بالمســـــــــــتشفى ..
كانت بين يدينه جثه هامده .. جثة يرثى عليها .. جثة بلاروح : خالد ..انا ابوك رد علي ... خالد .. خالد لاتقول انك مت .. خالد ..
بوبدر اول مرة يكون مثل هالحال .. سعد عيونه دمعت ومسح دموعه بشماغه ومسك بوبدر من كتفه : أهدأ ياعمي خلاص الله يرحمه .. قدر ومكتوب
بوبدر مو حاس بلي حوليه اول مرة يمر بمثل هالموقف ماتوقع بيوم يشوف ولد على سرير الموت كان حاله يرثى عليه وجهه جروح وخدوش ايدينه مكسره ..روحه طلعت من جسده واصبح خالد جسد بلا روح ..
وسعد مسك بوبدر من اكتافه وطلعه برآآ الايدق جوال لجين (( مآمتي أد الدنيا بحبها)) يتصل بك .. سعد ماارد لان مو عارف وشو يقول لأمها فــ مد الجوال لبوبدر: عمي اتوقع هذي ام لجين
بوبدر يوم سمع ((ام لجين)) حاول يستعيد توازنه وان مايكون ضعيف قدام زوجته برغم مووت ولده مسك الجوال: نعم ..
ام بدر استوعبت الصوت و بنفسها : وش جاب الجوال عند بوبدر وش فيه صوته.. ولـ بوبدر: لجين معك .؟
بوبدر : لا ..
ام بدر: وش جاب الجوال عندك ..
بوبدر: جهزي نفسك انا جاي باخذك
ام بدر استغربت بس ماسئلته : ان شاء الله (( وصار عقلها يودي ويجيب ))
بشـــــركة ..
بدر: هلا عبد الخالق ..
عبدالخالق: هلا عمي بدر
بدر : ابوي بالمكتب
عبدالخالق: لا هو طلع من ساعه وقالي لاتحول لي اي مكالمه
بدر استغرب وبنفسه :اول مرة ابوي يسويها .. لــ عبد الخالق : طيب .. ماقال وين رايح ولا متى بيرجع..
عبدالخالق: لا ماقال اي حآجه وكان مستعجل ..
بدر بدآ عقله يشوش عليه : طيب يعطيك العافيه ..ومسك جواله ودق على ابوه ..: هلا يبه
بوبدر: نعم
بدر: يبه صوتك متغير ..فيك شي .؟
بوبدر : لا بس روح خذ أمك من البيت وتعالوا بمستشفى الملك فهد التخصصي ومن غير لاتقول لامك على وين ماخذها
بدر بعجل: ان شاء الله ان شاء الله مع السلامه
بعدها بوبدر دق على ام بدر وخبرها ان بدر الي راح يجي ياخذها من غير لايقولها وين راح ياخذها ..
سعد: عمي باقي البنت ..
بوبدر تذكر لجين : لايكون بنتي ماتت
سعد ابتسم رغم الحزن:لا الحمدلله بس تحتاج تنام بالمستشفى ..
بوبدر : قبل لااروح عند بنتي .. ابغاك تفهمني السالفه كلها ..
سعد اشر على عيونه : عيوني لك ياعمي ماطلبت حآجه .. اثناء ماانا كنت بطلع من الدمام بمسك طريقي للأحساء شفت سيارة تسرع سرعه جنونيه
وعدت عني بعييد وبعدهآآ بربع ساعه استغربت يوم شفت السيارة بمنظر رهييب كانت معفوسه قلبي فز للي بسيارة قلت ماظن انهم سالميين ..
بوبدر كان مندمج بكلام سعد :.......... كمل
سعد: ورحت تفحصت السيارة وطليت فيها وسمعت صوت انين .. ابتسمت قلت يعني لازالوا عايشيين .. تداركت الأمر ودقيت عالأسعاف ولحقتهم بسيارتي وقبل لاتجي الاسعاف أخذت كل الي بسيارة من محفظه وجوالات بس للأسف جوال خالد تكسر فــ اضطريت افتح شنطة البنت والحمدلله ربي ستر وجوالها لازال مثل ماهو عليه ويوم وساعة وصولي المستشفى شفت اسم وعرفت ان هالشخص ابوها ودقت عليه وكلمتني انت طال عمرك ..
بس خالد يوم سئلت عنه الدكتور قالي ان من ساعة ماهو بالاسعاف وقف نبضه اما لجين تداركوا وضعها الحمدلله بس مدري وشــ قالوا عن حالتها لاني تطمنت انها لازالت عايشه .. وهذا السالفه كلها
بوبدر ماسمح لدموعه تنزل برغم حزونة الموقف وحرارة الموت الي ذااقها بولده خالد تنهد : يعطيك العافيه ياولدي ماقصرت وصدق انك ولد حلال
سعد وقف: ولو ياعمي هذا واجبي واقل من واجبي بس الاغراض الي اخذتها من السيارة ياليت تجي معاي عشان اعطيك اياها لاني مضطر امشي عالأحساء ..
بوبدر: ان شاء الله ..
بــ تركيا .. بالفندق ..
ساره عالكنبه وهي تلعب بشعر علي: آمممم
علي ابتسم : بتقولين حآآجة ..صح.؟!
سارة ابتسمت :ههه اشلون عرفت
علي يقلدها : من ..آممممم
سارة بدلع :لاتقلد ..
علي : ان شاء الله ههه بس قولي
سارة : انطاكيا حلوة مثل اسطانبول
علي : رووعه كلها طبيعه ..
سارة : آهــآ بس ان يوم جينآآ من كم سنة مارحنآآها
علي ابتسم: معاي بتروحينها وبتكون عسسل بعد
سارة ابتسمت : واااثق..
علي : طالع لك حبيبتي
سارة : اكيييد لوانك طالع لغيري اذبحه ..
علي : واذا قلت طالع لأبوي ..
سارة :هههههه ماقدر اقول حآجه ..
علي : ياعساني مانحرم من هالضحكه
سارة قربت من خد علي وباسته بهدوء وهمست باذنه : أحبك علي
علي غمز لها وبهمس: اشرايك ننآم ..
سارة اعرفت قصده بصوت شبه مسموع : خطييييير
علي رفعها بين ايدينه ووضعها عــ السرير ..
بـــسيارة ..
أم بدر: ليه جايبيني عالمستشفى ..أكيد ابوك فيه شي ولا اختك ..
بدر وهو مستعجل بينزل من السيارة : يمه مو وقت هالكلام والله مدري عن شي بس ابوي قالي اخذك من البيت واجيبك هنآآ انزلي بسرعه ..
ام بدر قلبها انقبض: طيب طيب ..
((نزلوا بدر وأم بدر من السيارة ودخلوا عالمستشفى وراحوا عند بوبدر بعد مادق عليه بدر واسئله وين موجود وقاله ان عند لجين بالعناايه ))
بدر وأم بدر دخلوا العنايه .. أم بدر مجرد ماشافت بنتها شهقت ودموعها نزلت وبصوت شبه مسموع: بوبدر اشفيها بنتي ..مين الي سووى فيها كذا ..!!
بدر ماسك كتف امه: يمه أهدي خلينا نفهم من ابوي ..
بوبدر وقف بعد ماكان جالس عالكرسي وبحزم : عظم الله أجرك ياام بدر
ام بدر فتحت عيونها عالآآخر وتحس الدنيا ضاقت بها : ..................!!!!!!!!!!!!!!
بدر الي صدمته مو اقل من أمه : يبه ... مين ..!!!
بوبدر على نفس الوضع : اخوك خالد آمانه والله أخذها..
ام بدر من هول الصدمة أغمى عليهآآ وعلى طول بدر وبوبدر نادوا الدكاتره وارفعوها على السرير وعطوها ابره تهديها .. اما بدر الي انصدم مو قادر يستوعب .. دموعه انهارت على خده وتذكر ذكرياته مع أخوه ومرت قدام عيونه في لحظه واحدة ..
بوبدر بحده: لاتسمح لدموعك تنزل .. خلك حازم وشديد ..وقول ان لله وانا اليه راجعون
بدر فضل السكوت :...........
أنتظروا التكملة بكرة
ــــــــــــــــــــــــــــــــــــ
وأكرر اعتذاااري من حبيبآآتي الي راح يقرونه بكرة
بس نصفت بالعدل ماحبيت ارضي ناس وازعل نااس والحماس الي هو فيه كسروا خآآطري
فنزلت جزء من شانهم وجزء لــ بكرة من شانكم ..
ادعولي باختبااري ..
تحياتي
(( خأنتني أحاسيسي))
سيآآ
|