(( تكملة البارت العشرين))
أم يوسف فرحانه: اهلين صباح الخير ..ومبروك
فارس:صباحك نور .. ربي يبارك فيك ياغلى ام بدنيآ ..
أم يوسف ابتسمت : ربي يسعدك يافارس ..
فارس :تسلمين يالغاليه ..تفضلي ادخلي ..دخلت ام يوسف وقامت لها اروى :هلا خآله ..وباست راسها
ام يوسف: اهليين يمه .. مبروك
اروى: ربي يبارك فيك يالغاليه ..
سارة واقفه قدام التسريحه تشيك وتضبط حالها ..
علي بعد ربع ساعه طلع من الحمام ((الله يكرمكم)) وكان لاف الفوطه على خصره وبالمنشفه ينشف شعره وأنتبه لسارة أثناء ماينشف شعره ابتسم ابتسامته المعتاده ((المثيره)) وقرب من سارة ..سارة حست قلبها بيوقف اول مرة تشوف علي بالوضعيه هذي : اوووه اوووه أحلى ياسارة والله تهبلين .شكلك ناويه توقفين قلبي ..
سارة على وضعها مستحيه ابتسمت على كلام علي : آمممم ..طيب البس ..لازم عمي بيمر عندنآ ..
علي ترك المنشفه على كتفه ويعفس شعره بطريقه هادئة عشآن يتأكد بان جففه صح : طيب خلاص ..
سارة طلعت على الصاله على بال علي مايلبس .. لبس علي بيجآمته وراح لعند سارة وجلس بجنبها ولف ايده على رقبتها ويلاطف خدها باصابع كفه وبخبث: صباحك ورد ياسااااره ..
سارة حست من نبرته ان فيها لعاانه ابتسمت وبنفس نبرته : صباحك كادي ياعلي ..
علي على نفس النبره : قلاااده ياساره ..
سارة :هههههه .. آمممم علي
علي وهو يمسح على شعره : عيون علي
سارة : غمض عيونك..
علي ابتسم :وليه .؟
سارة :غمش عيونك حبيبي وبتعرف
علي ابتسم ابتسامته المعتاده: اوووه السالفه فيها حبيبي خليني اغمض اجل ..
سارة استحت : على كل حآجه بتعلق هآآآ..
علي على وضعه وغمض عيونه وقابل سارة : اكيد افا عليك ..
سارة ابتسمت على شكل علي وهو مغمض ومبتسم كان شكله حلو : آممممم ..انتظر لاتفتح ..
علي :ننتظر ..ونشوف اخرتها ..ههه
سارة خذت كف علي ووضعتهابكفها علي بداخله استغرب بس استسلم للوضع عشان يشوف وشو بنفسها سارة..... سارة: قول وعد
علي ابتسم وبكل ثقه: وعد
سارة بعالم ثاني وقلبها يدق: انك تظل معاي طول العمر مهماراح يكون..وماتتخلى عني مهما راح يصير
علي تحركت مشاعره فتح عيونه ببطئ وقرب منها وميل راسه ووضع كفه الثانية على خدها وبهدوء: سارة!!
سارة بصوت شبه مسموع: عيونهآ
علي بهدوء: وشو مناسبة هالكلام ..((وابتسم مستغرب)):وليه خلتيني اغمض عيوني .؟
سارة نزلت راسها وهي تلعب باصابعها بكف علي : اولاماحبيت تشوفني وانا اقولك هالكلام .. او بمعنى اصح يمكن لوكنت تناظرني ماقدرت اقوله .. وثانيا مافي مناسبة للكلام بس حبيت نكون على وعد ..
علي على وضعه :ليه مو وواثقه فيني .!؟
سارة ابتسمت ووضعت ايدينها على خدود علي وبانفعال:لالالا ..موكذا حبيبي ..بس مدري حبيت اقوله ويكون بينه هيك شي ..
علي ابتسم وباسها بخدودها ببرود قآتل وحط راسه على صدرها وحاوط خصرها بيدينه :يـــــــــــه ياسارة اشكثر احبك والله والله انا لك مو لغيرك ..
سارة تحركت مشاعرها وفرحت ونفس الوقت استحت من حركته وصارت تلعب بشعره: وأنا يجن جنوني عليك ولااقدر استغنى عنك ..
انطق الباب ..علي تنهد:ياالله مين الي قطع علينا جونآ..
سارة ابتسمت ورفعت اكتوفها كأنها تقوله مدري : هههههه
علي قام من عند سارة: مين .؟
بوتركي :انا ..
علي دق اصبع ومسح على شعره وبصوت منخفض: مالقيت تجي الا بهالوقت يايبه ..
سارة بدلع ميلت راسها:اشفيك انهبلت بقووه هههههه
علي ابتسم وفتح الباب : هلا يبه ((وباس راسه ))
بوتركي: مبروك ياعلي
علي:الله يبارك لك يبه ..تفضل ..
سارة قبل لايدخل قامت الغرفه لانها استحت تكون يمه بلبس هذا .. وراحت حطت على اكتافها وظهرها شال وطلعت وراحت لعند عمها وباست راسه:هلا عمي
بوتركي : هلا سارة ..مبروك ..
سارة:يبارك فيك ربي ..
بوتركي : هآآ ياسارة اشلون علي معاك ..
علي ناظر لسارة وابتسم ابتسامته المعتاده وغمز لها سارة استانست على علي : الحمدلله تمام
بوتركي : الله يسعدكم ان شاء الله ..
علي : اجل الليله بيت عمي بويوسف..
بوتركي : ايه انا قلت له انا ببيتي بس هو أصر ان يكون ببيته
سارة: مافي فرق عمي كلنا مثل بعض
بوتركي: صح لسانك .. يالله انا وصيت الشغاله تصعد لكم الفطور ..
علي:يعطيك العافيه يبه ماقصرت ..
بوتركي :الله يعافيك .. بتسافرون بعد يومين أجل .؟
علي : ايه ..
بوتركي : على وين .؟
علي ابتسم :يبه اشفيك امداك نسيت سبق وقلت لك تركيآ ..
بوتركي حط يده على جبينه:اووه والله مدري شفيني هاليومين .. كل انسى .. يالله عن اذنكم ..
علي وسارة:اذنك معاك ..
لجين : لا انا قلت لك الليلة يعني الليله
خالد تنهد:اوووه من ذي البنت .. قلت لك بكرة لان الليلة بيت خالي محمد الكل بيكون هناك ولازم نروح
لجين:طيب ياخووويلد بس لاتنسى انك وااعدتني ووعد الحر دين..!
خالد يأشر على عيونه :افا عليك من عيوني واذا اخلفت وعدي اعتبريني ماني برجل ..
لجين تحمست :واااااو وناااسه
خالد يصفعها على راسها بالخفيف : وناسه بعينك .. فرحآنه ان قلت اعتبريني ماني برجل..
لجين تتحسس راسها :اااه مع وجهك انا اقول وناسه لان بتوديني بكرة ..
خالد :ايه على بالي بعد ..
عالعصر .. الساعه 4 ونص
سارة : مدري علي ودي اغير الفستان ..
علي راح لعندها كانت واقفه بصاله وتناظره وهو عالكنبه مسشى لعندها: حبيبتي والله جنآآآآن الفستان ..
سارة تنهدت :طيييييب
علي سحبها لصدره وابتسم الابتسامه الي تذوب سارة وصار يمسح على ظهرها بيد لان الفستان كاشف الظهر ويلعب بشعرها بيد سارة بادلته نفس الشعور صارت تلعب بشعره : اقول سارونه..
سارة هااايمه :همممم
علي على نفس وضعه :اشراايك نسحب عليهم .. الليله؟!
سارة بصوت يذوب : لا علي حرآآم ..
علي قرب وجهها لوجهه وصار يتأمل عيونها بهمس : عيونك تذبحني .. تفهمين يعني اشلون ..!
سارة استسلمت لحضن علي :..........
فارس: اروى اشفيك .؟
اروى تبكي من غير صوت .:.........
فارس قرب لعندها وصار يمسح على شعرها ومسك يدها : حبيبتي اروى اشفيك..شصار ..قولي لي .؟
اروى على وضعها وصارت تشاهق بالبكاء :............
أنتهى البارت وانتظروني بالبارت الجاي ..
|