منتديات قصايد ليل - عرض مشاركة واحدة - تكفى ضمني بالحيل وراعي مشاعري .. وأدفني بين إيديك وأجبر بخاطري:بقلم /خآنتني أحاسيسي

08-04-2011

عــ الساعه 12 وربع ..
بجنآح تركي واريام ..بغرفة النوم ..

تركي حآضن اريام بين ايدينه وطايح فيها تبوس ويلاطف وجههآ بيدينه ..اريام مستسلمه له وتلعب بشعره ..وبدلع :تروووكي ..
تركي دآخ عليها : حيآآة تركي ..
اريام قربت من اذنه وهمست بدلع : قربك يدفيني مووت ..
تركي ابتسم بخبث وباسها بشفتها بقوه وقرب من اذنها وهمس : ريحة عطرك تذبح ((وبعدها نزل لرقبتها وباسها))..
اريام استسلمت لحضن تركي وبوسآآته.. وليلة سعيدة ^_*

بجنآح علي وسارة ..بغرفة النوم على اضواء الأبجورة ..
سارة متوسدة على صدر علي وتلاطف صدره باصابعها واليد الثانيه تلعب بشعره ..وعلي يلعب بشعرها واليد الثانيه يلاطف ايدها الي على صدره ..
سارة : آآمم علي.
علي هااايم : عيون علي ..
سارة : من اول ماوصلنا من بيت عمتي واحس ودك تقول حآجة .!
علي ابتسم ابتسامه جانبيه : عدل كلامك ..
سارة رفعت راسها ناظرته وابتسمت وبعدها رجعته على صدره : كلي اذانٌ صاغيه ..
علي يعفس شعرها عــ الخفيف : هه ..طيب حبيبي ..بالبدايه ابغا اسئلك .!
سارة على وضعها : وشو.!
علي : الشعر الي تدورين عليه.. اشقد مهم عندك .؟!
سارة قلبها صار يدق بقوة لدرجة علي حس عليها : بشكل ماقدر اوصفه .!
علي ابتسم : آممم بمآ ان مهم عندك لهدرجة أكيد حافظته..!
سارة :آممم اكيد .. مو هو اهم كتباتي .. اشلون مااحفظه.!
علي على وضعه : سمعيني ..اذا ممكن..!
سارة رفعت راسها ابتسممت وصارت تناظره بحب وشوق وقابلته وجهآ لوجه بحيث ذقنها على صدره وهو يلعب بشعرها ..رمشت له :من عيوني ((وأشرت على عيونها )),,
علي ابتسم ابتسامه تجن عليها سارة : ربي يسلم هالعيون ..
سارة : الله يســلمــك .. طيب اسمع .. أحم
علي رن جواله برساله : لحظة اشوف من رااسل ..
سارة على وضعها: طيب
علي مد يده لجواله الي على الكومدينه وصار يقرأ( اوكي دكتور علي ..احتسبت لك بكرة اجازة))..المرسل (( عبد الرحمن)).. علي ابتسم .. وبيرد عليه يشكره ..
سارة ابتسمت من شافته ابتسم : اووه هنيال الي رااسلك على هالبسمه ..
علي ابتسم بقوة لدرجة بانت اسنانه : هه هذا مدير المستشفى وافق على اجازتي بكرة ..
سارة ميلت راسها وعقدت حواجبها : ليه الاجازة..
علي وهو يرسل للمدير من غير لايناظر لسارة : عشآنك انتي .. مو قلت لك الليلة لنا وبتكون غير ..
سارة ابتسمت : معناتها مافي جامعه ..
علي وهو يوضع الجوال على الكومدينه ويناظر سارة ويحط يده على شعرها تنهد بهدوء : ايه ..
سارة : آمم طيب حلو
علي غمز لها : انتي احلى .. سمعيني اشوف ..
سارة ابتسمت ورجعت راسها على صدر علي وواضعه يدها على صدره: طيب .. أحم .. بس ترى هو قصير مو طويل حيل ..
علي يلعب بخصلات شعرها يبتسم: طيب نسمع
يامضيع القلب وماتدري عن آهآآته..
رجيتك حس بي وارأئف بحالـــي ..

" علي يحس الغيره أكلت قلبه بس كاابر وصار يسمع لها لان مايدري انها تحبه قبل لايخطبها "..

ترى قلبي ينتظرك تدق بابـــــــــه..
تكفى ضمني بالحيل وراعي مشاعري..
ترى صبري بدا ينفذ وحالته حالــــــه ..
وكل ماضاقت بي الدنيا والهم دق بابي..
اقول وينه حبيبي يحس بالآهات والونه..
ويدفني بين ايديه ويجبــــــــر بخـــاطري..
>> أنا كاتبه الشعر ادري انو موحلو بس هذا الي خطر ببالي ماحبيت احط شعر منقول ^_*

علي قلبه صار يدق من سمع الكلمات الي اشعرتها سارة لكنه ابتسم ومابين لها غيرته :آممم حلوو
سارة ابتسمت ورفعت عيونها عليه : آمم انت أحلى حبيبي .. ممكن اسئل ..!
علي على وضعه :اسئلي ..
سارة: ممكن اعرف ليه قلبك((وناظرت صدره )).: صار يدق كذا .. ((و ناظرته)).
علي يرجع راسها على صدره وصار يلعب بشعرها : لا حبيبتي بس كلماتك تركت صداها بقلبي ..
سارة ابتسمت :............
علي بنفسه : ياترى تقصدني .. ولا تقصد احد ثاني .. ((ورفع راسه فوق وتنهد بهدوء)): ليه ياعلي الغيره تاكل قلبك كذا لازم تتأكد .. لــ سارة :آمم ممكن اسئل .!
سارة على وضعها وتلاطف صدره باصابعها : انت تسئل حبيبي من غير ممكن ..
علي ابتسم : احس مشاعرك هذي مو عبث .. يعني كأنك تقصدين أحد فيهآآ ..
سارة صار قلبها يدق بقوة لدرجة كأن بيطلع من مكانه وصارت تبلع ريقها بصعوبه : آممم
علي ابتسم ابتسامه تجن عليها سارة رفع راسها مقاابله: ليه قلبك يدق كذاا ..!! ((وغمز لها "وبداخله غييره"))
سارة تلاشت ابتسامتهاو وضعت راسها على كتف علي:وش قصدك .؟!
علي ابتسم وكابر الغيره الي بداخله وببرود مبتسم : آممم سارة بختصرها لك بكلمتين ..
سارة تناتظره كأن تقوله اسمعك .:.........
علي تعلقت عيونه بعيون سارة : أنتي قد حبيتي .؟!
سارة دق قلبها اكثر واكثر وتحاول تبلع ريقها بنفسها : ياربي مابغا اصفح عن مشاعري تجااهه قبل لايخطبني.. ولــ علي .: ليه تسئل.!
علي على وضعه : مشاعرك الي حدتني اسئل .. أحس كأنك تقصدين أحد فيها مو عبث ..
سارة على وضعها وهدت نبضات قلبها اشووي : آمممم واذا قلت لك ......... ايه
علي قلبه انقبض ب مابين لــ سارة ابتسم وصار يلعب بخصلات شعرها :ابغا اعرف مين .!
سارة غمضت عيونها واخذت نفس عميق وعلي قلبه يدق لسماع الجواب وبنفسه : الله يستر انا واثق من محبتها لي بس مدري الغيرة قاتلتني وعاميتني كذا ..
سارة فتحت عيونها بعد تفكير ثوااني :طيب راح اقولك ..
علي قلبه منقبض خايف يكون شخص ثاني بحياتها قبل يتزوجها .. سارة وعيونها بعيونه : حبيته ياعلي .. اعجبت بطوله ورزته و شكله ووسامته.. تعامله واسلوبه وحنيته.. كل شي فيه ينحب..
كنت اقول هو لي وبس ((وبدت عيون سارة لمع من دموعها)) : آآه ياعلي اشقد عانيت بحبه كنت انتظره ايام واسابيع وشهور لحد مامضى على حبي له سنتين .. سنتين وكأنهم عشرين سنه .. ((بدت تنزل دموعها)) وتنهدت : آآآآآه ياعلي .. ادعي ربي ليل نهار يكون لي وحدي مايكون لــ غيري لو اتخيل بلحظة ان لغيري ماتصور وش يصير فيني
ابكي ولا اقول كاافي .. كنت اكتب عنه اسبوعيا وكل ماحتاج ان اكون بجنبه اكتب عنه وكل الي كتبت من شعر وخواطر عنه هو .. وحده الي ملك قلبي ياعلي ..
قلبي متيم به كل ماقلت لقلبي أنسآه يتمسك به اكثر حبه يسري بدمي حياتي من دونه ظلام
((علي صار يمسح دموعها بأطراف اصابعه)) وهمس لها : طيب هدي .!
سارة على وضعها : أحبه والله العظيم موت احبه ..
علي بنفسه : شكلها تقصدني بس آآخ ظلمتها ...ولــ سارة : اعرفه .!
سارة ابتسمت ابتسامه باهته :ايه تعرفه ..
علي : طيب ..!!
سارة صارت تتنفس بشكل سريع وتبلع ريقها : انسى دنياي لما حضنه يحتويني .. وبهمس : أحبك انت ياعلي .. انت انت انت
علي صارقلبه يدق ويبلع ريقه بسرعه وحضن سارة بهدوء لصدره وهمس : خــــــلاص .. انا لك ومعاك وحدك ياسارة ..
سارة صارت دموعها تنزل اكثر وتمسكت بــ علي اكثر : لاتتركني علي يكفي السنتين الي تعذبت فيهم بسببك .. انا احبك حبيتك انت وماحب القلب غيرك ..
علي صار يضمها اكثر وبصوت شبه مسموع : أهـــــــدي ..
سارة بعدت عنه وصارت تمسح دموعها وابتسمت وبصوت شبه مسموع : ان شاء الله ..
علي ابتسم وبنفسه : ياربي سامحني ظلمتها وظلمت نفسي .. ... ولــ سارة ابتسم وغمز : يعني ماكنتِ ناويه تصارحيني بمشاعرك .!
سارة ابتسمت : هه صراحةً ماكنت مفكره اصفح عن مشاعري .. لأن ...
علي مبتسم ومكيف عالآخر : لأن وشو ...! كملي ..
سارة تلعب باصابعها على خد علي : لأن خفت تغير انطباعك تجاهي وتتغير ..
علي :ههههه الله يهداك مجنون انا اغير انطباعي او اتغير .. انا احبك ياسارة والله لو تقولين اني اكرهك قبل لاتخطبني ماراح اتغير ..
سارة ابتسمت : .....
علي ابتسم لها وغمز : طيب .؟!
سارة : آمممم علي ..
علي يلعب بشعرها وهاايم بعيونها : هممم
سارة : ممكن اسئل.!
علي على وضعه : سئلي حبيبتي ..
سارة : ليه من ايام حالك متغير .. تصرفاتك تعاملك اســلوبـ...... ((ماكملت علي وع يده على شفايفها )) وبهمس :آشش راح اقولك بس توعديني ان ماتخلين الي بقوله يأثر فيك ...
سارة ابتسمت ونزلت ايد علي من على شفايفها وابتسمت وهزت راسها بالايجاب :ان شاء الله ..
علي : تتذكرين يوم ادور على الكبكات ولا حصلتهم وقلتي لي ادورهم عنك قلت لك لا انا بدورهم ..!
سارة :ايه ..
علي : ساعتها عفست في الكومدينه الي جنبي وماحصلت ورحت للكومدينه الي بجنبك وعفست مالقتي لفتت نظري ورقه مطويه .. والي لفت نظري اكثر لونها الوردي فــ ثاارني الفضول وفتحته وقريتها
سارة فتحت عيونها عالآآخر مبتسمه: يعني افهم من كلامك انك قريت الشعر.؟
علي ابتسم:هه ايه ..
سارة اضربته على صدره عالخفيف: دب.. يعني الورقه هذي هي الي غيرتك .. !
علي : ايه .. لان الغيره اكلت قلبي .. وافتكرت انك تقصدين غيري وخاااصه ان التاريخ المكتوب فيها قبل لأخطبك بــ 8 شهور ..
سارة ابتسمت ومكيفه عالآآخر :طيب...؟
علي : ههه اشوف عاجبك الوضع ..
سارة :هههه حبيبي الغيره تآآكله ومايعجبني الوضع ..
علي عضها من خدها عـ الخفيف: مجرمه هالبنت ..
سارة تمسح خدها : يامجرم عضيتني ..
علي :هههه حلالي ..
سارة باسته من خده : أكييد
علي : أكمل ولا آآآ,,,!!
سارة عرفت قصده : ههه لالا كمل ..
علي : وحاولت اووصل للمربط الي يوصلني للقصة هالشعر الي كل يوم اقرآآه وكل ماقريته وراح بالي ان لشخص كان بحساتك نار الغيره تشعل فيني .. وهذا الي غيرني .. وخلى علاقتنا متوترة وخلاني اتخذ هالقرار
سارة مبتسمه وتلعب باصابعها على صدر علي :آممم يعني افهم ان الشعر عندك ...صح .!
علي :ايه عندي .. بكرة اعطيك اياه خلاص
سارة : لا حبيبي خلى معاك .. لان الي عندي عندي والي عندك عندي .. وهذا الكلام لك انت وحدك .. واكيد المرة الجاية لما تقرآآه شعورك راح يكون غير ..
علي قرب منها اكثر وباسها من شفتها بهدوء قآآتل ..وهمس : أكيد حبيبتي ..
سارة نزلت راسها ورفعته بسرعه مبتسمه : الحين كلا منا عرف وشو بقلب الثاني ... تجاه تغيرك وتجاه الشعر الي انا كاتبته ..
علي :ايه ..
سارة بتفك نفسها من حضن علي .. علي مسكها اكثر وابتسم : على وين .!
ساره ابتسمت :آممم .. فكني بقوم وبرجع ..
علي ابتسم وفكها وانسدح على ظهره ووضع ايدينه وراء راسه : طيب .. نشوف ..
سارة قامت من السرير ووقفت وتخصرت وميلت راسها وابتسمت بدلع يطير عقل علي : راح نشووف ياشييخ مين الي يفوز على الثاني ..
علي عدل جلسته وعقد حواجبه وابتسم ((ويقلد نبرتها)): وش تقصدين ياشييخه .!
سارة ترفع كتوفها بمعنى "مدري" : والله انتي ذكي وأظن بتفهمها ..
علي فهم عليها وقآم من السرير وسارة ركضت لباب الغرفة وتبتسم : على الي سويته فيني وماخبرتني عن الورقه ولا سئلتني بعااقبك ..
علي رفع راسه فوق :هههه ..((تكتف وميل راسه)): وشو العقاب آآنستي .!
سارة بدلع ميلت راسها ورفعته اشووي ورفعت عيونها فوق ووضعت سبباتها على شفتها كأنها تفكر : آممم وشو وشو ..
علي يتسلل لها ويمشي بخطوات بطيئة من غير لاتحس ..
سارة تو بتتكلم لكن ماحست الا بــ علي ماسكها من اكتافها ابتسم بخبث : علميني الحين كيف بتهربين مني .. !
سارة استحت من نظرااته وابتسامته ..ابتسمت له : آمممم .. طيب .!!
علي على نفس وضعه ويقلد نبرة سارة : آممم ممكن تعلميني وشو العقاب .؟
سارة ابتسمت بحيآآ : آمم أمزح مافي عقآب بس حبيت اجننك اشووي
علي على وضعه وابتسم اكثر وناظر لــ السرير وهمس لها : طيب انا بعاقبك عقاب ايجاابي ((وغمز لها))..
سارة ابتسمت : آمم وشو .!
علي على وضعه وهمس لها : السرير ينتظرنا ..
سارة تعمدت تبتسم ابتسامه تجنن علي ابتسمت وبللت شفايفها بشكل دائري وعضت على شفتها السفلى :.........
علي مكيف عالآآخر وصار يناظرلــ سارة بحب وقرب منهآ وباسها من عنققها وهمس لها : جننتيني ببتسامتك .. نويتي على حالك ((وغمز لها))

وليلة سعيدة لــ علي وسارة ^_*

في فجر اليوم الثاني ..
اريام : تركي قوم صلآآآه ..
تركي :زين ..
اريام : قوم تركي يادووبك تتروش وتصلي وبعدها ارجع نآم ..
تركي تذكر البارح : طيب طيب .. ((وقام تركي))
اريام : تركي تراني مابروح الجامعه هلكاانه نوم ..
تركي وهو ياخذ الفوطه :طيب ..

عند فارس واروى ..
فارس : اروى ..
اروى :نعم ..
فارس: خليك جاهزة 6 ونص .. للجامعه
اروى : طيب ..
فارس : اذا صليتي وحبيتي تنزلين انزلي ..
اروى :انت بتنزل ,؟
فارس :ايه من زمان عن جلسة الصباح مع امي وابوي
اروى ابتسمت : ان شاء الله اذا خلصت انزل ..
فارس باسها من خدها وابتسم :طيب ..

عند علي وسارة ..
علي بصوته المبحوح من النوم : سارة ..ياسارة قومي الناس صلااه..
سارة بصوتها الي مبين عليه النوم : طيب طيب ..
علي : سارة اذا تروشت وطلعت وشفتك لازلتِ نايمة بكب عليك مآآي
سارة :طيب اذا طلعت صحني هم انا بترووش..
علي تذكر البارح ابتسم : طيب ..

عــ الساعه 8:30 ..الصباح

بالمـــــــــطــــــــــــار ..
بوبدر : انتبه لأختك ولزوجتك يابدر ..
بدر : ان شاء الله يبه لاتوصي حريص ..
أم بدر : يالله يايمه ان شاء الله ترجعين لنا بسلامه ...
لجين ابتسمت : ان شاء الله بس دعواتكم يمه ..
بوبدر : كلنا معاك يالجين .. ولاتنسن ان الله معاك ..
ام بدر : نوار انتبهي للجين ولنفسك ..
نوار ابتسمت : ان شاء الله عمه
بدر : يالله قرب موعد الطيارة ..
بوبدر : يالله تروحون وتردون بسلامه ..
((وبوبدر وام بدر ودعوهم قبل لايروحون للطياره وبكت ام بدر ولجين وبعدها طلعوا على الطيارة وبوبدر وام بدر طلعوا من المطار))..

بجنآح حور ويوسف..بصاله

يوسف واضع راسه بحضن حور وحور تلعب بشعره
يوسف: وين حمود ..!
حور :عند الخاله ..
يوسف:هه والله أحس امي فرحآنه بحمود وشايفه كل الدنيا فيه ..
حور ابتسمت : اكيد يحق لها اول حفيد لها ..
يوسف رفع راسه وعدل جلسته ولف يده على اكتاف حور : حوااري..
حور :همم ..
يوسف : اشرايك نطلع نتمشى اشووي دآم حمود عند امي ..
حور : ههه الله يهداك ماتصدق خبر يكون حمود عند خالتي ..
يوسف باسها من خدها : هههه افا عليك مايفوتني شي ..
حور : طيب دقايق اجهز ..
يوسف: خلاص انا بنزل تحت بصاله ..
حور :طيب ..

بالجـــــامعه ..

وجود : ياالله نوار لها مكان ..
نور :هه ماصار لها اسبوع غايبه .. وقلتي كذا ..
لطيفه :ههههه
وجود : لا والله احس تعودت عليكم ثنتينكم مع بعض ..
نور : يالله كلها شهر وترجع ..
لطيفة: الله يشافي لجين ويرد لها بصرها ..
نور ووجود : اللهم آمين ..
لطيفة : الا صحيح .. الجامعه وافقت على اجازة نوار .. كون انها بتسافر
نور : ايوآآ ..
لطيفة : زيين ..
نور : الا صحيح ووجيد زوجك ماراح احضر ..
وجود : توقعت ..
نور : ايه صراحةً مطيرين زواجك بــ الرياض ..
وجود: وش اسوي بعد خالي الله يهدآآه ..
لطيفة: مايسوى عليك ولده ..
نور : هههههههههه
وجود تضرب لطيفه عالخفيف: وي خشتك .. تطنزين
لطيفه تتحسس من كتفها :ههه والله امزح معك ..

بجناح سارة وعلي ..

علي صحى من النوم وعدل جلسته ولقى سارة نايمه وتذكر الي صار البارح وابتسم بقوة ورفع الديباج وقام من على السرير وعلى طول راح الحمام ((الله يكرمكم)) يترووش..
بعد ربع ساعه .. طلع وكان لاف الفوطة على خصرها ويجفف شعره بالمنشفه اثناء ماهوم يجفف شعره ناظر لسارة الي مازالت نايمه راح عند السرير جهة سارة وجلس على طرف السرير .. وصار يلاطف خدها باصابعه وقرب من اذنها وهمس : ســآره ..
سارة قلبت الجهة الثانيه "يعني عطت ظهرها علي" والنوم بعيونها :همممم
علي ابتسم وقرب اكثر منها ونزل لــها بحيث كان صدره عليها وصار يلعب بشعرها مرة ويلاطف وجهه مرة ثانيه: سارة يالله قومي الدنيا صبآآح ...
سارة حست بشي عليها قلبت على ظهرهآ وعلي بعد قام عنها وثبت ايدينه على السرير حيث سارة صارت بين ايدينه وفتحت عيونها ولقت علي مقاابلها وابتسمت وهي تحك عيونها : صبآحك سارة ..
علي ابتسم ورمش بعيونه : صباحك علي .. ((ورفع ايدينها من على عيونها ومسكهم)): يالله قومي ترووشي ..
سارة ابتسمت : ان شاء الله ..((عدلت جلستها وتذكرت الي صار البارح وابتسمت)) : ..........
علي يناظرها ويتأملها وكل ساعه مايدقق النظر على شي من ملامحها تعلقت عيونهم ببعض .. علي همس : أحبك ..
سارة نزلت عيونها عن عيون علي وناظرت لصدره ومسحت على صدره باطراف اصابعها وبهمس: آنــا بعدك يبعثرني ..
علي نزل عيونه عن عيونها وصار يتأمل شفايفها وبلل شفايفه و قرب من سارة بيبوسها..بحركه سريعه من سارة وضعت يدها على شفته ابتسمت ..علي ابتسم ورمش بعيونه ونزل يد سارة من على شفته :وليه.!
سارة قربت منه وباسته بنعومه من شفته ..وبعدت عنه وناظرته : هذا الـــ ليه ..
علي ابتسم ومكيف عالآآآخر .. سارة:بقوم اتروش .((وقامت من السرير))
علي مسك يدها : مو الفجر متروشه ..!
سارة التفتت عليه ابتسمت : وانت هم الفجر متروش ..
علي ابتسم :انا متعود اتروش بغض النظر عن الــ ذاك الي ذاك ..
سارة عرفت قصده ابتسمت : وانا هم مثلك من عاشر قوم 40 يوم صار مثلهم
علي :ههههه
سارة ابتسمت ومشت عنه وراحت الحمام ((الله يكرمكم)) ..

بطـــــيارة ..
نوار : لجين ..!
لجين تضبط نظرتها : هممم ..
نوار : احس نهى حبآآبه ..
لجين : ايه .. هي شحليلها ..
نوار : آممم فكرتي اكثر ولا لازلتِ عند قرارك ..
لجين تنهدت بهدوء: مدري والله محتاره اهل سعود مرة حباابين وودي اقول ايه بس اخاف اندم وودي اقول لا وهم اخاف اندم..
نوار : مدري وش اقولك بس الله يكتب الي فيه الخير ..
لجين :ربك كريم .. الا بدر ماسمعت له صوت ..
نوار : جالس قبلنا بــ معقدين ..
لجين : آهــآ

باللـــــــــــــــــيل ..

بيت بوسعود ..

نهى طالعه من غرفتها وراحت لغرفة سعود وضربت الباب ..
سعود : ميين ..
نهى وقلبها يدق:أأأنـ ـ ـا
سعود ابتسم ابتسامه جانبيه : وش بغيتي .؟
نهى تنهدت بهدوء : ابغا اكلمك ..
سعود : ماعندي وقت ..
نهى :تكفى سعود بس بقولك حآآجة واذا خلصت بطلع
سعود فتح الباب واستند بجنب الباب وتكتف : آآطربيني .!
نهى منزله راسها : مايصير عــ الباب ..
سعود تنهد والتفت عالجهة الثانيه : لاحووووول
نهى ناظرته : اسمعني ياسعود تكفى ..!
سعود بنفسه : شكلها ندمآآنه الأخت .. بس لازم اقسى عليها .. عشان تحس بغلطها .. ولــ نهى : خير وش تبين .!
نهى :اقولك مايصير عــ الباب ..
سعود : أجل أجليه لوقت ثاني ..لاني ماني بفااضي لهذرتك .. ((وسكر الباب)) ..

نهى دموعها أنزلت ومشت بإنكسار لغرفتها وبنفسها : والله العظيم ندمآآنه ياسعود .. ليه مو راضي تسمعني ..
((ودخلت غرفتها وأنسدحت وطلقت العنان لدموعها وبكت )): استاهل الي يصي لي منك ياسعود ..لاني انا مصختهآآ بكلامي عن لجين واي احد بمكانك ماراح يرضآآ بلي قلته
شهقت ورفعت راسها فوق : آآآه ياربي ... تعباااانه ..
((وبكت بكت لحد مانامت))..

بيت بوتركي .. بصـــاله

سارة : اول غياب لي يوم السبت ..
اريام ..: ههه حتى انا غايبه اليوم ..
سارة بخبث: اعترفي يااخت ليه غاايبه .؟
اريام رفعت حاجب: لآآ ياشيخه .. انتي هم اعترفي ليه غاايبه .!
سارة تبتسم :هه ..آمممم انا تعباانه ..
اريام ابتيمت :هه عن العياااره اقول مبين على عيونك الكذب ..
سارة : اقول كثري منها .. حتى انتي اكيد غايبه عشآآن تركي ...... ((وسكتت))
اريام ابتسمت وكأن الوضع عااجبها : أقول بلا ماتنثبرين ..
سارة :هههههه انفضحتي ..
اريام : ايه مثلك ..
سارة : دبه..مايفوتك شي ..
اريام : هههههههه

بــ ألمانيا ..

بدر : لجين ترى من بكرة راح تبدأ فحوصااتك
لجين :ايه عادي ..
نوار : يالله ان شاء الله ربي مايخيب أملك..
لجين : ان شاء الله .. يالله عن اذنكم بدخل ارتاح اشووي ..
بدر ونوار : اذنك معك ..
((ودخلت لجين عــ الغرفة ترتاح)) ..
بدر مسك يد نوار : أشتقت لك وربي
نوار ابتسمت : هم انا اشتقت لك موت
بدر قرب منها وبااسها من خدها : أحبك ..
نوار ابتسمت نزلت راسها وبعدها رفعته : آمممم وبعد.؟!
بدر على وضعه وكل ساعه مايبوسها : أموت فيك ..
نوار تلعب باصابعها على يد بدر : وبعد.؟!
بدر : اقول بلا طمع ..((ومسكها من يدها وراحوا عــ الغرفه))

^_*

بيت طلال ..

الكل بصاله هو وخوااته ..
شهد : آممم انا اشوف يكون الشهر الجاي ..
ريم : لاتنسين ياشهد .. أن اختها مساافره وهم اعيال عمتها ..
شهد :صح نسيت ..
ازهار : بعد مانخلص السمستر ..
طلال مبتسم : هآآ .. خلصتوا ولا في ارااء ثانيه
شهد : طلال ياكرهك اذا صرت تطنز
طلال: هههه مدري عنكم كل واحدة طالعه لي بفنتق .. المهم الزواج راح يكون بعد شهر ونص ... يعني اختها واعيال عمتها جااين من السفر وماخذين نص شهر بعد ..
شهد : حللو
ريم : انا مهااك
ازهار : آمممم مدري عنكم ..
طلال وقف: خلاص بعد شهر ونص انا بكلم عمي الليلة وبكلمها .. وان شاء الله خير..

بيت بوتركي ..

بوتركي تو داخل سلم على سارة واريام وسلموا عليه وباسوا راسه ..
بوتركي : وين تركي وعلي ..؟
اريام : تركي طالع ..
سارة: علي اشووي ويجي ..
بوتركي : اها .. الا تركي ليه ماداوم هـ الثلاث الايام بشركه ..
اريام انحرجت من خالها : مدري ياخالي والله تركي مزآآجي وانت ادرى فيه من ناحية دوآآمته وانا انحرج لما اشوفك او تسئلني ليه مااداوم ..
بوتركي ابتسم : لا تنحرجين ولا حآآجه وانا عارف ان تركي لعااب ..ههه ..بس قلت يمكن في ظروف وانا مدري عنها فــ قلت اسئلك ..
اريام ابتسمت : تسلم خالي لا ظروف ولا حآآجة ..
بوتركي : الله يسلمك ..
رن جوال سارة .. : هلا ..
علي : هلا فيك ..انتي بالبيت ..
سارة ابتسمت : وين بروح مثلا ..
علي : هه اتأكد بس ..
سارة : طيب ؟؟!
علي : المهم اشووي وأجي ..
سارة : عمي هنآآ وسئل عنك و عن تركي .
علي : طيب دقايق وانا عندكم ..
سارة : طيب
علي :سلام
سارة : مع السلامة ..

بوتركي : هآآ بيجي الحين .؟
سارة ابتسمت : ايه ..
بوتركي : اشتقت لجلستهم معي واشتقت لجلسة حور واروى ..
اريام : هذا من طيبك ياخالي ..
بوتركي : من زمآآن عن جلستهم ..
سارة :معذور ياعمي .. شركة واشغال وعفسسه ..
بوتركي ابتسم : هه صادقه ..

ببيت بويوسف .. الكل متواجد بصاله عدا اروى

بويوسف : طلال كلمني
نور ابتسمت ونزلت راسها :...........
أم يوسف: طيب .؟
بويوسف: كلمني عن موعد الزواج ..
يوسف : طيب ..
بويوسف: قال يبغااه بعد شهر ونص ..
ام يوسف: حلوو
فارس ناظر لــ يوسف: ماتصادفك رحلة ..
يوسف رفع حآجب : مدري ..
بويوسف: انا عطيته كلمة وقلت له خلاص توكل على الله ..
حور ناظرت نور وابتسمت : الله يوفقكم ان شاء الله
نور ابتسمت : تسلميين ..
فارس : يالله ربي يوفقهم يستاهل بووليد ..
الكل : الله كريم..

ببيت بوبدر ..

أم بدر جالسة بصاله وتفكر بــ خالد وبنفسها : آآه ياولدي .. خلااص ماعاد اشوفك .. احس قلبي يشعل نار على فرقااك
أنزلت دموعها وصارت تتذكر ايام خالد وجا بباله يوم احتفلوا معاها اعيالها بعيد الأم .. صارت تتذكر حركات بدر ووجود خالد

{{خالد: والله طلعت روحنا على بال ماخططنا .
بوبدر: الله يخليك يام بدر ونحتفل به ان شاء الله كل سنة ..
مريم : تسلم بوبدر .. الا صج مافي عيد الأبو
لجين :هههههه قلت لهم خلاص .. اسويها موضة والكل بيحتفل به بعدين ..
الكل :ههههههههه}}

وصارت تمسح دموعها وبصوت منخفض: الله يرحمك ياخالد .. العيد الجاي ماراح تكون موجود .. بفقدك ((ورجعت لذكرياتها مرة ثانيه))

{{مريم : اشعندكم وراء الحديقة .؟
خالد : لا في شي غريب نبيك تشوفينه استغربنا كثير يوم شفنآآه
بدر كاتم ضحكته :.....
لجين : يالله يمه تعالي شووفيه ..}}
((ابتسمت ابتسامه باهته يوم تذكرت انهم كانوا واضعين الهداي وراء الحديقة وبنفسها)) : يارب ترد لبنتي بصرها .. وترحم ولدي وتسكنه بجنتك..

بيت بوتركي ..
علي : بكرة يبدأ الدوام صح ..
تركي :ههههه الله يعينك يادكتور
علي يبتسم: تطنز وي خشتك
تركي : ابد ..
بوتركي : يالله عساك عــ القوة .. وان شاء الله غيرك يتعلم منك((ويناظر تركي))
تركي يبتسم: هآآ بوتركي اشوف الآآيه انقلبت علينا ..
علي يطقطق اصابعه: اعلمك تعلم مني ..
تركي يكش عليه مبتسم: مالت بس وااثق حدك..
علي : انثبر ..((ووقف)) : يالله تصبحون على خير ..
بوتركي وتركي:تلاقي خيير ..
علي مشى من عندهم وصعد الدرج.. وجلس تركي حكي وسوالف مع ابوه ..

علي وصل قريب الجنآح وفتح الباب استغرب ماشاف سارة بــ صاله وقرب من غرفة النوم وسمع صوت طرب والغرفه كانت مفتوحة دخل وقف عند الباب وسارة ترقص ومو حاسه ان علي موجود لانها كانت معطى الباب ظهرها
قرب علي منها بس من دون لاتحس ورفع شماغه من على كتفه ..وماحست سارة بــ علي الا ساعة ماربط شماغه على خصرها وهمس لها : يابنت انتي خطييره
سارة جمدت مكانها من حست عليه ماتحركت اما علي جلس عالأريكة ويناظرها وغمز لها : وريني اشووف ..
سارة نزلت راسها مستحيه وتلعب باصابعها: من متى وانت هنآآ ..!
علي يبتسم بروقآآن وبروود : آممم تقريبا من 5 دقايق ..
سارة على وضعها : طيب .؟؟!
علي :هههه طابت انفااسك .. ارقصي ولا ماأستااهل ..!
سارة وضعت يدها على شماغ بتفكه بس سبقها علي راح لعندها بسرعه :لالالا وشو تفكينه .. ارقصي اشووف .
سارة رفعت عيونها بعيونه وابتسمت ابتسامه تثير علي : لما ارقص ماحب اربط شي على خصري ..لاني ماعرف ارقص وشي ماسكني ..
علي جن جنونه على ابتسامتها باسها بعنقهآآ بهدووء وروواق :ربي مايحرمني من هالمبسم ..
سارة بعد مابعدت ايدين علي وفكت شماغ من على خصرها قابلت علي ولفت ايدينها على رقبته وهو لف ايدينه على خصرها ..سارة بدلع : برقص بس انت تختار الأغنيه ..
علي غمز لها : تآآمرين ..

>>يتبع تكميلة البارت مساءً ..

تحيآآتي

خآنتني أحاسيسى