منتديات قصايد ليل - عرض مشاركة واحدة - تكفى ضمني بالحيل وراعي مشاعري .. وأدفني بين إيديك وأجبر بخاطري:بقلم /خآنتني أحاسيسي

08-04-2011

((تكملة البارت الثلاثين))
أخذ علي الشيله واستغربت سارة من تصرفه وقت ماعصب عيونهآآ : علي اشفييك .!
علي مبتسم : هههه لا مافيني شي .. بس مدري جآآ على بالي اعصب عيونك >>>كذاااب هع
فتح الجنآآح ودخل ومسك يد سارة :دخلي ..
سارة خطت اول خطوة استنشقت ريحة عطر راااايق مـــره ريحته عـــذااب وهو عطرهآآ المفضل مشت لحد ماعلي سكر باب الجناح وقفله .. ورفع الشيله عن عيونها .: تو مانور الجنآح ..
سارة صنمت مكانها مو اقدرة تعبر عن شعورها من الي تشووفه ارضية الصاله كلهآآ شموع ومنثور عليهآآ جووري أحمر وابيض .. الفواحه الي تهب منهآآ ريحة رااايقه مرة ريحة عطرها الي ماليه الجناح ..
ناظرت علي مو عارفه وش تقول اكتفت ببتسامه ..
علي قرب منها وفتح عباتها ونزلها من عليها : هــآ اشراايك .!
سارة : مدري وش ااقول وجودك يكفيني ..ليه تعبت حالك .. !
علي قرب منهآآ وباس خدها : حبيبتي انتي غـير .. التعب لجلك عسسل على قلبي .. ((ومسك يدها وصار يناظرها من فوق لتحت )): خيآآل طالعه ..
سارة ابتسمت بخجل : اكيد لانك تناظرني .. وعيونك حتى لو تشوف شي مو حلو يصير حلو لان انت تطالع فيه ..
علي ضرب على جبينه بالخفيف وهمس لها : خفي علي ..
سارة ابتسمت بحيآآ ..
وبعدها دخلوا لــ غرفة نوم وكآنت الاضائات خاافته والأجواء بالجناح كله مو بس بالغرفه خافته×خافته ورومآآآنسيه بقوة ..
طبعا حتى الغرفه كانت نفس الصاله ورود منثورة عالأرضيه وشموع مرتبه بشكل رهيييب ..
وقضى علي مع سارة أحلى ليلة وهم ملتمين وحااضنين بعض^_*

بعد 5 ايام ..

الكل متواجد بالقاعه على اساس زواج طلال & نور ..
نور انزفت باقي طلال .. البنات مستاانسين بقوة
نهى ..لطيفه .. نوار ..اريام ..سارة .. حور ..ريم ..شهد ..ازهار..لجين..اروى .. عدآآ وجود لانها تزوجت وسافرت مع زوجها

نهى جآآت عندهآآ لطاوله لجين تبغاها ترقص ..
نهى مستحيه كونها اول مرة تحضر زواج لهم : استحي لجييين ..
لجيين : هههههه اقول كثري منهآآ تستحين .. تعالي الحين معنا وبتفسخين الحياا ..
نهى :هههههه دوبآآآ الا يعني ..؟
لجين : الا والف الا يالله تعالي ((ومسكتها من يدها وراحوا عند المسرح ودقوا برقص عدل)) ..
والكل كان يرقص عدا سارة لانها تو من 3 اسابيه جااهضه فــ الجهد الزايد يئثر عليها بقوة ..
الامهات بالاستقبال وكل من جآآ بارك لهم ورحبوا به ..

بقآعة الرجآآل ...
كان واقف على اساس الي يباركون له ويسلمون عليه ابجد الهيبه باينه عليه الشماغ الابيض والبشت الاسود والدقن المحثث ((يعني محلق دقنه وعامله خفيف مرة )) صاير شـــــــــــــي .. شكله ملفت وخاصه ان وسآآمته ملفته ..

الكل بارك لــ طلال .. الشباب والأبهآآت
تركي ييساسره له ..: اقول الليلة ليلتك ..بس ماوصيك لاتعذب البنت ..((وغمز له))
طلال عرف قصده ابتسم من بين اسنانه: اقول انثبر .. اشوي واضحك .. وش بيقولون لو شافوني اضحك ..
تركي يساسره : مابيقولون شي بيقولون هذا من بداية الليل قااضي ومنتهييي ..
طلال كتم ضحكته وبصوت منخفض : انثبر احسن لك ..
عــ الساعه 1طلع طلال من عندهم عــ قاعة الحريم من شان يدخل وينزف وسمع التعاليق من تركي كوكتييل .. ولابد من جراائته بتعاليق والكلام ..
وهم ماسلم من تعاليق باقي الشباب ^_^ >>>ماينلامون دآآم تركي موجود بالمكان هوع

وصل عند قاعة الحريم .. وأنزف على نور ..
نور قلبها يدق بقوة خآآصه ان بالفترة الاخيره ماكلمته ولا كلمها فــ تحس كانها اول مرة تشووفه اول مرة بيكلمها فيها ..
وصل لعندها رفع راسها الي كانت منزلته باطراف اصابعه وقبلها بجبينها : مبروك ياروح طلال..
نور وقلبها يرقع من غبر لاتناظره : يبارك فيك ..وانت مبروك ..
طلال بخبث : مبروك حآآف.!
نور نزلت راسها :.........
طلال :ههه يبارك فيك عمري ..

الكل فرحآآن بــ زوآآجة طلال ونور .. ونور قلبها رايح فيها برغم جرااائتها مع الكل الا انها مامرة تجرأت مع طلال ..
وصلت على بيت طلال ودخلها جنآآحهم على طول ..
نور منزله راسها وماتدري وشلون راح تقضي هالليله مع طلال ..طلال بداخله فرحآآن وتذكر امه وابوه وبنفسه ترحم عليهم وقرأ لهم الفاتحه ..
نور جلست عــ الكنبه الي بصاله أما طلال نزل بشته تو وجلس بجنبها وشبك اصابعه ببعضها ومنحي ظهره ومن غير لايناظرها :نــور
نور قلبها دق من اول مانطق باسمها باقي منزله راسها : نعم ..
طلال ابتسم على حيآآها الي مبين :بعد يومين مسافرين عــ مصر ..
نور : طيب
طلال قرب منها كونهم جالسين على نفس الكنبه ولف ايدينه على اكتافها وابتسم: طيب مو ناويه تبدلين .!
نور غمضت عيونها بحيآآ : طيب ..
وقامت نور عــ الغرفه من شان تتروش وتبدل لبسها.. ورن جوالها الي تاركته بصاله وطلال أمسكه وشاف المتصل ((توأمي نوار)) ابتسم عــ الخفيف ووضعه صامت وهو بعده يرن ..
بعد ربع ساعه طلعت نور من الحمام(( الله يكرمكم)) وطلال ينتظرها بالغرفه هي وقفت فجآئه من شافته و الرجل صنم مكانه اول مرة يشوفها كذاا .. قرب منهآ وصار يلعب بخصلات شعرها
وهمس قريب اذنها : تطيرين العقل ..
نور تحس قلبها وقف من كلمته وهمسه تحس همسه مو عادي ورااه شي .. اكتفت انها تسكت وابتسمت ابتسامه مو وااضحه ..
مسكها من يدهآآ .. وجلسها على السرير : خذي راحتك على بال مــاأبدل ..
دخل غرفة التبديل يبدل وسمع صوت جواله يرن :نور مين متصل ..
نور :أحم ... تــركي ..
طلال ضحك من غير صوت وبنفسه : شييين .. الا يبي يشاركني بــ ليلتي .. وبعد مابدل طلع ..ومسك جواله بيقفله الا جات له رساله واثناء ماهو يفتح الرساله : اختك نوار دقت على جوالك ساعة ماكنتِ تتروشين ..
نور وقفت : طيب لازال بصاله .!
طلال وهو يضحك :ههههه ايه ..
نور استغربت اشفيه هذا يضحك وهو يناظر الجوال .. :طيب ((وطلعت لصاله تاخذ جواله من شان تحطه سايلنت)) ..
طلال ميت ضحك من رسالة تركي : (( اقول .. البنت جديده بقراطيسها .. خلك ريلااكس مو تدييفش ههههههههه )) المرسل :تركي
نور استغربت وشو الي بالجوال ويضحكه بس ماحبت تسئله .. طلال قفل جواله ونور هم حطته سايلنت من غير لاتقرأ الرساله الي بجوالها لانها تقول مو راايقه تفتح رسايل او تقرأ شي يكفي الخوف الي هي فيه ..
طلال مسك نور من يدهآآ وجلسها على السرير وبعدهآآ سكر الاناراات .. ونآآموا من غير لايصير اي حآآجه غير نور الي أحتوآآها حضن طلال ..
أما طلال مــره مرااعي شعورها كونهآآ خجلانه وخااايفه .. لكن ليلتهم ماخلت من بوسآآت طلال ولمساته لها ^_*

بعد مرور 6 شهور ..
تزوجت لجين وأخذوا شهرين من تزوجوا ..
حمودي ولد يوسف وحور صار عمرها 8 شهور وبدأ يمشي عــ الخفيف ..
ريم ولدت ولادة مبكرة ^_^ وجآبت بنوته وسموهآآ ((جود)) وسامي فرحآآن على ان صار ابو واخته فرحت له بقوة ..
أريــــــام حملت وفرحة تركي هنآآ ماأحد يقدر يوووصفها تفوق الوصف وبقوة والكل فرحآآن.. وهي لسا بشهر الرابع .. وخلصت جآمعه لانها سابقه سارة بـسنه
اروى وفارس لاجديد ..
بدر نوار لاجديد ..
علي وسارة مثل ماهم حيآآآة مثل العـــــــــــــسل ..
طلال ونور جرآآآآئة طلال ماتوقعتها نور صاير تركي نمرهـ 2 ..
عبدالله حياته لاجديد ..

بالليل .. الكل مجتمع بــ مجلس بوتركي الشباب من غير الكبار >>الي هم ابهاتهم ..
يوسف .. فارس..عبدالله ..سعود .. طلال.. علي ..بدر ..عدا تركي ..
اما البنات متجمعآآت ببيت أم بدر .. والأمهات متجمعات ببيت شريفه ام اريام..

تركي بسيارته رايح لبيتهم لانو لسا مخلص شغل مع ابوه .. بيوقف السيارة الا رن جواله .. ابتسم ..: هلا والله بهالصوت .. زمآآن عنك ..
اروى بصوت مبحوح تعبآآآن : اهليين ..
تركي تلاشت ابتسامته :فيك شي ..صح .؟
اروى طلقت العنان لــ دموعها ..: محتاجة لك تركي...
تركي قلبه تقطع على اخته الي تبكي وكأن احد ميت عليها : اروى حبيبتي هدي ((ونزل من السيارة و سكر الباب))..
اروى بصوت شبه مسموع : تعبـــآنه ..
تركي غمض عيونه بألم : فيني ولا فيك .. بس انتي اهدي وفهميني وش فيك .!
اروى : 3 ايام وراء بعض أحلم بــ امي واحس اشتقت لهآآ .. وكل يوم عن يوم يحن قلبي لـ شوفتها ومن حلمت بهآآ وانا متشفقه على شوفتها احس قلبي ميت لــ شوفتها .. انا صحيح تزوجت وفارس مو مقصر وهو ملاحظ علي متغيره بس انا ماعطيه مجال يعرف وشو فيني داايم اقوله بس تعبانه ولا ظهر ولا اي حآآجه وهو مايصدق بس يقول مابي اضغط عليك وقت ماتحسين نفسك مرتآآحه انا لك ..
تركي مع كل كلمة قلتها اخته قلبه يتألم : طيب ممكن تسكرين الحين .. وتهدين واذا هديتي دقي علي .. لك ربع ساعه .. ان مادقيتي جيت لك ..
اروى وهي تشاهق : ان شاء الله ..
تركي سكر منها ودخل عـ المجلس الي باين عليهم فلينها فل بضحكهم وسوالفهم وبنفسه :يعني اروى ماراحت عـ بيت عمتي مريم .. ولــ الشباب من غير نفس : السلام ..
الكل لاحظ على تركي متضايق بس جا ببالهم ضغط عمل وطلال يقال يلطف الجو بدأ يغني وهو متمدد عــ الكنبه :لالا تضايقون ((تركي)) لا تضايقونه

لالا خلوه يجني من حياته ثمرها

لالا وحرام من عقب الرضى تزعلونه

لالا شوفوا عيونه كثر نوحه دمرها
تركي صار يناظر طلال بنص عين وبعدها ناظره وهو رافع حاجب : تكفى مالي خلقك ..
طلال ابتسم على كلمة تركي وهو يكمل اغنيه ..

لالا أغليه لو كل الملا يرخصونه

لالا لا حل في دنيا غرامي عمرها

لالا ما تفهمون الحب ما تفهمونه
كل الشباب : أووووه ....
لالا فوق الخيال وعنكم الله سترها

لالا لا صرت أنا محروم لا تحرمونه
بدر هنآآآ طآآح تعليق : احمد ربي اني طول شهور الي مرت مو محروم هههههههه
علي :هههههههه الله يعين بنت العم عليك ..
فارس: والله انكم قااضين ومنتهيين ..
تركي ساكت ومرجع ايدينه وراء راسه ومغمض عيونه .. يوسف : اشفيك تركي ... الدنيا ماتسوى ياولد عمي ..
تركي باقي على وضعه : الحمدلله على كل حال مافيني شي بس تعبان اشووي ..
طلال نط لعند تركي ويساسره اما باق الشباب يحكون مع بعض ..طلال: تركي وش فيك ..
تركي على وضعه بيتكلم الا قطعت كلامه نغمة الرساله الي جآت له بعد ربع ساعه من كلم اروى فتحها وصار يقرأ ..

(( تركي تعالي الحين .. مو قادرة اتحمل الي انا فيه ... ))
المرسل : دلوعتي ..
الكل التفت على تركي ساعة وقفته : عن اذنكم ..
الكل : تو خير
تركي من غير لايحسس فارس بنظراته انو اروى الي فيها حآآجه : لا عندي ارتبااط ..
بدر بخبث: بعد البنات كلهم ببيتنا ..
تركي من غير لايرد عليه لانو ه مو رايق والكل مستغرب تركي الي كل مرة يفلها فل متضاايق وواصل حده وما ينتحاكى : سلام ..
الكل : سلام //مع السلامة
تركي على طول ركب سيارته وحرك عند اروى ...واثناء ماهو يسوق تذكر وصية امه له ساعة ماهي بالمستشفى وقت مانزل من بريطانيا وزارها لحاله..

{{ ياتركي هالله هالله بــ حور وأروى .. لاتذمر عليهم .. ولا تخلي حآآجه بخاطرهم حتى بعد زوآآجهم.. صحيح ابوك مايقصر ..بس الأخو عون وسند لأخته بــ هالدنيآ .. الأخو يفزع لأخته في اشد المصاعب .. الأخو يطيب خاطرها لو شافها محتاجه لأحد يخفف عليها وينسيها همها .. هالله هالله فيهم ..
تركي رد عليهآآ : لاتخافين يايمه ان شاء الله انتي الي بداارينهم .. وبتقومين لنا بسلامه وحور ماعليها خوف مع يوسف
ام تركي : لا ياتركي .. حتى لو كانت متزوجه لاتنسااها .. خواتك بعيونك ..
تركي باس يدها : ان شاء الله }}
تركي بهالوقت تألم قلبه بس ماخآآنته دموعه لان تركي من النوع الي مايحب تنزل دموعه يكون اقوى من دموعه .. اعتصر قلبه الم على اخته وبنفسه : ابشري يايمه خوااتي بعيوني مثل ماوصيتيني حتى لو يعيلون ..
بعد 10 دقايق وصل عند اروى .. وفتحت له الخدامه وعلى طول صعد لها .. طق باب الجناح ..
اروى وهي تمسح دموعها :ميين .؟
تركي : انا .. تركي ..
اروى فزت من على الكنبه وافتحت الباب ومافسحت له مجال يدخل على طول ارتمت بحضنه ... مع انو فارس مو مقصر بس هي احتاجت تركي قلبها حن يكون عونه بهالوقت .. تركي مسكها بقوه لصدره ودخل للجناح وهو حااضنها وبصوت شبه مسموع : خلاااص حبيبتي ..أهدي .. ارحمي نفسك اشووي ..
اروى وهي تشااهق : تعبت ..وربي تعبت ..
تركي : اهـــــــــدي ..
اروى : ماراح أهدأ الا لأخذتني عندها ..
تركي فهم عليها بعدها عنه وعقد حواجبه : يعني ...!
اروى وهي تنزل راسها وتلعب باصبعها : انت وااعدتني قبل زواجك ... وشووف كم خذنآآ ((وهي تشااهق))..
تركي رجعها على صدره مرة ثانيه : طيب اهدي اول شي وبعدها ربي يكتب الي فيه الخير ..
اروى ودموعها تنزل :................
تركي وهو يمسح على ظهرها : طيب ..اذا هديتي ..راح اخذك عندها ..
اروى ماصدقت ياخذها عند أمها تحاول تكتم شهقاتها ودموعها ..
تركي بعد سكوت دآآم ثواني : آآمم اروى ..
اروى :نعم ..
تركي : انتي قد طلبتي من فارس هالطلب ..!
اروى مرة تناظر تركي ومرة تناظر ايدينها الي ملتمه ببعضها :ايه ..
تركي : وش قال ..!
اروى بتردد : قالي الرجال ماتودي حرمها مقابر ..
تركي طقت بمخه وبحده : وقد قلتي له تركي ودآآني .!
اروى : ايه ..
تركي :ومتى حضرته قال كلمته هذي ... بعد ماقلتي له انو انا وديتك ولا قبل .!
اروى : قبل لاقوله .. انك وديتني ..
تركي بنفسه : والله يافارس مايحس بــ فارق امه الي فاقدها تحت الثرى ... ولــ اروى : خلاص دقايق ونروح لأمي .. هم أنا حآن قلبي على زيارتها ..
اروى ابتسمت وباست راس تركي : ربي يخليك لي وماأبكيك ..
تركي ابتسم : وياك ان شاء الله ..
اروى راحت بتلبس عباتها : لازم اقول لـ فارس
تركي ابتسم وأشر على صدره : خلي فارس علي انا اخبره بعدين ..
اروى ابتسمت ومشت من عنده ..

عند البنات ببيت أم بدر ..

سارة : تقول انها تعبانه ومالها خلق تطلع ..
لجين : ياخساارة تمنيتها معنا ..
حور : اروى ..ااذا مالها خلق ماتطلع ..
اريام : ههههههه الأخت مثل اخوها شكلها ..
نوار :ليه ان شاء الله تركي اذا ماله خلق ميطلع ..!
اريام :هههههههه الا مايكلم احد ولاتقربين يمه ..
الكل :هههههههههه
لجين : وهـ فديت سعــــوووود ..يجنننننن ..
نور : هييييييي انتي لاتطيحين علينآآ ماحد راافعك ..
لجين : خلاص نوار خلي جوالي بمعيتك لو طحت او هذآآ ... دقي على سعوودي يرفعني
نور : اووووووب جرآآآآئه .. فسختي الحيآآ ..
لجين : والله اول ماتزوجنا استحي بس خذت اسبوعين الله يهدآآه سعود يخلي الواحد غصب ينسى الحيآآ ..
ازهار : ابصراحه طلال .. احسه يبيعها لو جلس مع نور بصاله يعــ ....
قاطعتها نور قامت لعندها ووضعت يدها على فمها :ان نطقتي بكلمه لاذبحك ..
ازهار تحاول تفك يد نور من على فمها وهي فيها الضحكه ..
الكل : افضحتك ..ههههههههههههه
سارة : والله ضااااربين ..

نزلت اروى من السيارة وراحت جهة تركي ومسك يدهآآ وراحو عند قبر امه .. :اقري الفاتحه ..
اروى غمضت عيونها ونزلت لمستوى القبر وقرت الفاتحه ودموعها انزلت ... تركي كان بجنبها مسح دمعتها : ترحمي عليهآآ .. انتي تعذبينها بدموعك ..
اروى بصوت شبه مسموع :الله يرحمها ... اشتقت لهآآ ..
تركي مقدر وضعها لان ساعة وفاة امها كان عمرهآآ 17 سنة وصعبه عليهآآ بقوة .. كونها اصغر واحده فيهم ومتعلقه بامها وابوها بششكل .. وزاد تعلقها بــ تركي بعدوفاة امها ..

بعديومين ..
نور لسا جاية من الجامعه دخلت على جنآآحها ودخلت عالغرفة النوم وووضعت الكتب على السرير وصفعت بــ شنطة وباين عليها معصبه اما طلال متمدد على السرير وماد رجل وثاني رجل ويلعب بجواله وكان لابس بيجآآمه والازرارين الأوليين مفتوحين وكاتم ضحكته على عصبيتها وحركاتها .. : معصبييين..!
نور التفتت عليه وشكلها صاير يجنن لابسه بلوزة فووشيه ثلاث ارباع كمها .. وناعمه مرة وتنورة جينز فوق الكعب بشووي وفاتحه شعرها ومسويه بف خفيف طلال جن عليها .. تكتفت بعد مالتفتت على طول : الآآنسة تقولي ((وتقلدها)) : نور كتبي جيبيهم معك ضروري لاتنسين .. وبنهاية ماتجي وكل كتاب اثقل من الثاني ..
طلال وهو على وضعه : ومين هذي ..!
نور راحت جهة طلال وجلست على طرف السرير وتتكت بيدها مقابله طلال : سندريلااا من غيرهآآ .. >>تقصد نوار طلال يعرف انها تسمي اختها سندريلا لما تتطنز
طلال يبي يجنن نور يحبها اذا عصبت يحسها بزر لماتعصب يتعمد يجننها : سندريلا ولا اولويز ..!!
نور رفعت حاجب وقامت من على السرير رايحه على غرفة التبديل وبصوت مرتفع : انا احر ماعندي وانت حضرتك تنكت ... اففف
طلال :ههههههههههههه... احبك ..
نور : التفتت عليه قبل لاتدخل ماسكه بيجامتها تعمل حالها مغروره ابتسمت بثقه ورفعت حاجب: والي يحبني ..!!!
طلال ماصدق تقوله كذا لانها داايم تقولها له هالجمله قام من على السرير ومشى ببطئ لحد ماوصل عندها وصار يلعب بشعرها ..بصوت شبه مسموع : يلحقني ..! ... ترفقي بي يابنت ... مجرد ماتقولين كذا تهزيني هز ..
نورابتسمت عضت شفتها السفلى :........
طلال رفعها بين ايدينه وباسها من رقبتها : التبديل يمدي عليه ... مصيرك بعد اشوي بتبدلين ..

وانتهى البااارت ..

انتظروني الى ماشاء ربي ..

توقعاااااتكم ..
لعيونكم نزلته ^_^

تحياتي ..

((خآآنتني احاسيسي))