تركي: اريام لوماعليك أمر جيبي جوالي ومفاتيحي من المجلس
اريام: ان شاء الله
اريام راحت تجيب لتركي الي قالها عليه شافت الجوال يضوي وعلى طول راحت لعنده الا طفا : اروى توها داقة الا انقطع
تركي: أووب ٦ مكالمات وانا حاطه سايلنت
اريام : خير من الي داق
تركي: على مرتين واروى٤ مرات الظاهر يحآتون وانا موداق لهم خبر خل ادق
اريام: اكيد الحين يحآتون
دق تركي على اروى: اهلين حبيبتي
اروى: أحاتيك وانت خبر خير
تركي: مو عن بس جوالي سايلنت وانا الحين بيت العمه
شريفه لاتحاتوني
اروى: آها اوكي أجل باي
تركي ابتسم: سلام
وبعدها دق على علي عشآن يطمنه ان هو ابخير: هلا اكيد داق تطمن انا وين صح؟
علي: اوب اوب اوب اشوي اشوي علي ايه داق اسئل وينك؟
تركي ولف يده على اكتاف اريام: بيت عمتي شريفة
علي بخبث: أهآآآآ أجل رايح بالعسل
تركي ابتسم وكأن عاجبه الكلام ويلعب باصباعه على خد اريام ويناظرها: اقول بلا ماتعقل
علي ابتسم: روح ياشيخ مابي انقص عليك جووك
تركي بخبث: أياالدلخمسوي فيهآ محترم يعني
علي يتمسكن: آفآ الحين انا دلخ
تركي ضحك: هههه اقول سلام
علي ضحك: ههههه سلام
أريام تلعب باصابع تركي: تركي
تركي مسرح فيها وهو لازال على وضعه ويلعب باصابعه على خدها: هممم
اريام: الليلة بحتفل بعيد الأم خلك معآنا
تركي تذكر آروى وعوره قلبه ابتسم: ايه ليه لا
اريام فرحانة: والله
تركي قرص خدها عالخفيف: ايه يعني اكذب عليك ويالله قومي وريني غرفتك لاني نص ساعة وماشي
اريام ابتسمت: طيب يالله قوم
سارة وخواتها جهزوا كل حاجه بخصوص الحفله الي بيسوونها لأمهم بالمجلس الخارجي الي بالحديقة عشان ماتحس بحآجه
سارة: خلاص كل شي جاهز انقفل المجلس عشان لأحد يكشفنا
نوار: عدل كلام سارة
قفلوا المجلس وخذوا المفتاح عندهم
علي: اروى
اروى فاتحه لاب توبها وجالسه عالكنبه: نعم
علي: بسئلك سؤال بس بيني وبينك يظل
اروى لفت عيونها على علي وعقدت حواجبها :اسئل
علي: اروى لويوم من الايام تقدم لك فارس توافقين
اروى انصدمت من سؤاله: وشو فارس!!
علي: انا سئلتك لو ماقلت لك تقدم
اروى: ايه اجل لمايتقدم يصير خير
علي تنرفز: طيب اذا قلت لك تقدم لك
اروى كشرت : علي لاتلعب باعصابي
علي: طيب شرايك؟
اروى بعد تفكير: فارس رجل وولدعمي والنعم فيه
بسعلي قاطعها ورفع ايدينه وصفعهم بالخفيف على فخذه: خلاص لاتكملين من هالبس فيها رفض او انتقاد
اروى : علي اشفيك خلني اكمل
علي حط رجل على رجل: آتحفيينآ آنسة آروى
اروى: بس احسه اخوي
علي: اروى حبيبتي هالشعور يتغير لواخطبك اوتزوجتيه
اروى: يمكن ليه لا بس لازم بفكر وقتهآ
علي: حلو التفكير اذا كان عقلاني بهالأمور
اريآم واقفة تأشر على الوان الغرفه وتركي هآيم بحركآتها وتعابيرها: آمم شوف لأني آجن على اللون البنفسجي عشآن كذآ لماكبرت أخترت لون غرفتي بنفسجي
تركي متكتف وميل راسه على جنب: فديت هالذوق وصحابه الذوق
اريام: تسلم حبيبي بس أجلس ليه واقف
تركي ابتسم: ان شاء الله
جلس تركي عالسرير وجلست اريام قريب منه بس في مسافه صغيره بينهم وتركي يناظرها بنظرة غير: اريام قربي اشفيك مبعده
اريام نزلت راسها وهي تلعب باصابعها: تركي لاتناظرني بهنظرات احس وراها الف شي وشي
تركي قرب منها ولف ايدينه على آكتافها: حبيبي النظرات هذي عادي لوناظرتك بها انتي زوجتي بشرع الله
اريام سكتت وناظرته وابتسمت
ام يوسف: هلا فيك
سامي: البيت هدوء وين البنات
ام يوسف: كل واحدة بغرفتها وينقال ان عندهم اشغال
سامي: الله يعينهم
ام يوسف: وعمك وشو يبي منآ من جديد
سام كشر: الله يخليك لاتذكريني اقرف من سيرته
ام يوسف: قسمابالله لو يتعرض لبناتي ياويله ويلآه
سامي: على بالك انا بسكت لوكررها انا هالمرة مررتها بس ثاني مرة بيني وبينه المحاكم
ام يوسف بزفره: خير ان شاء الله... بس انت قولي فكرت بالموضوع
سامي: اي موضوع
ام يوسف: امدآك نسيت ياخوي موضوع زواجك
سامي: والله لاتلوميني متشتت خلاص شوفي لي بنت ادب واخلاق بس لابد تكون جميله (وابتسم)
ام يوسف ابتسمت: والله البنت موجوده وتهبل واول ماشفتها حطيتهاببالي لك
سامي ابتسم: وانا اقول الأخت تحن بقوة اثاريها طابختها
ام يوسف: لازم اكلمهم الليله أجل
سامي: بل الظاهر انتي على طريف بس تنتظرين الأشارة الخضرا تضوي
ام يوسف: الله يهداك ياخوي هذا جزاتي بفرح فيك
سامي: امزح معاك
فارس توى داخل: هلا بالخال تو مانور البيت
سامي: منور بآصحابه
ام يوسف: بارك لخالك بيخطب
فارس ابتسم وصفع خاله على كتفه: لا ياشيخ وآخيرا
سامي ابتسم: شفت عاد
فارس: ترى لاتشوف نفسك ياخالي حتى انا بخطب
سامي ناظر لام يوسف: صحيح ولاتمزح
ام يوسف: انا نسيت اقولك ان بيخطب اروى بنت عمه
سامي: والنعم
فارس: ينعم بحالك
العصر الساعه ٤
عبدالله: والله ادري اني مقصر بس عذروني الظرف ضدي
فيصل: معور ياعبود فيك الخير عالأقل تسئل عنا
نواف: آه ياعبدالله جلسة السجن ماتنطاق
عبدالله ابتسم: يالله غمض فتح وهالشهرين يمضون بسرعه
نواف وفيصل: خير ان شاء الله
تركي: اوب اروى هنآ
اروى: من الطفش قلت افتح لاب توبي واتسلى
تركي: يالله تتسلين
سامي: يالله انا مآشي يادوب الحق على المسجد
ام يوسف: تقبل الله مقدما
سامي: منا ومنك صالح الأعمال يالله مع السلامه
ام يوسف: الله يسلمك
فارس ابتسم: بوصلك للباب
سامي: ههه تسلم
فارس اثناء مايمشي : ربي يسلمك خالي
وصلوا عند الباب الخارجي الي بالحديقه فارس بهمس :خالي الليلة تعال
سامي: وين اجي وشفيك تتكلم وكأنك مخطط على بوقه
فارس: اشش وط صوتك بيتنا تعال بعد وين الليله بنحتفل بعيد الأم انا والبنات وعبود احنا مانبنا تدري
سامي بنفس همس فارس: اها عشان كذا البنات منزرعين بغرفهم
فارس مد بكلامه: ايوآ عشان كذآ منزرعين فوق عشان لا يغلطون بشي
سامي مبتسم: آثاريكم مانتوا هاينين ياعيال فاطمه
فارس يضبط بدلته يسوي نفسه مغرور: احم احم افاعليك اجل وش على بالك
سامي يضرب فارس عالخفيف براسه: وآثق مع خشتك
فارس: ههههه
بويوسف ببيت بوتركي: اخبار الشركه ياخوي
بوتركي: تمام والله الأوضاع عال العال
بويوسف: حلووالله عساها دوم يارب
بوتركي :تسلم
بويوسف: ربي يسلمك... عندي طلب ياخوي
بوتركي: آآمر لوعيوني مآتغلى عليك
بويوسف: تسلم عيونك... الادخل عليهم تركي: هلا بالعم محمد ... وباس راسه: اخبارك علومك؟
بويوسف:هلا فيك الحمدلله ماشي الحال
بوتركي: كمل يابويوسف
بويوسف: انا جاي طالب اروى لولدي فارس
بوتركي ابتسم: والله انا ماعندي مانع بس لازم اشوف رايها
تركي ابتسم بينه وبين نفسه: الله يعوضك يااروى وافرح عيوني فيك فارس رجل
بويوسف: تسلم ياخوي خلاص خلهاتفكر على مهلها لاتعجلها
بوتركي: ان شاء الله
عبدالله: لمايجي ابوي نبدأ نحتفل
سارة: حضرتك يافارس مابغيت تخطب الا الليله
فارس: طيب انا وشدخلني
نور: ياالله منك يافارس دق على ابوي
دخل سامي
نوار: جا خالي باقي ابوي
نور: حي الله خالي
سامي منبهر من تزيين المجلس: آووف يجننن صاير
فارس: ابداعات ساره ياخالي
سامي: ياحظ علي
سارة بحيا: خالييي
نور ونوار: سي فارس دا نحنا ماعملناش حآجه
فارس: آه انسيتكم دا انا اسف
الكل: هههههههه
جآ بويوسف وعبدالله كان يراقب جية ابوه شاف ابوه دآخل على طول ركض لأبوه ومسكه: يبه يبه
بويوسف انتفض: اشفيك عنبو ابليسك خرعتني
عبدالله ضحك: هههه يبه تعال وبتعرف
بويوسف راح م عبدالله ودخلوا المجلس وعلموا ابوهم كل السالفه وابتسم ابوهم وراح فارس ينادي لأمه: يمه ابيك بموضوع تعالي
ام يوسف: شفيك
فارس بحركه سريعه: بسرعه يمه تعالي وبتعرفين
امه استسلمت للوضع ودخلها المجلس وكان اظلم وفجآه شغلت نوار الإنارات وساره واقفه يم النافذه ونور واء الباب وفتحوا العلب الي داخلها زينه وعبدالله رش الرقوة الي كأنها ثلج<< مدري شسمونه خخخ
تفجآت ام يوسف وتذكرت ان كل سنة يحتفلون بعيد الأم التموا الكل حوليها والي حضنها وباسهآ واحتفلوا وكانت لحظات حلوة : يعني كلكم كنتوا مخططين
الكل: لان نحبك
كل واحد قدم هديته لها وفرحت وحضنتهم لمه واحده واستانسوا
عبدالله مومعاهم لان صعد يجيب هدية امه ونزل بسرعه ويادوبه يتنفس: اشفيك عبود
عبدالله ابتسم: لاتخافون مافيني الا الخير... ومد هديته لامه: تفضلي يمه
ام يوسف ابتسمت وخذتها وفتحتها وعجبتها ورجعت ذاكرتها لورا يوم شافت البرواز وفيه الصوره دموعها نزلت من الفرحه وحضنت عبود وباسته: الله يحفظك يايمه
الكل استانس وفرح
اريام قدمت الهدية طبعا طقم ذهب: كل سنة وانتي طيبه يمه
تركي : اوه عمه تستحي
شريفه ضربته عالخفيف: ماتجوز عن سوالفك
شريفه حضنت بنتها: الله يسعدك ياأغلى بنت بدنيا
تكي تذكر امه واروى وضاق صدره بس مابين لهم قدم بوكيه الورد وباسها على راسها
كل سنة وانتي طيبه عمه
شريفة: وانت طيب يالغالي بس عندي سؤال تركي
ابتسم تركي: اسئلي عمه
شريفة: ليه شماغك كل معفس
تركي واريام ماتوا ضحك: هههههههههه عمه هذي تشخيصه يحبها قلبي شسوي
أريام همست باذنه: بس اذا تشخصت كذا تطلع خطير
تركي ناظرها وابتسم ولاحست الا باسها بخدها واستحت اريام وابتسمت امها
ام يوسف: هلاشهد
شهد: هلا بالخاله اخبارك
ام يوسف: الحمدلله ابخير وانتوا اخباركم
شهد: تمام الحمدلله
ام يوسف: انا ودي اطلب منك طلب
شهد: اسمعك خاله
ام يوسف: احنا أهل ياشهد وانا طالبه يد ريم اختك لاخوي سامي
شهد: والنعم فيكم خاله بس لازم اسئلها واقول لطلال
ام يوسف: خذوا راحتكم حبيبتي
طلال : هلا تركي ..
تركي : هلا بووليد ..
طلال : ووينك ..
تركي: توني بدخل البيت آمر..
طلال : عندي لك خبر حلوو ..
تركي :اووووه اليووم الأخبار الحلوة مثل المطر ..
طلال : ليه .. وشو صاير .؟
تركي : والله منها خطبة فارس ولد عمي من آروى بس باقي موافقتها .. وخطيبتي محتفلة بعيد الأم وعازمتني .. وهذا الحين انت
طلال انصدم بس مابين له لان كان بيخطب اروى : اووه مبروك .. عسآآها دووم ااخبار الحلوة
تركي :الله يسلمك .. قولي وشو..
طلال ماحب يتسلم ويوقف حيآته : بخطب .. لان كلها اسبوعين ورايح بريطانيا ..
تركي : حلووو ومين ..؟
طلال : بيني وبينك لما اخطبها يصير خير..بنت عمك التوأم
تركي : آووووه اجل انت وبدوور بتصروون عداايل ..
طلال : شفت عاد هههه
بوتركي بغرفة أروى : فكري عدل وعلى مهلك ..
اروى : ان شاء الله يبه تآآمر انت ..
بعد مـــــــــــــــــــرور ٣ اسابـــــــــــــــــــــيـــــــــــــــع من الأحداث وبعد وصول يوسف وحور من فرنسآ .. وبعد موافقة اروى على فارس وخطبة طلال من نور ووافقت عليه وبعد موافقة ريم على سامي ..
مـــــــــــلكة علي وبدر ..
البنات استعدوا استعداد تآآم للمكلة وكل واحدة صايرة جونآن
سارة كانت لابسة فستان بنفسجي كات وشعرهآ كان مرول ومسدول على اكتاافها .. وميك ابها ناعم
اما نوار كان لابسة فستان فووشي علااق وكان شعرهآ يشابه شعر سارة الا ان هي مسويه بف عالخفيف
وميك ابها مرة ناعم مجرد لمسات خفيفة الي يشوفها ماكان حاطة ميك آآب ..
الكل مجمع بيبت محمد عشان الملكة عند الرجال بالمجلس..
تركي: الله يبارك لكم انا احسدكم على هالليلة هههههه
علي : اذكر ربك لاتحسدنا ياشييخ .. انت انسعدت احنا نبي ننيعد بعد
تركي : لااله الا الله .. امزح معاك اشفيك انت
بدر: والله انا مني واحد بروووق ماني بفاضي لكم هههه
خالد بخبث : اووه الليلة بيروقوون كآن ماتروح وطي انت وياه
تركي بنفس خبث خالد: وانت كل الناس عندك بيرجون وطي.. هههه
خالد : هههههه افا عليك .. ينخاف من السااكتين ترى
تركي: هههههههههه والله انك شييين ...
جاء الشيخ الي بيملك بهم ..
انتهى البارت انتظروني بالبارت الجاي ..
وعذرووني لوتأخرت ..
|