(( البارت الواحد والعشرين ))
طبعا ..طولت البارت هالمرة لعيونكم ..
قراءة ممتعه ^_^
فارس: اروى اشفيك .؟
اروى تبكي من غير صوت .:.........
فارس قرب لعندها وصار يمسح على شعرها ومسك يدها : حبيبتي اروى اشفيك..شصار ..قولي لي .؟
اروى على وضعها وصارت تشاهق بالبكاء :............
فارس:اروى حبيبتي هدي وعلميني اشفيك؟
اروى ارتمت بحضن فارس وصارت تشاهق ببكآئها: اشتقت لأمي يافارس وربي اشتقت لها تمنيتها تكون معاي بمثل هالحظه
فارس انكسر قلبه وحس كلام اروى خنجر انغرس بقلبه وصار يمسح على شعرها وبصوت شبه مسموع: خلاص حبيبتي اهدي الله يرحمها اكيد الحين هي مرتآحة وفرحانة لك ترحمي عليهآ
اروى لازالت على وضعها: بس يافارس انا احبها موت اشتقت لها كابرت بمافيه الكفاية حاولت اكابر اكثر بس ماقدرت... رفعت راسها من حضن فارس وصار يمسح دموعها ويطبطب عليها ابتسم: هآ تبيني ازعل؟
اروى ابتسمت رغم الدموع: ان شآء الله بهدئ خلاص
فارس بآسها بجبينهآ وبيدها: فديتك
اروى استحت وابتسمت:..................
عند نوار وبدر بصالة جناحهم ..
بدر: اقول نوارتي
نوار ابتسمت: خير
بدر مبتسم وبلل شفايفه محتار من وين يبدأ: امم ودي اقولك شي
نوار مبتسمه: اسمعك
بدر على وضعه: حبيتي نوار ابغا اصير ابو
نوار انصدمت بداخلها بهالسرعه يبيها تحمل بس ظاهرها تصنعت البرود: ايه ان شاء الله تصير ابو
بدر عقد حواجبه: فهمتي علي انتي؟
نوار على وضعها وتظاهرت بعدم الفهم باستفهام : يعني؟
بدر قرب منها سحبها لحضنه وصار يبوس خدها وايدها وكل ساعه مايبوسها عناد فيها مبتسم ببرود: يعني ابيك تحملين بسرعه فهمتي
نوار بنفسها : آه ياقلبي الله يعيني عليك وعلى العيشه معاك.. ولبدر: خير ان شاء الله بيد الله احمل بسرعه ولا لا ..
بدر بخبث : لازم الليلة تروحين بيت أهلك ..؟
نوار عقدت حواجبها والتفتت عليه : اشرايك.؟
بدر ابتسم وغمز لها : من رايك ..
عالمغرب في جناح ساره وعلي
علي مبتسم: طيب قومي صلي عشان اوصلك بيت اهلك
سارة : ان شاء الله بس ببدل لبسي احس بيضايقني اثناء الصلاة وبعد الصلاة ارجع البسه
علي تكتف وابتسم وميل راسه: والمطلوب آنسه سارة
سارة عرفت ان علي فهم عليها سوت نفس حركته مبتسمه وبنفس نبرته: انت عارف ياعلي مالاداعي اقولك
علي على وضعه: لا آنسة أتحفيني
سارة على وضعها : يعني يادكتور تفضل وسكر الباب وراك(وأشرت عالباب)
علي هز كتوفه ورفع حواجبه وابتسم بمعنى مادري : طيب بس
سارة ابتسمت وبانت اسنانها: وشو؟
علي قرب منهآ وحاوط ايدينه حول رقبتهاوباسها بخدهآ : هذ الــ بس ..
سارة ابتسمت : اهآآ
علي مبتسم : طيب اخلصي بدلي وصلي قبل لاأهون ويصير ذاك الي ذاك ..
سارة استحت ضربته على صدره بالخفيف : خطييييير ياربي منك
علي ابتسم ابتسامة مثيره وغمز لها: مشكلتي انهبل اذا شفتك واذا هامت عيوني بعيونك ودي نكون لحالنا بس ..
سارة ابتسمت بحيا: طيب ممكن ابدل ..بتأخر عن الصلاة بسببك..
علي ابتسم: طيب خلاص روحي صلي .. انا هم بصلي ..
سارة : طيب
ببيت محمد ((بويوسف)) ..
يوسف قبل لايدخل جناحه شاف ابوه وهو طالع من غرفته: يبه كل شي جاهز وكل شي حسب ماطلبت ..
بويوسف: ماقصرت تعبتك معاي
يوسف: تعبك راحه يالوالد .. الحين عن اذنك بروح اتروش عشان اصلي ..
بويوسف:تقبل الله
يوسف:منا ومنك صالح الاعمال ..
بويوسف نزل بصاله وشاف ام يوسف جالسه تبخر البيت : عساك عالقوة يام يوسف..
ام يوسف ابتسمت : تسلم .. معاك ان شاء الله
بويوسف : اجمعين ان شاء الله ..
بجنآح فارس كانت نور موجودة مع اورى وحكي وسوالف ..
نور : والله يابخت فارس فيك يااروى ..
اروى ابتسمت :وانا يابختي فيه
نور ابتسمت وحآبه تجننها : أوووه أوه حركآت والله ..
اروى ضربتها بالخفيف: ياربي منك على كل شي تعلقين نفس طينة لجين ..
نور :ههههه هذا الي يفيد معكم .. الا وين فارس . ؟
اروى : يصلي بالغرفة ..
نور بخبث : آمم اهــآ وانتي يعني صليتي ولا .؟!
اروى انحرجت من نور : نوور عن اللعانه ..
نور ابتسمت لدرجة بانت اسنانها : امااانه لاتقولين انك ....
اروى قاطعتها :ايه ماعلي صلاة ..ارتحتي ..
نور :هههههههههههههههههههههههههههههههه
اروى مستغربه ومعقدة حواجبها : هيي اشفيك انتي في شي يضحك ..؟
نور وهي تضحك : هههههه لا بس مسكين فارس اخوي ماتهنى..
اروى :ياجراااااااااائتك يانور .. ذلفي عن وجهي
نور :والله لالا خلاص ماراح اضحك .. ((وحطت يدها على فمها )): وهآآ ..
اروى ناظرتها بنص عين :هذا الي يفيد معاك ..
بجنــــــــــآح علي وسارة ..
علي دخل الغرفه على سارة بعد ماصلت وبدلت وجهزت .. وعلي بيلبس ثووبه اثناء ماهو يلبس ثوبه ..: أوه أووه اكشخ ياسارة صايرة قمر وربي ...
سارة بنفس نبرة علي : أوه اوه ياعلي دااائما تخجلني ..
علي ابتسم : هه يعني .!
سارة قربت من علي وصارت تزرر ازارير ثوبه : أقول علي..
علي متخصر لحد ماسارة تخلص عشان بيركب الكبكات :هممم
سارة من دون لاتناظره : آممم في غرض لي ببيت ابوي بجيبه معاي واحنا جايين
علي يناظرهآ وتوها مخلصه تزرير الثوب ابتسم وابتسمت له وعفس شعرها عالخفيف : اشدعوه جيبيه من غير لاتقولين .. وبعدها مشآ عند التسريحه عشان ياخذ الكبكات ..
سارة مشت لعنده وصارت وراه وتلعب بشعره : لا بس حبيت اقولك ..
علي ناظرها من المرايا بنص عين وابتسم : طيب خلاص ..
ببيت بويوسف الكل كان موجود الا سارة لسآتها ماجات الكل كان ينتظر سارة وعلي ..
طبعا كالعادة الحريم والبنات كانوا مجتمعين بالصاله ..اما الرجال كانوا بالمجلس الخارجي الي يطل على الحديقة ..
عند الرجآل ..
بويوسف : فارس دق على علي شوف اشفيه تأخر ..
فارس:ان شاء الله يبه
تركي بهمس لفارس: ياشيييخ لاتدق عليه يمكن الرجل مشغول ..
فارس فهم قصد تركي وكنم ضحكته : هييي انت اشفييك .. تفكر الكل مثلك ..
تركي بخبث:يعني تبي تفهمني الحين انك ماسويت شي ..
فارس ابتسم :والله يبي لك قلب ياتركي .. ياحبك لذا الكلام ..خلني بس ادق عليهم اشوف شفيهم تأخروا.. ((دق فارس على علي ..)): هلا علي ..
علي : هلا فيك
فارس : ماصارت تأخرتوا الكل موجود عدا انتوا ..
علي وهو واقف قدآم التسريحه يتشخص : الله يعافيك لاتعطلني والله راح اجي بس جالس اضبط شماغي وبجي عندكم ..
فارس : طيب .. ننتظركم ..
علي :سلام .. ((وضع الجوال على التسريحه وصار يضبط شماغه)) ..
سارة ملت وهي تنتظر بصاله راحت الغرفه لعلي بعبايتها : علي والله من ثلث ساعه وانا لابسه ماصارت شماغ ..
علي وهو على وضعه ابتسم : حبيبتي انا ماقلت لك البسي انتي الي لبستي عبايتك .. (( لف عليها علي وابتسم ابتسامه تذوب سارة )): وبعدين ابغا شي قبل لانمشي فــ من اذن لك تلبسين .؟
سارة قلبها دق وتخصرت : ووشو .؟!
علي راح لعندها ومسك ايدينها ويلاطفهم باصابعه : من البارح الى الآن ماعطتيني بوسه ...!
سارة استحت ونزلت راسها وصارت تناظر ليدين علي وهو يلاطف ايدينها : ........
علي على وضعه ويسوي نفسه يطل بوجههآ : ترى ماراح أكلك ناظريني ..وماراح نطلع الا لما تبوسيني .. هآآآ ..!
سارة استحت اكثر وبنفسها:ياربي تساعدني والله استحي
علي على وضعه ومبتسم :هآآ ..نرقد ؟
سارة بعد تفكير سريع بجرائة رفعت راسها وقربت من خد علي وبآسته بهدوء وبصوت مبحوح : طيب الحين نمشي ..!
علي عاش عالم ثاني وتحركت مشاعره : نمشي ..مع ان ماودي نمشي ..
سارة بحيآ:عليييي
علي : ههههه يالله مشينآ .. ((وباسها بجبينها))
ببيت بويوسف ..
عند الحريم والبنات ..
نور : والله سووير مو هينه هــ الي للحين ماجات ..
نوار : ياالله على افكارك وافكار لجين تروحون لبعيد ..
اروى:بكرة ازواجكم الي بيستحون مو انتوا
نوار :صدقتي والله
لجين بنبره : نور مو كأنهم يغلطون واحنا ساكتين
نور بثقه وتتصنع الغرور: اشفيك لجين هم منقهرين منآآ احم احم
اريام : هههههههههه والله انكم توحفآآ
أم يوسف: حور يمه دقي على علي شوفي وشفيهم تأخروا..
حور :ان شاء الله خاله ..((دقت حور على علي ..علي وسارة بسيارة رايحين لبيت بويوسف )): هلا
علي : هلا فيك ..
حور : اخبارك .؟
علي :تمام الحمدلله .. انتي شخبارك وشخبار حموود
حور ابتسمت :الحمدلله وحمود بخير يسلم عليكم متى يطلع بس ..هههه
علي ابتسم : ههه الله يعينك ان شاء الله ..
حور : خالتي ام يوسف تقول تأخرتوا مافيكم شي .؟
علي ناظر لسارة وبعدها ناظر لطريق : لا سلامتك مافينا شي هذا احنا بطريق جااين عندكم ..
حور: اوكي مع السلامة
علي : سلام ... ووضع الجوال قريب الطابلون:سارة اشفيك .؟
سارة توها انتبهت : هاا مافيني شي ..
علي ابتسم بخبث:هنيآآله الي مسرحه فيه ..
سارة ابتسمت ولفت عليه : اكيد انت مين غيرك .!
علي يتصنع الغرور : أحم اكيييد لو يكون غيري انحره ..
سارة ابتسمت : وول عليك لهدرجه تغار.!
علي ابتسم وناظرها بنص عين : اشراايك .!
سارة : آممم من رايك .. اقولك شي ..
علي :اسمعك..
سارة : لالا استحي اقول
علي يناظر الطريق ابتسم :بتقولين ولا اشلون ؟
سارة : آممم واذا ماقلت .. ؟
علي ناظرها بنص عين مبتسم بخبث: عآآدي نرجع البيت ..
سارة شهقت :لالا .. خلاص اقولك ..
علي كاتم ضحكته : طيب قولي ..
سارة : احسك طالع تجننننننن .. وشريمبو يهبل عليك ..
علي فز قلبه ويبي يجننهآآ : يعني تحسيني مو متأكده من احساسك ..!
سارة بدلع عفوي :علي وربي اتكلم جد لاتهبل فيني ..
علي :ههههههه العب باعصابك .. عيونك الحلوة عمري .. واذا يعجبك شريمبو كل مرة نسويه ولا يهمك ..
سارة ابتسمت ولفت تجاه النافذه : تسلم لي يافلبي ..
علي ناظرها وبعدها ناظر الطريق تنهد بهدوء: احبك ياساره ..
سارة ناظرته وابتسمت :...........
عند الرجال دخل عليهم علي والكل وقف عشان يسلمون عليه ويباركون له .. وباس راس ابوه وعمه وبوبدر ..
وصل لعند تركي وسلم عليه اثناء مايسلم عليه همس له من بين اسنانه : والله خطيير على هالتأخير..
علي استغرب وبعد عن تركي وضربه على صدره بالخفيف وابتسم : هييي انت لايروح بالك بعييد والله كنت اضبط نفسي ..
تركي بعدم تصديق:اهـــــــــــــآ
علي ابتسم وناظره بنص عين : لاتصدق .. ابراحتك
وبعدها سلم على الكل .. وجلس جنب فارس .. : هآآ ..اشوفك فرحآن ..
علي التفت على علي : ابذمتك لساتني معرس ..وشو تبيني اكشر؟؟!
فارس بخبث: لا يعني ..يعني .. بس خلاص ..
علي ابتسم وكأن عاجبه الوضع : هييي يابوي اذا انت هذا تفكيرك مالوم تركي
فارس :ههههههههههه والله مايندرى عنك ..
علي لف على علي بكل جسمه وتربع على الكنبه والكل يناظره مستغرب بس بعدهآ انشغلوا بسوالف والحكي : انا الحين الي بتجرأ وبطينها معاك مثل ماتجرأت معاي .. ها سويت شي مع اختي ..؟
فارس انحرج من علي ونفس الوقت كتم ضحكته وبصوت منخفض: اقول الله يرجك فضحتني خلاص..
علي على نفس الوضع وبخبث: هآآآآ فارس ..موتوك علي انا .. الحين انا صرت عليك ((ورفع سبابته)):واحده بواحده ..
فارس :يرحم امك .. سكر الموضوع
علي :ههههههه الحين سكر الموضوع .. هذا الي يفيد معك يالدب ..
فارس يتمسخر :احلف ..؟
عند البنات الكل سلم على سارة .وسارة سلمت على الأمهات قبل وبعدها راحت عند البنات وسلمت عليهم وجلست بجنب اريام ..
لجين بخبث وتناظر لنور : عسى تأخيركم خير ..!
سارة عرفت مغزاهم : اقول بلا ماتنثبرين انتي وياها ووالله الي أخرنا علي على بال ماتجهز ولبس ..
اروى: عاد اخوي علي عليه بروووود موصاحي
سارة :ايه والله باااارد بقوة ..وكل الأمور برووواق يمشيها
حور : ياحليله اخوي وربي يهبل ..
اروى ابتسمت :ايه هذا علي ..
حور ابتسمت:وربي عادي مافرق بين علي وتركي ..بس علي حنانه غير طبيعي يعني حنون بقووه ..
اريام تذكرت الي صار بينها وبين تركي ايام ملكتها : أمممم وتركي ..؟
حور ابتسمت :ريووم والله موقصدي ان تركي موحنون هم تركي حنون .. بس تركي مشكلته مايحب احد يعانده ولا ينصحه عصبي
اريام ابتسمت :بالعكس والله ماقلت شي بس حبيت اشوف انطباعك عنه .. وبالفعل تركي عصبي ..
اروى ابتسمت : بس يهبل والله فديته اخوي
نور: وشو خليتي لفارس ..
لجين :الأعظم ههههههههه
نور :هههههههههههههههههه جبتيها والله ..
اروى : وربي سخيفييييين
نوار تساند اروى : توك تدرين ..!
ريم توها مخلصه مكالمتها جوال : هلا سارة..
سارة :اهليين ..
ريم:مبروك ..
سارة :ربي يبارك فيك
نور بخبث.. : مرت خالي ماصارت جوال ..
ريم تبي تجننهآ:هو صح ماصارت جوال بس مو خالك لاتفكرين هآآ ..
نور تلعثمت : هآآ ايه امممم طيب ..
ريم : طلال
نور تتصنع البرود :فديييييته
لجين بخبث تنهدت :آآآآه يانور .. ترى كلهم متزوجين .. الا انا وانتي .. اشرايك نقوم عنهم..
نوار رفعت حواجبها :ياربي منكم انتوا من اول ماجلسنا وانتوا كل ساعه تتسببون في واحده منآآ ..
نور : ههههههههه اعصابك لاينط لك عرق..
نوار : افف منكم بس .. ((وقامت نوار من جنبهم ..))
لجين بهمس لنور :موكأن زودنآآها ..!
نور : ماعليك بس نوار هذا هي من هي بنت ماتغيرت ..
لجين :وي خشتك يعني هي الحين ولد ..
نور بخبث: لا ياغبيه .. مَــــَــره ..
لجين :ههههههه والله انك شييينه..
اريام : هآآ سارة ..بشري ..
سارة عقدت حواجبها :على وشو ..؟
اريام ابتسمت :لاتخافين ..اقصدلك ..اخبار علي معاك يعني حسيتي بالآمان معاه ولا ايام الملكه شي والزواج شي ثاني>> متاثر بلي صار مع تركي مسكينه *_*
سارة :لا والله يجننن ابصراحه حسيت كأني بجنه مو جنآح احس علي محسسني بالأمان بس باارد الله يهداه ..
اريام ابتسمت : يالله الله يوفقكم يارب..ولاتخافين هالبرود راح يتغير مع الايام .. وليه ماتبينه بارد ..
سارة :هههه انا قلت مثلك بعد يمكن يتغير مع الايام خالبرود وموعن مابغاه بارد بس عالاقل موبكل الامور بروود .. اممممم وشو مناسبة سؤالك .؟
اريام ابتسمت:لا مافي مناسبة بس حبيت اسئل جا ببالي
سارة ماصدقت بس ماحبت تطولها مع اريام .. : اها
الكل قام على العشا ..
ام يوسف: الا وين نوار ..؟
ام بدر : صح وين نوار .. انا من قبل العشا فقدتها ..
سارة قامت : طيب انا بروح اشوفها وبرجع ..
نور :لا جلسي انتي لساتك عروس انا بقوم ههه
سارة :لا عادي ماتفرق انا بروح اشوفها ..وتعشوا اشوي وبرجع
الكل : طيب ..
سارة خذت جوالها ودقت على نوار وماردت ودقت عليها مرة ثانيه ولاردت ..
نوار بغرفتها منسدحه على سرير وكانت تفكر بحياتها مع بدر ماتوقعت انها تكون كذا صحيح ماخذوا فتره طويله بس توقعت بداية حياتهم تكون روووعه .. نزلت دموعها اثناء ماهي تفكر
خذت جوالها وشافت اربع مكالمات ومسحت دموعها: ياالله هذي سارة ..ياعمري ياسارة .. خل ادق عليها .. ((توها بتدق على سارة الا انطق الباب )): مين
سارة : أنا .. ممكن ادخل ..
نوار ابتسمت : ايه دخلي ..
فتحت سارة الباب وابتسمت لاختها وجلست على طرف السرير : اشفيك .؟
نوار ابتسمت: مافيني شي
سارة : عن العياره ..لايكون زعلتي من لجين ونور ..ماعليك منهم هبل هالثنتين
نوار ابتسمت على كلمة سارة ((هبل)) : هه لالا مافيني شي من الاساس عشان يكون منهم
سارة :نوار لاتحاولين تحاورين معاي ..عيونك فاضحتك ..
نوار بدت دموعها تنزل : سارة تكفييين مابي احد يدري عني ..
سارة قربت منها وحضنتها على جنب : نوار .. مااحد راح يدري بس اشفيك تكفيين علميني .. ووالله ماراح اقول لاي من كان ..
نوار تبكي من غير صوت بس دموعها الي تنزل : مدري ياسارة .. احس اني مقهورة احس اني عايشه بدوامه احس اني عايشه على هوى غير وتحت سيطرة غيري..
سارة استغربت وعقدت حواجبها : طيب حبيبتي هدي .. وقولي لي وشو فيك لاتكلمين باالالغاز .. أحد قايلك شي ..مسوي معاك شي .. قولي ... ..؟
نوار :.................
سارة:وبعدين
نوار اسكتت ودموعها تعبر عن الي فيها :..........
سارة بعدتها عنها: لاتسكتين قولي لي ..تعانين من وشو؟
نوار : سارة بقولك بس توعديني مهما يكون ماحد يدري
سارة ابتسمت : تطمني ووالله ماحد راح يدري.. وبعدها ناظرت للساعه :نوار حبيبتي قومي حطي لك كحله عشان لااحد يحس ان فيك شي ولا بااكيه .. طيب ونزلي معاي ونتعشآ .. ونقول لهم انك كنت تعبانه وراسك مصدع
نوار ابتسمت من غير نفس : هه والله مسكين ذا الراس .. كل ماصارت فينا هموم ولانبي نحسس الي حولنا نحطها فيه ..
سارة ضحكت :ههههههههه صدقتي والله قومي الحين وبعدين نكمل كلامنا
نوار ابتسمت:ان شاء الله
ام بدر : هلا بزوجة ولدي ..
نوار ابتسمت بالغصب : اهليين عمتي
ام بدر : عسى مافيك شي ..؟
نوار :لا بس راسي مصدع ((وتذكرت الكلام الي قالته لسارة عن الراس )) وكتمت ضحكتها : وقلت بصعد ارتاح ..
شريفه:ماتشوفين شر يانوار
نوار:الشر مايجيك عمه ..
ام يوسف ابتسمت: ماتشوفين شر يايمه
نوار : الشر مايجيك يمه..
سارة : اقول يمه ..
ام يوسف: امري ..
سارة : أحبك .. ههههه
ام يوسف: ههههه وانا احبك يايمه ..
نور : اووه اكيد سارة الغاليه
سارة تناظر نور بنص عين : وشو حارقك انتي .؟
نور :مالت بس...
سارة :ههههه ريم قولي لطلال يعجل يجي عشان يفكنا منها ((تمزح))
نور تمزح :جالسه على قلبك ..
لجين بهمس لنور : بيستوحد فيك هناك ..
نور دق قلبها : هيييي ياسخيفه وشو يستوحد فيني ..!
لجين :هههههه مدري ..
بعد العشـــــــــــــــــــــــــــــآء ..
عند الرجآآل ..
علي : سفرة داايمة ياعمي ..
بويوسف: بالعافيه هههه
علي:الله يعافيك ..
جلسوا ((بوتركي وبوبدر وبويوسف )) حكي وسوالف عن الشركات والمشاريع ..
((عبدالله وخالد ..))حكي عن الجامعه وعن ربعهم وسيارات وآخر الموديلات..
((تركي وسامي ويوسف وعلي وفارس وبدر )) حكي عن الزواج وعن السفر والاسهم
فارس بخبث ويناظر تركي : أجل بعد يومين بتساافر ياعلي
تركي بنفس خباثة فارس: ايه والله حظوظ ..
علي ابتسم ببرود : وشو حارقكم انتوا .. انت وسافرت ((يناظر تركي )) ..وأنت توك معرس سافر ((وناظر لفارس))
فارس ابتسم : بنساافر انا والمدام بس بعد 4 ايام
علي :على وين .؟
فارس:المغرب ..
بدر : أما انا ماحب اسافر ابد
وكل واحد صار يحكي مع الثاني ..
عدا يوسف وبدر
يوسف مبتسم : اقول يابوناصر .. اختي هالله هالله فيها حتى لو ماتحب السفر اقلها سفرها اسبوع تغير جوو
بدر ابتسم : والله ياولد خالي ..ماحب ارضي غيري على حسابي
يوسف استغرب من كلام بدر وبنفسه : ياالله اشفيه يتكلم بجفآآ .. وياترى نوار سعيده معاه .. ولا شلون... ولــ بدر ابتسم بالغصب : يالله اهم شي تكونون مرتاحين ..
بدر على نفس وضعه : الحمدلله انا عن نفسي مرتآآح عالآآخر..
يوسف استغرب اكثر واكثر بس ماحب يطولها مع بدر عشان لايكون سبب لاخته نوار مع بدر .. ففضل السكوت ..
عند الحريم والبنات ..
ريم :يالله مع السلامة ..
ام يوسف:تو خير
ريم:لا والله ماقصرتوا بس سامي دق علي ..
ام يوسف: طيب سلمي على سامي ..
ريم ابتسمت :ان شاء الله ((وسلمت على الكل)) ..
عند الرجال ..
يوسف بهمس:خالي مستعجل ..
سامي ابتسم وعرف مقصد يوسف: اشفيك انت .. شارب شي ..
يوسف بخبث: اقول ياخالي حلاتك وانت تستحي
سامي ضربه على راسه بالخفيف: الله يعين زوجتك بس خلني اقوم قبل لاتهبل فيني
يوسف:ههههههه
((وطلع سامي من المجلس بعد ماسلم على الكل)) ..
على الساعه 12 الكل مشى .. عدا سارة وعلي ونوار وبدر ..
بويوسف: تو الناس .. ومافي شركة بكرة ..
بدر: لا والله ياخالي ماقصرت .. بس احس مرهق اشووي
بويوسف: يالله الله يعينك ..
بدر طلع الحديقه بعد ماسلم عليهم وبجواله :الو ..
نوار قامت من جنب خواتها واروى وحور وطلعت لفوق : اهليين ..
بدر مبين على صوته ان ماله خلق شي : اطلعي انتظرك بسيارة ..
نوار : بدر اطلب منك طلب ..
بدر بنفس النبره :اطلبي ولاتكثرين ..
نوار بتردد : آمممم ..ممكن الليلة انام ببيتنا ..
بدر :وشو ..ماسمعت .. تكفين عيدي كلامك ..!!
نوار عرفت ان يتريق : طيب خلاص راح انزل بس لاتتريق طيب ..!
بدر بحده:موشغلك وبسرعه انتظرك بسيارة ماني بسواق على حسابك
نوار عقدت حواجبها: طيب .. خير ان شاءالله
بدر سكر من غير لايقول مع السلامة ...انقهرت نوار من تصرفه .. وراحت لغرفتها وخذت عبايتها وشنطتها الابدخلة نور : على وين ..؟
نوار تبتسم عشان لاتبين لنور: بدر ينتظرني تحت....
نور ابتسمت : خلاص اجل ماقدر اقول شي ههههه
نوار : ههه طيب عن اذنك ..((ونزلت تحت وسلمت عليهم وطلعت وطلعت معاها سارة واثناء ماهم يمشون ونوار تحط شيلتها على راسها )): سارة الي صار بينآآ يضل بينآآ
سارة :أكيد حبيبتي لاتحاتين .. بس متى راح اتكلم معاك ..
نوار وهي تغطي وجهآآ وواقفه عند الباب : خلاص انا اذا شفت نفسي فاضيه اشبك ماسن واخبرك ..
سارة ماسكة الباب ابتسمت : طيب انتبهي لنفسك ..
نوار :ان شاء الله ..
طلعت نوار واركبت السيارة ..بدر يتريق : كآن ضليتي اشووي ..تو الناس ..
نوار التزمت الصمت :.............
بدر تو يحرك السيارة مرة يناظرها ومرة يناظر الطريق: من أكلم أنا .؟
نوار تنهدت بهدوء: وشو اقول يعني .. !!
بدر يبتسم باستهزاء: لاتقولين شي .. سكوتك ذهب
نوار استغربت التفتت عليه : بدر تكفى والله مو رايقه لتصرفاتك الي مدري وشو تفسيرها ..
بدر بحده : اقول اسكتي ولاترفعين صوتك ولا والله لي اسلوب اقوى من هذا معاك ..
نوار انقهرت وبنفسها : ياالله ..شسويت له عشان يتعامل معي كذا ..!
بدر بنفسه : ياربي .. ليه مو انا الي اعجبت فيها وخطبتها من دون اختيار أحد ..ليه صرت اتعامل معاها كذا وافرض كلامي عليها ..!!
وعم الهدوء بسيارة .. لحد ماوصلوا للبيت وطلعوا على جناحهم ..
ببيت بويوسف بالمجلس ..
بويوسف : طيب عن اذنكم بصعد انام .. ((وصعد ))
يوسف وقف : وانا بعد ..نخلي العرسان تعبر عن مشاعرها لبعض ههههه
علي:تتطنز وي خشتك
فارس : ههههه
يوسف يبتسم : سمها مثل ماتبي .. هههه
علي ابتسم : طيب .. ابغا اسلم على عمتي ..
يوسف :طيب اشوف اذا نور موجودة اخليها تتحجب او تقوم ..
علي :طيب انتظرك ..
وطلع يوسف من المجلس للصاله قبل لايدخل دق على حور : هلا
حور :اهليين
يوسف:اختك هنآآ
حور:ايوآآ
يوسف: سوي طريق لاني بدخل دقايق وبصعد ..
حور .. :طيب .. اروى حبيبتي ادخلي المجلس يوسف بيجي ..
اروى :طيب ..
دخل يوسف بعد مادخلت اروى عالمجلس ..:هلا
الكل : هلاااا
جلس عالكنبه المقابله لنور يوسف يأشر لنور : هيييي انتي .. ((يبي يجننها))
نور تتلفت يمين وشمال وبعدين تناظر ليوسف وتأشر على نفسها وعقدت حواجبها :انااا.؟؟
يوسف على وضعه :لاخيااالي ..
سارة تبتسم بانتصار : الدنيا دوارة .. هههه
نور : اسكتي وي خشتك .. يعني الحين ينقال عنك أفحمتيني ..
ام يوسف: اشفيكم على بنتي اشوي اشوي عليها ..
نور التفتت لأمها وبدلع :وهـ فديتك يمه
يوسف كاتم ضحكته على اخته : طيب يااخت لو تكرمتي ضفي وجهك لغرفتك ولا المجلس (( وأشر لها عالمجلس او غرفتها ))
نور وقفت وتخصرت :ولييه ياشييخ ..؟
يوسف : خلصينآآ بيدخل الاخ يسلم على أمي ((وناظر لساره)) ..
سارة افرحت وتشجعت :يالله بلاك واقفه ضفي وجهك هههههه
نور تكش عليهم: مالت عليكم بس اروح لآروى احسن لي .. (( ودخلت عالمجلس))
الكل :ههههههههههه
يوسف دق على علي : يالله شرف .. سوينا لك طريق..
علي :هههه طيب .. يالله فارس بقوم اسلم على العمه .. وبعدها بمشي ..((ووقف وسلم عليه )):اشوفك على خير..
فارس:خير ان شاء الله ..
علي : بتجلس هنا ..
فارس: لما تصعد حور بدخل لان فششله ادخل وهي هنا
علي ابتسم: ابعدي والله ولد عمي بلاك احسن من اخوك يسفوووه ..
فارس :ههههه طيب اذا صعدت اختك عطني رنه ..
علي : طيب ان شاء الله .. واذا مشينا ولا صعدت ..
فارس : لاتعقد المسائله ياشييخ .. ذيك الساعه يحلها الف حلال ..
علي :هههه طيب اخليك ..
فارس: اوكي ..
|