(( البارت الرابع والعشرين))
بالمستشفى عند غرفة لجين ..
بوبدر : هذا غرفة بنتك .. دخلي لها ..
أم بدر نبضات قلبها سريعه : وأنت ...وبدر.؟
بوبدر: بندخل معك ..
أم بدر فتحت باب الغرفه ودخلت .. ورآحت عند لجين وأمسكت يدهآ لكن انصدمت من دموع لجين الي مو راضيه توقف عن البكي : لجين يمه اشفيك .. قولي لي انا أمك .. !
لجين رصت على يد أمها وتشاهق : يمه خلااص أنا عميه يمه خلاص ..انطفى نور عيوني .. ماعدت اشووف انا عمييت يمه عمييت ..
ام بدر صدمه لاتحسد عليها جمدت من كلام لجين وتحاول تبله ريقهآ:........
بدر راح عند أمه ومسكها من أكتافها من وراها: يمه خلااص اهدي ..لاتزيدين عليها شايفة انتي وضعها..
بوبدر انكسر قلبه على بنته وكلامها أثر عليه راح عندهآ ومسك يدها الثانيه : حبيبتي لجين الدكتور قال نسبة نجآح العملية 20% يعني ان شاء الله بتنجح العمليه
لجين على نفس وضعها: وشو نسبة ومانسبه .. انا ابغا نسبة اكيدة مابي احتمالات .. خلاااص انا انتهيت ((وصارت تضرب على رجولها بيدينها)) :ابي اموت خلاص وربي ابي اموت مابي الدنيا وشو فايدتي بلا نور عيوني
ام بدر دموعها تسيل على خدها وبصوت مرتفع: يمه لجين خلاص اهدي قطعتي قلبي .. موقادرة اتحمل..من وين الاقيها ياربي موت خالد ولا علة لجين ولا حرقة قلبي ..
لجين ماحست عبى كلام امها الا (موت خالد) اسكتت لجين والصدمه باينه عليها: يعني خالد مــ ــ آ آ ت
بوبدر حضن بنته على جنب : الله يرحمه ترحمي عليه يابنتي كلنا بنموت ..
لجين تصارخ :لالالا انتوا كذاابين خالد مامات .. انتوا اكيد مسوين فيني مقلب صح بدر .. صح يمه .. يبه قول مقلب قول قول .. خالد مامات صح لا مامات ..((وصارت تصفع روحها)) : انا الي تسببت في موته انا السبب
بدر راح لعندها ومسك يدينها: حبيبتي قضاء وقدر لاننا ولا انتي ولا اي احد له يد بموتة خالد ..خلاص ارحمي نفسك .. حرام الي تسوينه في حالك ..
ام بدر كآتمه آهاتها وونتها على بينتها وولدها وبنفسها:آآه ياربي كآآتمة آآهاتي وحرتي على ولدي وهالدوور بنتي .. من وين الاقيها ياربي من وين..!
بوبدر :أم بدر .. خليك بجنب بنتك .. ولا تتركينها واذا احتجتي اي حآجه دقي علي ولا على بدر ..
بدر : خلاص يبه انا بضل معهم لحد ماتهدا لجين ..
لجين بعد ماسدحها بدر بس دموع تنزل وعقلها وقلبها بعالم ثاني وصارت تتذكر حياتها مع خالد مزحه, ضحكه,لما كان يجننها, لما كانت تنرفزه ابتسمت ابتسامه باهته ماحد انتبه لها لانهم كانوا يتكلمون وبنفسها: آآه ياخالد ليتني رحت معك ولا اعيش عميآ ..عميآآ ....ودموعها انهارت أكثر))..
ببيت بوتركي ..
علي : الا وين أبوي ..
تركي: نايم ..
علي : اجل انا بصعد اريح واذا صحيت العصر اسلم عليه ..
تركي : علي
علي:هلا
تركي: ابغاك بموضوع ..
سارة :عن اذنكم اجل بصعد ..
تركي : لا لاتصعدين لازم انتي بعد تسمعين الكلام الي بقوله
علي انقبض قلبه وبنفسه : لا ياتركي تكفى مو وقته تقول موضوع طلال ولــ تركي: عن مين الموضوع .. ومن يخص.؟
تركي عرف قصد علي ان يفكر طلال : الموضوع عن خالد ..
علي استغرب .. وسارة هم استغربت علي عقد حواجبه : وشفيه خالد .؟
تركي : اذكروا الله .. قبل
علي وسارة :لااله الا الله .. قول تكفى وترتني ياتركي
تركي : بقولك لاتستعجل .. خالد ولد عمتي .. ((وصار يناظر علي مرة وسارةمرة ثانيه)): مات
علي فتح عيونه عالآآخر والصدمه باينه عليه :..........
سارة شهقت ووضعت يدها على فمها : .............
علي تنهد : ان لله وانا اليه راجعون .. ومن متى وكيف .؟
تركي : من 3 ايام حادث كان يسرع بجنوون .. بس أنا متعمد مااخبركم .. يكفي الخبر الي خبرتك اياه من 2 يوم ماسافرتوا..
علي ناظره كان يقوله لاتقول شي عن طلال: طيب انا بصعد ارتاح واصحى العصر عشان اعزي العم بوبدر وعمتي وبدر ..
سارة وقفت و دموعها بعيونها : طيب وانا بروح معك ..
علي وقف : خير ان شاء الله
تركي : صحيح نسيت اقولك ..كانت معاه لجين
سارة أجمدت بمكانها وقلبها وقف :...........
علي التفت و عقد حواجبه: لايكون ماتت .!!!
تركي ابتسم: اشفيك مشئؤم انت .. لا بس رضوض وكسور .. بالمستشفى منيمه البنات بيروحون العصر عندها
علي : ايه الحمدلله ..
سارة بهمس لهلي: وانا بعد بروح لها ..
علي تنهد : ياسارة يصير خير عــ العصر خليني اريح واوديك وين ماتبين ..
سارة : ان شاء الله ..
ببيت بويوسف ..
نور كعادتها بغرفتها .. تنتظر طلال يشبك ..
نور بصوت منخفض: ياالله منك ياطلال ناوي تعذبني .. وربي اشتقت لك اشبك ياولد الناس .. ((بعدها تعمدت تحط اووف لاين))..
ومسكت جوالها ودقت : هلا ازهار ..
ازهار: هلا والله ..
نور:اخبارك ..؟
ازهار: الحمدلله .. وانتي وش اخبارك .؟
نور : دآم اخوك يعذبني والله مو بخير
ازهار استغربت : ليه اشفيه ؟.!
نور : انتظره يشبك ولا شبك هذا 4 ايام .. والله أحاتيه ماتدرين ايش قد قلبي مشغول عليه ..
ازهار انبسطت من كلام نور : نور حبيبتي .. اكيد طلال مايبغآ يشبك عشان لايكلمك ولا تتعلقين .... ((اسكتت ماكملت))
نور : ايه كملي ياشيخه ... عشان لااتعلق فيه اكثر . خلاص انا تتيمت بطلال ..وراح نتزوج بعض حتى لو هو مايبغى .. انا احبه افهموني ..
ازهار انبسطت اكثر : نور .. انتي اثبتي لي انك قويه .. ومشاعرك صادقه بشكل ..
نور : تسلمين حبي ..طيب الحين انا ابغا رقم طلال .. ولا يدري ان انا طلبته منك طيب .؟
ازهار : ان شاء الله راح ارسله لك الحين ..
نور:باي
ببيت ابوبدر .. جالس يفكر باحواله واحوال اسرته والازمات الي مروا فيها اهله ماتوقع تمر عليه ازمات كذا .. رن جواله ..
بوبدر: الو..
...: هلا بوبدر وش اخبارك.. ؟
بوبد: هلا بوسعود اخباري... ((تنهد)): ماقول غير الحمدلله على كل حال ..
بوسعود حس على نبرة بوبدر : اشفيك بوبدر عسى ماشر صوتك مو عاجبني ..
بوبدر : لالا سلامتك اذا جيت من الامارات .. اخبرك..
بوسعود: اليوم ان شاء الله جااين عالدمام ..
بوبدر: توك 5 ايام مامدى الاهل يستانسون..؟
بوسعود: لا الحمدلله انبسطوا ان شاء الله اليوم انا عندكم ..
بوبدر : خير ان شاء الله ..
بوسعود: احساسي يقول فيك ازمه قويه .. انا ماتعودت على رفيق عمري بوبدر يكون بهالحال
بوبدر : انت تعال وراح اقولك على كل حاجه
بوسعود:خير ان شاء الله .. سلم عالاهل
بوبدر:يوصل..وانت بعد
بوسعود:ان شاء الله .. مع السلامه
بوبدر:مع السلامة
العــــــصر .. بــ جنآح علي وسارة..((الكل سمع عن رجعتهم))
علي تو صاحي من النوم تروش وطلع من الحمام (( الله يكرمكم))..كان لاف الفوطة على خصره .. قبل لايلبس راح عند السرير وجلس على طرفه جهة سارة .. وصار يمسح على شعرها بهدوء ويتأملها : سارة .. سارة
سارة بصوت مبحوح من النوم : هآآآآ
علي ابتسم على عفويتهآ: وهوى يهوي ابليس ..الناس تقول ((نعم)) ..
سارة فتحت عيونها ببطئ وابتسمت : هه والله اذا كان فيني النوم اقول اي حآجه ماحس على عمري ..
علي على وضعه : طيب قومي تروشي وجهزي نفسك يادووب نلحق على ابوي وبيت عمتي ..
سارة تعدل جلستها : طيب مو الحين هم بالستشفى .؟
علي: ايه نسئل وين هم ونروح لهم ..
سارة : طيب .. الحين اقوم اتروش.. وبنفسها: ياالله شكله جنآآآن وشعره مبلل أحس اشووي وبذوب عليه ..
علي قرص خدها عالخفيف: من الي مسرحه فيه ..!! اعترفي..!
سارة ابتسمت : آآه تركني علي .. مسرحه فيك .. في غيرك يستاهل اسرح فيه ..
علي غمزلها : اقول الوقت مو لنا .. وانا توني متروش((وناظر لصدره)) وبعدها ناظر لسارة:فــ قومي تروشي لايصير شي ثاني
سارة استحت من كلامه ونزلت راسها: طيب بقوم بس انتبه على حالك .. ((وابتسمت ابتسامه تذوب علي ووقفت رايحه عالحمام " الله يكرمكم"))
علي وقف بوجههآ وقرب منهآ لحد ماتلامست جبهتهم وأنفهم قرب علي اكثر بيبوسهآ الا رن جواله .. تنهد ببرود وابتسم .: ياالله الي داق هذا ماعنده وقت ابد ..
سارة ابتسمت على كلام علي : آممم سووى فيني خير..
علي ناظرها بنص عين مبتسم ورد عــ المتصل وسوى حركه لسارة بيده كأن يتوعد فيها : هلا فيك ..
تركي : أنت للحين نايم .؟
علي: لا لا صحيت بدري بس على بال ماتخلص سارة ..
سارة ميلت راسها وابتسمت وبصوت منخفض:كذاااب ..
علي غمز لها وابتسم : طيب طيب .. ربع ساعه وعندكم ..
تركي:سلام
علي :سلام .... اقول ورى ماتروحين تتروشين وخليني البس ..
سارة ابتسمت :ايه ان شاء الله .. بس لاعاد تكذب مرة ثانيه ..
علي ناظرهآ بخبث وقرب منهآآ ببرود ومسك اكتافها وبصوت شبه مسموع: أجل سووى فيك خير ..هآآ !!((وبهمس)) الليلة اعلمك صح ((وغمز لها))
سارة على طول تسحبت منه وراحت للحمام (( الله يكرمكم)) ..عشان تتروش..
بالمستشفى .. الكل موجود عدا سارة وعلي الي لسا ماوصلوا ..وكل واحد وواحدة فيهم شعورها لايووصف تجاه الي شافوه بــ لجين .. أنعمت ورجلهآ مكسوره ..ويدهآآ مكسوره.. وكدمآآت بعينها ..وبخدها..
ام يوسف بنفسها: الله يكون بعونك يالجين ..صعبه الواحد لما يفقد بصره .. الحمدلله على كل حال
شريفه بجنب لجين وماسكه يدها : هآ يمه لجين .. ان شاء الله احسن ..
لجين دموعها على خدهآ: من وين ياعمه احسن وحالتي حاله.. ماهمتني رجلي ولا ايدي ولا الكدمآآت الي يقولي الدكتور عنها .. انا الي يهمني نور عيوني ياعمه ..انا امسيت عميا يعني بصبح وبمسي عميا .. ماعاد اشوفكم ولاعاد اشوف امي وابوي .. وبدر
وخالد .. ((اسكتت ثواني وبعدها)): خالد راح ليته مآآخذني معه ولا عشت عميآآ ياليتني ميته آآآه ((وصارصوتها يرتفع تدريجيآ)): خلاص ماعدتأحب الدنيا .. ماعدت أحب اي شي لادراسه لاربع لااهل مابي احد تكفوون ادعو علي امووت .. تكفوون .. انا تعباانه ماحد حااس بمآآساتي ..
أم بدر زادت بمسكة يدها على بنتها ووقفت وحضنتها على جنب وبصوت مرتفع : خلاص يالجين قطعتي قلبي .. من الصباح لحد الآن وماغفت لك عين .. وكل كلمة تقولينها تطعن قلبي .. يمه انتي بتعيشبن مثل ماانتي وحطي ببالك الدكتور قالك في احتمال لنجاح العمليه .. وحدي الله ..وتعوذي من ابليس يايمه .. ماتحمل اشوفك كذا مااتحمل ..
لجين تشاهق ببكائها: لااله الا الله .. بس وربي تعباانه .. حياتي كلها ظلام .. ماعاد النور يضوي بعيوني .. خلاص يايمه كرهت نفسي ..وانا كرهتكم الدنيا بحااالتي .. خلاص..
نور راحت لعندها ودموعها على خدها: لجين حبيبتي .. والله حرام تعذبين حالك ..كلنا معاك وربي ماراح نتركك .. بس انتي رحمي نفسك ..
لجين ابتسمت ابتسامه حزينه : وشو معاي.. انتي خلاص بتتزوجين طلال .. وبتروحين عني مع انك اقرب واحدة لي من البنات ..
نور تحس كأن احد صفعها على راسها ودموعها بدت تنعار اكثر : ................
الكل استدرك وضع نور .. مسكتها اروى وراحت على زاويه من زوايا الغرفه وبصوت منخفض:نور حبيبتي هدي مانبغآى نزيد على لجين..طلال الله يشفيه ان شاء الله ..
نور رمت روحها على اروى وطلقت العنان لدموعها اكثر واكثر: روحي تعلقت بروحه يااروى انا حبيته افهموني .. والله ماتخيل حياتنا من دون بعض ..
اروى دمعت عيونها لحال نور وصارت تمسح على شعرها: اششش ان شاء الله ربي يشفيه ..أهدي حبيبتي اهدي
اريام : لجين حرآآم عليك أكل ماتاكلين .. وكل يومك بكي ..والله حرام لايرضآ الله ولارسوله الي تسووينه بنفسك ..
لجين على نفس وضعها :................
نوار دموعها ماوقفت وفضلت السكوت :..............
حور : لجين ياعمري .. الله سبحان وتعالى اذا حب العبد يبتليه .. وانتي مؤمنه اصبري على المصيبه والبلاء الي انتي فيها.. ووالله يالجين مع الايام راح تكونين اقوى من وضعك الي انتي فيه انا مقدرة وضعك وموقفك ..ولو اي واحدة منآ بمكانك بتسوي كذآ ..بس تيقني حبيبتي ..ان هالشي قدر ومكتوب ..
لجين حست براحه من كلام حور وهدت اشووي :..............
برة الغرفة كل الرجال كانوا قريب الغرفة وااقفين .. بدخلة علي وسارة .. علي راح على طول لأبوه وباس راسه :عظم الله أجرك يبه ..
بوتركي: أجرنا واجرك..والحمدلله على سلامتك ..
علي: الله يسلمك .. وبعدها سلم على عمه بويوسف وبوبدر وبدر وباقي الرجال وعزآآهم بــ خالد ..
وسارة سلمت على عمها وابوها .. وعظمت الأجر لهم ولــ بوبدر ولــ بدر وسلمت على اخوانها ..
علي : طيب ادخلي داخل عندهم وانا بنتظر هنآآ معهم ..
سارة :ان شاء الله ..دخلت سارة وياليتها مادخلت انصدمت على حآلة لجين كآنت مفآجئة لها .. فتحت عيونها عالآخر وتجمدت مكانها .: ........
ام يوسف راحت لعند سارة ومسكتها من اكتافها وبصوت شبه مسموع :اهدي ياسارة يكفي الي فيها ..
سارة على وضعها :ان شاء الله .. وبعدها تحركت من مكانها وسلمت عليهم كلهم وعزته بــ خالد .. وراحت لـ لجين : اخبارك لجين .؟
لجين ابتسمت ابتسامه باهته : الحمدلله على كل حال ..
سارة دموعها نزلت على لجين وحالها : ان شاء الله دوم ياربي
لجين حست بتغير نبرة سارة : سارة انتي تبكين.؟
سارة فضلت السكوت: :...........
لجين دموعها نزلت : تبكين على وضعي صح .. ! لاتبكين البكي ماعاد يفيد ... لويفيد كان فادني ورجعت لعيوني نورها..
سارة دموعها نزلت اكثر وماتحملت الوضع طلعت خارج الغرفة وكان علي اقرب واحد من عند الباب مسك يدهآ ورفع راسها الي منزلته: أشفيك سارة .؟
سارة دموع تنزل بهدوء: ابغا اروح البيت .. مابغا اجلس اكثر ..
علي : طيب ممكن اعرف ليه ..
سارة : بعدين راح تعرف ..بس تكفى مابغآ اضل اكثر ..
علي وهو يدخل يده بجيب ثوبه يطلع المفتاح : طيب طيب .. امشي معاي ((مشى علي ومشت وراءه سارة))..
تركي طلع بوجهه: على وين ..؟
علي بصوت منخفض: سارة تبغا تمشي ..حسيتها متضايقة
تركي : اذا من الي شافته دىخل يحق لها تضايق ..
علي : ليه وش فيها لجين .؟
تركي : آمممم ..يعني افهم منك ان ماحد خبرك ان لجين انعمت .؟!
علي فتح عيونه من هول الصدمة ومسك تركي من ذراعه :متآكد ياتركي.؟
تركي وضع يده بهدوء على كتف علي كأن يهدي من وضعه: اذكر الله .. وحط ببالك ان هذا قدر ومكتوب ..
علي تنهد: لااله الا الله .. ..تنهد: طيب انا الحين مااشي .."والتفت وراءه ":سارة يالله مشينا..
عــ المغرب الكل بدأ يمشي من عند لجين ..
نور واقفه وراء عمتها الي جالسه عـ الكرسي وواضعه يدها على كتف عمتها : عمتي .. انتي الليلة ارتاحي أنا بظل عند لجين ..
ام بدر : لا ياعيون عمتك ماقصرتي بس انا بظل معها ..ماقدر اخليها لحالها ..
شريفة : لاانتي ولا هي انا الي بظل معها ماوراي اي حآجه ..
ام يوسف: ياام بدر انتي لازم ترتاحين من صباح الله وانتي هنآآ وماغفت لك عين ..
ام بدر : والله لو يطيعني قلبي كآن رضيت بس قلبي مايطيعني ..
لجين : يمه .. معليه عشآن خاطري .. انتي ارتاحي بالبيت وبكرة الصباح تعالي عندي خلي الليلة نور عندي
شريفه تبغا تلطف الجو ابتسمت : يعني ياعيون خالتك ماتبيني انا ..
لجين ابتسمت : لا ياخاله والله موقصدي بس انا محتاجه اجلس مع نور لوحدنا ..
شريفة وقفت من عـ الكرسي و ابتسمت ومسحت على شعر لجين : عارفة يالغاليه بس أمزح معاك ..
لجين على وضعها: تسلمين ياخاله ..
شريفة :ربي يسلمك من كل شر ياعيون خالتك
اريام تبغآ تلطف الجو: يمه مو كأني صفر على الشمال ..
الكل :ههههههه ..
شريفة : انتي غاليه ولجين غاليه ونور ونوار وسارة وآروى وحور .. كلكم والله بقلبي ..
اريام ابتسمت : عارفه بس حآبه ادلع عليك .
الكل طلع من الغرفه .. ومشآ عدا ام بدر ونور الي راح تظل عند لجين الليله ونوار تنتظر بدر .. ام بدر: ماوصيك يانور هالله هالله بــ لجين
نور ابتسمت واشرت على عيونها: لجين بعيوني ياعمة .. لاتوصيني عليها
ام بدر: فيك الخير يابنت اخوي
بوبدر دخل الغرفة عليهم بعد ماضرب الباب وراح عند سرير لجين وجلس على طرف السريرومسك يد لجين : هآآ ..شخبار القمر اليوم ..؟
لجين ابتسمت ابتسامه باهته: اول مرة بحياتي اشوف قمر من دون نور يايبه ..
الكل انكسر قلبه على كلامها بس مابينوا لها : النور بقلبك .. يالغاليه .. انتي بنت بوبدر .. بنت ناصر خليك قويه لاتصيرين ضعيفة ..
لجين فضلت السكوت :...........
نوار : عمي وين بدر .؟
بوبدر : راح الشركة والحين بيرجع ..
نوار : آهــآ..
عم الهدوء بالغرفه .. الايرن جوال بوبدر ..: اهلين ..
بوسعود : وينك انت ..؟
بوبدر :أنا بالمستشفى ..
بوسعود: عسى ماشر ..
بوبدر : لا ماشر .. خلاص قولي وين انت وأنا اجي لعندك..
بوسعود : أنا بالبيت ..
بوبدر : الحمدلله على سلامتكم ..خلاص ربع ساعه وانا عندك ..
بوسعود : خلاص مع السلامة
بوبدر : مع السلامة..
أم بدر : مين الي داق .؟
بوبدر يناظرها مرة ويناظر لجين رمة ثانيه : هذا بوسعود .. تو واصلين من الامارات
لجين قلبها تقطع خاطرها انكسر من جابوا قدامها اسم سعود .. دموعها نزلت من دون سابق انذار ..بوبدر همس باذنها: خليك اقوى من الظروف يالجين .. لاتستسلمين لمصاعب حياتك ..
لجين هزت راسها بالايجاب :..........
ام بدر طول ماهي جالسه وماسكه يد بنتها ماتركتها وتناظرها ومتحسره على حالها ..أما نور المصيبه عندها مصيبتين .. طلال ولجين .. بوبدر: يالله ام بدر ماوصيك على لجين ..
ام بدر : الليلو لجين تبغا نور تظل عندها ..
بوبدر: ماوصيك يانور على لجين
نور :ان شاء الله ..
بوبدر : بتمشين الحين .؟
أم بدر : لا بمشي مع بدر ..
بوبدر : مع السلامة .. وباس لجين قبل لايطلع ..
بــ الليل بـ جنآح تركي واريام .. بـ صاله
تركي ماسك الزقارة ويدخن .زواريام متنرفزة من تصرفاته الي مو متقبلتها : تركي وبعدين ..!
تركي من دون لايناظرها وعيونه على التلفزيون: وشو الي بعدين .؟
اريام : قربت منه ومسكت الزجارة : يعني انت هالأيام طايح لي طيحه بالزقاير .. ومو مراعي صحتك ومو مرااعي وجودي بعد ..
تركي ناظرها بنص عين : اريام اول مرة وآخر مرة تشوفين زقارة بأيدي وتاخذينها .. طيب.!!
اريام رمت الزقارةووضعت يدها على كتف تركي: تركي حبيبي ووالله مو زينه لك ..انا ودي اعرف ..ليه كل الزقاير .. الأول ماكنت كذا
تركي تنهد : الي مر علي مو اشوي يااريام ..
اريام : الزقاير حل .!!!
تركي : ابرد حرقتي
اريام بدلع عفوي : لاياعمري انت تويد حرقتك بــ الزقاير ذي .. وواذا تحبني لاتدخن تكفى تركي ..!
تركي ابتسم على حركات اريام وقرب منهآ وباسها بعنقها ..اريام استحت منه ..:.......
تركي بخبث : انتي لازلتِ تستحين .؟
اريام بدلع :آمممم البوسه مومقبوله
تركي على وضعه : ليه تبين اقوى منهآ ..!
اريام بدلع :تركييييي والله تفسر كلامي على كيفك ..!
تركي :ههههه فهميني ..
اريام :آممم يعني ابصراحه البوسع هذي ريحتها زقاير
تركي :ههههههههههههههههههههههههههههههههههههههههههههه
اريام فتحت عيونها عالآخر: اشفيكك ... انا قلت شي يضحك
تركي: ههههههه ..لا مو قصدي ..بس ماتخيل البوسه لها ريحه ..
اريام بوزت على تركي وقامت وعطته ظهرها: تتطنز علي هآآ .. خلاص لاتكلمني
تركي قام ووقف وراها ومسك اكتافها وصار يهمس باذنها: أفآآ تزعلين من تركي ..
اريام تبعد ايدين تركي عنها: بعد عني .. مابيك
تركي بخبث: اقول عن الدلع ولا والله الحين اتهور بقوة ..
اريام دق قلبها من كلامه :............
تركي على نفس وضعه : طيب بكرة اعوضك ببوسه ريحتها مسك ..
اريام التفتت عليه وعقدت حواجبها : ورجعت تتطنزر .؟.!!
تركي كاتم ضحكته ويلاطف وجههآآ باصابعه : حبيبتي اريام ..مأطنز ..هذا جزاتي اراضيك .!
اريام ميلت راسها بدلع وبعدم تصديق: تكفى صدقتك ..
تركي بخبث ويناظرها بنص عين : طيب الحين اخليك تصدقين ..
اريام عرفت قصده ابتسمت :.........
تركي بثقه ممزوجه بخبث : قدآمي عـ الغرفه ..
بــ المستشفى ..
بدر : يالله ان شاء الله كم يوم وترجعين لنا بسلامة ..
لجين : اي كم يوم .. قول كم سنة ..كم شهر .. عشآن اصدق .
بدر تنهد : الله كريم ان شاء الله .. يالله نوار .. يمه نمشي
ام بدر ونوار: ان شاء الله ..
بدر سلم على لجين : يالله حبيبتي ان شاء الله بكرة جااين عندك .. ((وناظر لأمه ولنوار)):أنتظركم بسيارة ..
ام بدر: ان شاء الله ..يالله يمه بكرة الصباح انا عندك واذا احتجتي اي حآجة خبرينآآ ..
لجين هزت راسها بالايجاب :............
نوار :يالله حبيبتي مع السلامة وانتبهي للجين يانور..
لجين :الله يسلمك
نور : ان شاء الله ..
بــ بجنآح علي وسارة ..
متوسده على صدره وتبكي وعلي ماسك يدهآ ويمسح على شعرها : طيب حبيبتي أهدي .. ان شاء الله تنجح عمليتها
سارة تبكي بهدوء: بس ياعلي والله شكلها يقطع القلب .. ماتوقعت اشوف لجين بهالحال ..
علي : طيب حبيبتي .. اهدي قدر ومكتوب ..
سارة التزمت الصمت :..........
علي على وضعه ماسك يدها ويلاطفها ويمسح على شعرها : نمتِ..!
سارة بصوت شبه مسموع : لا..
ببيت ابوبدر ..
جالس بصاله ينتظر دخلة ام بدر وبدر .. كلها 10 دقايق ودخلوا عليه ..
أم بدر: للحين مانمت ..
بوبدر: انتظركم ..
بدر : لاكان تعبت حالك يبه وانتظرتنا لان كل واحد منا مهدود حاله ويبغآ ينام ..
نوار : عن اذنكم انا صااعده
بدر: انتظري صعدي معاي
نوار : لا احس راسي يعورني وتعبانه .. تصبحون على خير
الكل : تلاقين خير..
بوبدر : ام بدر .. بدر.. ابغا اتكلم معاكم ..
بدر وام بدر: عن وشو..؟
بوبدر: لجين وسعود..
ام بدر انقبض قلبها خايف يقول ان مايبيها .:...........
بدر: كمل يبه نسمعك
بوبدر:انا علمت بوسعود عن كل حآجه وعرف عن حآلة لجين وكان سعود موجود معنآ .. وعتب علي اني ماخبرته بكل شي من بداية ماصار ..
ام بدر تناظره كان تقوله كمل :...........
بدر: ايه سعود وشو ردة فعله تجاه لجين ..
بوبدر: الرجل مصر ويبي البنت مهما كانت ومهما راح تكون ..
ام بدر: اخاف ان يكون متعاطف بحالة بنتي ولا مشفق عليها
بوبدر بحده: اي متعاطف أنتي هالامور فيها تعاطف ولا شفقه هذا زواج مو يوم ولا يومين .. وهو قال مستعد اعيش معاها حتى لو مانجحت العمليه الرجل شاري البنت
بدر: صح كلام ابوي يايمه ..
بوبدر: انا بكرة راح امر عند لجين واخبرها بكل حآجه .. قبل لاتنطق بأي كلمه تجاه الموضوع .. عشان لاتقول ان متعاطفين معها ولا مشفقين عيلها
ام بدر: خلاص شورك وهداية الله ..
بدر: الله يكتب الي فيه الخير..
بـ غرفة لجين ..
لجين ماسكة يد نور ..: اشفيك ساكتة ..
نور: ماعندي شي اقوله ..
لجين ابتسمت : الا اخبار طلال .. مازلتِ تكلمينه عالمسن ..؟
نور قلبها دق من سؤال لجين : آممممم مايتواجد مثل قبل .!
لجين :وضحي أكثر .!
نور دموعها سبقت كلامها : لجين .. طلال مايبغا زواجنا يتم .!
لجين عقدت حواجبها مستغربه : أنتي من جد تتكلمين .؟
نور : وهالأمور فيها مزح ..
لجين تمد يدها عشان تمسك يد نور ..نور مدت يدها : أهدي حبيبتي .. وفهميني ليه مايبغا زواجكم يتم .!
نور على وضعها دموعها تنزل بهدوء: طلال يعاني من ....
لجين ضغطت على يد نور : كملي..!!
نور غمضت عيونها : سرطآن ..
لجين اشهقت : وشــــــــــو.!
نور : الي سمعتيه ..
لجين : لاحول ولاقوة الا بالله العلي العظيم .. أهدي حبيبتي ..ان شاء الله ربي يشافيه من هالمرض
نور : والله انا مستعدة اعيش معاه حتى لو يظل طول عمره مريض .. بس هو مجزم على رايه ..
لجين:ولييه.؟
نور: يقول مايبي يعذبني معاه ..مايدري ان قراره هو الي معذبني ..
لجين : طيب كلميه قولي له الي بخاطرك ..
نور : ماشوفه عالمسن ..
لجين : طيب اخذي رقمه من خواته ..
نور :آمممم .. اخذته ..
لجين ابتسمت : قلبي قلبك .. هههه
نور ابتسمت : تسلم لي هالضحة
لجين ابتسمت ابتسامه باهته : لاتغرك ضحكتي .. ترآآهآ ممزوجة بألم ..
نور تنهدت : لجييين ..تكفييين لاتحطمين نفسك اكثر ..
لجين : طيب كلمي طلال وشو تنتظرين..!
نور : الحين.!!
لجين :ايه ...
نور : انتظري اشوي واكلمه هه
لجين :ننتظر
بـ جنآح فارس وآروى ..
فارس: تصدقين ماتوقعت أبد ان لجين يكون حالها كذا
اروى: انا الي ابد ماخطر على بالي ..
فارس يبتسم و صار يلعب بشعر آروى: أجل من السبت يبدأ دوامكم الرسمي..؟
اروى ابتسمت : ههه ..ايه الله يعيني على الدراسه ..
فارس : بس هالمرة غيير
اروى وصارت تلعب بشعره : وشو الي غير.؟
فارس: هالمرة بتصبحين وبتمسين بوجهي..
اروى: وهذا احلى حآجه ..
فارس غمز لها : وربي اموت عليك ..
اروى ابتسمت له :..........
بــ بيت بوبدر .. أم بدر طلعت من الغرفه وأنزلت بصاله .. وصارت تتذكر خالد ..
تذكرت .. ..:اقول بدر دآم احنا جالسين وكل واحد يناظر الثاني..اشرايك نجيب زجاجة موية ونلعب لعبة الصرااحه انا وانت ولجين وامي وابوي..
ام بدر ابتسمت : لا ياولد اكيد انهبلت ..
بوبدر :لعبة المبزرة مالي بهآآ
خالد يتمسكن: افآآ تردوني ..
بدر بعد تفكير: والله فكرة جبتها ياخلوود يالله يمه يبه تكفوون
لجين:لاتحسبون علي انا عالاب توب ..
خالد رمى عليها الكلينكس: وانتي كل نت .. قومي قامت عليك قيامة
لجين وهي تسكر الاب توب: افف منك طيب طيب
ام بدر بصوت منخفض لبوبدر: اشراايك .؟
بوبدر ابتسم : تبين ترجعين ايام شبابك .؟
ام بدر: وليه قالوا لك عجوز ...
بوبدر : ههههه .. طيب طيب نقوم نغير جو معهم..
خالد: وهذا الزجاجة جبتها لعندكم يالله سووا دائرة ..وأنا بفرهآ
ام بدر: يالله نشووف ..
لجين تهمس لخالد: ان شاء الله السؤال يطلع لأمي ..
خالد ابتسم بخبث: بسئلها سؤال حساس .. هههه
لجين :ههههه
ام بدر: وشو تقولون انت وياها
خالد :لا .. سلامتك وهذا فريتهآآ يالله لجين سئلي امي ..
لجين:آممممم ..متى آخر مرة قلتي لابوي كلمة أحبك ..
خالد يصفق ويصاافر:آوووه أحــــــــــــــــلى ..
قطع عليها تفكيرهآ جوالها .. مسكته وهي تمسح دموعها الي نزلت اثناء ماكانت تفكر : نعم
أم سعود: هلا يام بدر ..المعذرة ماقدرت أجي لعندك ان شاء الله بكرة اكون عندك بس قلت اكلمك
ام بدر: ماقصرتي يام سعود فيك الخير ..
ام سعود : الله لايقصر بعمرك .. عظم الله اجرك .. وان شاء الله العوض بــ بدر
ام بدر دموعها نزلت : اجرنا واجرك.. وماحد يعوض عن أحد ياام سعود خالد روح البيت .. خلاص راح خالد .. ماعد انادي باسمه
ام سعود دمعت عيونها: خلاص يااختي ام بدر ..أهدي والله كلنا على هالطريق .. والحمدلله الي خلى لك لجين
ام بدر تهدي من نفسها: الحمدلله على كل حال..
ام سعود: خلاص ان شاء الله بكرة أمر عندك المستشفى وأطمن على لجين ..
ام بدر : حياااك الله
ام سعود :الله يحيك مع السلامة ..
بــ غرفة لجين ..
...: الو.. بتردون ولا كيف..! // طيب على راحتكم ..
دق جواله مرة ثانيه ..: الووو ..
دموعها تجري على خدهآآ : طلال تكفى لاتخليني انا ابيك حتى لو انت مريض ..
طلال انصدم .. : من معاي .؟
....: آنآآ روحك .. انا الي تعلقت روحك بروحها..أنا الي حبيتها ولاعاد تستغنى عنها .. أنا قلبك الي ماتعيش دونه ..أنا نور ياطلال ..
طلال جمد مكانه غمض عيونه ورفع راسه فوق :.............
نور طول ماهي تكلمه ماسكه يد لجين وضاغطة عليها : رد تكفى لاتسكت ..قول آي حآآجة .. ماعلموك اني ابيك ..ماعلموك اني احبك وارتجي جيتك .. طلال لاتسكت ..عبرني بأي كلمة
طلال بهدوء: نور حــبيـ ..ممكن تسكرين .! وبنفسه : مابي اقولك حبيبتي واعلقك اكثر .. ولا انا اموت عليك
نور : الله ياطلال .. تستكثر فيني كلمة حبيبتي .. طيب راح اسكر بس لو شو يصير ماراح انساك ولاراح اخليك لحآلك .. أنا لك لحالك وماراح احد ياخذني حتى لو مابغيتني ..
طلال يحس كلام نور طعنآآت بقلبه : نور آنا احبك ..أنا ابيك ..أنا ارتجي شوفة عيونك ..ماعلموك ان روحي متعلقه فيك .. ماعلموك أن انا لك وانتي لي ..
نور دخلت جوو بكلام طلال وحست نفسها اسعد انسانه على الارض: وماعلموك كيف اموت ببعادك .. وماعلموك أنك انت الوحيد الي ارتجيه .. وماعلموك كيف ماقدر على فراقك .. وماعلموك انك الحضن الدافي الي أحتريه ..
طلال بنفسه :آآه يانور خلاص يكفي عذاااب يكفي .. يكفي .. احس كلامك قد ماهو يحرك مشاعري قد ماهو يعذبني .. لــ نور : وماعلموك كيف أنا بدونك لاوشي .. ماعلموك أن أنتِ سكنتِ الوجدان .. وماعلموك ان دنيتي بلاياك مابها ضي ..وماعلموك اني على نظرة عيونك ولهان ..
نور : طلال .. لاتعذبني اكثر تكفى ارجع وخلنا نملك واروح معاك .. حتى لو ماتسوي حفلة زواج مو لازم اهم شي انت انت انت .. انا احبك ياطلال فكر بكلامي صح .. والله لو تجزم على رايك مرة انا اجزم على رايي مليون ولا راح اخليك لحالك .. وحياتي متوقفه عليك ...
طلال على وضعه : انا مريض يانور مابي اعذبك معي..
نور : بعدك هو اكبر عذااب ..
طلال: طيب .. انا راح افكر .. بكلامنآآ هذا واعطيك خبر بكرة ..
نور : انتظرك ..
طلال: مع الف سلامة..
نور: مع الف حب وحنين وشوق من قلبي لك ..
طلال ابتسم رغم الألم بهمس:أحبك يانور
نور :انا اموت عليك واموت على كل من يحبك..
طلال : بااي
نور: بااي..
>>>>يتبع
|