بسم الله..
((البارت الثامن والعشرين))
الدكتورة : لازم اكشف عليك ..
سارة تناظر علي ونفس الوقت تحس نفسها مستحيه ..علي ابتسم ابتسامة تطمنها ..
وراحت سارة عند السرير وكشفت عليها الدكتورة ......
بعد 10 دقايق طلعت الدكتورة وسارة عند علي .. الدكتورة جلست بمكانها على الكرسي وسارة جلست مقابل علي على الكرسي الي عند مكتب الدكتورة ..
علي : هآ..دكتوره .!
الدكتورة وهي تفل بين الأروراق وبعدها تركتهم وناظرت لــ علي وسارة : أخت سارة..
سارة تناظرهآآ :نعم ..
الدكتورة : لازم تتنومين عندنا بالمستشفى ..
سارة فتحت عيونها عالآآخر : ليييه..!
علي يناظر سارة وكأن يقولها أهدي :......
سارة ناظرته وسكتت:........
الدكتورة: سارة انتي حآمل الي معاك مو عادة شهرية .. ومن التعب والإجهاد الزاائد صار معك كذا
سارة قلبها يدق وتبلع ريقها بصعوبه : أأأأ أشلون .!
علي ابتسم ونفس الوقت تلاشت ابتسامته وبنفسه : يارب لطفك ويدوم حملهآآ
الدكتورة :ليه انتي ماحللتي .؟
سارة : مدري لان عادة هي تتأخر علي فــ أنا قلت عآدي مثل كل مرة تتأخر .. ماراح بالي يكون حمل ..
الدكتورة ابتسمت : طيب اخت سارة الحين لازم تتنومين .. عشآن نقدر بفضل الله نثبت الجنين وماتجهضين..
علي ابتسم من غير نفس : طيب سارة معليه انتي لازم تتنومين عشآآن تكونين تحت الملاحظة انتي و ((نآظر لبطنها وابتسم )): والبيبي..
سارة ابتسمت على كلام علي وبصوت شبه مسموع : طيب ..
الدكتورة : ان شاء الله نقدر نسعف حالتك وحالة الجنين وتقومين بصحه وسلامة
علي وسارة : ان شاء الله ..
سارة : طيب دكتورة .. كم يوم راح اضل بالمستشفى .؟
الدكتورة ابتسمت : اسبوع او اقل على حسب حالتك اذا استجابت معنا يسرعه راح تطلعين بسرعه ..
سارة ابتسمت : خير ان شاء الله ..
بعد ساعه (( الكل سمع بخبر تويم سارة بالمشفى وعن حالتها الكل فرح لها كون انها حمل ونفس الوقت حزنوا على حالتها بالحمال ودعوا لها ان تقوم بسلامه))..
بيت سامي .. بغرقة النوم ..
ريم واقفة قدام التسريحه تضبط شعرها : سامي ..!
سامي يفل بالأوراق الي بيده ومن دون لايناظرها : هممم..
ريم على وضعها : مــا انت رايح عـ المكتب .. ؟
سامي على وضعه ورفع عيونه على ريم : لا .. ليه .؟
ريم راحت لعند سامي وجلست بجنبه عالكنبه : لا حبيبي مافي شي .. بس لونروح نزور سارة بالمستشفى ..
سامي وضع الأوراق على الطاولة الي مقابله ولف يده على اكتاف اريام : آممم كلامك عدل .. وبعدين اليوم انا مالي خلق للمكتب أبد ..
ريم ابتسمت ابتسامه مثيرة : أكيد حبيبي لان انا معك ..
سامي قرب منها اكثر وهمس باذنها : الا اكيدين ..
ريم تحاول تتسحب من سامي : آممم يالله حبيبي لانتأخر على سارة ..
سامي حس على نفسه : هآآ ..ايه ايه ..زين والله مافركشت رووحتنا للمستشفى ..
ريم وقفت وتخصرت بدلع : لاياشييخ ..
سامي ضييق عيونه وابتسم بخبث وقام قرب منها : أنا مامجنني الا دلعك هذا .. خففي الجرعه اشووي .
ريم ابتسمت :.........
سامي خرب الرووحة للمستشفى ^_*
بالمستشفى بغرفة سارة الخااصه .,.
سارة منسدحه على السرير وكل مابيت دقيقه والثانيه تمسح على بطنها وعلي جالس معها عالكرسي وماسك يدها ابتسم : ساارة ..
سارة التفتت له مبتسمه : هممم
علي مبتسم بقوة : وشو شعورك يوم خبرتك الدكتورة أنك حامل ..
سارة لفت عن علي وتناظر فووق وتنهدت : مدري ياعلي .. أحس نفسي فرحآآنه كوني بصير أم ونفس الوقت حزنآنه على الي صار لي والاشياء المحتمله انها تصير ..
علي يلاطف يدها : يعني أنتي تبينه يثبت ..!!
سارة التفتت عليه وابتسمت وغمضت عيونها : ايه ..
علي رفع يدها وبااسها وابتسم لها : ربي يثبته ان شاء الله .. واذا ماثبت حطي ببالك ان هالشي اصلاح ..
سارة على وضعها : والنعم بالله ..
أنطق باب الغرفه وسارة بتسحب يدها من ايد علي بس علي ماسكها بقوة ناظرها بنص عين مبتسم :لو مين مايكون والله مااتركها ..الا اذا كان احد محرم عليك ..
سارة ابتسمت ورفعت عيونها من عيونه :.......
دخل الغرفة وراح ناحية سارة وسلم عليها وباسها من خدها : ماتشوفين شر يالغاليه ..
سارة ابتسمت :الشر مايجيك يبه ..
بويوسف: شخبارك الحين ..؟
سارة : الحمدلله من الله ابخير ..
علي : اشوف عمي شاف بنته وسحب علي ..
بويوسف يناظر علي :ههههههه ...اشدعووة بس سارة وجودها يعمي الواحد عن وجود الي حوليها ..
علي :اووه اووه اووه اكشــــــــخ ياسااارة .. وفي ناس تتغزل فيها غيري ..
سارة استحت وصارت تلعب باطراف الغطا الي عليها :........
بويوسف يمسح على شعر سارة :هذي الغاااليه ..
علي لازال ماسك يدها ويلاطفها وقرب من اذنها وهمس : والله لو عمي مو هنآآ كان بوستك ولا قلت بس ..على هالحيآآ الي ذبحتيني به ..
سارة استحت اكثر وتبسمت من الحياا وصارت تنزل راسها اكثر من على المخدة..:....
بويوسف مشغول بجواله ..بخصوص الشركة وجات له مكالمه وطلع برى الغرفه ..
علي ماصدق خبر عمه يطلع وقرب من عند سارة اكثر وبخبث: ارحمي حالك اشووي وتغطين وجهك بالغطآآ ..(( ورجع تسند عالكرسي وابتسم لدرجة بانت اسنانه وضرب على صدره بالخفيف وتنهد)): آآه ليتني هالغطآآ الي علي عشآآن تغطين وجهك بي ولااقولك بالهووون..
سارة خلاص استحت اكثر :عـــــــــــــــــــــــلي ..
علي قرب من وجههآآ : حياة علي ..
سارة من غير لاتناظره :يرحم والديك بعد اشووي الحين ابوي يدخل ووالله استحي ..
علي : أجل قبل لايدخل عمي (( باسها من شفتها)) ..
سارة ابتسمت من الحيا وصارت تلعب باطراف الغطا ومرة تناظر علي بعد مابعد عنها ومرة تناظر الغطا الي تلعب فيه وتتوعده: طيب ياعلي ..!!
علي يبتسم ابتسامه جانبيه :آآوووه ونتوعد بعد.!!
دخل بويوسف .. وقرب من سارة وباسها على جبينها:يالله مع السلامة .. وانتبهي لنفسك ياسارة ..
سارة :الله يسلمك .. ان شاء الله ..
بويوسف يناظر علي : يالله مع السلامة وسلم على الوالد لي شفته ..
علي :يسلمك ربي..ان شاء الله ..
بـــ ألمــــــــــــــــانيـــــــــا.. بالفندق ..
نوار منسدحه على السرير وتلعب باطراف شعرها جآ ببالها تدق بأمها ومسكت جوالها ودقت : هلآآآ ماما
ام يوسف: هلا فيك حبيبتي .. ايش اخبارك ..علومك ..؟
نوار تبتسم وهي على وضعها : واله ابخير بس ناااقصني شوفتكم ..انتي اخبارك واخبار بابا وخواتي وخوااني والكل ..؟
ام يوسف :هههه اشوي اشوي علي .. انا الحمدلله من الله ابخير .. ابوك ابخير ويسلم عليك .. اخوانك وخوااتك والكل كلهم ابخير بس سارة تعبت اشووي وتنيمت بالمستشفى ..
نوار عدلت جلستها وشهقت : لييييه ..وش فيهآآ .؟
ام يوسف تبتسم :ابد حبيبتي بس كانت تعبااانه اشووي وقتها راحت المستشفى وطلعت حامل وهي ماتدري عن نفسها تعب حمل يعني ولازم تكون تحت مراقبتهم..
نوار ابتسمت :ياحليلها سارونه ببطنها نونو .. يالله ربي يقومها بسلامة..
ام يوسف : اللهم آآمين ..اخبار بدر ولجين ..؟
نوار تلعب بشعرها ورجعت انسدحت مرة ثانيه: والله تمام .. بكرة هملية لجين وبدر الحين عندها اشووي ويجي ..
ام يوسف:ربي يشافيها ويرد بصرهاو طمنونآآ عليكم ..
نوار : ان شاء الله .. لاتنسين سلمي لي عــ الكل وخاصة ابوي ..
ام يوسف: ان شاء الله يووصل ..انتبهوا لنفكسم .. وسلمي على بدر ولجين
نوار : خير ان شاء الله .. بااي
ام يوسف: مع السلامة ..
نوار بعد ماسكرت من امها تنهدت :آآآآه ياأهلي اشقد اشتقت لكم .. ((الا بدخلة بدر )) ابتسم وهو يوضع محفظته ونظارته على الطاوله ونوار عدلت جلستها مبتسمه ... بدر: يأهل بدر وش فيك .!
نوار تلعب بجوالها تقلب فيه: أبد بس لسا مسكرة من أمي وتسلم عليك وعلى لجين ..
بدر راح لعند السرير وجلس بطرف السرير ومسك ايدينها نوار وصار يلعب باصابعه علي ايدينها : ربي يسلمها ويسلمك ((وطبع بوسه على خدهآآ وهو باقي ماسك ايدينها ويلاطفها)) وبهمس : أشتقت لك بقوووووه..
نوار استحت و نزلت راسها وصارت تناظر ايدينها الي بين ايدينه :آمممم طيب ..؟
بدر رفع ايد وترك ايد على ايدين نوار وصار يتحسس سكسوكته بحركه مثيره وضيق عيونه اشووي وبخبث : يعني تبغيني اتهور والبي رغبتي والنور مضووي ..!! ((وبعدها نزل يده على ايدينها))
نوار خلآآآآآص راحت وطي من كلامه تحس كل خلية بجسمها تخدرت صارت تضغط على ايدينها بقوة بدر حس عليها وابتسم بخبث: اشوي اشوي على ايدينك تراني ابغاها ماني بــعايفها..
نوار رفعت عيونها ونزلتهم بسرعه وبخجل : طيييييب .؟؟؟؟
بدر يرفع وجههآآ باطراف اصابعه وقرب منها وباسها بـ شفايفهآآ وبهمس: لهنآآآ وبس موقادر اتحمل اكثر ..
نوار خلاص ودها تتغطآآ بديباااج من الحيآآآ .. بدر على طول قآآم ووقصر من الاضاءة وتركها خااافته مــره ..
نوار قلبها صار يدق اكثر واكثر واكثر .. بدر قرب منهآآ وهو لساته وااقف ومسح على شعره بروقآآآن ونزل لمستوآآها وقرب من اذنهآآ : والله مالي شغل كل مااستحيتي اكثر انشد لك اكثر
^_*
عــ الساعه 3 العصر.
بيت بويوسف ..
نور بغرفتها .. :الووو..
عبدالله بسيارته: خير ..
نور تتظاهر عشان مصلحتها :اخوي عبوود حبيبي ..وهـ احبه يانااس ..
عبدالله ابتسم وحس ان وراها شي وتو وقف عند الاشارة : ايه وبعدين ..؟؟
نور : آممم حبيبي وووينك ..!
عبدالله :اقول عن التمصلح وقولي وش عندك .؟
نور بوزت : مالت .. هذا جزااني اقولك كلام حلوو ..
عبدالله :هههه ..اخلصي وقولي وش عندك .؟
نور :آمممم وينك ..؟
عبدالله تو يحرك من عند الاشارة : برى ..
نور :عارفه ان برى .. بس وين ..
عبدالله : يالرخمه يعني سامعه ازعااج السيارات .. يعني وين بكون .. ببيت الجيراان..!
نور :ههههه حلوة بس تكفى لاعاد تعيدها ..
عبدالله تنرفز :اخلصي وش تبين لأسكر الخط ..
نور :هه طيب طيب .. ابغا اروح بيت صديقتي .. توديني .؟
عبدالله : قبل قلتي لأمي ..!
نور :ايوآآ ورضت ..
عبدالله : وبالله من صديقتك هذي .؟
نور : وجـــود..
عبدالله :ماغيرها الي معاك بالجامعه..!
نور :ليه في غيرها .!
عبدالله : أقول أطفي ولا عاد تراددين .. بعد ساعه الا ربع جااي عندك ..
نور : آممم طيب ليه موالحين .؟
عبدالله : انا الحين رايح للمقبره .
نور شهقت : ليييه .. احد ماات .؟
عبدالله وصل حده : انتي الرخمه ..يعني لازم مااروح الا في احد ميت .. بروح ازور قبر خالد وزوجة عمي وزوج عمتي
نور تلعثمت : آآ ءء والله هذا الي جا ببالي ..
عبدالله : طسي زيين ..
نور : الناس تقول بااي ..مع السلامة ..سياا
عبدالله يبتسم بسخريه: بس نور بنت محمد غييير ..حآآله خاصه الناس تقولها ((طسي))
نور بنفس نبرة عبدالله : اجل أقول انت طس .. لانك عبدالله بن محمد وانت حآآلة اسثنائية الناس تقولك ((طس))
عبدالله : ههههه الطاهر أنتي بايعتها بــ تبن ..
نور رفعت حاجب وميلت راسها :وليه ..؟
عبدالله : اذا راددتيني مرة ثانيه أنسي اوديك ..
نور تعدلت وابتسمت : أحم .. مع السلامة ..
عبدالله كاتم ضحكته : أيه كذا احنآآ حلوين .. باي
نور بعد ماسكرت منه تتحلطم :والله مو عشاانه عشان روحتي لبيت صديقتي فديتها .. ((وبعدها راحت تجهز على بال مايجي عبدالله ..))
بــ المستشفى ..
ام يوسف..شريفة..ام بدر .. اريام .. ريم .. اروى.. يوسف.. علي ..تركي ..سامي
الكل سلم عليها و تشآآفى لها وتحمد لها بــ سلامة
ام يوسف : انتبهي على نفسك ياسارة ولاترهقين حالك أكثر ..
يوسف: هه الله يعينك على أمي نفس المحااضرات الي قالتها لــ حور بتقولها لك ..
سارة ابتسمت :هه الا يمه وين نور عنكم ..((وناظرت اروى)): وفارس((وناظرت يوسف)):وحور ..؟
ام يوسف:نور بتطلع لبيت صديقتها ..
اروى:وفارس بدوامه .. وقال يمكن يجي عندك بالليل
يوسف: حور اذا جت من يمسك حمودي ..؟
سارة : آهـآ ..ربي يسهل ..
تركي تنهد مبتسم : آآه ربي يرزقنآآ أنا ((وناظر اريام)): وريآآمي بولد .. بأسرع وقت ..
سامي :ههههههه شكل الرجل مستعجل .. على رزقه..
اريام استحت بس ماحسستهم بهالشي ..
تركي بخبث يساسره: أقول أنت حآآمي حآآمي ماعندك وقت أبتلشت بنت الناس فيك
سامي يضربه على كتفه ويساسره : اقول بلاماتنطم ..
تركي يساسره: هههههه ..عشاني قلت الحق تبيني انطم .. اعترف متى آخر مرة......
قاطعه سامي بأن وضع يده على فمه وايد وراء راسه وابتسم :اقول طف صووتك ماعاد ابي اسمعه .. والله شكلك مهول في بنت عمتك مسكينه ..
تركي وهو ينزل ايد سامي من على فمه تنهد ومسح على صدره بالخفيف يساسره: آآآآه وربي عسل على قلبهآآ .
سامي يساسره : الي يجلس معااك .. تعلمه كل حآآجة من أول جلسه ..
تركي غمز يساسره: تبي اعلمك اكثر ..
سامي ضربه على كتفه بالخفيف يساسره: اقول أخلص وانثبر..
شريفة : ربي يثبت لك الجنين .. وتقومين لنا بصحه وسلامة
علي مبتسم: ربك كريم ياعمه ..
سارة ناظرت علي وابتسمت وبعدها ناظرت عمتها:: الله كريم ان شاء الله ..
أم يوسف :أم بدر علامك مسرحه ..؟
ام بدر انتفضت :هآآ لا بس افكر بــ لجين بكرآآ عمليتهآآ ..
الكل :ربي يسهل عليها ..
ام بدر :اللهم آمين ..
رن جوال سارة الكل ناظر مصدر صوت الجوال وسكتوا :اهليين .. (( بعدها رجعوا يحكون كل واحد مع الثاني))
فارس : هلا وغلا بهالصووت ..
سارة :هلا فيك ..
فارس:اخبارك .؟
سارة :الحمدلله من الله ابخير ..
فارس: الحمدلله على كل حال.. صرتي احسن من الصباح .؟
سارة : ايه الحمدلله.. انت اخبارك ..؟
فارس: والله ابخير واعذريني ماقدرت اجي ربطه مع هالدوآآم ..
سارة : ربي يعينك..وعساك عـ القوة ..
فارس :تسلمين ..((تنهد)): ياالله ياساااارة
سارة ابتسمت من قلب : وش هالتنهيده ياخوي ..؟
فارس: من زمآآن عنك .. وجلسااتك وسوالفك وحكيك وكل شي .. أحس مشتاق لجلسة معاك لوحدك ..
سارة ابتسمت :آممم الجو مغيم .. >>يعني ماتعرف تتكلم ..
فارس :هههه طيب .. لما يصفى الجو عملي لي الووو ..
سارة :ههه طيب ..
فارس: مع السلامة ..
سارة :مع السلامة ..
الكل يحكي {{أم بدر وام يوسف وشريفه}}, {{ اريام وآروى وريم }},{{يوسف وسامي وتركي }}
علي بصوت منخفض لسارة : هذا فارس .؟
سارة تبتسم :ايه ..
علي : وليه قلتي الجو مغيم .. الكل منشغل بالحكي مافي الا انا الي انصت لك ..
سارة ابتسمت ولاحبت تعكر مزآآجه : آممم علي افهم علي لو انت لحالك موجود كان تكلمت بس اخاف اقول كلمة وتلفت نظر الكل والكل ينصت لكلامي ويناظروني .. وبعدين هذا فارس يعني اخوي ((تلطف الجو)): تغآآر من فارس .؟!
علي رفع حآآجب من دون لايبتسم : ابرآآحتك ..
سارة تنرفزت بس مابينت له ابتسمت وفضلت انها تسكت .. وعلي حس عليها انها متنرفزة بس عمل حاله ماحس عليها ..
بيت بوسعود .. بصاله
ام سعود : نهى..
نهى :نعم..
ام سعود : علامكم انتي وسعوود ..!
نهى عرفت قصد امها بس سوت نفسها ماتدري :ايش فيينآ ..؟
ام سعود : من فتره ماسمعت واحد منكم يكلم الثاني ..
نهى :آممم مدري يمه هم انا مثلك مستغربه من تصرفات سعود معي برغم اني ....
ام سعود : كملي .. ليه سكتي ..!
نهى : يمه بقولك ..انا من فترة رحت لــ سعود ودقيت باب غرفته وحاولت اني اجلس وأتكلم معه .. واوضح له اني ابجد كنت غلطانه ساعة ماكنت اتكلم عن لجين بطريقة الي كنت اتكلم فيهآآ.. بس هو الله يهدااه ساافهني ومو معطيني وجه
حاولت بعدها اكثر من مرة تقريبا 3 مرات بس يوم شفته يصد عني .. وكثرت صدوده .. قلت الزم ماعلي كراامتي وعزة نفسي وخلاص سويت الي علي .. وبعدين اهم شي اني بكون مع لحين أوكي ..
ام سعود ابتسمت: الله يكملك بعقلك يابنتي .. وبعدين حطي ببالك ان سعود مايصد عنك الا لسبب وااحد ..
نهى فتحت عيونها عالآآخر : وشوووو ...؟؟ وش هالصدود الي اكثر من مرة ..؟؟؟
ام سعود ابتسمت : يايمه يانهى أنتي اخته الوحيده وهو اخوك الوحيد لازم يشد معاك اشووي ولا يكلمك بسهووله عشان تحسين بخطئك ..
نهى ارتاحت منن كلام أمها : آممم ريحتيني يمه بكلامك ودخل قلبي على طوول .. بس تصدقين ..!!
ام سعود :وشو .؟
نهى : نفس الي كنت افكر فيه قلتيه ..ان سعود اخوي الوحيد سندي بهالدنيا عضيدي .. وعلاقتنا كذآآآ .. المفروض تكون احلى من كذا بكثييييير .. بكرآآ لماأحتاج وجوده بجنبي ووقفته معي وعلاقتي معاه متوتره كذا بــ وشو بقاابله ..!
ام سعود وضعت يدها على كتف نهى وابتسمت من قلب: هذا نهى بنتي الي ربيتها ..
نهى باست راس امها وايدها وابتسمت: الله لايحرمني لامنك ولا من ابوي ولا من سعود ..
ام سعود : اللهم آمين ..
بسيارة عبدالله ونور ..
عبدالله وهو يسوووق: هآآنم متى ان شاء الله الجيه من بيت خويتك .!
نور ناظرته : وقت ماأدق عليك ..
عبدالله ناظرها ورفع حااجب وبعدها ناظر للطريق: بشري أمك اقول ..
نور عقدت حواجبها : بشرتها وخلصت ورضت ..
عبدالله بصوت مرتفع :أنتي تستفزيني ولا وش قصتك اليوم ..؟
نور كاتمه ضحكتها : خلاص مابقول شي ..
عبدالله :اقول .. المغرب اجي اخذك طيب .؟
نور بخاطرها : لاحووول مافتكيت من يوسف يجي لي عبدالله ...ولــ عبدالله : طيب ..
بالمستشفى .. قبل المغرب بساااعه ..
ام يوسف سلمت عبى سارة وباست جبينها:يالله ان شاء الله اجي لعندك مرة ثانيه وماتشوفين شر يايمه..
سارة ابتسمت :الشر مايجيك ..وسلمي لي على حور ونور..
ام يوسف:يووصل ان شاء الله صحيح نوار تسلم عليك ..
سارة : ربي يسلمها ان شاء الله .. وش اخباارها .؟
ام يوسف :الحمدلله زيينه ..
تركي : يالله مع السلامة يابنت العم ماتشوفين شر وربي يرزقنا مثل مارزقكم ..
اريام بنفسها:ياالله من تركي الي مايترك حركاااته وبكل مكاان ..
سارة :ربك كريم ..
سامي :يالله مع السلامة وانتبهي لنفسك ..
سارة:رلابي يسلمك خالي لاتخاف علي ان شاء الله اكون ابخير ..
ريم :كان بنجي لك اليوم الصباح بس كنت تعباانه اشووي >>كذاابه خخخخ
سامي كتم ضحكته لان تذكر الي صار اليوم ..
الكل سلم على علي و سارة وطلع وكل منهم قالها انتبهي لنفسك..وماتشوفين شر..انت شاء الله تقومين بسلامة ومن هالكلام .. الغرفة يعمهآآ الهدووء ومافيها غير علي وسارة ..
علي جالس على كرسي ومنحي ظهره ومشبك ايدينه ببعض ..وسارة على وضعها مستنده على المخدة ومنزله راسها وتلعب باصابعها وبنفسها: ياربي ليه علي حسااس كذا ..والله ماسويت حآجه تضاايقه ..
علي بنفسه : اشفيني أنا صاير كذآآ .. هو اخوها بنهاايه .. بس ليه ماتكلمه الحين وهذا احنا موجودين لحاالنا ولا فيه اشياء ماتبيني اسمعها .. اوادري عنها .. ((استند على الكرسي بكل قوته ورجع ايدينه وراء راسه ورفع راسه فوق وتنهد بنفسه)):يارب لطفك ..
سارة بنفسها مترددة تكلمه ولا لا برغم انها متأكدة ماغلطت معه .. بعد دقااايق من غير لاتناظره..: عـ ...عـلي..
علي من غير لايلتفت وهو على وضعه : هممم
سارة :اشفييك..؟
علي التفت وابتسم ابتسامة جانبيه :أبد سلامتك ..
سارة بنفسها:ياربي وشـ هالبروود .. ولـ علي : بس عيونك تقول فيك حآجه ..
علي وقف وأخذ مفاتيحه ونظارته وجواله ولف عليها مبتسم :مافيني شي .. ((وباس جبينها)): ماتشوفين شر ولو احتجتي اي حآآجه دقي علي .. واذا احتجتيني هم دقي علي ..
سارة تناظره وعيونها تلمع من الدموع: طيب .. انتظر لحد مايئذن المغرب ..
علي وهو لازال على وضعه : بروح اريح .. ((ومشى من عندها وهو عاطيها ظهره ..ووقف)) : ولاتنسين بكرة بكرة وراي دوآآمي ..
سارة نزلت راسها وتلعب باصابعها : طيب .. الله يحفظك ..وانتبه لحالك ..
علي رفع راسه وأخذ نفس وبنفسه :اشلون الليله بناام من دونك ياساارة ..ماقد مرة نمت بعيد عنك .. ولــ سارة : ان شاء الله ..هم انتي انتبهي لحالك ولا تفكرين بحالتك كثيير ان شاء اله كلها كم يوم وطالعه من المستشفى .. مع السلامة
((ومشى وساعة ماوصل عند الباب مسك مقبض الباب ولف راسه ناحية سارة وابتسم ابتسامة جانبيه : لاتنسين تدقين على فارس ..لأن صفى الجوو .. ((وطلع ))
سارة نزلت دموعها ساعة طلعته وضغطت على ايدينها بقوة وبصوت منخفض: ياربي اشفييه كل هذا لاني ماعرفت اكلم فارس بحال وجودهم ((ورفعت راسها فوق وتنهدت)):يارب ترئف بحاالي .. وربي تعباانه ..
بــ المـــــــانيا ..
نوار على السرير وبحضن بدر..وبدر ساعه يبوسها وساعه يلعب بشعرها .. وساعه يلاطفها ..
نوار :بدر ..
بدر : وهو رايح فيهآآ :هممم
نوار : فكني اشووي
بدر:ههههههه لا ياعمري وليه افكك ..!
نوار : بروح الحمام ((الله يكرمكم)) وبرجع ..
بدر: قرب من وجههآآ اكثر وهمس:أكييييييد ..
نوار ابتسمت بدلع : بدووري قد مرة كذبت عليك ..!
بدر:ضروووووري..!
نوار بدلع : حبيبييييي
بدر بصوت عالي :يانااس ماقدر على هالصووت ((وهمس لها قرب اذنها)): يعذبني مووت ..
نوار وهي تلعب بشعره : اسم الله عليك حبيبي من العذاب ..
بدر : يسلم لي الكلام وصااحبته ..
نوار ضحكت بدلع عفوي :ههههههه
بدر غمز لها : ترى اذا هونت ولا خليتك تروحين الحمام((الله يكرمكم)) مو شغلي ..
نوار ابتسمت : طيب .. خلني اروح قبل لايصير شي ثااني ..
بدر بخبث مبتسم: اوووه وصرنآآ نعرف ان ممكن تصير اشياء ثاانيه ((وغمز لها))
نوار :ههههه من عاشر قوم 40 يوم صار مثلهم
بدر : ههههه والله اكثر من 40 يوم ..
نوار : طيب بدووري بلييز خلني ارووح
بدر بخبث وهو يضغطها بحضنه : بخليك تروحين بس على شرط ..
نوار وهي تلعب بشعره:ويعد فيها شرووط .. طيب وشوو.!
بدر : تعطيني بووسه ..
نوار ابتسمت :طيب .. ((وباسته بخده)) ..
بدر مبتسم بخبث: لالا موهنآآآ ..
نوار باسته بخده الثاني ..
بدر : لالا بعد مو هنآآ..
نوار : لاحووول ((وباسته بجبينه))
بدر: ههههه بعد مو هنآآ
نوار بدلع عفوي : اجل وييييين .. !!!
بدر يناظرها بخبث وومابقي الا ياكلها :هنآآآآآ ...((وأشر على شفااايفه))
نوار نزلت رااسها : آمممم ماتتأجل ..!
بدر حرك رااسه:نووو
نوار :طيب غمض عيونك ..
بدر :ههههه واذا غمضت اشلون استشعرها ..
نوار : قلبك..مشاعرك ..
بدر غمز لها :لازم صوت وصوورة ..
نوار :ههههههههههه ..
بدر ناظرها بنص عين ..: بتهور مرة ثانيه ..
نوار :راح ألبي طلبك .بس على شرط ..
بدر : ياليييل ..فيها شروط .. طيب وشو .؟
نوار : وقتها تفكني واروح عــ الحمام ((الله يكرمكم))
بدر : هههه طيب
نوار قربت منه وهو يناظرها نظاارت العاشق الهايم الولهان وباست شفايفه بسرعه وبعدت عنه ومامداها بتقوم الا بدر مسك يدها وهمس لها : هالمرة مررتها بس بعد ماتجين من الحمام .. ((الله يكرمكم)).. ابغا غيره لها تأثير قوي
نوار تسحبت منه ودخلت الحمام ..وبعد دقايق طلعت ..وماسلمت من احضان بدر وحركآآته ^_*
بالمستشفى .. سارة مسكت جوالها .. : هلا
فارس: اهلييييين ..
سارة : اخبارك ..؟
فارس :الحمدلله ابخير .. انتي اخبارك بعد اليوم .!
سارة :تمام ..
فارس: ساااارة..!
سارة :هممم
فارس:علام الصوت مغلق >>يعني متغير
سارة ابتسمت ابتسامه باهته:ابد مافيني شي ..
فارس : مو على فارس ..صحيح كل منا تزوج وانشغل اشووي عن الثاني ..بس الحمدلله ان ربي رجعنا مثل ماكنا .. اشفييك..؟
سارة دموعها نزلت : مدري فارس احس اني محتآآجه لوجودك بجنبي
فارس: وانا لك بأي وقت والله بس هدي .. موزين تبكين وتهمين حالك وانتي بهالحال..
سارة : أحس ودي أرجع معك مثل ماكنت ..
فارس ابتسم :كلي لك بأي وقت .. مو اني تزووجت خلاص لزوجتي ومشااغلي وبس ..انتي سارة لاتنسين حطيها بين قوسيين ...
سارة : طيب .. انا أخليك الحين واكلمك بعد اشووي ..
فارس: اول حآجة نوعديني تريحين نفسك وتهدين ... وبعدها انا الي بدق عليك مو انتي ..
سارة ابتسمت ابتسامه باهته : عشان تعرف من نبرة صوتي اذا تحسنت او لا ..
فارس: ههه عفيه عليك
سارة:طيب .. باي
فارس:مع السلامة .. ((بعد ماسكرت منه فكر بينه وبن نفسه)): ياترى اشفيها سارة .. معقول يكون بسبب علي .. من تزوجت لليوم ماعمرها شكت لي او قالت شي لدرجة اني توقعت كل شي تغير توقعت ان سارة لعلي بس وفارس لآروى بس .. مدري ياساارة وشو الي قالب كيانك كذاا ..بس لازم اعرف بعد ماطلع من المستشفى ومدااني الوقت اروح لها .. ..
نور بغرفتها ..
حور : يعني مابقى لك حآآجه خلصتي كل شي ..
نور :ايوآآ وهذا الي مريحني ..
حور :يالله ربي يوفقك ويتممم لك مع طلال ابخير ..
نور : الله كريم ..((رن جوالها وناظرت لــ حور وابتسمت))..
حور :اكييد طلال ..
نور :هههههههه ايه ..
حور تجنن نور:اطلع ابكراامتي قبل لاتقلعيني ..
نور ابتسمت :دوبآآ والله تفكيرك غلط .
حور : امزح معك
نور :ههههه
بالمغرب عالساع 7 ونص .. فارس استئذن من المستشفى عشان يطلع لأخته سارة بالمستشفى الي موجودة فيه .. بعدها طلع على سيارته .. وحرك للمستشفى ..
اثناء ماهو بطريقه للمستشفى رن جواله : اهليين
سارة :هه هلافيك ..
فارس: دقاايق وانا عندك..
سارة ابتسمت :طيب انتظرك..
فارس:مع السلامة
سارة : مع السلامة
بجنآح علي ..
علي متمدد على الكنبه الي بصاله وصار يفكر بلي حصل اليوم وبنفسه : احس اني معطي الموضوع اكبر من حجمه مايستدعي هذا كله بس بنفس الوقت حسيت بشي غريب مدري وش اسميه ..
مافاق من تفكيره وسرحآنه الا على نغمة الرسائل ..أخذ الجوال وصار يقرا الرسالة
((تقول : ( تحـب) ....
وتجافي ؟
وأنا لامن طريت اسمك ,
أفز
وترجف - أطرافي !!!))
المرسل: أحسااسي
علي رفع راسه وتنهد: آآآه وربي احبها .. بس ليه هي ترسل كذآآ ..
فتح الرسائل بجواله بيرسل لها ..
بالمستشفى ..
فارس: طيب .. متى راح تطلعين.!
سارة ابتسمت : على حسب حالتي يمكن اسبوع اقل ..اكثر .. مدري .!
فارس :طيب انتي تحسين بتحسن مقارنة باليوم ..؟
سارة :مدري بس احس الآلآم راحت عني ..
فارس : ان شاء الله خير.. طيب ممكن اعرف وش فيك ..!
سارة تلاشت ابتسامتها وبعد ثواني ابتسمت ابتسامه باهته :آممم مافيني الا كل خير ..
فارس يناظرها وضيق عيونه اشووي : سارة .. انا فارس .. يعني لو احد غيري اسئلك قولي له كذا .. عيونك تقول فيك شي ..!
سارة نزلت راسها وتلعب باطراف الغطآآ : مدري وش اقول .
فارس: الي تحسين انك مرتاحه لو قلتيه ..
سارة تناظر فارس : علي ..!
فارس عقد حواجبه :وش فيه علي .!
سارة بنفسها :مهما كان ماراح اقول الي يدور بيني وبين علي يبقى زوجي وحبيبي ولازم احافظ على الي بينآآ ...لــ فارس: مدري احسه من طلع وهو متغير ..
فارس : عليك .!!
سارة :لا .. حاله متغير ..غير عن اليوم الصباح ..
>>>>>>>يتبع
|