الجزء التاسع
طلال وهو على الارض:عاد من حلات ويهك لو قلت انكم عطيتوني ويه الي جدامك هب احسن واحلى
ضاري هنا ضحك:ههههههههههههههه الله يستر عليك ومنك يلا النوري نسير
وهم يمشون ماحسوااا الا بصرخه عمهم بوهلال
بو هلال:طلااااااااااااااااااااااااالوووووووووووووه
طلال كل شئ توقف عنده وتبعثرت احاسيسه وظل مصدوم حتى قداام اللك يايبه قدام عمامي يدي ماحشمتهم ليتك ترحمني بس قدامهم
تَناثر داخلي نبضي ..
دخيلكـ
بس أبي " لحظهــ "
[ تلملمني ]
على
بعضي ..!!
طبعا بوهلال شافه مبتسم حب ينقص عليه وهو يقول بخاطره طول عمري حياتي نكد بنكد والسبب انت وامك
بوهلال:طلالوه يالغبي
طلال يقرب من ابوه بوجه يظهر الابتسامه ويبطن جرح دفين ومابيشكيه لغير ربه الي على كل شئ قادر
بشتكي لله .. ومـ أفلح من ظلم ..
كل كبيـر الله يسلط له كبيـــــر ..
لا رحلت وشفت بيدينك قلــم ..
إكتب : إن الله على كل شي قدير!!
طلال:سم يبااه"وهو يغالب الالم الي بجنبه"
بوهلال:ساعه ارمسك ماترد ولا ياينك صمخ على صوتي
طلال:لاابويه شو هالرمسه
قاطعه بوهلال لانه مايبي يسمع اعذاره:اسمع اباك تسير البيت الحينه وتتييب هاالاغراض
طلال خذ الورقه من ابوه:هيه بس اقدر اييبها من المحطه الي عدلنا
بو هلال:واا مااريدها الا من البيت
وراح عنه خذا طلال الورقه ولف شاف الكل يطالع فيه حقرهم وركب سيارته
........................................
با الخوف والقللق يتسسلل لقسمات وجهه كا ن مشهد نجود ينعاد عليه ماكان قادر يستحمل شكلها وهي متسطحه نجود بامها وعلمها خاف يفقدها من جديد تقرب منها
محمد:مرووه
مرووه توعت على صوته:نعم
محمد بخنقه:بشو تحسين وشقا مارمستيني "قالها بخوف"
مروه كانت تحاول تقعد:محمد.....لا تخـاف ...ماشي......انا.......بخير
حصه الي توها داخله:لا مو بخير هي اصلا من امس وحرارتها مرتفعه
محمد مسكها وقومها:قومي مابخليج بنروح المستشفى
دخلت سراب في هذي اللحظه:مررووه شقا ماقلتي انج تعبانه
مروه ماكان لها خاطر ترمس حد فضلت متمسكه بمحمد
محمد:انا باخذها للمستشفى عن اذنكم
طلع محمد وركبا بجمبه في السياره
وراح ركب وساق فيها الين ماطلع من المخيم
................................................
غرام:افففف والله حراام ليش جي
نوه:صخ بس جن رمستنا الحينه بتقدم شئ ولابتاخر
غرام:ياويل حلي ياخوفي ييني دوري
روى اليكانت مب مهتمه زوجوها ولا لاء:يعني منو بيزوجونج جهاد ولا ضروي ههههههههه
غرام:سديها هاي السيره لايسمعج يدي ويقوم علي
نوره:طب ليه هو يبا يسوي فينا جي يعني ماعنسنا
اروى:هب لازم تعنسين بس لازم يسوي الي هو يبااه
غرام:عاد انه ماابامن العايله
نوره:حلفي انتي بس ومنو الي بيسمع لج ويخليج تطلعين براا العايله
اروى:واثقه بعمرج امررره
نوره:هههههههههه
غرام:ماعلينا الا اقولج نواره شو عندج مساعه مع ضاري اخوج
اروى:شو عندج تسالين عنه ولا طيح بج ولد خالي
نوره:هههه
غرام:من زينه الحينه عشان اسال عنه
*منو هاي الي من زينه
لفو اكلهم على مصدر الصوت وانصدموااا
.....................................
مجاهد:ولشوا انشاء الله
بو مجاهد:انا قلت برمس يدك عن موضوعك
مجاهد بقله صبر:وشو موضوعي هاي
بو مجاهد:لاتعصاني انا غلطت قلت لك تتزوج على شروق وانا الحينه بخطبها لك من يديد زاباك ترد الحينه عشان نرمس خالك
مجاهد:ابويه اناااا
بو مجاهد يقاطعه:اعرفك يامجاهد تباها ويلا بشوفك عند يدك
...............................
نورره:ضــــــاري
ضاري:هيه السلام عليكم ياحلوت
غرام واروى احمرواا:وعليكم السلام
ضاري:شحالكم
غرام:نسال عنك الشيخ ضاري
ضاري:هاج نوروه
نوره خذت الكيس:تسلم
ضاري:الله يسلم غالييج
شافوا ماجد جاي من بعيد وبعد ماسلم
ماجد:شو تسوي هنيه
ضاري يستهبل:اغازل
ماجد:وليه ما زقرتني عسب اغازل وياك
ضاري:عاد شو اسوي انا اتبع واقضوا حوائجكم بالكتمان
اروى:ياكشخه انتي
ضاري بخقه:اعجبج مرت اخوي
اول مره اروى تحس بهالكلمه بالفعل فسكتت
نوره:ضاري مامست محمد سالتوا عن مروه
ضاري:الا يقوول يبا يسير البيت يريح وباجر بييي
غرام:اييه وخلها تيي باجر وتقول مارمسنا
كانتمنفعله وناسيه وجود ضاري وماجد
ماجد:ومنو هاي
غرام ارتبكت:هاه محد
اروى ونوره ضحكوا عليها
غرام:شو ليش تضحكون
اروى:هخاه لاولاشئ بس جي
ضاري:هيه مبين شو سالفتكم اعترفواا
غراام يقال انها تبا تضيع السالفه:اقول ضريوه
ضاري لف يطالع بجمبه:ومنو هاي بعد
كلهم ضحكوا
غرام:في حد مايعرف تدليع اسمه
ضاري طالعها مصدوم بعدين رفع عينه للسما:ياويل حالك ياضاري الحينه كل ساعه بيطلع لك دلع يديد ضوضو بعدينه ضروي والحينه ضريوه لايكون الياي ضراوي
ماجد:ههههه الله يعينك لازمنكط تتحمل عسب تسير بحياتك
غرام:غريبه ههههه ريال مايحب يدلعونه
ضاري يغمز لها:لو صرتي حرمتيه بسمح لج تدلعيني بس انتي هب حرمتيه
اروى بصرخه:خطبه بطريقه غير مباشر
ماجد:اقطعها هالرمسه انتى تصير نسيبي
نوره:وشو فيه شيخ الرجاله الشيخ ضاري ولد جاسم
ماجد:مكون لنفسك جمهور يدافع عنك
ضاري:شو حسبالك بعدينه يدينك تبوسها قدام ومجلب لو صرت نسيبك
غرام:العن ام الثقه
ضاري ضحك ضحكه هزت كيان غرام وطاحت سيوفها عنده لان ضحكته كانت مميزه
نوره:استخف اخويه
اروى:غصب عليه الي يشوف غراموه يستخف
غرام:وشوو عسب يستخف
ضاري بتفكير:مينونه عسب جي مو
غرام تنرفزت:والله انا هب مينونه المينون نته
ماجد:عصبت غراموه الحينه من بيسكتها
غرام:ولشو تسكتوني
ضاري:عسب ماتصير مشكله مو
غرام:خخخخ بايخه
اروى:غراموه شفيج عصبتي
غرام:لشو بعصب انتوا ماقلتوا شئ
ماجد وقف:والله انتم بزايات يالبنات شو ميلسنا عندكم
قام وياه ضاري:بقوووه شميلسنا وياهم
ورااحواا وهم يضحكون
.......................................
الساعه12:00 الظهر
وقف السياره عند فلتهم ولف عليها شافها غاطه ابتسم لها وقب من خدها وباسهاوهمس يقومها
محمد:حبيبتي يلا وصلنا
"تدرون ليه قفال كذا حس انها نجود لانها اصلا طبق الاصل منها"
غمض محمد عيونه وتنهد بعد مااستوعب الكلمه الي قالها ولمنو ابتعد عنه واسند راسه وهو يقول بخاطره
"الله يصبرني عليج يامرووه طالعه مرره تشبهينها بكل شئ آسف يامروه مااقدر احبج"
لف عليها وطلع من السياره وراح للجهه الثانيه وشالها بين يدينه اول ماحطها على صدره دفنت راسها بصدره لان الهواء لفحها ركب على الدرجات ودخل غرفته نزلها على الفراش بس تمسكت فيه انصدم بعدين ابتسم بنت يتيمه وتلقى شخص يداريها اكيد مارراح تفرط فيه
باسها وانسدح جمبها وهوحاضنها 5دقايق مرت
الا جواه يدق
محمد:هلا يبه
بو محمد:محمد شخبارها مروه
محمد:الحمدلله بخير
بومحمد:شو قالووا لها المستشفى
ممد:نفس قبل يبه بس هاي المره مارقدوها
بومحمد:عيل وينكم الحينه
محمد:في البيت
بو محمد مستغرب:اي بيت
محمد:بينا بنام هنيه تالي باجر اذا خفت بنيكم
بو محمد:ايه مايحتاي اوصيك ياوليدي
محمد:ماتوصي حريص
قفل من ابوه اللي وصاه على مروه ونزل راسه عليها رفع جسمه عنها وسال طرحتها وعبايتها ظل يتاملها وهي متكوره على نفسها تدور الدفا قام وبدل ملابسه لبس له بيجامه ورجع رما نفغسه بجمبها وظل يضحك على حاله
محمد بخاطره " لازمني اتعود على هاي الطريقه <طالعفي مروه اللي حاضنه المخده> شو بيضرني لو اني اعتبرتها نثلات نجود الا ليه مااعتبرهها نجود نفسها"
قرب منها وحضنها وجلس يبوس فيها ويلعب بشعرها ويشمه كان يتمنى يدخلها بصدره ولا يطلعها نزلت بهذي اللحظه دموعه الساخنه ونام ودموعه تنزل
.................................................. ..
كان واقف عند المخيم بعد ماخلى بنته تنزل يده على راسه ودمعته بعينه ياربي مااقدر انزل لهم وش بيقولون اكيد بترفض ليه ماوقفت ابوي عند حده مابا انزل من السياره مابا ليت الارض تشق وتبلعني
خذ جواله واتصل
مجاهد:الو السلام عليكم شحالك دكتور هيخ انا بخير دكتور اما ابا ارمسك بسالفه ارربك هب شغل شوف دكتور
وقاله السالفه كلها من يوم دخل البر ولاكن قرار الدكتور كان صدمه بالنسبه له
< مجاهد اذا انت تبي حياتك تمشي عدل ارجع تزوجها انت على حسب كلامك وماقلت لي الكل يقولك انها تقول انك انت ماتبيها وانت بالاصل تتمنى رضاها عليك وانت تقول انها ماتبيك شكلكم فاهمين السالفه اثنينكم غلط نصيحتي لك تزوجها من جديد علشان بنتك اذا مب على شانها >
تو مجاهد بينزل من لسياره الا جهاد ركب
جهاد:قرت عيون اخويه واخيرا اصدر العفو العام عنك
طالعه مجاهد بتوهان:..............
جهاد طالع في اخوه:مجاهد اخويه شوفيك
مجاهد:ماشي بس انتوا خططتوا وبنت خالك ماراح توافق عليه مره ثانيه
جهاد مستغرب:ليه هم مارمسوك ابويه ياورمس يدي وخالي بوذعار ويابو شروق جدامناواسالوها زقالت موافقه
مجاهد:من صجك
جهاد بعبط:لامن خالي ههههههه
مجاهد ابتسم بالم
جهاد:امممممم
مجاهد طالعه:شوفي خاطرك اخوي ارمس
جهاد:مجاهد ابا ارمسك بسالفه بس مااباك تفهمني غلط
مجاهد بحب:ارمس اخويه
جهاد:مجاهد انا اباك تفهمني و...
ماكمل كلامه لان الباب انفتح شافوا حمدن
حمدان:شو ماراح تقربون
مجاهد:هيه ناويين نقرب
حمدان:والله ماكن بخاطريه اني اخرب عليكم رمستكم بس يدي ارسلني
نزل مجاهد:شوهاي الرمسه انت ماتخرب علينا
حمدان ضحك:هيه عسب اني بصير نسيبك من يديد ماتبا تزعلني
مجاهد ابتسم له ولف على جهاد الي جاهم:نكمل رمستنا بعدينه
جهاد هز راسه بتوهان وهو بخاطره يقول " خلاص انا لازمني احل الموضوع بسرعه ومن دون مااستشير مجاهد "
.................
طلال كان واقف عند البيت نزل من سيارته ويحس بآآآآآآآلام مبرحه في جنوبه ودوخه ونفضه طلع المفتاح من جيبه عشان يفتح الباب لاكنه تهازى من طوله بعد ماطاح المفتاح والرعشه مازالت وكل مالها وتزيد
طلال بصوت مبحوح:يمااااه آآه
وبدى يطلق صرخات مكتومه الين تحولت الى صرخات عاليه
وطاح مغمى عليه
..........................
|