ببيت بوبدر ..
بوبدر: هآآ ارسلت التقارير لاستشااريين بألمانيا ..
بدر : ايه يبه اليوم مريت المستشفى وخليتهم يرسلونهم عـت المانيا
بوبدر: يعطيك العافيه ماقصرت ..
ام بدر: ومين بيروح معها
بدر: الله يعافيك .. انا بروح معها وباخذ نوار معااي ..
بوبدر : ايه بدر يكفي ..
ام بدر :كان ودي اكون معها بس يالله انتوا تكفوون وتوفوون ((وابتسمت))..
بدر : تسلمين يمه ..
أم بدر: الله يسلمك..
بيت أهل طلال ..الكل بصاله ..
ازهار : مايصير تمشين نور قبل تتعشين عندنا ..
ريم : عدل كلام ازهار
نور وهي تلبس عباايتها : لا تسلموون بس تأخرت عالبيت الساعه 12 ..
شهد : طيب تو خير ..و بكرة مافي جامعه .. وجآ مسج لجوال شهد (( ياخي ماصارت تنفذون خطتكم)) المرسل :أخوي طلال ..
شهد تنفذ الخطه : اقول نور معليه تتحجبين لان نادر بيدخل هنآ بياخذ كم غرذ من غرفتي بوديهم بيتي ..
نور ابتسمت : ان شاء الله ..
ريم كاتمه ضحكتها .. ازهار مستغربه لانها ماتدري عن الخطه حآآجة .. وشهد شافت طلال يطل من الدرج وغمزت له ينزل .. ونزل من غير لايطلع صوت خطوااته وتحنحن :آحم
نور كانت منزله راسها وتلعب بجوالها لانها كانت مستحيه من زوج شهد الي كذبوا عليها وقالوا ن بيدخل وفكرته هوو لانها ماناظرت للباب اذا انفتح اولا وبنفسها: والله استحي خل ارسل لعبود يجي ..توها بترسل ..
الا سمعت : تو مانور بيتنآآ يانور ..
قبل لاتلتفت حاولت تتذكر الصوت وتذكرت ان صوت طلال التفتت وعيونها طاايرة من الي سمعته والي شافته طير عيونها اكثر ..وقفت على رجولها وقلبها يدق طبوول وبنفس الوقت انصدمت وانقهر وبنفسهآ: ليه ياطلال ماخبرتني بجيتك ليه سويت فيني كذا ..((لكن حاوبت بقد ماتقدر ماتبين للبنات حآآجه)) .. راسها منزلته مو قادرة تحط عينها بعينه
مستحيه منه حد الجنون اول مرة يشووفها وبنفسها: يعني طبختوها ياخوات طلال والله لأوريكم ..
طلال كان يتأمل ملامحها بيااضها انفها شفتها يتأمل كل حآآجه فيها كان كاتم ضحكته على خجلها وبنفسه : تهبلين يانور .. ولــ نور :اخيرا شفتك ..
شهد : طبعا احنا الي طبخنآآها
نور التفتت على شهد وتناظرها كأن تقولها ادواك عندي ..وشهد كاتمه ضحكتها..
ازهار: الحين عرفتي ليه ابغاك تجين .. !
نور ناظرت لأزهار وكأنها تقولها الايآم بيننآآ..
ريم :ههههههه والله كل هذا من تحت راس ازهار وشهد انا مالي يد صحيح خططت بس مو كثرهم
نور تناظرها وكانها تقولها طييييييب.!!!
طلال :عذرا يانور اذا سببت لك اي احرااجات لكن كل مافي المسائله حبيت اشووفك لاني ابجد ماعمري شفتك..
نور منزله رااسها وبعدها ارفعته ونزلته بسرعه وبنفسها: والله أحلى من الصورة بكثيير ياطلال بس الي قاهرني اتك خبيت عني جيتك .. وسرحت بعالم طلال ..
دق جوال وانتفضت : نعم
ام يوسف: نامي احسن ..!
نور وهي تناظر الكل : طيب مااما الحين ادق على عبدالله ..
ام يوسف:انا وصيته يجي لك وهذا بيجي يااخذك الحين ..
نور :طيب ..
ام يوسف: مع السلامة..
طلال مسرح فيها وهي تكلم ..
نور:مع السلامة ..
شهد :هآآ بتمشيين ..
نور : عبدالله بيجيني الحين ..
طلال حس على نفسه :يالله عن اذنكم انا بصعد ..
الكل عدا نور :اذنك معاك ..طلال مقدر وضعها وموقفها بما ان اول مرة تشووفه وكانت مفاجئة لها ..
ازهار صارت ماسكة كتف نور وهم جالسين عالكنبه : نور تكفيين لاتزعلين ..
نور ابتسمت : انا موزعلانه بس والله لو أنكم مخبريني عالاقل ابجد تفآجئت .. واهم شي ان رجع بسلامة هذا منى عيني ..
طلال كان وقف عند الدرج وسمع الكلام كله ..وابتسم وبقلبه :يالبىآ روحهآآ لايق عليها التنرفز ..ههه
شهد وريم : ربي يتمم على خير يارب
نور : اقول كل وااحدة منكم دوااها عندي بس اصبروا علي ..
الكل :هههههههه
نور ابتسمت : ماالت ..
(( وجا عبدالله وطلعت بعد ماسلمت على خوات طلال ... وبعد تص ساعه الكل عرف خبر وصول تركي وشفاائه من المرض بفضل الله والكل فرح فرحة ماتنوصف))..
بجناح علي وسارة..
علي صحى من نوومته وناظر جهة سارة ماشافهآ وبعدهآ شغل انارة الأبجورة وتو بيقوم الا لفت نظره الدفتر الي على الكومدينه مسكه وقرأ المكتوب (( حبيبي انا صحيت من النوم ولقيتك نايم ماحبيت اصحيك حبيت اخبرك اني عند اريام اذا بغيتني خبرني
"أحبك")) ابتسم علي ابتسامه جانبيه وتنهد بروواق:آآه وش اقول .. وانا احبك ياسارة .. بس جنووني بسبب هالورقة الي ماني عارف وش قصتها .. لازم اعرف قصة الورقة هذي ومن دون لاتدرين انها عندي ياسارة ((ونآظر لدفتر وصار يقلب فيه بين ايدينه وجآآت بباله فكرة وابتسم ابتسامه جانبيه.. وبعدهاقام من على السرير)).. وغسل وجههآ وبعدهآ طلع على الصاله ومافتح الانارات أكفتى بان يشغل الشموع الي موضوعه على الطااوله وبعدها راح لدرج وطلع مجموعة سيديات ووضعها عالكنبة وجلس .. يدور ويعفس فيهم على موسيقى راايقه ..:وأخير لقيتها ((وقام شغلها ورجع عالكنبه وضع ايدينه وراء راسه وغمض عيونه وصار يسترسل مع الحان الموسيقى))..
سارة واريام دآخلين جوو مع الفلم .. وطاحت عين سارة على الساعه .. : بل .. الساعه 1 وتوني أحس..
اريام ناظرتها ورفعت حاجب: الي يسمعك الحين بشاارع
سارة ابتسمت ووقفت وتلبس عبايتها :لا ياعمري مو بشاارع بس انا مو متعودة اترك علي ولا اسئل عنه ..
اريام : اكيد لازال نايم
سارة :هههه اكييد لآن لو كان صااحي كآن دق علي ..
اريام :أوه أوه حركآآت .. والله مو سهل علي
سارة وهي تضبط شيلتها :ههههه الله يقطع سوالفك .. يالله مع السلامة والمرة الجآية عليك الجية
اريام وصلتها لعند الباب : الله يسلمك ..ان شاء الله ..
طلعت سارة من جنآآح اريام على جنآحهم .. تو عند الباب استغربت من نور الشموع وصوت الموسيقى الراايقة .. وبنفسها: معقولة علي صحى .؟!
قرت اكثر لحد ماوصلت عند الكنبه وشافته على وضعه من اول ماجلس علي حس بخطوواتها بس مافتح عيونه برغم دآآخ من ريحة عطرهآ وبنفسه : آآه ياسارة اشتقت لك موووت ..بس اكااابر لاتفكريني اصدك والي خلقني احبك..
سارة خنقتها العبره من شاافته صحى رفعت راسها وغمضت عيونها واخذت نفس من شان لاتنزل دموعها وبنفسها : آآه ياعلي ليه تحرمني من هالأجواء معك ..تدري أني مووت احبك وأحب اشاركك حياتك بكل شي .. ((مسكت نفسها بقد ماتقدر )): عــلي..
علي من دون لايفتح عيونه : نعم ..
سارة تتصنع الابتسامه وهي من دآخل مقهورة : من متى صااحي ..؟
علي على وضعه : من نص ساعه ..
سارة جلست جنبه وسحبت ايده من وراء راسه وفتح عيونه.. وابتسمت ودااخلها الم : أحبك علي ..
علي سحب يده ووضعها على خدها وصار يلاطف خدها باصابعه وقرب من اذنها وهمس :انتي لي وحدي ..
سارة تلاشت ابتسامتها ووضعت يدها على خد علي وصارت تلاطفه : أكيد حبيبي ..في أحد قال غير هالكلام
علي من شان لايخليها تحس بحآآجه ابتسم ابتسامه بااهته: لا .. والي يقول غير كذا ..أنحره هنآ .
سارة ابتسمت وعلى طول حضنت علي وتحس ضلوعها تشابكت بضلوعه ..:آه ياعلي بعدك مووت يذبحني..
علي يضمها اكثر له ويستنشق ريحة عطرهآآ وبنفسه : أحبك ياسارة ..بس تحمليني لحد ماتأكد من الي ابيه.. تحملي كل حآجة تصدر مني ..
ببيت بويوسف .. بغرفة نور..
فاتحه لاب توبهآآ .. وأثناء ماهي تكلم صحبااتها لفت انتبهاها تسجيل دخول طلال .. طبعا ماكلمته ولا هو كلمها .. ضلوا 10 دقايق ..
طلال: هلا بالنور..
نور : اهليين
طلال: شخبارك .؟
نور:ابخير الحمدلله ...
طلال بنفسه :بل شكلها زعلانه .. ولـ نور : باينتك مالك خلق ..!
نور : لا من قال .؟
طلال: ((فيس مبتسم)) :أنا اقول ..
نور : .................
طلال: اشفيك أجل .؟
نور :...............
طلال: نور أنا أكلمك ..
نور:..............
طلال : ((فيس رافع حاجب)) : الي يكلمك عدم ..؟
نور : طلال بليييز لاتقول عن نفسك كذا .!
طلال ابتسم بداخله : طيب اشفيك ..لايكون زعلانه من الي صار ببيتنا ..؟
نور : ليتني زعلانه من الي صار ببيتكم بس مقهورة منك ياطلال..
طلال باستغراب : أنــــــــــــا.؟
نور: ايه .. أجل تجي من بريطانيا ولاحتى خبرتني .. انا انصدمت ..انقهرت بس مابينت لخواانك وربي قهر الي احبه واموت عليه يجي وانا آخر من يعلم ..
طلال تنهد وبنفسه : ياالله انك تفرجها .. ولـ نور : حبيبتي نور حبيت اسويها سبرايز..
نور : ................
طلال: هآآآ رضينآآ ..؟
نور : مو بسهوله ذي ارضى ..!
طلال: النور .. أنا أحبك ..
نور : هم أنا بس ياطلال والله انقهرت يوم شفتك وفوق كل هذا الخواات العزيزات مفاجئيني ..
طلال ضحك على كلمتها((الخواات العزيزات)) ولــ نور : طيب انسي كل هذا ..بس اشراايك فيني .. مافرحتي بردتي .. وعلى فكرة هم انا زعلت .. الحمدلله على السلامة ماقلتيها لي..!
نور :لا ياشييخ .. انا اول مرة اشوفك وانت بعد ومستحيه بقووة يادووبني كلمت امي بوجودك .. ويكفي اني منقهرة من جيتك المفاجئة..
طلال : أحبك
نور هالكلمة طفت نور غضبها : ((فيس خجول)) وأنا احبك ..طلال تكفى لاتعيدها..
طلال: ياقلبي عليك ..لاتخافين ماراح اعيدها .. اساسا بعد اسبوع بملك..
نور : .............
طلال: افهمم منك رااضيه
نور بدلع : طلال .. لاتحرجني
طلال: ههههه فديتك ..
نور: قول أي حآآجة من زمان عنك بالمسن
طلال: عندي كلام كثيير ابغا اقولك اياه بس قبل كل حآجه اشرايك بالمفاجئة ..؟
نور:وربي تهبل .. انا فرحت بشووفتك بس بنفس الوقت انقهرت انك ماعلمتني عليها بس خلاص الكلام مامن فايدة الحين
طلال: والله حتى خواتي تفاجئوا اول مادرى تركي ..لاني حبيت افآآجئ الكل ..
نور : خطيير ياطلال..
طلال: مو انتي خطيبتي
نور : والله أحبك ياطلال .. آممم الحمدلله على السلامة >>تو الناس
طلال: ههههه الله يسلمك وتعترفين بعد..
نور :^_^
في صباح اليوم الثاني ..
بجنآح علي وسارة ..
علي صحى من نوومه قبل سارة على طول دخل الحمام((الله يكرمكم)) وتروش وبعد ربع ساعه طلع وكان لاف الفوطه على خصره وسارة لسا ماصحت قبل يلبس على طول تذكر فكرته الي البارح راح لدفتر الي كانت سارة كاتبه فيه له انها بتطلع عند اريام وطلعه من الكومدينه
وراح عند اول صفحة ومسك القلم وكتب ..............
وبعدهآآ راح عند الدولاب يلبس ملابسه الا بجلسة سارة على طول ناطرته وابتسمت له وبنفسها: الله على شعرك المبلول وسكسوكتك المضبوطه صح .. طبعا مانتبه لها علي لان كان يلبس ماحس الا على صوت خطوااتها وقفت ورااه والتفت عليها علي وتعلقت عيونهم ببعض ..
علي يناظرها من غير لايبتسم ويحس قلبه ظاامي له شوق وحنين وده يضمها ويبووسها بس لازم يتذكر موضوع الورقه ويعكر عليه صفو حياته مع سارة .. سارة تناظره مبتسمه وعيونه تلمع حب وشوق لــ علي بصوت مبحوح من النوم: صباحك سارة..
علي على وضعه وبهدوء: صباحك خير ..
سارة بنفسها : ياربي اشفيه علي متغلب معاي من امس وان حاسه بهالاحساس بس اكذب احساسي ..
ماصحت سارة من سرحاانها الا على صوت علي : انا طالع .. سلام ..((ومشى من عندها ))..
سارة وقفت مصدومة مذهوله مقهورة من تصرف علي دموعها سالت على وجنآتها وبصوت منخفض: ليه ياعلي كل هذا ليه ..انا وش سويت .. وش قصرت معاك فيه ..! حرآم عليك تعذبني ... عذابك يكسرني بالحيل ..
رفعت راسها بألم وغمضت عيونها : ياربي أنك تسخره لي انا مووت احبه ماقدر اعيش من دونه .. "ونزلت راسها وفتحت عيونها:أنا وااثقه بأن علي يحبني بس ليه تغير اسلوبه وتعامله فجآئة ,..!
وبعدهآ دخلت الحمام ((الله يكرمكم)) وتروشت .. وبعد ربع ساعه طلعت والبست لها بنطلون جينز بلوزة رسمية لونها أبيض كلر مرة عريض وطويل وفيها ازاريروربطت شعرها ذيل حصان وتركت قذلتها على جنب ونزلت خصلتين على جنب ((طالع شكلها أوووبهآآآ)) وبعد ماضبطت حالها راحت عند السرير ترتب الديباج وراحت جهة علي ترتبه عدل خلصت بتطلع الا لفت نظرها الدفتر ولقته على نفس الصفحة الي كتب فيها علي .. تقرأ الي كتبه علي (( صباح الخير .. هذا الدفتر معظم الأوقات بيكون بينآآ ... اكيد فهمتي وش اقصد ولا تسئليني ليه واي شي حآبه تخبريني به حآل غيابي كتبيه .."وبنهاية كتب" Ali.. سلام)) انقهرت موت وبنفسها:لا هذا مو علي .. انا متأكدة مو علي الي كاتب كذا" وتنهدت :آآآآه ياعلي ..ليه مصر تعذبني ..وربي احبك
دمعت عيونهآ وهي تقرأ الكلام مرة ثانيه وثالثه وبصوت منخفض: أنا احبه ولازم اصبر واكون اقوى من الظروف .. انت لي ياعلي مهما كانت الظروف ..لسا مانخلق الي يبعدك عني ..
مسكت القلم وكتبت لــ علي بدفتر ..........
وبعدها دقت على اريام وتأكدت ان تركي مو موجود عشان لاتلبس حجابها ..بس نزلت عباايتها للأحتياط ..
وجلسوا اريام وسارة فطروا مع بعض ويسولفون ويحكون عن الجامعه وعن احوال البنات وربعهم ..
اما علي كان عند البحر كان مستند على سيارته وتنهد بهدوء:آآآه منك يالحب عذبتني قبل ورجعت تعذبني الحين .. تذكر ايام خطوبته لسارة .. واسترسل مع ذكرياته لحد ماوصل يوم سارة تتأخر برد بموافقتها على علي
وبنفسه : ياترى ياسارة هذا دافع من الدوافع الي انا شاك فيها ولا شكي مو مكاانه "بعدها نزل نظارته على عيونه الي كان رفعها على شعره وصار يتمشى عـ البحر ويفكر اشلون يووصل للمربط الي راح يوضح له قصة الورقه "..
بجناح حور ويوسف ..
يوسف يبتسم من بين اسنانه:تكفين حور سكتي حمود
حور كاتمه ضحكتها: هذا لسااتنا بالبدايه..
يوسف :ايه مو الله يعيني على بعدين ..
حور:هههه يوسف هذا الاطفال مانقدر نتحكم فيهم
يوسف: عارف اساسا من قال ان احنا الي نتحكم فيهم هم الي يتحكمون فينا
حور :هههههه والله أحبك وحتى وانت بقمة عصبيتك ..
يوسف قرب من عندها وبخبث:والله لو تصرفين محمد عند أمي تسوين فيني خير
حور نزلت راسها :آآحم .. بس يرضع وأعطيه الخاله ..
يوسف على وضعه : ننتظر ماورانا شي ..
بجناح فارس واروى ..
فارس : طيب وليه ماتروحين مع نور
اروى : يافارس ياحبيبي نور موعد محاضرتها الساعه 8 ونص وانا 7 ونص ..
فارس تنهد : بكرة يصير خير
اروى بقهر:فارس اسفة اذا ثقلت عليك ..
فارس ابتسم ومسكها من اكتاافها : لا عمري ماثقلتي وبلاه هالكلام .. بس انا بكرة ماقدر اوديك
اروى : طيب اذا ماتقدر عادي اسحب على محاضرااتي
فارس يقرص خدها بالخفيف: لاا لا مو على كيفك .. خلاص اوديك بكرة احاول بقد مااقدر أتأخر على مشوااري..
اروى ابتسمت وباست فارس بخده : الله يلوم من يلومني بحبك
فارس ابتسم وباسها بخدها ورفع راسه فوق:آآمين
اروى وفارس:ههههههههه
عند نوار وبدر ..
بدر :اشفيك نوار ..
نوار:لا بس احس راسي يعورني ..
بدر رفه ايدينه مبتسم :يالله يارب انها حامل..
نوار ضحكت عليه : ههه وانت ماعندك وقت من اقولك راسي .. تقول يالله يارب انها حامل ..
بدر قرب منها : ابغا اصير ابو افهميني ..
نوار: آمممم بدر..
بدر: حياة بدر..
نوار: اشرايك اروح احلل ..
بدر يبتسم وميل راسه :اوووه اخيرا رافتي بحالي
نوار ابتسمت : آمممم تقدر تقول ونفس الوقت فيه دافع ثاني ..
بدر ببتسامة شاقة حلقه : وشو ...؟
نوار استحت : مو لازم اقول ((وتضربه عالخفيف)): بس تكفى قوم نروح المستشفى ..
بدر بخبث :لا ياعمر لازم اعرف ولا مافي ..
نوار استحت وبنفسها:يارب وش اقوله الحين.. ولـ بدر وهي توضع سبباتها على شفتها ومرة على جبينها بمعنى حايرة وتفكر : آممم يعني وش اقولك ..
بدر بخبث:قولي الي المفروض ينقال ..
نوار ابتسمت :يعني تعرف وشو مالاداعي اقوله قوم نروح ..
بدر :ياذي البنت المتحمسة .. لا وانا متوعد مانورح الا لما تنطقين وتقولين ..
نوار بنفسها:بقوله والي فيها فيها ""غمضت عيونها وسدت اذاانها مثل الاطفال "": تآخرت علي مرفت ..
بدر ميت ضحك هو عرف قصدها :هههههههههههههههههههه
مافتحت اذاانها وعيونها الا وبدر ميت ضحك : لا ياااشيخ ..تبيني اقول عشان تضحك
بدر وهو يضحك : اما مرفت اسمها حلوو ..
نوار : اقول قوم ولا انا الي اهون ..
بدر وقف :لا مو على كيفك وقومي البسي عبياتم ورفع ايدينه واستقب القبله :يالله يارب ان شاء الله ((وناظر نوار الي واقفه بوجهها بنص عين وكاتم ضحكته)): مرفت ماتجي الا بعد حمل وولادة نوارتي
نوار استحت ونفس الوقت راحت وضربت بدرعلى صدره :لازم تحرجني لازمم..
بدر :ههههه يالله انتظرك بسيارة ولا ترى هآآ((ووضع نفاتيحه على الظاوله)) :اخربهآآآ
نوار اعرفت قصده : ياحبك لغرفة النوم انت
بدر بخبث: ترى الحين اجي وراك ولافي رووحه للمستشفى
نوار استحت :بــدر ..يكفي والله استحي
بدر كاتم ضحكته:انتظرك بسياارة ..
بيت بوتركي ..
فتحالباب علي وتحنحن واريام البست حجاابها وبعدها دخل ..: السلام..
اريام وسارة :وعليكم السلام ..
سارة : تعال افطر ..
علي يبتسم من غير نفس: شكرا.. مالي نفس ..
سارة اكتفت انها تبتسم عشان لاتحس اريام بحآجه :..........
علي : عن اذنكم انا صاعد ..
سارة واريام : اذنك معاك ..
صعد علي .. اريام : احس علي غير صاير ..فيه حآجة ..؟
سارة تتصنع الابتسامه :لا لا مافي شي بس تعباان راسه مصدع وحالته حاله ..
اريام ابتسمت :ماعليه شر
سارة :الشر مايجيك ..
دخل علي الجناح وجلس عالكنبة بكل قووته وتنهد : آآه ياقلبي ..
الا بدخلة سارة عليه : سلامة قلبك ..
علي التفت على مصدر الصوت وبعدها رجع يناظر قدام بوت شبه مسموع : الله يسلمك ..
جلست سارة على كنبة بعيده عن علي اشووي ووتناظره وبنفسها: والله ياعلي ماراح تكون لغيري وكل مابعدت بقرب منك اكثر مهما كان ..
علي بنفسه من دون لايناظرها:احبها يانااس... والله أحبها .. بس الى الآآن مالقيت طريقه أتأكد من الي شفته ..
بالمستشفى ..
عند بدر ونوار ..
نوار تكلم بدر جوال : مدري احس خااايفه
بدر يبتسم :حبيبتي من وشو خااايفه ..؟
نوار : مدري بس احس قلبي يدق وتدري اني انا خواافه ..
بدر يبتسم اكثر: ان شاء الله حاامل ..
نوار تبتسم : ياالله مستعجل ..
بدر : شسوي أحبك وأحب الي يجي منك ..
نوار ابتسمت الا نآدوا اسمها:نوار محمد
نوار :بدوور بااي نادوا اسمي
بدر يبتسم: طيب بدخل معاك
نوار :طيب ..
ودخلت نوار وبدر عند الطبيبه ..
بجنآح علي وسارة ..
علي اثناء ماهو جالس بصاله تذكر الدفتر الي كتب لسارة فيه وبنفسه :اكيد اكتبت فيه خل اشووفه.. ((وقام من الصاله بحركة سريعه للغرفه ))..
سارة كانت تقرأ بمجلة حاولت ماتبين قهرها من تصرفاته الي متغيره فوق تحت .. التزمت الصمت وكتمت آهاتها وآآنتها ..وبنفسها: الله يساعدني ياعلي الله يساعدني هذا الي اقدر اقوله ..
دخل علي عـ الغرفة ومسك الدفتر بين ايدينه وفتح على الصفحة الي كتب فيها ..لقى سارة كاتبه فيها ..............
(( يتبع التكمله .>> مدري متى انزلها بس ماراح أتأخر عن الليلة)) ..
وعذرووني اذا البارت قصير ..وعارفة اني مقصرة مـــرة ...
فديتكم أنـــــــــآتحيآتي
((خآنتني أحاسيسي))..
|