في صبــــآح اليـــــــــــــوم الثاني ..
علي : سارة حبيبي كفآآية نوم قومي ..
سارة : والله مانمت بدري تكفى خلني انام ..
علي ابتسم : طيب .. انا أجلس لحالي ..
سارة : ارجع نام
علي: لااا ياشييخه حلولك جآهزة .. المهم انا بطلع اجل
سارة : طيب سكر النور معك ..
علي :تآمرين عمتي..
في بيت بوبدر..
بوبدر ماسك الكرسي المتحرك: تو مانور البيت ..
لجين : منور بوجودكم يبه ..
بوبدر: بس انتي نور هالبيت يالغاليه..
لجين ابتسمت من غير نفس : لا تكذبون علي كثيير ..
بوبدرتنهد: يالجين ياحبيبتي خلي أملك بالله كبير.. ان شاء الله اذا تجبرت ايدك ورجلك تسوين العمليه وترجعين مثل ماكنت باذن الله
ام بدر : لجين سمعي كلام ابوك .. ووالله مابتخسرين حآجه
نوار: وعلى فكرة نص علاجك نفسي ..لازم تكون نفسيتك متحسنة ..
لجين :والجامعه..؟
بدر: وش جاب طاري الجامعه الحين
لجين : يعني ماراح اروح جامعه
بوبدر: الا راح تروحين وتدرسين .. واذا حابه تاخذين وقف ..مستعد بمكالمه واحدة ومن غير لاتروحين تأخذينه..
لجين دموعها انزلت على خدهآ: يمه .. ابغا اروح لغرفتي ..
أم بدر قلبها انكسر على بنتها الوحيدة : ان شاء الله ..
بدر يبغا يلطف الجو : افآآآ كل هذا مليتي منآآ..
لجين ابتسمت ابتسامه باهته : بتملون مني بعدين .. وبنفسها: مدري محبة ولا شفقه ياخوي ..
نوار: اساعدك عمتي ..
ام بدر: لو ماعليك تعب
نوار: تعب لجين راااحه
لجين : تسلمين ..
نوار:ربي يسلمك ..
بوبدر: اذا ريحتي .. بكلمك بموضوع بيني وبينك ..
لجين : ان شاء الله ..
بالليل .. ببيت بوتركي .. كانوا متواجدين (( علي وتركي واريام وسارة )) بصاله
تركي : والله نفسي اروح البحر ..
علي: يالله قووم نروح..
سارة بهمس : هييي وانا
علي بهمس: اكيد معااي مايطيعني قلبي اروح واتركك
تركي: والله أثبت لي الحين انك نسوانجي .. تراعي حقوق الحرمة بشكل مبالغ فيه
علي ابتسم ابتسامه رايقه : وش حارقكك أنت ..!
سارة انحرجت من كلام تركي نزلت رراسها وصارت تلعب بصابعها:..........
اريام بهمس من بين اسنانها: تركي تكفى .. البنت انحرجت ..!
تركي بخبث همس: لاتخليني ارتكب فيك جريمه ((وغمز لها))
اريام استحت : ياالله منك ماتستر ..
تركي :هههههه
علي رن جواله : المهلي مايولي ..
فارس: اقول لاتسوي فيها ذرب وي خشتك ..تعال لي ..
علي : وين ..!
فارس: ههه حي الفيصلية .. صقعت بسيارتي
علي وقف : ماصار لك شي ..
فارس: ههه لالا لاينط لك عرق .. ماصار لي شي ولا لأختك شي ..
علي : طيب طيب جآآي عندك ..
فارس: أنتظرك ..
تركي: وش صاير .؟
علي: لا بس فارس دعم بسيارته ..
سارة اشهقت ووقفت ومسكت علي من تي شيرته : ماصار له حآآجه ..
علي ابتسم على عفويتها: لا ماصار له شي لاتخافين .. اشوفك نسيتي اختي
سارة :ليه هي معاه.؟
علي :اي بس ماصار لهم شي يالله تركي قوم نروح لهم ..
تركي اثناء مهم يمشون لــ علي بصوت منخفض: زين ماأغمى عليها من جبت طاري اخوها..
علي بنفس وضعه : اقول هييي هذي زوجتي لاتنسى نفسك
تركي : اقول مالت قال زوجتي قال .. وهي بنت عمي بعد صج نسوانجي ..
علي ابتسم ابتسامه جانبيه : آخرتك عشت مع حرمه يــالبرنسيس
تركي : افحمتني ينقال يالله خل نروح لــ نسيبك ..
في غرفة لجين ..
لجين :تفضل ..
بوبدر: شخبارك الحين ..؟
لجين ابتسمت :الحمدلله من الله ابخير..
بوبدر: والنعم بالله .. انا بدخل معاك بالموضع على طول من غير مقدمات ..
لجين: اسمعك يبه..
بوبدر: سعود ..
لجين جمدت بمكانها وتحس قلبها بيطلع من مكانه : ايه اشفيه .!!
بوبدر: الرجل شااريك ويبيك مثل ماانتِ ومهما راح تكونين..
لجين : طيب..؟
بوبدر : يعني راح تعيشين معاه وملكتم راح تتم بس لما تتحسنين جسديا ..
لجين :ايه يبه بس أنا عــ
قاطعها بوبدر: لاتنطقين هالكلمة .. انتي مو عميآآ انتي بصيرة بقلبك .. الله منور بصيرتك يالجين .. والعمى عمى القلب مو البصر ..
لجين اثر كلام ابوها عليها تأثير ايجابي: عدل كلامك يبه بس انا مهما قلت ماراح اعيش معه وانا كذا .!
بوبدر : وليه ..؟! وشو ناقصك..َ؟!
لجين : ضوى عيوني يايبه..
بوبدر تنهد: يالجين ..استثني هالشي دوري عذر ثاني حجه ثانيه..
لجين :هذا عذري يايبه مابي اعذبه معي .. هو بطريق وانا بطريق
بوبدر: فكري عدل .. وعندك مهله من هنآآ لحد ماتتحسن صحتك ..
لجين : ليه يبه تبي الفكه مني..
بوبدر انكسر قلبه وبنفس الوقت تنرفز : احد يبي الفكه من بنته ..عرضه ..شرفه ..!! بس انا ابغا لك السعادة .. ابغا تعيشين مثل اي بنت بدنيا
لجين: راح افكر بناءً على طلبك يايبه بس حط ببالك مهما تحسنت صحيا ورجعت اشوف ماراح اتحسن نفسيا لان موت خالد ترك اثر بقلبي لايمكن يروح حتى مع مر السنين ..
بوبدر ناظرها لثواني : طيب .. اذكري الله وترحمي عليه .. (( وطلع من الغرفه))
في حي الفيصليه ..
تركي : انا ابغا افهم انت وش جابك هنآآ
فارس ابتسم وناظر لعلي وهو يأشر على تركي: أهوووه انت وش جايب معك .. يعني حرآم اتمشى مع زوجتي
علي: ماعليك منه .. طيب وين الي دعمت معه ..
فارس: يكلم خوويه شووفه الي هناك((وأشر عليه))
تركي: طيب وش قال ..!
فارس: يقول لازم تجي المرور .. مع اني قلت له اعطيك الي تبيه بس بلاها المرور بنتأخر ومدري وشو
علي تكتف وتسند على السيارة : معليه ننتظر ..
تركي : طيب .. وشلون صار الحادث..
فارس: كنت اكلم جوال وصفطت عليه من دون لااشوف سيارته فــ مني الغلط ..
علي: الشرهة عليك مو لابس نظارتك ..
فارس :ههه اقول وي خشتك مو وقت مزحك ..
...: السلام ..
الكل: وعليكم السلام ..
...: خلاص اخ فارس بلاها المرور ..
فارس: طيب تآآمر حآآجه ..!
...: لا تسلم .. وعذرا اخرتك بالوقفة .. والسيارة شووفة عينك ماتأثرت ذاك الزود .. فــ خير ان شاء الله
فارس مد يد : طيب مع الف سلامة وماقصرت ..
...: الله يسلمك ..((ومشى من عندهم))
تركي : مالت اقول جايبنأ وبنهايه يقول حصل خير ..اجل عقابا لك أختي ترجع معاي بسيارة علي وانت وولد عمك انلطعوا بسيارتك
فارس ابتسم:لا ياشيييخ ..
تركي : جآك الخبر ...
علي: لا ويعطيك اياها على بلاطه بعد ..
فارس: خلاص اخذهآآ معك وحدك بيتكم وبعدين باخذها ورغما عنك
تركي : لاتتحدداني ماخليها تنام معك الليله
علي: اقول عن النذاله .. ويالله مشينآآ
تركي:لا اول حآجه يتحداني ولالا .؟
فارس:اتحداك وانا ولد ابوي
تركي : خلاص وانا اقبل التحدي..
فارس وتركي ضبوا كفوفهم بعض.. وعلي وفارس ركبوا بسيارة فارس وتركي مع اروى بسيارة علي.. : اقول تركي .. وش صار عن صاحب السيارة
تركي:تنازل وقال بلاها المرور ..
اروى: على وين ..
تركي: بيتنا
اروى:وفارس.؟
تركي : خايفه عليه .؟
اروى :اكيد ..
تركي: بينط عندنا بالبيت ..
اروى: حرااااااااام لاتقول بينط
تركي: ولا يهمك نصلحها.. بيهجم علينا
اروى بدلع عفوي ميلت راسها: ينقال عنك صلحتها وانت اساس عدمتها..
تركي:::ههههههه
ببيت بويوسف بصاله ((يوسف ونور وام يوسف وحور وعبدالله))
ام يوسف: يوسف الا هالفترة ماعندك سفراات .!
يوسف: الا عندي بس هذا صاادف وفاة خالد ولد عمتي واسامة خويي حل مكاني
ام يوسف: عدل..
حور: هآآ نور مستعدة ليوم السبت ..
نور: ههههه والله تقدرين تقولين ايه
حور:يالله الله يعينكم ..
نور:اووه من قدك تخرجتي
حور: بتخرج وكلها كم شهر وبنشغل بــ حمود الصغيرون
عبدالله : وليه ماتسمونه خالد..
الكل سكت .. وبعد ثواني يوسف: ودي ياعبدالله .. بس انا جازم على راايي يكون نفس اسم ابوي
عبدالله: عــدل
رن جوال نور والكل ناظر لمصدر الصوت قامت نور وخذته من على الطاوله وعلى طول راحت الحديقة : ياهلا بهالصوت ..
ابتسم : هلا بك زوود
نور : فديت اللهجة الأماراتيه من لسانك
...: أحبك
نور تحركت مشاعرهآ: انا مو بس احبك .. مشاعري مالها حدود تجاهك
...: آآه يانور
نور : سلامتك منالآآه ياطلال ..
طلال: فكرت بموضوعنا او بالاحرى الموضوع الي يحدد مصيرنا
نور قلبها يدق بقوة : .؟؟؟
طلال: أنا مو افق نكون تحت سقف واحد .. بس عندي شرط وآحد .
نور ببتسامة وتحس الدنيا مو سايعتها: آآمر.. تدلل ..قول .. اسمعك
طلال ابتسم على كلامها : تكملين دراستك بالجامعه وانا اتعالج وبعدهآآ اجي عندكم ونملك واشتغل بشركة خالي ..
نور تلاشت بسمتها:يعني ماتكمل درااستك ..
طلال يكح : مو مهم يانور .. انا المهم انتي .. وبعدين عادي هذا تركي درس وبنهايه ماتوظف
نور : لا ياشيييييخ وش علينا من تركي
طلال: اذا انتي وافقتي على شرطي اوكي مو موافقه خلاص نسكر عالموضوع >>عشان يبغاها ترضآآ
نور :لالالا خلاص الي تبغآآه وبعدين هذا مو شرط هذول شرووط بس معليه لجل عين تكرم الف عين
طلال : تسلمين حبيبتي
نور:الله يسلمك ويخليك ياربي
ببيت بوتركي.. الكل بصاله(( علي وفارس وتركي..وسارة واريام واروى))
تركي :لا عاد انا تحديته
اروى : اقول انتي وياه انا مو محط لتحدياتكم ..انام وين ماارتاح
علي:ايوآآآ جينآآ لمربط الفرس... وين ترتاحين اكثر
اروى استحت نزلت راسهآ : وين مايتراح فارس انا ارتاح ..
فارس لف يده على اكتافها : فديتهم ياربي..
تركي بصوت شبه مسموع: اقول لاتتهور لنا الحين
فارس: يااذا النشبه هذا الي بتوطى ببطنه الحين
علي :هههه والله انك انت وياه حفله ..
فارس بثقه: اهم شي انا كسبت التحدي
تركي يطنز: فرحآن مع عيونك
فارس مبتسم : منقهر مني هههه
تركي بثقه:ناقصني حلا انا ..!
سارة واريام بصوت منخفض لــآروى :اوه اوه حركآآآآت
اروى ابتسمت : هييي انتوا
سارة بصوت منخفض: والله دااهيه يااروى ..
اروى : احلفي عاد .؟؟!
سارة واريام :هههههههه
بعد مرور شهــــــــــــــــــــر على ابطاالنا .. وبداية طلال لممارسة العلاج ببريطانيا والكل عرف بقرار طلال ونور .. وتحسن لجين جسديا عدآآ عيونها طبعا ..
قبل الفجر بساعه.. بجناح حور ويوسف ..
حور : يوسف .. يوسف تكفى قووم سكلي بوولد
يوسف : حور حبيبتي يمكن مثل كل مرة مجرد آلام ونروح المستشفى ويقولون مافي ولادة
حور: لا هالمرة غير الام فضيعه تكفى آآآآآآآآآآآآآآآآآآآآآآآآآآآآآه ..
يوسف فز من نومته : طيب طيب البسي عباتك .. ((البست عبايتها وعلى طول ساعدها ونزلوا ركبوا السياره))
حور : تكفى عجل مو قادرة استحمل
يوسف: ياحور تحملي .. اشووي هذا انا امشي 160 مو بيدي
حور :آممممممممممم ياالله انك تساعدني آآآآآه
يوسف :تحملي قربنا نوصل ..
بعد 5 دقايق وصلوا المستشفى نزل يوسف ونادى للممرضه وعلى طول جابت كرسي متحرك وصعدوها على غرفة الولادة ..
يوسف كان ينتظر عل ماتولد حور .. مرت نص ساعه وهو متوتر ويحك ايدينه ببعض .. طلعت دكتورة : لوسمحتي حور عبد العزيز .. ولدت ولا لسآآ
الدكتورة: لا يااخ دآآنا مش الي اشرفت على ولادتها ..
يوسف بنفسه: ياالله انك تيسرها وتهون عليها الام الولادة ..
بعد ساعه طلعت دكتورة : لو سمحتي حور عبد العزيز..
الدكتورة ابتسمت : ولد زي الآآأمر ..
يوسف ابتسم ورفع راسه:الحمدلله يارب.. وناظر لدكتورة: طيب وهي زينه ..
الدكتورة: الحمدلله كويسه بس محتآجة لرآآحه بعد الولادة لازم تتهب شويآآ
يوسف : طيب .. يعطيك الف عافيه ..((طلع من المستشفى عــ البيت على طول ...وبعد مادخل البيت))..وقف عند الدرج وبصوت جهوور: يمـــــــــــــــــــــــــــه ..يبـــــــــــــــــــه ..
بويوسف لساته صاحي للصلاة وأم يوسف هم سبقها بويوسف وطل على يوسف من سور الدرج : خير اشفيييك .. صاير شي .؟>>تعقد خخخخخ
يوسف ناظر لأبوه على طول صعد وباس راس ابوه ويده : يبه صرت ابو ..
بويوسف الابتسامه شااقه فمه : مبروووووك يايوسف ..والله وصرت ابو
يوسف: ربي يبارك فيك ..
ام يوسف الي سمعت كلامهم جري على طول عند يوسف وبويوسف وحضنت ولدها: مبروووك يايمه .. يتربى بعزك ان شاء الله
يوسف: الله يباركم فيك يالغاليه ..
نور طلعت من غرفتها : ليه كل هالصرااخ لايكون احد مات .؟
يوسف ضحك على شكلها ..والكل:ههههههه
نور تناظر حالها:فيني حاجه تضحك ..؟
يوسف : لالا سللامتك بس مبروك عليك صرتي عمه ..
نور فتحت عيونها عاالاخر وفزت عند امها: صحيح يمه الي يقوله يوسف.؟
ام يوسف:ايه صحيح ..
نور :واااو وناااسه
((الكل سمع بخبر ولادة حور وكانت فرحة للكل .. ونساهم اشووي الأزمات الي تلقوها من قبل شهر ..))
ببيت بوبدر .. الكل بصاله ..
لجين : يالله يانوار مبروك صرتي عمه عقبالي ماصير عمة..
نوار استحت :ربي يبارك فيك..الله كريم ان شاء الله ..
بدر همس لنوار : أووه الي يستحون منزلين راسهم .!
نوار بهمس:بدر والله خف علي ماقدر
بوبدر: يابدر خلك على استعداد بوسعود وأهله بيجون عندنا اليوم
لجين تلاشت ابتسامتها ..وتغيرت ملامحها:............
|