زياد فتح عينه وطالعه:حمدلله والشكر نفسيه
بدر:بعدين من قال بتاكل من طبخي تبي عندك يدين ورجلين
زياد:..............
بدر:بعدين مايندرى منو النفسيه اللي يلاحقون ناس مايبونهم
زياد اغتاض من كلاام بدر وهجم عليه لدرجه انه طاح على الارض وزياد عليه ويضربه بغيض
زياد:لاتتدخل بشئ مايعنيك فاهم
بدر اللي كان ياكل الضرب من زياد كان يدافع عن نفسه بضربات طايشه بحكم عامل الجسم والفرق بينهم الشباب حاولو يفرقونهم عن بعض
وسام:زيووود هده خلاااااااااص اعقل انت الكبير
بدر وهو يلقط نفس:هذا اذا عنده عقل
زياد للحين القهر فيه:وقسم بالله ان ماحفظت لسانك بيجيك شئ ماقد شفته فااااااااااااااااااهم
الاجواء هدت بعد ما مسكوا زياد عن بدر وبعد صرخه زياد
هدوهم الشباب
بدر قام طلع براا الصاله وزياد بعد طلع براا للحديقه يمشي ببلوزه نص كم كان يسحب انفاسه سحب جلس على العشب المبلل والمطر يطق عليه بغزاره اكثر يفكر بحياته واللي صاير له اليوم اول ماطلع راح المحكمه وطلق مي خلاص ماصارت تعنيه الحين لاهي زوجته ولاشئ تسللت دموعه على خده وحده وراا الثانيه وين يروح يقط همومه قال بيجي هنا بينسى شوي بيرتاح لاكن عيال عمه خربوا عليه مايبي يضعف مايبي يخطي اكثر على اللي حوله كفايه الاخطاء اللي صارت له مايدري لييه رجعت له الذكرى لورى لموت امه كان عندها بذاك اليوم هو اول يوم له بالمدرسه رجع شاف امه بفراشها كعادتها من عرفها لانها من ولدته تعبت راح لها باسته وجلست تكلمه اشتكى لها من ولد ضربه قالت له
ام محمد:زياد حبيبي انا ابيك تكون قوي حتى ماتضعف وتدوس الخطاء ابيك قوي الشئ العيب مابيك تجي له"مسحت على شعره"اعرف كلامي الحين ماراح تفهمه لاكن لما تكبر رااح تعرف بس اوعدني يمه
زياد:وعد يمه
آآآآآآآآآآآآه يايمه تعالي شوفي ولدك شيصير له الحين متعذب ومتغربل وكل هموم الدنيا على راسه ابي افرح لو يوم من بعدك انا من لي من لي من يوم رحتي وانا تايه تايه اتخبط بحضن ابوي لاكنه مابيفهم مشاعري يمه ماراح يفهمها دفن راسه وبداا يشاهق
وربي مابكت عيني على شئ فقدته وراح
وربي ماأنزل دمعتي ولاحتى علشاني
وربي ماشعرت بيوم صدري ضاق بي أوصاح
كثرماضاق هالمره علي وصاح حرماني
وربي ماعرفت أن الدموع أذابكيت رماح
على قد مايحب اخوانه الا انه يخاف ينكد عليهم بشكاوييه يخاف يغثهم صاح لين ماحس ان المطر خف شوي رفع راسه وطالع بالسما الحمراا ورما نفسه على العشب وقطرات المطر تكفخ بوجهه
بحاول أنسى كل الهم وبتناسى بعد الجـراح
بأصبر نفسي عالغربة كثر ما أقـدر اتصبـر
إذا ثلث الطموح عناد وثلثينه صبر وإلحـاح
بأجبر خاطر آمالي واحـاول أكثـر و أكثـر
وإذا بعض الألم باقي ترى بعض الأمل ماراح
وكل ما قلت ما أقدر بأعاندني وأقـول أقـدر
زياد شهق:حسبي الله ونعم الوكيل
قام على حيله بيدخل داخل بعد مابرد وجسمه يحسه ثقيل لانه ملابسه رطبه توه بيدخل الاسمع حد يناديه لف على احمد وبدر اللي مبين من شكلهم منصدمين من حاله زياد كييف ان المطر مسبحه وشعره يقطر من الما
احمد:وين كنت كنا ندور عليك خفنا
بدر نزل راسه:انا اسف زياد
زياد طالعهم ودخل لداخل كلهم وقفوا من شكله المزري لاكنه تجاهلهم وخذا جكيته وجواله ورقا الدرج بيروح لغرفته
بندر:شباب ذا شكله مايطمن
شهاب وهو يحط السفره:مشكلتكم تضايقون الواحد بعدين تحاتونه
كلهم طالعوا بعض وسكتوا جابوا الاكل وحطووه وجلسوا يرتبون الاغراض
احمد وبدر وهم داخلين:وين زياد
خالد وهو جاي:مالقيتوه
بندر:الا توه راقي فوق لغرفته
خالد:عن اذنكم
وطلع فوق بسرعه بيلحق على زياد بعد ماسمع السالفه من بدر وبعد ماتصل عليهم محمد يسال عنه وعرف من محمد السالفه بس ما قاله انه طلقهاطق باب الغرفه لاكن لارد وطق نفس الشئ
خالد:زياد
انتظر احد يرد عليه لاكن مافي امل
فتح الباب ودخل شافه واقف عند الدولاب وعليه بس بنطلونه من غير بلوزه وشكله جالس يدور له على بلوزه
خالد:زياد
زيادماطالعه وظل يدور بالدولاب:هلا خلود صحيت
خالد:اييه وين كنت
زياد سكر الدولاب:براا
خالد:اها
راح زياد لشنطه اللي على السرير وجلس يدور على بلوزه
خالد:شكلك توك سابح
زياد:هاه اييه كنت براا وخيست من المطر فدخلت وتروشت اففف
خالد:شفيك
زياد:ابد لابالدولاب ولاغيره مافي بلايز لي
خالد:افا اروح اشوفلك بدولابي
زياد:ههه تبي تقنعني ان بلايزك ممكن تدخل علي ياخي شف فرق الجسم
ابتسم خالد وهو يطالع بزياد صح زياد معضل وهو بالنسبه له حمل وديع
زيادخذا جكيته ولبسه وسكر سحابه:يلا نقزرهالليله
خالد :طيب خذ من بدر جسمك مقارب لجسمه
زياد عفس وجهه:بس قال ايش قال بديران"طالع بخالد بيغير الموضوع"الا انت شفيك؟؟
خالد:انا الي شفيني ولا انت؟؟
زياد تنهد:والله انا مافي جديد كل السالفه تعرفونها مدام هالبزير بديران عارفها
خالد:وش بتسوي بتاخذهاا
زياد:لااااا لاعادها الله انشاء الله انا رحت اليوم وطلقتها خلها تتهنى مع حبيب قلبها هي الخسرانه مو انا
خالد منصدم:طلقتها
زياد:اييه
خالد:بهالسهوله
زياد:الي يرخصك ياخالد شتبي فيه
خالد طالعه:الله يعوضك
زياد:لاانشاء الله خلاص انا اكتفيت بتجربتي مابي غيرها
خالد جلس جمبه:للحين تحبها
زياد طالعه:ليت ينشق قلبي واطلعها منه احيان اكرهها لاكن تجيني فتره وارجع اغليها بس مو حب مثل قبل هي طاحت من عيني
خالد وقف وفتح الباب:طب يلا قوم خلنا ننزل نتعشى
زياد بققرف:مستحييل ماابي اتسمم
*ترا مب انا اللي طابخ شهاب
زياد طالعه ومشى بغرور ونزل لتحت وخالد معاه وبدر واقف يطالعهم منقهر هذي جزاته اخوه شهاب يعاقبه انه يقوم يناديهم وكذا يسفهونه نزل وهو يخبط بالارض مقهور
كلهم نزلوا يتعشون على الارض الا زياد ظل قاعد على الكنبه ويطالع اعاده للمباره
شهاب:زياد انزل تعشى
زياد:...."كان سرحان"
كلهم على بالهم انه حاقرهم فتقهروا منه لاكنه كان سرحان
خالد:زيووووود
زياد توعى:هـ..هـلا سوري كنت سرحان
خالد:شهاب يكلمك
زياد حول نظره لشهاب:سم
شهاب:العشى
زياد:تسلم مالي نفس
ورجع لافكاره وسرحانه
..........................................
كانت على فراشها وتتذكر اللي صار لها اليوم معقوله فهد ولد خالي رجع قامت وقفت وراحت للدريشه تناظر اكيد الحين بيقول لامايه انه يبيني وامايه بتسوي لي مثل ماسوت لشروق قبل لو رفضته بتعلم يدي لاانشاء الله مايسويها فهد ياربي ورجعت للموقف
>>>غرام:فهــــــــــــــــــــــــــــــــــــــ ــ ـــــــــــــــــد
فهد:بشحمه ولحمه
غرام وقفت وللحين منصدمه:حمدلله على سلامتك
فهد:الله يسلمج شخبارج غرامي وحشتيني وبربي
غرام طالعته:بخير
فهد:ماوحشتج
غرام:ولييه اخوي ولا ابوي
فهد:احم احم ريلج عن قريب
غرام طالعته:نعم
فهد:ينعم الله عليج
غرام :احلق شنبك ثم جابلني
ولفت بتروح ماحست الا هو واقف قدامها
فهد:غرام لييه مو راضيه تفهمين انا احبج
غرام:مابا حبك انزينه
فهد:ولييه
غرام:انتى تعرف لييه
فهد عصب:والي سويته من شو كان من دافع غيرتي
غرام:فهد خوز عن طريقي
فهد:غرام لاتحديني اسوي شئ مايعجبج
غرام:يابن الناس الحب هب غصب
فهد:طب حد قالج غصب تحبيني غروم حبيبتي انتي وافقي عليه والله اني رااح اسعدج
غرام مشت عنه:مستحييييييييييييييييييييييل<<
معقوله يافهد للحين انت حاط امل بعد اللي سويته فيني معقوله رمت حالها على السرير لعل وعسى تنام وتنسى العالم
.......................................
جيهان:رسيل راكان مايبي يشوفني اكيد زعلان مني
رسيل:حبيبتي جوجو من شنوبيكون زعلان يعني
جيهان:مدري بس تخيلي طردني انا اختهالوحيده كذا يسوي فيني حراام عليه انا مالي شغل
رسيل:الله يهديك يارسيل لاتكبرين المواضيع
جيهان:اه ليتك معي ياسوسن يمكن كان قدر يتقبل وجودنا
رسيل بتوتر:ليه ماقالك راكان
جيهان:وش يقولي
رسيل:راكان طلق سوسن
جيهان صرخت:اايــــــــــــــــــــــــــــــــــــــــــ ــش
رسيل:جوجو هدي
جيهان خنقتها العبره:مع السلامه رسوله لازم اتصل بسوسن
سكرت جيهان وتوها بتتصل على بنت خالتها الا دخلت عليها الجوري
الجوري:سلااااااااااااام
جيهان:هلا وعليكم السلام
الجوري:تستاهلين سلامه راكان
جيهان:الله يسلمك
الجوري:شفيك جوجو حابسه نفسك هنا تعالي تحت كلنا متجمعين
جيهان :منو انتوا
الجوري:انا والماذر واختي ومرت عمي تعالي
جيهان:عادي
الجوري:شنو اللي عادي اكيد هذا بيتج الحين واذا ماتبين تجلسين معاهم عادي خلينا نروح غرفتي احسن
جيهان:كيفك انتي وين تبينا نروح
الجوري:قومي غرفتي ياخي نحنا بنات عم وكبر بعض يلاخلينا ناخذ على بعض
.......................................
ميره بتعب:شوتباا مابا اشوفك برااااا"وصاحت بتعب"
جهاد مسك يدها:ميره عن التغلي وانه اسف
ميره:مابا اجوفك خلني بحالي مابا اجوفك برااااااااا مابا يباااااه اااااااااه
جهاد تو ه بيتكلم الا جاوا الممرضات وطلعوه وهو يطالعها منصدم
.......................................
ام حمد:هلا والله بولدي
سعيد:هلا بج اختيه شحالج والله ولكم وحشه
ام حمد:بعدني مو مصدقه انك جدامي واخيرااا هديت شغلك اللي بالسعوديه وييت
سعيد:لاه انه خذت اجازه وييت لعندج
ام حمد:ماتعرف شقد فرحتي
سعيد وهو يحب يدها:فديتج كل هاي عسب مروه وربي
ام حمد بحزن:ماجوف من يلستك منفعه هناك خلاص مروه تزوجت محمد
سعيد:شووو
ام حمد:هييه تزوجت
سعيد:بس انه لقيت اخوانهم
ام حمد:هييه مانبا ندخل حالنا بمشاكل لاتعد ولا تحصى انتى ماتعرف شو صار يوم رحنا للبر
سعيد:شو صار
ام حمد حكت له عن زواج البنات المفاجئ وانه بعيد الحج
سعيد:اليازيه وجيف وافقتي انهم ييوزونهم وانتي تعرفين انهم مو مهيئين
ام حمد:اذا ابوهم مارام يرمس تباني انه
سعيد:طب واخوانهم
ام حمد:اخوان منو
سعيد:اخوان مروه
ام حمد:والله مو عارفه شو اقولك انتى ارمس مروه وخواتها لان الامر يعنيهم
...................................
في يوم الخميس
بوهلال:نوره وينه طلال مااجوفه
ام هلال:من امس من يا من المستشفى قط بروحه بالغرفه ولا شفناه
بوهلال خاف:جييف ماجفتوه طب محد سار تطمن عليه
احلام:لاابويه انا سرت له امس كان طولالوقت نايم
بوهلال قام من الفطور
ام هلال:وين ساير ماخلصت فطورك
بوهلال:بسير اجوفه
راح لغرفه طلال يتطمن عليه طق الباب ماجاه رد فتح الباب ودخل الا شافه نايم قرب منه
بوهلال:طلال
طلال فتح عيونه:هممم
بوهلال:شوفيك من امس راقد تونس شئ
طلال رجع غمض عيونه:لا
بوهلال:طب يلا قوم عسب تسير ويانا بيت يدك
طلال:وشو بعدينه بيي
بوهلال:طلاال اجوف رمستي ماصارت لها قيمه عندك
طلال جلس:انشاء الحينه بسير اغسل وبيي وياك
طلع بوهلال منه وهو مبتسم اليوم بيرتاح من الهم اللي على قلبه
.....................................
محمد:وانا كل يوم هاي حالتي وياك
حمد:..........
محمد:ضاري جوف اخوك قومه تراا ابويه رمسني انه وقال يلااا ابا اجوفكم هناك تراانا متاخريين وايد عن الشعب
ضاري طالع بمحمد وفيه الضحكه لانه متازم من حمد :خلاص انتى سير البس وانه بقومه
محمد:على ضمانتك
ضاري:افا عليك
محمد دخل الحمام وضاري نط على السرير الي جمعهم يومين ورا بعض
ضاري:حميدان"قالها بصوت عالي فاهم لاخوه"
حمد:.........همممممممم
ضاري:سعيدان وصل
حمد:هاه
ضاري :سعيد جا امس باليل يلا قوم
حمد فرك عيونه:قل ق
ضاري :شنو ق هذي بعد
حمدنقز بفرحه:يعني قسم
ضاري:والله انه تحت يحترينا
نقز حمد من فراشه ونزل لتحت ببجامته يدور على خاله
حمد:سعيد
سعيد رفع راسه:حميداااااااان
ركضوا لبعض وحضنوا بعض بفرحه حضنوا بعض بعد بعد دام 3سنين كان كل واحد فيهم مشتاق للثاني بشكل ماتتصورونه كيف لاء وسعيد وحمد روحين بجسد واحد
سعيد:يالخايس من متى مارمستني
حمد:شو اسوي اتغلى عليك ابا اجوف شقد اوحشك
سعيد:ياعلك ماتشوف وحش يالسبال
حمد:ههههههه من جد مفاجعه حلوه
سعيد:مفاجعه بعينك
حمد:ههههههههههههههههههههههههه للحينه مو مصدق انتى هني عندنا
سعيد:تباني اعضك
حمد:لاااااااااااااااه شو تعضني هاي بعد
..................................
*هههههههه تيمعنا من يديد
غرام:هيه تيمعنا وناسه بصراحه الا شحال ريولج
اروى:والله مدري بالليل مااروم انام منها تالمني وايد
مروه:هيه حتى انه ايلس وياها ماتشوفين وييهنا غاديه صفر
غرام :هههههه مساجين
فجاءه نطت عليهم احلام:بنوتات
غرام:هلا
احلام:يدي يقول يلا يبانا تحت مدري شو فيه على هالاجتماع المفاجئ
غرام:هييه شو تتقوقعون
اروى:شويدرينا
مروه:بنات خالتي ياوو
احلام:توهم داشين
نزلوا لتحت وسارو جلسوا كانوا جالسين بصالتين مفتوحتين على بعض صاله للرجال وصاله للحريم جلسوا الرجال الي كانوا واقفين وهدا المكان
اليد:وينه طلال مااجوفه
بو هلال يتلفت يدوره:هومايا
هلال:لاء قال بيي بعدنا
اليد:وجهاد وينه
مجاهد طالع ابوه اللي قال
بومجاهد:بعدينه اقولكم شو سالفتنه موياي
اليد:يعني ماباجي الا طلال
*السلام عليكم
لفوا لجهه باب الصاله اللي انفتح ودخل منه طلال سلم على عمامه وعيالهم وتحمدوا له بالسلامه توه بيجلس
اليد:هلال سير خل اخوك ييلس يمي
قام هلال وهو مستغرب شو هالحب الغريب اللي لطلال
غرام:شو صايرله يدي
احلام:علمي علمج
اليد:جوفوا اليوم هو اول مره نساوي مثل هاي الاجتماعات انه ساويت هاي الاجتماع عسب ثلاث مواضيع الاول عن طلال
طلال انصدم واستغرب وطالع بجده والكل كان يطالع بطلال مستغرب
اليد:الكل طبعا عارف انه طلال هو ولد ام هلال
طلال طالع يده وابتسم برااحه احين بيرتاح والكل بيعرف انه مو ولدها
اليد:لاكن الحقيقه انه هب ولدها"علامه استفهام على وجه الكل لاكن في شخص ابتسم بفرحه"هو ولد امينه زوجه سعد لاتستغربون هييه بوهلال اعرس على مرته بوحده شاميه كانت تشتغل عندهم ويوم درت ام هلال خبرتني وانه سكت لاكنه يوم طلقها كانت حامل فيوم ولدت خذينا الولد وقلنا انه ولد ام هلال وهي سافرت لبلدها
بومحمد طالع بطلال عساس كذا يعاملونه معامله الغريب
بوذعار:ولييه طلقها
اليد:اشياء خاصه بخوكم شو عليكم انتوا
ام ذعار بفرحه:يعني الحينه ارمس عن اللي خبيته طول هالسنين
الكل طالعها بعد شو مخبيه
بوهلال:هيييه
ام ذعار وهي تطالع طلال:انه يوم بوهلال طلقها كنت توني يايبه ماجد فيابه لي بوهلال عسب ارضعه لانه ماكان يروم يشرب حليب من حد فرضعته مع ماجد
بوذعار:يعني
اليد:طلال يصير اخو عيالك بالرضاع
طلال طالع في ماجد بعدين نزل راسه
اليد:وغير جي اللي صار لطلال يوم بالبر من ابوه كان بسبه انه كان يبا يسير لها وابوه خاف عليه منها عسب جي ماخلاه يروح كان مايباه يروح لها عسب خوفه
طلال بهمس سمعه جده وابوه:ولييه شوفيها امايه يخاف عليه منها
اليد:قول شو مافيها
طلال عصب:يدي هاي امي اللي ترمس عنها
بوهلال عصب وصرخ:وهو يدك فاهم
طلال:حتى يوم انها ماتت مارمتوا تصبرون ماترمسون عنها كفايه اللي يانا منكم كفايه
وقام طلع وسط ذهول الكل اللي للحين مومستوعبين السالفه بوهلال بيققوم ورا طلال لانه صار يخاف عليه بالفتره اليديه لاكن ابوه وقفه
اليد:وين ساير ايلس ماخلصت كلامي
كلهم طالعوا ببعض وش بعد بيينا منك يايدي وش من صدمات
اليد: ثاني شئ بعد ععرس العيال حضروا نفسكم بنتقل للسعوديه
الكل صرخ بوقت واحد:شوووووووووووووووووووووووووووووووووووووووو
اليد:باااااااس تشوى بدن اللي مايسمع رمستيه فاهمين انا غلطت يوم اني بعدتكم عن اهلي بس لازم الحينه اصحح الغلط وانه لازم ارد ابويه قبل مايموت كاتب هالوصيه وراسلنها لي ولد عمي
عطا الرساله لمحمد
اليد:اقراها يامحمد
محمد تلعثم وخذاها:
" بسم الله الرحمن الرحيم
امابعد..
الى محمد بن فهد الـ"..."
من فهد بن حمودالـ"..." والدك
رااح تقراا هذي الوصيه على عيالك اذا عندك احفاد وارجوا منك انك تنفذ اللي فيها محمد انا ماغلطت يوم بغيتك تاخذ بنت عمك لانها كانت امانه عمك وكان لازم انه انت الي تزوجها لاكنك خذلتني يوم خذيت الامارتيه وسافرت من غير رجعه محمد انا اكتب وصيتي لك لاني عارف ان الموت في اي لحظه ابيك تعرف اني مسامحك على الرغم من اللي سويته
محمد حلالك ينتظرك كل زاويه بالبيت تنتظرك اتمنى لما تقرا هالورقه ماتتوانى وترجع للسعوديه ترجع للبلدك بين اهلك عيال اخوانك
محمد تراا ورثك محفوظ عند اخوك مانسيتك هو صحيح اني قلت لك محروم لاكن مااقدر احرم بكري من شئ من حقه
محمد ارجع للسعوديه وابد من جديد ولاتنسى تبدا مع احفادك ولاتغلط غلطتييي
ابوك
فهد بن حمودالـ"..."
التوقيع"
الكل يطالع في الثاني كييف نرجع للسعوديه اصلا حنا متى رحنا لها
اليد:عسب جي انه اباكم بعد عرس العيال تحضرون حالكم
بو ذعار:ابويه من متى يايتك الوصيه
اليد:من ثلاث سنين واذا على السكن لاتحاتون كل شئ مدبر
بوهلال:جييف؟؟
اليد:انه من عرفت رسلت واحد لهناك وبنيناخمس فلل يم بعض وكل شئ فيها مظبط لعيالكم
بوذعار:ابويه والشغل والشركه
اليد:حنا مقرنا الرئيسي بالسعوديه واللي هنا وفي ايطاليا كلهم فروع
غرام:يدي يعني مافي رده لهني
اليد:انتقال نهائي ومابعد رمستي رمسه والموضوع الثالث بعد اسبوعين بتكون ملجه هلال وذعار وحمد حضروا حالكم
بومحمد وبوذعار:وطلال
اليد:طلال انه معاقبنه وملجته مع عرسه بايام العيد"لف لبو مجاهد"ماقلت يابومجاهد وينه جهاد
بومجاهد طالعه:جهاد "تنهد"جهاد تزوج وطلع برا البيت من غير رجعه
كلهم طالعوا ببعض منصدمين لحظات والكل تفرق ماكانوا عارفين شنو يقولون فتفرقوا البنات راحو فوق عند عبير والحريم للغرفه والاولاد للمجلس وشافو طلال هناك كان منبطح ومعطيهم ظهره غارق بدموعه بس من سمع حسهم رفع نفسه وطالعهم
ماجد نط عليه وحضنه:والله وطلعت اخوي يالسبال
طلال ابتسم وهو يبعد ماجد عنه:هههه خوز عني يالدب
....................................
جهاد:هييه انه ريلها
الدكتور:ريلها هااه ريلها تقطها جي
جهاد:دكتور شو فيها حرمتي
الدكتور:ميره تعسرت ولادتها ويوم نحنا نولدها كانت تزقرك تباك وتقول انك تخليت عنها يوم ولدت ياجهاد احتاجت لعمليه ثانيه تدري عمليه شو تــــــــــــــــــدري"الكلمه الاخيره قالها بصرخه"
جهاد بخوف ودمعه فرت:شوو
.........................
|