفهمين و لا شو قتلج من قبل اني احب بنت عمي منال و بس
شيماء صاحت
حمدان: شيماء
شيماء: شووو
حمدان: انتي بدرب و انا بدرب
شيماء: تهدني بهالسهوله
حمدان: ليش ان شاء الله انتي شو متوقعه مني
شيماء: تزوجني
حمدان: نعـــــــــــم عيدي ما سمعت اي زواج انتي بعد انا ما وعدتج بالزواج عكيفج تييبين الكلام من عندج
شيماء: بس انا احبك و ابيك
حمدان: اوووووه ترااااج لوعتي بجبدي و الله.. قلتلج من قبل اني احب منال ما تفهمين شو
شيماء: و منال بشو احسن مني ان شاء الله
حمدان: ما يخصج انتي
شيماء: انت شو دراك انها تحبك
حمدان: قلتلج ما يخصج و يلاااا لا عاد تتصلين علي مرة ثانية
شيماء: حمدان ارجوك حس فيني
حمدان: مب مجبور افكر بوحده مثلج.. و عقب سكر بويهها
حمدان: وع اونه تباني احبها و الله لو تكونين ملكة جمال العالم ما حبيتج لان اخلاقج بالقاع و لا كيف رضيتي ترمسيني بالفون ما اقول الا الله يستر عليج
في بيت بوفهد
منال مب طايعه تاكل مول و كله بغرفتها قاعده
و نورة قاعده معاها
نورة: حرام عليج كليلج لقمه على الاقل
منال: ما ابغي
نورة: منال لين متى بتمين جيه تعذبين عمرج
منال: الين ما اموت
نورة: بسم الله عليج لا تييبين طاري الموت
منال: و الله حاسه بغصة فيني
نورة: ادري حبيبتي ادري بس انتي هونيها و تهون
منال: لا السالفه دام فيها حمدان ما تهون علي
نورة: لهدرجه تعزين حمدان
منال: عزيته بس هو ما احترم هالشي تعرفين من يوم ما شفته و انا اكابر مع نفسي و لا اني اعترف بحبه حتى ميثة كانت تغايضني فيه من اليوم اللي شفته في العيادة الخاصة لفحص العيون
نورة: اي عياده
منال قعدت تخبرها السالفه من الالف الى الياء
نورة: يعـــــــــــــــــني حمدان كان شايفنج من قبل
منال هزت راسها بالايجاب
نورة: انزين قولي الصج انتي حبيتيه من اول يوم
منال تحاول تمتص القهر اللي فيها: هيه للاســـــــف حبيته بس ما كنت اعترف بهالشي لان غروره ذابحني و كنت لما اذكره اسبه و ميثة تضحك عليه و تقوللي اني جذابه من عيني و اني احبه بس اكابر و انا كنت انكر كلامها
نورة: و طبعا كلام ميثة طلع صح
منال: هيه طلع صح لان ميثة طول عمرها كانت حاسه فيني
نورة: و اللحين انتي تحبين حمدان
سكتت منال
نورة: ما رديتي على سؤالي
منال: بجذب عليج لو قلتلج اني ما احبه
نورة: حمدان شو بنسبالج
منال طلعت تنهيده و قالت: تدرين ان بلمحته تفز كل ذرة فجسمي تناديه بوله و يذبحني حيل بهيبته و يضيعني بحلاة عيونه.. (تنهدت) من يكلمني كأنه يلمس قلبي و يغنيله و شغف روحي ما تزهر الا بدفوة اشواقه
نورة: معقوله لهدرجة تحبينه
منال: و اكثر يا نورة.. اقول نورة
نورة: هلا
منال: نامي اليوم عندي اوكي
نورة ابتسمت: خلاص مثل ما تبين
في بيت بوفيصل
فيصل: ميثة
ميثة تركت المجله: هلا
فيصل: تعالي شوي
ميثة سارت له صوب مكتبه الخاص
فيصل: شلي هالظرف و هالملف و حطيهم وين ما كنت انا محطي باقي الاوراق
ميثة: خلاص اوكي و اي ملف اخذ الازرق و لا الابيض
فيصل: شلي الابيض و خلي الازرق بعدي ما راجعته
ميثة بنفسها: يالله بالستر و لا كنا بشهر عسل عنبو هالشغل ما يخلص
فيصل ياه اتصال و لما شاف الرقم طلع المستشفى
رد بسرعه عليهم: الو... خلاص خلاص اللحين بيي.. ما عليه.. مع السلامه
و عقب طالع ميثة
فيصل: ميثة ناوليني سويج سيارتي
ميثة راحت صوب الطاولة و يابت له السويج: خذ
فيصل: انا بتاخر شوي
و عقب طلع
ميثة: وين راح هذا.. خلني اسير ارد هالملف و هالظرف
بطلت ميثة السده تبا تحط الاوراق شافت البوم طلعته
بطلت الالبوم شافت صورة فيصل
ميثة: ياللــــــــــه فديته محلاااااااه
و عقب بدلت على الصورة اللي عقبها
و شهقـــــــــــــــــت و حطت ايدها على حلجها
ميثة: لااااا مستحيل
و عقب بدلت على الصورة الثالثة و الرابعه و هي منصدمه
و ما تحملت تشوف الباقي
ميثة: لا مستحيــــــــــــــــــــــــــــــل مستحيــــــــــــــــل فيصل يسويها
حست ميثة بخوف من اللي شافته
عقب فتحت السدة الاخيرة يمكن تحصل بعد شي ثاني
لكن هالمرة شافت ألبوم كبير لونه أسود مع عنابي و شكله روعه
فتحت ميثة الألبوم بشكل عشوائي
بس هالمـــــــــــــــــرة بققت عينــــــــــــــــــــــــها على الاخير
ميثة دمعت عيونها و ايدها ترتجف: معقـــــــــــــــــــــــــوله يا فيصل كل هذا يطلع منك ما اصدق
الالبوم اللي فتحته كان البوم عرس فيصل و زينب
ميثة و دموعها على خدها: دامه متزوج عيل ليش تزوجنـــــــــــــــــــــــي ليـــــــــــــــــــــــش
ميثة قبضت الالبوم الصغير مرة ثانية
و تمت تطالعه: يعني هالولــــــد الصغير اللي فيصل قاعد حذاله يطلع ولده
ميثة: يا ربي شسوي اللحيــــــــــــن فيصل طلع متزوج بدون محد يدري عونك يا رب عونك
ميثة: انا لازم اواجهه بكل شي لازم
ميثة كانت معصبة حدها مسحت دموعها
و حاولت تتصل بفيصل لكنها ترددت بسبب الخوووف و الربكة
فقالت بتستناه إليـــــــــــن ما يرجع أحســـن >> فقعدت على أعصابها المشدودة تستناه
|