(( البارت السادس عشر ))




الكل مجمع بيبت محمد عشان الملكة عند الرجال بالمجلس..
تركي: الله يبارك لكم انا احسدكم على هالليلة هههههه
علي : اذكر ربك لاتحسدنا ياشييخ .. انت انسعدت احنا نبي ننيعد بعد
تركي : لااله الا الله .. امزح معاك اشفيك انت
بدر: والله انا مني واحد بروووق ماني بفاضي لكم هههه
خالد بخبث : اووه الليلة بيروقوون كآن ماتروح وطي انت وياه
تركي بنفس خبث خالد: وانت كل الناس عندك بيرجون وطي.. هههه
خالد : هههههه افا عليك .. ينخاف من السااكتين ترى
تركي: هههههههههه والله انك شييين ...

جاء الشيخ الي بيملك بهم ..

جلسوا علي وبدر وآبهاتهم والشهود حول الشيخ عشان يملك بعلي وبدر بعدماملك بهم الشيخ دخل يوسف عند البنات: سآرة وقعي وبعدها راح لنوار وخلاها توقع البنات ماصدقوا يطلع يوسف قاموا يصفقون ويعلقون على نوار وسارة
نور بنفسها: آيه يانور هذا بدر وملك وانتي وافقتي على طلال
صحيح كلام نوار لي كتبة ربي فوق كل شي
حور: يالله نزلوا وجلسوا الكل ينتظركم تحت
نوار مرتبكه: والله خآيفة حدي
لجين: لازم بالبدايه امابعدين انتي الي بدورينه
الكل: ههههههه
نوار ببرائتها:لجين عآد
سارة تحس قلبها يدق وبطنها يعورها وبنفسها: ياربي انك توفقني وتجمع بيني وبين الي حبه قلبي بخير

ساره ونوار نزلوا جميع وصوت السي دي يرج المكان والبنات كانوا يمشون وراهم وصلوا عند الكنبه وجلسوا: سارة والله خايفه
سارة بهمس: نوار انا اعظم

عند الرجآل الكل بآرك لعلي وبدر تركي تذكر ايام ملكته على طول ابتسم ومسك جواله : هلا حبي
اريام: هلآ والله
تركي: وينك
اريام: بصآله
تركي مبتسم: طيب طلعي وتعالي ورا الحديقه ولبسي عباتك عشان اذا احد مر
اريام عقدت حواجبها: تركي فيك شي؟
تركي :لا بس تكفييين أنا بطلع الحين وراء الحديقة انتظرك ..
اريام ابتسمت : طيب جآية ..
اريام البست عبااتها امسكتها لجين : ووين راايحة اريام .؟
اريام ابتسمت : تركي يبيني ورااجعه ..
لجين بخبث: آهــــــــــــــــآآ
اريام : لجين عن اللعااانه ..وحطت شيلتهآآ على راسهآ وطلعت ..



تركي واقف وراء الحديقة وينتظرها ويلعب بجواله الا جات اريام ووقفت في وجهه وتكتفت وهو لاهي بالجوال ومسرح : نحن هنآآ ..
رفع عيونه وشاف اريام وبلع ريقه وفتح عيونه من كثر ماهو معجب بشكلها وابتسم وهو يناظرها من فوق لتحت :.......
اريام استحت ونزلت رااسها وتلعب برجولها عالحشيش:...........
تركي قرب من عندهآ ومسك يدينها : ابذمتك أحد قالك انك ملاك .؟
اريام بهدوء مبتسمة وناظرته : تبالغ ياتركي ..
تركي وقرب اكثر من عندهآ : وربي ماباااالغ ..
اريام على وضعها وتركي مثل ماهو يتأملهآآ ويلعب بشعرهآآ : أحمدي ربك ان ابيت عمي..
اريام عقدت حواجبها وميلت راسها كأنها مافهمت : مافهمت عليك .؟
تركي ضحك :ههههههه اقصد لو بيتكم كان صار شي ثاني ..
اريام فهمت استحت وضربته على صدره : تركيييييي ..
تركي بعدهآ عنه وفتح عبآآتهآ وناظرهى من فوق لتحت وصاافر وغمز لها : بالعبايا ملاك بدون العبايا وشو اقول .؟
اريام منزلة رااسها: تركي يرحم والديك خل ادخل .. مابي اطوول اخاف احد يشووفنا على هالوضع
تركي : خل يشووفونا بنهاية انتي زوجتي ويحق لي اسوي اي شي وقداامهم بس لولا الحيآآ ..
اريام : طيب ممكن ادخل ..؟
تركي غمز لها: اي ممكن ..بس ترى بعد مانطلع من بيت عمي بجي عندك ..
اريام اشرت على عيونهآ : حيآآك .. احطك بعيوني
تركي : فديت هالعيون انا ..


خالد طلع برى الحديقة يكلم : اقولك خلاص سكري يرحم امك انا مولحالي ببيت خالي..
رنا : مو على كيفك انت تلعب بعصابي .. كل يوم طالع لي بشي .. بس ابغا اعرف شي واحد جااوبني ..
خالد تنرفز : اشفي امك انتي ..؟
رنآ: أحترم نفسك خالد لاتوصلها اكثر مما هي واصلة معاي ..
خالد بين اسنانه : انتي الي جايبتــ ......

قطع عليه صوت تركي : اووه خالد طالع برى غريبة ..
خالد: لحظه اشووي.. لا ولد خالي سلامتك بس اكلم وبدخل
تركي ضربه على كتفه عالخفيف: أهآآآآ لاتتأخر طيب .. ((وغمز له))
خالد ابتسم :ان شاء الله ..كمل : انتي الي جايبته لنفسك ..
رنا : طيب توعدني مجرد ماتطلع تكلمني ..
خالد بجد : ان شاء الله والله راح ادق عليك مجرد ماطلع من هنآآ >> رنا من البنات الي يكلمهم ويغازلهم خالد هو وربعه ..
رنا: باااي
خالد سكر من غير لايقول باي ويتحلطم : أفففف صج بنات ليل ماينعاطون وجه .. ودخل دااخل عند الرجآل ..

طبعا الجلسة ماتخلو من تعاليق فارس على علي والعكس صحيح وتركي وخالد وتعليقااتهم القووية على هالمووواقف وكانت جلستهم ملياانه بالابتسامات
والفرح البااين على وجوهم ..


عند البناات ..
نور : لجين اشفيك ..
لجين وتتحس من جبينها: لا بس احس رااسي مصدع..
نور: طيب يمكن السكر مرتفع ..
لجين :توني قبل لااجي خذت الابره ..
نور : الله يساعدك ..

ام يوسف: تو مانور المكان
شهد : منور بأهله ياخااله ..
ام يوسف: اخبار طلال .؟
شهد: والله مشى بريطآنيا الى الآن ماندري متى بيرجع ..
ام يوسف: الله يوفقه يارب ..

مريم جات عن ام يوسف: ام يوسف بوبدر كلمني وقال بيدخل بدر ..
ام يوسف : خلاص اجل نقوم سارة على بال مايدخل بدر ويلبسها الشبكة ..
مريم : ايه ..
نور خذت سارة اختها وودخلوا المجلس الدااخلي عشان يدخل بدر دخل بدر
ونوار قلبها يدق بقوة .. وتحس نفسهآ خايفة وبنفس الوقت فرحآنة كانت منزلة راسها دخل بدر وكان معاه ابوه وخواله قرب منها بدر وعيونه معلقة فيها باس جبينها : مبروك ..
نوار وراسها منزلته : ربي يبارك فيك ..
بدر جلس بجنبها وسكت لان موعارف وشو يقول لها ومقدر وضعها انها تستتحي :.....
الكل بارك لهم ..
مريم قربت منهم وهمست لهم : علامكم ساكتين والي يشوفكم يقول مغصوبين هههه
نوار بصوت شبه مسموع : عمتي استحي
بدر سمعها بس سووى نفسه ماسمعها وكان كاتم ضحكته :.......
لجين راحت لعندهم وبدفآآشة : هههههه يعني ينقال تستحون ..وخذت ايدينهم ولمتهم ببعض بدر من داخلة فرحاان ووده يحضن نوار اما نوار تحس نفسها تخدرت ..

سارة : نور طلعي يم نوار مايصير تتركينها لحالها لاانا ولا انتي معها
نور بعد تفكير لوت فمها على جنب : طيب طيب .. انا رايحة لها .. البست عبايتها وشيلتها وراحت لعند نوار .. نوار فرحت بمجرد ماشافت نور جنبها ..
بدر لبس نوار الشبكة وعين نور مانزلته عنهم وهي تطالعهم بس ماكانت تطالعهم مثل الموجودين كانت تطالعهم بحكم انها حبته من قبل وانقهرت على اليوم الي حبت فيه بدر ..
بعد مالبسها بدر الشبكة والدبلة صوروا كذا صورة مع بعض وكان بدر في قمة السعادة ونوار بس كانت مستحية ..

ام يوسف : يالله بدر ونوار دخلوا المجلس عشآن بيدخل علي ..
بدر : تآمرين عمة .. يالله نوار ((ومد يده لها))
نوار كانت منزلة راسها وحطت يدها بيد بدر وراحوا عالمجلس طبعا لجين وصلتهم وبعدها خلت لهم الجو
بدر قرب من نوار لدرجة ماكانت بينهم مسآفة وابتسم : كل هذا حيآآ ..
نوار تحس قلبها بيطلع من مكانه :......
بدر سحي يدها وبااسها وظل ماسكها : اموت بحيآك يابنت ..



فارس يناظر علي وعلي يبادبه نفس النظره وكانت عيونهم تتكلم بس :...........
بعدها فارس قرب من علي واحضنه وهمس باذنه : مبروك يالغالي ..ماوصيك على سارة ..تراها غالية علي حافظ عليها واعتبرها امانه برقبتك ..
فارس بنفس الهمس : اشدعووة ياعلي سارة بعيوني .. وبعدوا عن بعض .. وابتسموا ..
دخل علي وكان ابوه وعمه معآه وعمآته ورآآه يعوضونه وجود أمه وكآن قلبه يدق مع ان مو مستحي بس يمكن ان أخذ سارة عن حب وسارة كانت منزله راسها وقلبها يدق وتحس
كأنها متخدره موحآسة بلي حوليها في عالم ثاني ودهآ ترتمي باحضان علي وتصارحه عن الحب الي كنته بقلبها له قرب علي وكان منزل راسه اثناء ماهو يمشي وكان يمشي
بهدوء وصل عند سارة ورفع راسه ومد يده لها سلم عليها وباس جبينها: مبروك عليك يابنت العم..
سارة بصوتها الي انبح من حيائها: الله يبارك فيك ياابن العم ..
جلس علي بقرب سارة وماحست الا مسك يدهآ وناظرها وابتسم وناظرته وبادلته نفس الابتسامة وبينها وبين نفسهآ : أحبك ياعلي .. احبك وودي ارتمي بحضنك .
علي موقادر يفسر نظرة سارة له : اشفيك .؟
سارة ارتبكت : هآآ مافيني شي
علي ابتسم : أكييييد .؟
سارة ابتسمت :همم اكيد ..

الكل بارك لهم والتم حوولهم وقام علي ولبس سارة الشبكة والدبلة وسارة لبست علي الدبلة اثناء ماهو يلبس ساره الشبكة وهو يسكر العقد تعمد يمسح بسببته على رقبتها بشكل سريع ويسوي نفسه قدامه ان مو متعمد
سارة تحي احد صب عليها ماي بارد وقلبها دق بقوة علي لاحظ على ملامح سارة انها تأثرت بالحركة وهو كان ماد يده عشان سارة تلبسه الدبله بس سارة مسرحة علي مسك ذقنها ببهامه وسبباته وتو تحس عليه سارة ولبسته الدبله علي ابتسم على شكلها
وتأمل بيدينها وهي تلبسه الدبله يحس وده يمسكهم ويبوسهم صبع صبع >> الحب ومايعمل ^_^

جلسوا بعدها وصووروا كذا صورة ..
والبنات كانوا مستانسييين ويصفقون ويصافرون ..بعدهآ الغالبيه مشى مابقى الا اروى ..الي اصروا عليها بنات خالها تنام عندهم ومارفضت لهم طلب ..
علي : عمه ..
ام يوسف: آمر ياولدي..
علي :مايآمر عليك عدو .. بس نبي نعيش ليلتنا ((وناظر لسارة وابتسمت له))
ام يوسف : هههه فهمت قصدك خلاص قووم بالمجلس الخارجي لان الكل مشى لان بدر هنآآ ((واشرت عالمجلس الي داخل))
علي : الدلخ من قاله يملك معي بنفس الليلة ..
الكل :ههههههههه
يوسف : ماوصيك على أختي ..
علي يأشر على عيونه : بعيوني ..
سارة كانت تلعب باظافرها ومنزله راسها :..........

الكل صعد بعد ماطلعوا سارة وعلي بالمجلس الخارجي وطول ماهم يمشون علي كان ماسك ايد سارة : اشفيك سآكتة ..
سارة ابتسمت ونآظرته ووقفوا عند باب المجلس وعلي كان يتفحص سارة بنظراته سارة تحس ارتبكت من نظراات علي نزلت راسها على طول : خل ندخل ..
علي :ايه ندخل ..

اريام : يعني سويتهآ وجيت ..
تركي ابتسم بخبث: افا عليك اسويها واسوي جدها .
اريام :الله يستر منك باتركي ..
تركي :خايفة ..؟! يعني امشي ..
اريام :لالا مو قصدي



على نزل شماغه وقرب من سارة وكان لازق فيها ولف ايده على خصرهآ وقرب شفته من رقبتها وكانت انفاسه كلها على رقبة سارة كآن بس يتأمل فيها سارة تحس نفسها تخدرت وموعارفه شتقول : علي بعد اشووي
علي توى يحس على نفسه ان قريب من رقبتها بس ماستسلم للكلام سارة : حبيبتي احنا حلال على بعض يعني انتي حليلتي ..
سارة خافت من كلمته : علي ..
علي وهو لازال على وضعه : قلب علي ..
سارة منزلة راسها : قدر وضعي هالليلة عالأقل..
علي حس من نفسه وبعد عنهآ : ان شاء الله .. بس سووري نسيت نفسي ..
سارة ناظرته وابتسمت :........
علي : سارة اخوك وصاني عليك وترى انتي بعيوني من غير لايوصيني عليك ..
سارة :فارس .؟
علي ابتسم ابتسامة جانبيه : ايه .. هو في غيره غااالي .؟
سارة حست من كلام علي ان يدري انها تحب فارس حييل ابتسمت له : اهآآ
عم الهدوء بينهم .. علي بنفسه وهو مسرح في سارة : آآه ياربي احبها ودي اقبر منها بس احسها تستحي لازم اقدرها هالليلة .. بس بنفس الوقت احس ودي اكون بقربها احضنها العب بشعرها احس نفسي مي قادرة تقاومها احس نفسي
مي قادرة تسيطر على قلبي ودي ابوسهآ احضنها المها امسك اياديها الاطفها وتلاطفني انومها على صدري
سارة بنفسها : ياربي اشفيه سآكت انا ماعندي شي حاليا اقوله .. ودي ارتمي بحضنه ودي اقوله حبيتك ودي اقوله جرعتني انواع العذاب بسكآت
ودي اقوله انت روحي انت هواي الي ماقدر اعيش بدونه .. ودي اقوله انت لي انا وبس .. ودي العب بشعره ودي امسك اياديه . ودي ....
قطع عليها صوت علي :أحبك ..
سارة انتابها شعور الفرح والخجل والخوف :.......
علي تنهد :.........
سارة مثل ماهي عليه السكوت طاغي عليها :.....
علي قام من مكانه ووقف مقابل سارة سارة رفعت عيونها على علي علي مد يده وعرفت من عيونه ان يبيها تقوم سارة مدت يدها ووقفها علي ووقفها مقابله بينهم مسافه صفيرة مرة
ماباقي شي ويلصقون ببعض كانت عيونهم الي تتكلم بس ..علي قرب اكثر واكثر لحد ماجبهتهم وخشومهم لزقت ببعض سارة استسلمت للوضع ومو حاسه بنفسهآ مامدآه علي بيبوسهآ الا استوعبت وبعدت عنه بقوة ولفت عنه وعطته ظهرهآ وحطت يدها على كتفهآ :.......
علي حط ايدينه على خصره ونزل راسه وتنهد :..........

بدر : هههههههههههه بعدين كملي
نوار ببرائه : بدر لاتضحك .. ولا لوادري ماخبرتك
بدر: موعن والله .. بس عادي الهدية بمعناها يانوار مو بشكلها
نوار :.........
بدر: طيب وشسويتي بعدهآ ..؟
نوار : خلاص مابكمل ..
بدر كاتم ضحكته: تكفيين كملي
نوار : عشان تكمل ضحكك
بدر قرب منها ولف ايدينه على اكتافها : حبيبتي والله مو قصدي بس ماكان لأمها داعي تنزلين دموعك ..
نوار ناظرته وانقهرت ان ضحك عليها ولفت وجهها عنه :..........
تركي لف وجهها جهته وباسها بخدودهآ : وهذي بوسه بعد وشو تبين اكثر ..
نوار ابتسمت ونزلت راسها من حيآها .:.......


علي حط راسه بحضن سارة : سارة ..
سارة وهايمه بعلي : همممم
علي : ترى انا الأول اذا حطيت راسي بحضن امي استانس لما تلعب بشعري>>>عرفت قصده ..خخخ
ابتسمت سارة وبدت تلعب بشعره : طيب ولا يهمك حتى انا بلعب بشعرك ..
علي فرح بقوة ورفع عيونه وناظرها وابتسم :.......
اثناء ماسارة تلعب بشعر علي سحب يدها وباسها وخلاها على خدها وقام يلاطف ظهر كفها باصابعه :.....
سارة : علي ..
علي وهو رايح فيها :هممممممم
سارة :نمت .؟
علي : نو ..
سارة : بقولك شي ..
علي :اسمعك ..
سارة :لَحظَةُ الصَّمتِ كانتْ كَلامًا..
بيننا ،
لُغَةً ليسَ يَفهَمُها في الوجودِ
سِوانا
إنَّها أبْجَدِيَّةُ مَن يَعشَقونَ
علي منمد بلي جالسة تقوله سارة :.......
ومَنْ يَنزِفونْ
إنَّهُ النُّطقُ مِنْ حَدَقاتِ العُيونْ
كُلُّنا مُغْرَمونْ
كلُّنا عاشِقونْ
بَصْمَةُ العِشْقِ لا تَتشابَهُ
عدل جلسته وقر منها ووجهيهم مقابله بعض وهايم بحركاتها وتعابير وجهها :....
بينَ الأحبَّةِ
حتى يَكونوا
بِنفسِ البراءَةِ ،
نَفسِ الطَّهارَةِ
نفسِ الجُنونْ
علي مسرح :....
سارة هزت كتفه تراني خلصت :.....
علي :هآآ ايه ايه .. روووعه ياسارة ..
سارة :أنا ولا الكلام..
علي:الكلام وانتي اروع منه .. من وين حافظته.
سارة :انا من عشاق كتبتات نزار قباني ..
علي يتصتع الغيره تكتف وميل راسه :ايه وبعدييين ..؟
سارة كاتمه ضحكتها :تغار ولا تتظاهر الغيره ..
علي قرب منها : الاثنيييين .. هه



عالســــــــــــــــــــــاعه 3 الفجر ..

بدر : نوار حبيبتي انا الحين بروح البيت ابغا انآآآآآآم ..
نوار :نوم العوافي يارب ..
بدر : ربي يعافيك ..
نوار :........
بدر واقف ويناظرها : يعني امشي خلاص .؟
نوار :ايه الله وياك ..
بدر يستهبل :يعني مابتقولين شي ولا حآجة او تبين شي ..؟
نوار: لا سلامتك ..
بدر: يعني مانسيتي شي ولا حآجة يعني امشي ..؟>>>خححح
نوار : بدر اشفيييك .؟
بدر قرب منها وباسها : انتي فيني .. افهميني يابنت ((وغمز لها))





علي : هلا بدر ..
بدر بمزح :ياخي اثقل ياولد ..
علي : ههههههه صج انك دلخ يعني الحين انت داخل قلي وتغار بعد ..
بدر : اقول انا طلعت ماشي بس قلت خل ادق اتسبب فيك ...
علي : ههههههه
بدر: اوكي مع السلامة
علي : سلام
علي كان متسند عالكنبه يعني كان شبه مسترخي وجلس يبعب بجواله وماحس الا سارة مسكت يده وتلعب باصابعها بيده : علاووي ..
علي ابتسم وعيونه لازالت بالجوال : قلبه ..
سارة :يسلم قلبك
علي: الله يسلمك
سارة : متى ناوي تحدد زواجنا ..
علي ناظرها : سارة حبيبتي انا وفارس ناوين نتزوج بنفس الليله
سارة ابتسمت : بيصير ونااسه والله
علي :ولييه .؟
سارة : بنكون حلال على بعض انا وفارس وانت واروى ..
علي :اووه صح ..
سارة ابتسمت بعدها وقف فارس وخذ شماغه وحطه على كتفه : يالله سارونه انا ماشي بروح انااام ..
سارة مابينت لعلي انها ماشبعت من وجوده : طيب نوم العواافي .. حبيبي..
علي انتبه لكلمة سارة ويبي يستهبل عليها : ماسمعت عيدي .؟
سارة ببرائه: نوم العوافي ..
علي : كانت بعدها كلمة ..
سارة تذكرت لانها طلعت منها عفوية ونزلت راسها : حبيبي ..
علي قبل لايطلع وقف مقابل سارة وناظرها وكالعادة كانت بس عيونههم الي تتكلم وحضنها بقوة وهمس باذنها : احبك ..
سارة حست بشعور حلوو استسلمت لحضنه وماودها يبعد عنها بس ماحبت انه يلاحظ بشي عليها :........
وبعد عنها وبعدها طلع: سلام حووبي ..
سارة تاشر له بيدها :سلااام ..










في اليــــــــــــــــــــوم الثاني ..
عبدالله كان يقرأ الجريدة بالحديقة وجا يمه فارس : صباحك خير
عبدالله : صباحك نور ..
فارس : أتحفنآآ بأخر الاخبار ..
عبدالله : الى الآن مافي شي جديد ..
عبدالله رن جواله ورد عليها .. فارس اخذ الجريدة وجلس يقرا فيها وراح عند الصفحة الأخيره فتح عيونه عالآآخر وومصدوووم بقوة..


سارة : صباح النور ..
علي : هآآ نايمييين ..؟
سارة :ايه والله مانمت الا بعد الفجر ..
علي يجننهآآ: كل هذا تفكرين فيني ..
سارة : آمممم تقدر تقول..
علي :امزح معاك
سارة :وانا جادة معاك مو امزح..
علي يحس قلبه بيطلع من مكانه على حلاوة هالكلام : أحبك..
سارة :.......



سامي : متأكد انت من الخبر ..
فارس :والله متأكد مثل ماانا اكلمك..
سامي :.......
فارس : خالي اقولك طفآآ طفآآ
سامي : ايه وطفآآ انا ابي اتأكد كلام الجرايد .. لايودي ولا يجيب
فارس : بس احيانا يودي ويجيب ..ياخال صدقني وانت تأكد بطريقتك ..
سامي : قلت لي حآدث..
فارس: ايه وطفآآ بعدهآآ على طريق الرياض ..
سامي :ياذا هالطفآآ فرحآآن بها يعني ..
فارس ابتسم : ههه لا والله بس لما احد يموت اقول طفآآ ..
سامي : ياعيني عليك راايق ..
فارس : المهم انت حاول تتأكد ..
سامي : خلاص جآآني اتصال مع السلامة
فارس : الله يسلمك ..

عبدالله خلص مكالمته: اشفيك ومن الي طفآ .؟
فارس مبتسم : شفت الي ذاك اليوم حاول يخطف نور او يترهنها عنده يوم كنا ببيت خالي
عبدالله : ايييه اشفيه .؟
فارس : لقوه على طريق الريااض سوى حادث وطفـــــآ
عبدالله ابتسم: تلاقي خالي وامي تو مارتاحوا ..
فارس: افا عليك ..



>>>>يتبع

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●