سارة : يانوار ياحبيبتي دموعك لاراح تأخر ولا تقدم شي ..
نوار ودموعها تجري: لا انا لازم اكلم عمي واقوله مو على كيه يحدد الزواج وقت مايبي
سارة :وان شاء الله بتكلمينه بهالاسلوب ..وشو بيقول .؟
نوار : لا أكيد بكلمه باسلوب رااقي بس الزواج مايصير بعد اسبوعين بداية دوآمنا السمستر الثاني والله مو حلو
سارة تناظر لنور : وانتي ليه ساكته قولي حآجه .
نور : اساسا انا رافضه فكرة الزواج بعد اسبوعين الراي الاول والاخير للعرسان مو لــ زوج عمتي
سارة : طيب اول اسبوع مانداااوم بالجآمعه .. نوار عشىن خاطر امي وابوي مشيهآآآ
نوار رن جوالها وماردت سارة ونور يناظرون بعض: طيب ردي عالجوال
نوار : ماني رآده ولاابي اكلم احد
سارة مسكت الجوال وشافت المتصل (( حيآتي)) وعرفت ان بدر مدت الجوال لنوار: طيب هذا بدر
نوار على طول فزت من على سريرها وسحبت الجوال من سارة وتحاول تخفف من بكائها:نعم
بدر يتنهد: اهلييين
نوار وبدت دموعها تنزل من جديد : ليه عمي سوى كذا .؟
بدر: حبيبتي نوار والله موبيدي انا استغربت يوم قال لنا اليوم .. حسيت كأن احد صب علي ماي بارد انا داق عشان اعتذر لك وابين لك موقفي
نوار : خلاص انا هالمرة راح أمررها بس مرة ثانيه ماراح أسمح لأي مخلوق حتى لو ابوي يدخل بحيآتي ..
بدر بحده : نوااااااار هذا ابوي مهما كآن .. حآولي تحسنين اسلوبك طيب.؟
نوار طيب ..خلصت كلامك .؟
بدر : من غير ماقولك خلصته ولا لا .. مع السلامه
نوار : بدر .؟
بدر: نعم ..
نوار : لاتزعل بس والله من القهر قلت الي قلته
بدر : لا حبيبتي .. بس انتي هدي ولا عاد تبكين ..
نوار : اوعدك
بدر : طيب حبيبتي اخليك الحين مع السلامة
نوار : مع السلامة..
سارة تناظر نور ويبتسمون بخبث: والله لو ندري كآن احنآآ دقينا على بدر بأنفسنآ عشان يقنعك..
نور : والله وجبتيها ياسارة
نوار ابتسمت رغم الدموع : مالت عليكم بس ..
اروى : أنا انتظرك جهزت ..
فارس: دقايق وجآي لعندك ..
اروى : اوكي قلبي
فارس: ياناس بتجنني هالبنت
اروى: فاااااااارس
فارس: احبك
اروى : آمممم طيب سكر الحين عشآن تسوق عدل
فارس :تصريفه محترمه .. بس انا اقدرها
اروى : لاياشيييخ
تركي بسيارته يفتر بضواحي الدمآم ويفكر بنفسه وبأريام الي ماتوقع صباحية زواجه تمر عليه كذآ توقعها أحسن مما كانت توقعها سعادة×سعادة×سعادة
توقع ان هو واريام طول اليوم الابتسامة على وجههم وبنفسه : ياربي وشو هاليوم هالنحس الي مر علي بيوم زواجي ..رن جوال تركي : نعم
طلال: هلا بالمعرس..
تركي فرحآن :اهلين طلال ..شخبارك ياشيخ..؟ والله تمنيتك تكون موجود
طلال : الحمدلله تمام ..انت شخبارك .؟؟ ومبروك ..يالله ان شاء الله مرة ثانيه تدري هم الدراسه
تركي : يالله الله يوفقك ويبارك فيك .. انا تمام الحمدلله ..
طلال : هآآآ ..أخبار البارح .؟
تركي : كأنك تقصد شي ..؟
طلال : لا والله ..بس ليلة الزواج غير اي ليلة تمر على الرجل بحد ذاته
تركي : اما عني أنا انصحك تعجل بزواجك ههههههههه
طلال : أوووه الأخ مكييييف عالآآخر ههههههههه
تركي: تبيني اتصنع الحيآ وتدري فيني جريئ ..
طلال: يالله الله يوفقك ياجريئ
تركي: تطنز وي خشتك
طلال : هههههههه تقريبا
تركي : ماتنعطى وجه ابد ههههه
طلال : تعال انت وينك .؟
تركي: بسيارتي ..ليه؟
طلال : لا بس استغربت مبين انك بره البيت
تركي ضرب جبهته بالخفيف وبنفسه : آآآخ .. لطلال : لا اقصد رايح بيت عمتي بجيب بعض اغراض المدام
بسيــــــــــــــــــــــــآرة فارس..
فارس:تو مانورت السيارة
اروى :منورة بصآحبها
فارس: تسلمين حيآتي
اروى: ربي يسلمك .. آممم وين بنروح .؟
فارس: بنفتر بسيارة .. وبعدهآ ننزل نصلي ..وبعدهآ نروح المطعم نتغدى ..
اروى ناظرت فارس وابتسمت : ......
فارس: تسلم لي هالبسمهـ
اروى: الله يسلمك..
بالمجلس ببيت بويوسف..
سارة : أنت صحيح مجنون
علي : والله أذا انا مجنون فــ عليك طالع هههههههه
سارة تبتسم : لا ياشيييخ .. والله شوف من طالع عليه .. يعني ابذمتك تجي ولاتعطيني خبر وتخليني اطلع بالبيجآمه بحجة انك جايب اروى
علي بخبث مبتسم : متعمد ..
سارة : ياااربي منك ..
علي : لا اتكلم جد سارة .. نبغآ نحدد الزواج
سارة :سمعت انت عن بدر ..
علي: اشفيه .؟
سارة : زوج عمتي بوبدر حدد زواج بدر من غير شوور بدر .. وبدر مسكين احسه معصب او مو متقبل الوضع ..
علي : طيب متى حدده
سارة ترفع حواجبها: بعد اسبوعين ..
علي مستغرب: لاحووول ..الله يهدآه عمي بوبدر .. داايما يبي كلامه هو الي يمشي .. طيب وانتوا .؟
سارة : امرنا لله ..وشو نقول بعد .؟
علي: والنعم بالله .. الله يعينكم والله .. المهم شرايك زواجنا يكون بعد شهر
سارة نزلت راسها وتلعب باظافرها ومبتسمه : آمممم ..مدري بس الي تشوفه
علي يبتسم ويناظرها: أووه يعني مستحيه .. يمكن انتي تبينه قبل بعد ((يبي يرفع ضغطهآ))
سارة رفعت راسها وتلاشت ابتسامتها : لا يااشييييييخ .. شايفني طاااايره
علي : والله أمزح اشوي اشوي علي .. خلاص بعد شهر يبي لي اشوف ابوي وعمي ..طيب ابتسمي ..
سارة : بعد كلامك الواحد يبتسم .؟
علي : والله امزح ابي ارفع ضغطك اشفيييك سارونه
سارة ابتسمت : طيب ..
تركي : ياربي الدنيا صارت ظهر .. خليني ارجع اصلي وعشان عمتي لاتشك لوجآت وماشافتني
قرر تركي ان يرجع على البيت ..~
اريام لازالت على وضعها لكن غفت عينها من دون لاتحس ووضعها يقطع القلب دخل تركي الجنآح بهدوء وشاف اريام منسدحه على الكنب ضل يناظرها وفكربأن يروح يصحيها عشآن تضبط شكلها ولو جات امها لاتشك بوضعهم ..
قرر ان يقرب من عندهآ جلس على طرف الكنبه ومنحي ظهره ومشبك ايدينه ببعضهآ ومعطيها ظهره وبهدووووء : اريام .. اريام
اريام ماحست :..........
تركي : اريام الدنيا ظهر يالله قومي
اريام : همممم
تركي التفت لها واستانس على شكلها كأنها طفله بريئه تدور على مصدر الأمان والراحه كآنت نايمه ولافه ايدينها على اكتافها وركبها ببطنها حط يده على خدهآ ويمسح بيده عليه : قومي حبيبتي صلي ..
اريام فتحت عين ومغمضة عين تحاول تتذكر وشو صار قبل لاتنام وتذكرت بلي صار بينها وبين تركي وبحركة سريعه عدلت جلستهآ ونزلت راسها:........
تركي ابتسم : حبيبتي قومي صلي ..
اريام قامت من دون لاتنطق بأي كلمه استغرب تركي ماعمر اريام تصرفت معاه هالتصرف بنفسه : معليه يحق لك يااريام ..
عالعــــــــــــــــصر .. الكل كان متواجد ببيت ابوتركي عشآن يسلمون على تركي واريان ويباركون لهم بزواجهم من جديد ..ويودعونهم كونهم بكرة مساافرين ..والكل سمع بتحديد زواج
بدر ونوار..
بالمجلس عند الرجال الكل بارك لتركي وبوتركي على تركي
سامي : يالله يابدر معليه هونها وتهون شوف شو الصالح فيه يمكن اصلاح لكم يكون بعد اسبوعين
بدر: خلاص استسلمت للأمر
سامي ببتسامه: يمكن بعد اخلي زواجي معاكم ههههه
بدر فرحآن: والله ؟.
سامي: ابصرااحه فكرت فيها ..بس مابعد اقرر نشوف المدام اذا تقدر اولا ..
بدر بخبث:أووه بعد دأم فيها مدام ماقدر اتكلم
سامي:اقول بلا ماتنثبر .. هههههه
بوتركي : يالله ربي يبارك لهم يابويوسف ويابوبدر
بوبدر وبويوسف: اللهم آمين ..
يوسف بوصت عالي للكل : والله لو علي وفارس وخالي سامي يتزوجون بليله واحدة مع بدر والله أحسن
علي : لا ياشييييخ .. انا مايمديني انا حددته بعد شهر وابوي وعمي عندهم خبر
سامي : انا مفكر بالأمر هههههه واشوي اشوي ياعلي لاتنفعل علينا
علي : هههههههه لا بس اسبوعين بتمر مر السحاب فـ خليته بعد شهر
فارس: انا متفق مع علي زواجنا يكون بليله وخبرت بدر اذا يبي معنآآ قال انه مايبي صح بدر.؟
بدر: صح كلامك ..
يوسف: والله اذا جات عين لكم تحملوا
فارس: قل لن يصيبنا الا ماكتب الله لنا .. لاتحط العين ببالك هههه
بوتركي: لااحد يطلع من هنآ العشآ الليلة هنآآ
خالد : تركي اشفيك مسرح
تركي : لا مافيني شي بس احس راسي مصدع
خالد: الله يعينك
تركي: ويعين الجميع
عند الحريم بصآآله .. بعد مالكل سلم وبارك لاريام جلسوا حكي وسوالف ..
ام بدر: يالله أهم شي سعادتهم
ام يوسف: عدل كلامك بس الله يهدآه بوبدر دايما يحدد مواعيد بمزآجه
ام بدر: ماباليد حيله .. انتي تدرين يام يوسف..
شريفه: يالله بالاخير اهم شي السعادة ..
ام يوسف: اي والله..
سارة جالسة بجنب اريام وتتكلم بصوت منخفض : والله صايرة مرة حلوة
اريام تبتسم : والله تبالغين انا مثل ماأنا ..لايكون الزواج يحلي وانا مدري ..
سارة : والله مابالغ بس داائما الشخص مايحس بحآله والي حوله يحسون بتغيره
اريام :جاايز
سارة :أجل بكرة بتسافرون .؟
اريام : ايه ..
سارة: ربي يوفقكم وتروحون وترجعون بسلامه ..
اريام: ربيي يسلمك
نور : والله حركات ياروى .. انتي وعلي بنفس الليله ..
اروى : الحلو بالفكرة ان انا وعلي وسارة وفارس اخوان حلال على بعض ههههه
نوار : ايه والله ونااسه ..
لجين : اقولكم شي ..
نور : قولي ..
لجين : ابصراحه انا مستغربه من ابوي ..
نوار : ليه اشفيه.؟
لجين : مافي شي بس يقول ان زميله بوسعود بتجي زوجته وبناته يزورونه ومع ان من زمآن صدقه مع بوسعود بس توى يجي
نور بخبث: لجييييييييين لايكون ..
اروى: يمكن يبون يخطبون .. هههه
لجين : مالت عليكم .. اقول
نوار : ينقال مستحيه ههههههه
لجين : شايفني ماستحي .؟
نور : لا والله بس شكلك تهبلين وانتي تستحين ..ابجد لجين انتي مرة شفتي ولدهم سعود ؟.
لجين :امممممم ايه ليه .؟
نور: حلوو.؟
لجين: ابصراحه جميل ماشاء الله
نوار : اوه اوه .. حركآت والله
لجين : نوار على كل شي تعلقين افف منك
نور: تركيها ماعليك منها كملي ..
لجين : وشو اكملك بكرة لو جوا اشرايك تجين بيتنا (( تتطنز))
نور: تتطنزين وي خشتك
لجين كاتمه ضحكتها: وش تبيني اقولك أجل
حور : والله ولد أخوك مضايقني ههههه
سارة : هالله هالله فيه ..اول ولد أخو ههه
حور : والله وصيه هو فيني ..مو انا توصيني فيه
سارة :ههههههه
اريام : حور اي شهر انتي ..
حور : اممم باقي لي اسبوع وكم يوم وادخل السادس ..
اريام: الله يسهل عليك يارب .
وقت العشــــــــــــــــــــــاء .. الكل كان مجتمع على العشآء والكل كان مستانس بزواج تركي واريام ..
فارس: والله ياتنركي شكلك تنصحنآآ نعجل .؟
تركي بخبث: ومليون بالميه .. وابرااحتكم ههههه
علي: اقلو لاتزرع الفكرة بباله هو شكله على طرييف
تركي : والله حتى انت بس خافي مشاعرك هههههه
علي: لاحوول من ذا الرجل ..
عبدالله : اقول خلود ماباقي الا انا وانت نخطب ونصير مثلهم
خالد : نخلص جامعه ونخطب اشرايك ..
بدر : والله الله يعينها الي بتاخذك
خالد بثقه وغرور: حاصل لها بس تبوس يدها مقلوبه
تركي يصفق عالخفيف: ياعيني عالثقه ..
بوتركي : والله أنكم تهبلون بالواحد تعشوا وانتوا ساكتين
علي : فارس الله يهدآه هو الي فتح لهم باب السالفه
فارس: اي الملعون تتبرأ مني الحين هآآ .؟
علي :هههههههه
بعد العشآ وبعد مالكل ودع تركي واريام من الرجال والحريم الكل مشى مابقى غير شريفة .: انتبهي لنفسك يالغاليه
تركي: عمتي والله ماراح نروح للحرب هههه
شريفه ضربت تركي على راسه بالخفيف :أنت مثل ماأنت ماتغيرت
تركي ابتسم : .....
اريام : لاتخافين يمه والله بنتبه لنفسي
شريفه : طيب الحين انا بمشي الساعه 12 ..
تركي :انا اوديك ياعمه
شريفه ابتسمت :لا خلك مع اريام انا خبرت علي وهو ينتظرني بره ..
تركي : خلاص اجل .
شريفه قبل لاتطلع حضنت اريام بقوة وكل واحدة طلقت العنان لدموعها على الفرااق المؤقت : والله بشتاق لك يايمه
تركي تأثر بدأخله بس مابين لهم : .......
شريفه: ناوصيك يايمه على زوجك .. لاتعصينه في شي والي يبيه لبيه ..
اريام بعدت عن امها وتمسح طموعها: ان شاء الله يمه ..
راحت لعند تركي سلمت عليه وباس راسها : ماوصيك ياتركي على اريام
تركي ناظر اريام وبعدها ناظر لعمته: اريام بعيوني ياعمه ..
وودعتهم وبعدها طلعت ..
الهدوء هو سيد المكان بين تركي واريام ... اريام قامت من على الكنبه ومشت تركي :على وين .؟
اريام واقفه على وضعها من غير لاتلتفت : بصعد ..
تركي قام من مكآنه ومسك يدهآ بهدوء يحسسها براحه والأمان : نصعد مع بعض ووننزل مع بعض ..
اريام على نفس وضعها من دون لاتناظره : ان شاء الله ..
صعدوآ على جنآحهم وكل منهم بدل وبغرفة النوم كانت اريام واقفه قدام التسريحه تضبط شعرهآ وتركي منسدح على السرير ومستند على المخدة ..
تركي يناظرها: اريام ..
اريام تناظره من المرآيا: هممم
تركي: تذكرين الي قلته لك البارح .؟
اريام عقدت حواجبها تحاول تتذكر : لا ماذكر .. ذكرني
تركي : حاولي تتذكرين .. الي قبل لاانام قلته لك
اريام تراجع ذاكرتها تتذكر وشو قال لها تركي :دقيقه اتذكر .. آمممم وشو وشو
تركي استانس على براائتها وهي تذكر ويناظرها....:......
اريام تذكرت كلمته (( بكرة الي ابيه بيصير / الليلة رحمتك مراعة لمشاعرك وخجلك)) تغيرت ملامح وجههآ وتركي عرف انها تذكرت من ملامح وجههآ : اشفيك اريام
اريام نزلت راسها :......
تركي قام لعندهآ ولفها مقابله : حبيبتي اريام انا مابي اسوي شي غصبا عليك وانا مقدر شعورك وعارف انك تستحين بس هذا شرع الله وبنهايه بتخذ الي ابيه سوى الحين او بعدين اليوم اوبكرة ..
اريام : .........
تركي يبعد خصلات شعرها عن وجههآ : اريااااام..
اريام ابتسمت ابتسامه باهته : الي تبيه بيصير ..
تركي: برضآك .؟
اريام : قلتها مصيرك بتاخذه اليوم او بكرة ..
تركي ابتسم : طيب ..ومسكها من يدهآ وخلاها تجلس على السرير بمكانها وجلس بجنبهآ ..: اريام رحمي نفسك قلبك احسه بيطلع من مكانه ..
اريام بنفسها : ياربي لا وبعد يعترف .. الله يستر والله استحي
تركي رفع يدها وباسها وبعدها باسها بخدهآ : أحبك اريام
اريام قلبها يدق وجسمها تخدر :......
وبعدهــآآ كل منهم نآم .. ونومه هنيئة للعرسان ^_^
في صباح اليوم الثاني
تركي واريام بالمطار ركبوا الطيارة وقلعت الطيارة من المطار على ماليزيا .. تركي : اشفيك ساكته من أول ماركبنا
اريام : وشو اقول ..مافي شي اقوله..
تركي حب يجننها اشوي قرب من اذنها : البارح أحلى نومه نمتها
اريام استحت من كلامه لانها عرفت وشو يقصد اكتفت بأنها تناظر النافذه ولاترد عليه :.........
تركي رحمها اشوي وقام يقرأ بالجريده :.......
بعد دقايق اريام تحس نفسها جآها النوم او بالأحرى ماشبعت ماحس بها تركي الا ان راسها على كتفه كآن يتأمل فيها ومستانس على حركتها وبنفسه : الله يخليك ولا يحرمني منك يالغاليه
بعد 7 ساعات .. بضبط الكل ربط الأحزمة لهبوط الطائرة على اراضي ماليزيا ..
اريام : اخيرا وصلنا ظهري رقبتي عورتني ..
تركي : معليه حبيبتي تحملي ..
اريام اكتفت ببتسامه :.....
الكل نزل من الطيارة وتركي على طول مع اريام من المطار لــ فندق شانجريلا كوالا لمبور..
تركي على طول تمدد على السرير .. واريام تروشت وبعدهآ راحت نآمت لانها كانت ماكله هوى من قلة نومهآ ..
بالسعوديه ببيت ابوبدر ..: حياك الله يابوسعود ..
بوسعود : الله يحييك .. يابوبدر .
بوبدر : الا ماجا سعود معاك .؟
بوسعود : مشغول ولا قدر يجي ..
بوبدر: الله يعينه على مشاغل الدنيا ..
(( بوسعود صديق ابوبدر وزوجته أم سعود وعنده بنت وولد سعود عمره 29 سنة ونهى عمرها 20 سنه ))
بالمجلس عند الحريم : والله يام سعود من زمآن أتمنى اشوفكم من كثر مايمدح فيكم بوبدر
ام سعود : من طيبك يام بدر ..
وخذتهم السوالف نهى ولجين وام سعود وأم بدر ..وبعدهآ لجين قآمت تجيب صينيه الحلا
ام سعود : ام بدر طالبتك وان شاء الله ماترديني .؟
ام بدر: لو عيوني ماتغلى عليك آمري.
ام سعود : طالبه يد لجين لولدي سعود والله شاهد علي اول باب طقيته بابكم ..
ام بدر: مصدقتك والله من ودون لاتحلفين ..
ام سعود : تسلمين والله خلاص خليها تفكر وبعدهآ ردوا لنا خبر .. وابراحتكم لاتعجلون البنت
ام بدر: خير ان شاء الله ..
على الساعه 12 بالليل بمــــــــــــاليزيا ..
تركي صحى من النوم ولا لقى اريام بجنبه ونادى لها ولا ردت عليها .. وقآم من على السرير
ودور عليها بالجنآح مالقاها انقبض قلبه :...
أنتهى البارت .. واعتذر لتأخيري بتنزيله
وأنتظروني بالبارت الجآي ..
تحياتي
|