بسم الرحمن ..
((البارت الثالث والعشرين ))
رن جوال علي : اووه من داق علي هالوقت ..
سارة : جوالك مزعج هذا وقته يرن ههه
علي بخبث: نقص عليك جوو
سارة عرفت قصده : خطييييير ياربي منك ..
علي ابتسم ورد عالجوال : هلا وغلا .. ((ومجرد ماسمع الصوت عقد حواجبه وعلامات التعجب على وجهه)) : اشفيك ..؟!
تركي بصوت كله حزن : روح مكان مافي أحد ابغا اكلمك لحالك ..؟
علي :طيب طيب .. ادق عليك ثواني بس .. (( وسكر الجوال )): سارة حبيبتي بكلم وارجع لك ..
سارة عقدت حواجبها: اشفيييك علي ..ووشو هالمكالمه الي قلبت كيانك كذا ..؟
علي قام من على السرير واثناء ماهو يمشي : بعدين بعدين .. ((وطلع عن الغرفه ودق على تركي )): هآآ ..قول وشو فيك .. والله خرعتني
تركي : مصدووم ياعلي ومدري مين اكلم .. ماجا على بالي غيرك ..
علي : طيب قول لي من وشو مصدوم ..؟
تركي : طلال
علي متعجب : طلااااال ..!!!! وش فيه ..؟
تركي : مدري مو قادر انطق موقادر اقول حآجه انا بحد ذاتي مصدوم ..
علي : طيب قول لي اي حآجه تكفى تركي لاتحيرني ..
تركي بتردد: طلال .....
علي على نفس الوضع : تكفى تكلم ياتركي لاتوترني اكثر ..
تركي : طلال لايمكن يتزوج نور
علي مصدوم : وشــــــــــــــــــــو ...!!
سارة بالغرفه تلعب بجوالها على مايجي لها علي ..وبصوت شبه مسموع : ياربي اشفيه علي ...ويمن الي دق عليه وقلب كيانه كذا .. !!
الا بدخلة علي عليها وباين عليه الهم والحزن ..سارة قامت من السرير وراحت لعنده: علي اشفييك ..ومين الي داق عليك ..؟
علي يناظر سارة بس عقله بعالم ثاني : لا تحاتين سارة يالله ننآم ..
سارة خافت : لا علي تكفى ابغا اعرف مين الي داق عليك ..لايكون اهلي فيهم شي ..
علي تذكر نور وبنفسه : آآه ياسارة لوتدرين كآن تنصدمين على أختك مو طلال .. ولــ سارة ابتسم ابتسامه باهته: سارة حبيبتي أهلك ابخير وربي بخير ..نآمي وبكرة اقولك على كل حآجه ..
سارة : أن شاء الله ..
في صباح اليوم الثاني .. الساعـــــــــــه 9
بيت بويوسف .. في المجلس الخارجي..
يوسف: غريبه تركي جاي عندنا من صباح الله
تركي يبتسم من غير نفس: لا اشدعوة يوسف .. الي يسمعك قاطع عنكم
يوسف: أمزح معاك ياولد عمي ..
تركي بنفسه : لازم اقوله ..لازم يدري .. ومصيرهم كلهم راح يدروون ..فــ ليه اسكت ..!
يوسف يأشر بيده بوجهه تركي: هيييييي وين رحت .؟
تركي توى يحس عل حاله : هآآآ معاك معاك ..
يوسف يبتسم :ههه مبين ..
تركي بجديه : يوسف بقولك على حآجه تظل بيني وبينك لفترى مؤقته ..
يوسف عقد حواجبه : اشفيك ..قوول .. اسمعك ..
تركي : يوسف انت انسان متفهم واحسك تحل مثل هالأمور بعقلانيه
يوسف استغرب من كلام تركي اول مرة يكلمه كذا : طيب ..كمل اسمعك
تركي : لايمكن يتم زواج طلال من نور
يوسف انصدم ويحس كأن احد ضاربه على راسه : وشـــــــــو.. شـ تقول انت ..؟
تركي : اهدأ يايوسف انا راح اقولك على كل حآجة ومثل ماتفقنا يكون الكلام بينآآ لفترة مؤقته ..طيب .؟
يوسف :اكيد .. كمل
تركي : البارح طلال دق علي وكلمني واستغربت من نبرة صوته .. وقالي خبر اصعقني ابصراحه ولاتوقعت يوم من الايام طلال يمر بــ المآساة هذي ..
يوسف بحده : تركي يرحم أمك لاتتكلم بالالغاز ومقدمات على طول ادخل بالموضوع ..
تركي : لاتستعجل يايوسف .. طلال صار له اسبوع ماراح عالجامعه ..وراح المستشفى و.... ((ماقدر يكمل))
يوسف ماسك اعصابه : كمل ياتركي لاتحرق اعصابي اكثر
تركي : راح اقولك بس حآول ماتبين لأحد الا بالوقت المناسب مثل ماتفقنا ..
يوسف على وضعه وينتظر تركي يكمل :...............................
تركي : قبل لاأٌقول اي كلمة .. سم بالله
يوسف بحده : بـــــــسم الله
تركي تنهد :طلال مــريض
يوسف عقد حواجبه وباستفهام : مرييييييض.. وشو فيه..؟؟!!!!!
بسيارة خالد بالبر..
لجين بصوت عالي : الله يرجك بسسسسس دوخت راسي لاتفحط وانا معاك ..
خالد : جزاني اعلمك اشلون تخمسين بسيارة
لجين تتمسخر:لاأخمس ولا أسدس اقولك خلني على جنوني مابي افحط
خالد : هههههههه كيفك انتي الخسرانه
لجين :صج اهبل اجل احد يعلم اخته اشلون تفحط
خالد :هههههههههههههههههه اقول اسكتي والله تضحكيني
لجين تكش على خالد : مالت بس انزل بس خلني اسوق
خالد : يالله انزلي
لجين نزلت مكان خالد وخالد نزل مكانها وبدت تسوق على مهلها ..
نور بغرفتها فاتحه لاب توبها تنتظر طلال يسجل دخوله : ياربي تأخر نص ساعه هو مخبرني بيدخل الساعه 9 والحين 9 ونص
خليني انتظر ماراح اخسر شي اذا انتظرته وانا ماعندي شي وبنفسها: آآه ياطلال واله تعلقت فيك عن جد وبقوه ماتوقعت اني راح انسجم معاك واحبك هالقد ..
أنطق باب غرفتها :مين
يوسف:أنا يوسف ..
نور استغربت وبصوت منخفض:أول مرة بحياته يوسف يجي غرفتي..لــ يوسف: أدخل حياك
يوسف ابتسم لها وبداخله قلبه مكسور عليها وجلس عالكرسي وهي على سريرها قابلته : صباح الخير
نور ابتسمت :صباح النور ..
يوسف :مشغوله .؟
نور : لا آآمر
يوسف: بس انتي فاتحه جهازك ..اكيد مشغوله
نور سكرت الاب توب بكبره : هذاا الاب توب وسكرته آمر .. بس من الطفش فتحته
يوسف بجديه : نور حبيبتي راح افاتحك بموضوع وتوعديني يكون بينآآ لحد مايحين وقته ..
نور عقدت حواجبها واستغربت اول مرة يوسف يفاتحها بموضوع : آآمــــــــر .. واكيد راح يكون بينآآ
يوسف : نور .. طلال .؟
نور دق قلبها شوق وحنين وحب لطلال ابتسمت : ايه اشفيه
يوسف ابتسم على ابتسامتها الي عرف معناها وانكسر قلبه على نور الي راح تنفجع من الكلام الي راح تسمعه: لوقلت لك انتي بطريق وهو بطريق ترضينها ..؟
نور استغربت ودق قلبها من كلامه : لازم اعرف الاسباب والدوافع الي خلتك تقول كذا وبعدين اقولك اذا ارضى او لا ..!
يوسف انحنى وشبك اصابعه : انسي طلال يانور
نور وقفت من هول الصدمه ودموعها بعيونها: ايه وليه ..وشو السبب ..لازم اعرف ..مايصير هنآآ والطريق اكيد فيه سبب قوي..؟
يوسف رفع ظهره وناظرها: اجلسي يانور ليه وقفتي ..!
نور دموعها نزلت وجلست ونزلت راسها: تكفى يايوسف والله اني حبيت طلال
يوسف :هو الي قال ان ماراح يتم زواجكم
نور تذكرت ان ماشبك بالقوت الي وعدها فيه ورفعت راسها وفتحت عيونها عالاآآخر: لا مستحيل طلال يقول مستيحيييل .. لازم اسمعه انا بنفسي .. واصدق
يوسف استغرب وشو الي يخليها تتأكد ان مستحيل يقول ان ماراح يتم زواجهم : وشو الي خلاك ماتصدقين ..؟
نور احتارت وشو تقول : لا بس احساس انا احس كذا ولا ماكان خطبني من البدايه
يوسف ماصدق بس ماحب يزيد عليها ويطولها : نور .. طلال مريض عشان كذا قال مايبي زواجكم يتم عشان لايعذبك معاه
نور جمدت بمكانها وتناظر يوسف ودموعها تنهار بقوه وهي ساكته :.............
يوسف قام لعندها ومسكها من اكتافها وهي مو حاسه بوجود يوسف من هول الصدمه: نور حبيبتي اهدي انا عارف انها صدمه وانا ماخبرت ابوي ولا امي قلت اخبرك انتي قبل لانك انتي صاحبة الموضوع طلال يعاني من السرطان برأس
نور ماحست بيوسف الا يوم قال ((سرطآآن)) التفتت عليه ولاارادايا ارتمت بحضنه وتشاهق ببكائها ..يوسف اول مرة واحدة من خواته ترتمي بحضنه حس بشعور غريب لكنه حلو برغم حزن الموقف : آآآآه يايوسف انا حبيته ماقدر اعيش من دونه وربي حبيته وتعلقت فيه
يوسف يحاول يهدي فيها: نور حبيبتي هدي هذا قضاء وقدر مابيدنا شي
نور على وضعها: لا مستحيييل اتركه ..انا راضيه فيه راضيه يكون زوج لي حتى لو هو مايبني انا ابيه ..
يوسف يرفعها من حضنه ويمسك وجهها بيدينه : نور حبيبتي انتي انسانه عاقله وفاهمه ولازم تيقنين ان طلال حياته مسيطر عليها الموت باي وقت هالمرض مااحد يتشافى منه الا بقدرة قادر
نور ببرائه ودموعها تأشر بصبعها على يوسف: شفت قلتها ..قدرة قادر ..يعني يمكن الله بقدرته يزيل عنه هالمرض .. تكفى يوسف انا مابي غير طلال
يوسف انكسر قلبه وتقطع على اخته :.....................
بـــ تركيا .. في الفندق يفطرون..
سارة : حبيبي علي ماقلت لي عن البارح
علي يسوي نفسه ماعرف: وشو تقصدين حبيبتي ..؟
سارة وقفت عن الأكل ووضعت ايدينها على الطاوله : علي المكالمه الي البارح ..!
علي بنفسه : ياربي وشو اقول لها انا متعمد اتناسى قدامها.. لــ سارة : ولا شي سلامتك بس تركي كان متضايق بقوة ودق علي
سارة : لايكون فيهم شي بسعوديه .؟
علي :ههههه الله يهداك سويتيها مسلسل مافيهم الا كل خير بس نفسيته تعبانه اشوي ودق علي ..
سارة ابتسمت : ايه الحمدلله فكرت فيه شي قووي
علي ابتسم وبنفسه : لازم انا اخذ جوالها وأعتذر لها بأي عذر او اي حجه عشان لايوصل لها اي خبر ..
سارة :علي ..علي ...علي
علي مسرح :.........
سارة : والله هنيآآل الي تفكر فيهم
علي تو يحس على حاله : هلا حبيبتي هآآ.أكيد انتي مين غيرك
سارة ابتسمت :............
في بريطـــــــــــــــــــانيــــــــــآ .. بالفندق ..
طلال فاتح لاب توبه وفاتح عالمسن ((أووف لاين)) .. وبصوت منخفض : آآه يانور تحطمت آمالنا وأحلامنا ..آآه يانور اشقد تعلقت روحي بروحك ..آآه يانور اشقد حبيتك ..
وبنهايه تصبح كلها سراب×سراب×سراب .. ماراح اقدر اعيش معاك حتى لو رضيتي فيني يانور وتذكر محادثتهم عالمسن .. يوم سئل نور : لو تزوجنا وبعد سنوات مت ..تتزوجين غيري..؟
ورد نور عليه :اسم الله عليك ..عمري قبل عمرك.. لا ياطلال محال اتزوج غيرك لو شيصير .. حتى لو مت قبل زواجنا ... الله يطول بعمرك حبيبي ونعيش بأحلى سعادة
ورد عليها طلال: اوووه حركات هالقد تموتين فيني ..!!
وردت عليه نور:اكثر مماتتصور انت حياتي طلال .. أحسك جزء من حياتي لو يوم ماكلمك عالمسن احس ان شي ناقصني ..
صحى من سرحآنه وذكرياته على صوت جواله شاف المتصل ولارد.: آآه ياربي ماتوقعت يكون فيني كذا بيوم من الايام سرطآآن ياطلال سرطان يعني حياتك مو تحت سيطرتك .. خلاص نور وراحت منك ..وحياتك راح تروح منك بس بظل احبك يانور ..وربي اموت فيك
رن جواله مرة ثانيه .. ومارد ..وثالثه ورابعه .. الخامسه : نعم
شهد : ماصارت ياخوي ترد .. تعبت وانا ادق
طلال يحاول يرجع صوته على طبيعته: لالا بس كنت اتروش
شهد : صوتك متغير ..فيك شي ..؟
طلال: مافيني شي بس فلونزا
شهد :هههههه طلال لايكون فلونزا الخنازير ..
طلال يتصنع ان مافي شي: هههه الله يهداك الحامي الله لاتخافين فلونزا عاديه رحت المستشفى (( وكانت خانقته العبره لما تذكر اخته ازهار شلون راح تعيش)) وبنفسه: آآه ياازهار..لازوج ولااب ولاام ولا حتى اخو ..
شهد : يالله ماتشوف شر ان شاء الله ايام وتتشافى
طلال بنفسه :ليتها ايام ياشهد .. لــ شهد : ان شاء الله ..
شهد : اجل بعد شهر راح تنزل ..
طلال : اذا ربي راد ان شاء الله ..
شهد:الله كريم ..خلاص اجل اخليك الحين بس حبيت اطمن عليك ..
طلال: تطمن عليك العافيه ..
شهد: الله يعافيك .. مع السلامة وانتبه لحالك
طلال: الله يسلمك .. ان شاء الله ..وسلمي عالبنات ..
شهد بخبث :البنات بس.!!!!
طلال عرف قصدها وبنفسه تنهد : آآآآآآه ولـ شهد : ونور ..
شهد : هههه ان شاء الله .. مع السلامة
طلال :مع السلامه ..((بعد ماسكر أخنقته العبره ودموعه نزلت وناظر لمرايا ويتحسس وجهه وجسمه : آآه يانور ..خلاص ماعدت لك ..المرض سرقني منك وبعد كم شهر او كم سنه العالم الله الموت راح ياخذني ..
جنآح بدر ونوار .. في الصاله
بدر : نوار اشفيك تتأأففين ومالك خلق ..
نوار : مدري يابدر نور تعبت وانا ادق عليها ماترد
بدر : يمكن نايمه ..مشغوله .. ((يبي يجنن نوار)): يمكن مالها خلقك ..
نوار عقدت حواجبها: مالت اقوول ..أنا اتكلم جد وانت تتطنز ..
بدر : هههههههه اعصابك حبيبتي
نوار ماسكه جوالها وتحاول تدق لنور : بدر حبيبي تكفى ودني لها الحين انا متأكدة فيها شي ونور من النوع الي ماتحب تبين لأحد ان فيها شي غيري
بدر : طيب حبيبتي قومي بدلي ..
نوار فزت لعند بدر وباسته : فديتك حبيبي الله لايحرمني منك
بدر ناظرها بنص عين بخبث : لانخليني اهون
نوار بدلع واقفه : بــــــــــــــــــــدر .. حبيبي لاحق على الي ببالك بس يالله قوم ودني
بدر أشر عليها : انتي بدلتي عشان اوديك
نوار ناظرت ملابسها ووضعت يدها على راسها: هههه صحيح اني موحاسه بعمري
بدر بخبث وقف وقرب من عندها: هذا لانك يمي
نوار استحت : اقول عن الهبال وبروح ابدل
بدر : ههههه مايصير اجي معاك.؟
نوار بدلع : بــــــــــــدر مو وقتك والله ..
بدر :الحين برحمك بس الليله حلمك افكك ..
نوار :يصير خير بروح ابدل ان حااسني ان نور فيها شي
بدر : طيب انتظرك .. بسيارة
بسيارة خالد ..
خالد وهو يكلم جوال : اقول والله انك تسدحهم مو تهبل فيهم وبس
حمد: اعلمك فيهم انا هههههههه
خالد : تخيل ان يوم من الايام تصيدك بأحدى المولات شتسوي بعمرك
حمد: لا يامعود بقول لها خلق من الشبه اربعين مو انا خويك ههههه
لجين تدخل عرض بصوت منخفض: والله انك داهيه انت وربعك الكدش..
خالد : دقيقه حمد .. اقول بلى ماتبلعين السانك وناظري الطريق عدل لاتصقعين لنا
لجين :الله والطريق ..كلها بر ورايحين وراجعين على نفس الطريق ولا في سيارات ولا يحزنون
خالد :أكلي هوى .. المهم حمد أكلمك بعدين ..باااي
حمد:خلاص ..باي
خالد : انتي ماتعرفين تبلعين لسانك بكل حاجه تدخلين ..اغازل ..مااغازل حر بكيفي .. وربي انك غثه
لجين : طيب طيب خلاص بسكت ولاراح اتكلم ..
خالد :انزلي يالله عشان نروح البيت تأخرنا لايشكون فينا ابوي وامي
لجين :طيب ..
خالد نزل مكانه ولجين مكانها وبدأ يسوق السيارة : خالد لاتسرع .. وربي اخااف من السرعه انا
خالد : والله هذا سوواقتي تبينها اهلا وسهلا ماتبينها مافي حل ثاني
لجين : احذف اجابه .. هههههههههه
خالد ضحك رغم ان متنرفز : ههههههههههههههههه تكفين لاتعدينها مرة ثانيه
لجين : تتطنز وي خشتك
خالد ناظرها بنص عين وابتسم : لا اتمسخر كككك
لجين تنهدت :اسكت احسن لي ..
خالد صار يسرع اكثر عشان بسرعه يطلع عــ الشارع العام .. :..
ببيت بويوسف ..
نوار: صباحك خير ماما
بدر سلم على ام يوسف وباس راسها : هلا عمه .. وشخبارك ..؟
ام يوسف: صباحك نور يمه .. هلا بدر ابخير .. انت كيف حالك ..؟
بدر جلس عالكنبه : حالي يسرك والله
ام يوسف: دوم ياربي .. انتي شخبارك يانوار
نوار: انا ابخير والله دام امي حبيبتي ابخير ..
ام يوسف: دوم ياربي
نوار:يمه ماشفتي نور اليوم
ام يوسف: لا استغربت انها مانزلت مع انها تنزل تفطر معانا يمكن تعبانه اوشي
نوار ناظرت لبدر : ماقلت لك احساسي فيها شي ..يمه اوكي انا بصعد لها الحين
أم يوسف: طمنيني عليها
نوار وهي تصعد الدرج : ان شاء الله يمه
صعدت نوار ووصلت لغرفة أختها .. اوبالأصح غرفتهم ثنتينهم .. وطقت الباب بس ماسمعت اي رد من نور مسكت مقبض الباب وفتحته شافت اختها نور بنوبة بكاء
خافت على اختها وعلى طول راحت لعندها : نور حبيبتي اشفييييك .. ليه تبكين ..وشو صاير قولي لي .. ؟؟
نور رفعت راسها بعد ماكانت منسدحه وارتمت بحضن اختها وتوامها نوار : نوار انا تعبانه مو قادرة والله مو قادرة اتحمل مصاعب هالحياة خلاص ابي اموت تكفيين لاتخليني بروحي تعباانه وربي تعباانه
نوار دموعها نزلت وصارت تمسح على ظهر اختها وشعرها ((خاصه ان نوار حساسه اي موقف يأثر فيها )): نور حبيبتي وربي ماراح اخليك لو انام معاك هالاسبوع بس تكفيين قولي لي اشفيك ..؟
نور : آآآآه يانوار لاتقولين لي قولي .. لان الي بقوله صااعقة للكل مولي انا وبس .. تعبانه يانوار تعباانه ..
نوار بنفسها:ياربي اشفييها اول مرة اشوفها بهالحاله وشو الي متعبك يانور وشو ..؟ ولــ نور تطبطب عليها وبهدوء : حبيبتي اهدي ووقفي بكي وقولي لي .. اشفيييك ..؟
نور رفعت راسها وكان وجهه أحمــــــــر من البكي ووجناتها ممتليه دموع : بقولك بس يضل بينآآ
نوار : وأنــآ اسمعك.. ولاتخافين مافي شي صار بينآ وطلع لأحد ثاني
نور وهي تمسح دموعها : عارفه
بــ تركيــــــــــآ ..
علي وسارة عــ البحر يتمشون واثناء مايتمشون يحكون ..علي : ســارة
سارة ابتسمت : قلبها
علي ابتسم :يسلم قلبك الهي .. عطيني جوالك ..
سارة طلعته من شنطتها ومدت يدها له : تفضل ..
علي مد يده وأخذه منها : حبيبتي خلاص اذا احتجتي تكلمين اهلك اوأهلي أو اي أحد عندك جوالي طيب ..!
سارة ابتسمت :ان شاء الله .بس ممكن اعرف ليه.؟؟!
علي ابتسم ابتسامه باهته وغفل الجوال حق سارة :من غير ليه حبيبتي .. احس مايحتاج الشريحتين محولينهم تركيه .. خلاص جوالي يكفي ..
سارة :عدل كلامك .. واساسا انا ماأحتاجه كثيير ..يكفي وجودك
علي ابتسم : ياقلبي ياسارة
سارة ابتسمت .. :.........
علي ناظر للغارب : اشرايك سارونه نركب الغارب .؟(( واشر عليه))
سارة :آمممم عادي بيصير ونآسه ..
علي مسكها من يدها :يالله مشينا ..
وراحوا عند الغارب واركبت سارة بمساعدة علي وبعدها علي ركب جنبها وطول ماهو معاها ماسك يدها .. سارة : علي
علي ناظرها مبتسم :هممم
سارة : ودي اسئلك سؤال ..
علي : اسئلي ..
سارة : احسك غير .. مو مثل امس
علي مايبغآ يبين لها حآجه :هههه لا حبيبتي بالعكس يتهيأ لك ..
سارة ضغطت على يده : علي .!!
علي يحس قلبه انكسر من ضغطة يد سارة : عيونه..
سارة : تسلم عيونك حبيبي .. وربي احس فيك شي ..
علي ماحب يطولها :............
سارة بقهر : علي هذا المرة الثانيه اقولك وش فيك وتقولي مافيني شي قبل زواجنا بالبحر والحين .. قول ماتبي تخبرني وخلاص ..(( ورصت على أخر كلمتين))
علي ناظرها من جديد بنظره حاده كأن يقولها تكفين ياسارة ارحميني :...............
سارة بهدوء: سووري ازعجتك ..
علي بنفسه : والله ياسارة من اسمع ذا المرض اتذكر أمي غصبا علي .. صحيح تذكرتها بالبحر قبل زواجنا بس هالمرة تركرتها اكثر لا والسالفه فيها طلال خلاص ياربي ماني قاادر ..
سارة حركت علي بقوة : عـــــــــــــــلي ..
علي انتفض:هآآ وشو بغيتي ..؟
سارة : من زمان الغارب وااصل على الشاطئ
علي يناظر حووليه : سووري والله كنت مسرح ..
سارة ناظرت له نظره كأن تقوله ((وتقول انك مو متغير يتهيأ لي )):.................
علي نزل وكان بيمد يده لسارة عشان تنزل بس انتبه على التركي الي بالغارب الي كان يبي يساعد سارة تنزل : هيييي يابوي وين أحنا فيه ..!
سارة ابتسمت على كلمة علي : وشايفني هبله بمد له ايدي ((ومدت يدها لعلي ونزلها)) .. وكملوا تمشيه عــ البحر .. علي : سارة
سارة :نعم
علي : الليلة راح نورح على انطاكيا
سارة :بس لسآآ ماخلصنا من اسطنبول
علي : حبيبتي سارة .. خلاص قلت انطاكيا ..يعني انطاكيا
سارة ماحبت تطولها : طيب الي تآمر فيه
علي ابتسم : الله يخليك لي يارب
سارة ابتسمت : وانت يارب ... وبنفسها: والله ياعلي اقطع ايدي لو مافيك شي ..
بشـــركة بوبدر ..
جالس بمكتبه ويشيك على المعاملات والأوراق الي تخص شركته فجآءة رن جواله : نعم ..
...: انت بولجين الــ ...
بوبدر : ايه نعم ..من معاي .؟
...: مو مهم من معاك .. بس تعال المستشفى ضروري
بوبدر باستغراب ووقف :المستشفى ..!! ليه.. فيه شي .!
...: تعال وراح تعرف كل حآآجه ..
بوبدر وهو بيطلع من المكتب : خلاص اشوي وانا عندكم بأي مستشفى .. .؟
...: الملك فهد التخصصي
وسكر الجوال : عبد الخالق
عبدالخالق ((السكرتير)): وقف:آآمر عمي
بوبدر : لاتحولي اي مكالمه ((وطلع على طول بخطوات سريعه على سيارته رايح عــ المستشفى))..
عند نوار ونور ..
نور : وهذا كل السالفة ..
نوار مصدومه بقوه : أنتي متآكدة من الكلام ..
نور ودموعها بدت تنزل مرة ثانيه : أكثر من اسمي يانوار ..خلاص طلال مايبني يقول مايبي يعذبني مايدري ان عذابي معاه راحه ..
نوار اول مرة تشوف حال اختها كذا : الله يانور ايش كثر عواطفك جياشه تضحين بحياتك عشان الي تحبينه ..
نور سندت راسها عالسرير: آآآه يانـــــــــوار والله العظيم حبيته أول مرة أحس اني حبيت من قلب ..
نوار وتذكرت حب نور لبدر وبنفسها : آآه يانور اول مرة اصدق انك صج نسيتي شي اسمه بدر ولاكأنك حبيتيه بيوم وهالشي اسعدني لصالحك مو عشانه زوجي
ولــ نور : أهدي حبيبتي يمكن هو قال كذا لان منصدم من مرضه وعشآآن حيآتك
نور رفعت راسها وناظرتها : بس حياتي معاه معااه افهموني وربي احبه ..
نوار :...........
بالـــمستشفى .. بالطوارئ ..
بوبدر : انا دخلت المستشفى ..وينك انت ..؟
..: موانت الي بالممر واقف ..
بوبدر وهو يطالع حووليه : ايه
..: خلاص انا لمحتك راج اجي لعندك ..((ومشى لعند بوبدر ومد يده)).: السلام عليكم ..
بوبدر مد يده : وعليكم السلام .. عفوا مين أنت .؟
..: أنا سعد الـــ....... من الأحساء ..مو هذا جوال بنتك ... >> عمره ((29 سنة))
بوبدر والصدمه صعقت راسه وعلامات استفهام وتعجب على وجهه : ايـــــــــه ((وبصوت مرتفع)):.. وشو فيها بنتي وشو صاير ..؟
سعد بهدوء: ياعمي اهدء وتعال معاي .. وراح تعرف كل حآآجه ..بس امسك اعصابك ..
بوبدر جمد بمكانه من الي اسمعه : بنتي اشفييها .!!
سعد: مو بس بنتك وولدك ..
بوبدر عقد حواجبه ويجس رجوله مي قادره تشيله : وولدي ..!!!!!!!!!
سعد : ياعمي قلت لك تعال معاي وراح تعرف القصه كلها ..
بوبدر مشى على طول وكان سعد مااسكه لان حاله ينده له الجبين وسعد بنفسه : ياالله تيسرها اذا الحين باينه عليه الصدمه اشلون لو شاف الي شفته
بوبدر وصل للغرفة الي وصلها له سعد وقب لايينفتح الباب: اذكر الله يابولجين وأدخل لولدك ..
بوبدر والربكه باينه عليه : بسم الله الرحمن الرحيم .. ((وسعد فتح الباب)):............
ببيت بويوسف ..
بدر وهو يقوم من على الكنبه : يالله عمتي عن اذنك .. بمر ابوي بشركه ..
ام يوسف: اذنك معاك .. ولاعاد تقطع علينا مرة ثانيه
بدر يبتسم : هههه ان شاء الله خبري نوار اذا خلصت تدق علي ..
ام يوسف :ان شاء الله
بدر : مع السلامة
ام يوسف: الله يسلمك
بعد ماطلع بدر فارس واروى لساتهم ناازلين ..:صباح الخير(( وباسوا راسها ..))
ام يوسف: صباح النور ..
فارس: من الي تو طالع
ام يوسف: بدر جايب اختك نوار وتوى طالع من عندي
اروى :يعني نوار .. هنآآ
ام يوسف : ايه فوق عند نور
اروى ابتسمت : عن اذنكم بصعد لهم ..
ام يوسف وفارس:اذنك معاك ..
فارس: الا غريبه يوسف مو مبين ..مساافر .؟!
ام يوسف: لا مو مسافر سلم علي الساعه 7 ونص وبعدين هذا جاء تركي وجلس معاه بالمجلس الخارجي
فارس استغرب وعقد حواجبه:غريبه جية تركي ..!
ام يوسف :هم انا مثلك استغربت ..ويوم سئلته قالي ان جايب غرض لأخته حور ..
فارس رفع أكتافه :يجوز..
اروى : نور اشفيك .!
نوار ناظرت لنور :............
نور مو قادرة تمسك دموعها: مافيني شي بس تعبانه
اروى : ماصدق يانور كل هذا تعب ... الي فيك شي كبير
نور بصوت مرتفع :لاحوووول وربي تعبآنه لااحد يزيد علي
نوار غمزت لآروى بأنها تسكت :.......
اروى فهمت عليها : طيب حبيبتي .. اهدي .. اخبارك نوار.؟
نوار : ابخير الحمدلله ..
بصاله جآء يوسف .. : اهلين
ام يوسف وفارس: هلا
يوسف وهو ينزل مفتاحه وجواله عالطاوله ويجلس عالكنبه: زين انكم موجودين ابغاكم بموضوع ..
ام يوسف استغربت : موضوع .!!
فارس شبك اصابعه ونحى ظهره : قول وشو الموضوع ..
يوسف : يمه انا توني جاي من الشركة وخبرت ابوي .. طبعا كانت صدمه لابوي بس رضآ بالواقع والي الله كاتبه ..
ام يوسف قلبها انقبض: تكفى يايوسف لاتزيد علي قوزلي وش فيك وشو الموضوع الي بتقوله تراك وترتني ..!!
فارس : يمه أهدي ان شاء الله خير ..يوسف وترتنآآ قول وشو الموضوع ..!
يوسف : لايمكن يتم زواج طلال من نور ..
ام يوسف اشهقت ووضعت يدها على صدرها : هآآآآآ..!!
فارس ماكانت صدمته اقل من أمه عقد حواجبه : وشــــــــــو..!
يوسف نحى ظهره ونزل راسه وشبك اصابعه : انا مقدر وضعكم ..
فارس : طيب وليه وشو السبب .. ومن راايه ..راي طلال ولا نور ..!
يوسف :طلال ..
ام يوسف: حرام عليه يسوي ببنتي كذا
يوسف: يمه افهمي السالفه لاتحكمين على الرجل وانتي ماسمعتي السالفه بالعكس الرجل يبي مصلحة بنتك ..مايبي يخدعكم
فارس: طيب كمل ..
يوسف: طلال .. من كان يشتكي من راسه بشكل فضيع وراح المستشفى وحلل وطلع عنده سرطان ..
ام يوسف اشهقت : ..؟!!!!!!!!!!!!!!!!!
فارس تنهد : لاحول ولا قوة الا بالله العلي العظيم ..
أم يوسف :ونور.!!!
يوسف: أنا صارحت نور
ام يوسف: آآه عليك يابنتي وانا اقول مو من عوايدها ماتنزل الصباح .. وآآه عليك ياطلال ..
يوسف: الحمدلله على كل حال ..
(( والكل سمع عن طلال وقراره وانصدموا عليه وعلى نور وقلبهم انكسر وخواته انصدموا وانفجعوا عليه بس سلموا امرهم لله تعالى عدا سارة الي الى الآآن ماتدري عن حآآجه وسامي درى من فارس لكن مابين اي حآجه قدام ريم وعمل نفسه طبيعي ولاكأن فيه حآجه ))..
>>>يتبع
|