الجزء الثامن
كانت الساعه 7:30
اشوق:بابا خلاث انا ذعلانه منك ماابا المسك
"بابا خلاص انا زعلانه منك ماابا ارمسك"مجاهد:شقا حبيبتي لشو ماتبين ترمسين بابا
شوق:انا ادول لك وديني الدكان ماوديتني انتى ماتهبني
"انا اقولك وديني الدكان ماوديتني انتى ماتحبني"
مجاهد:من عنوني الغاليه ماطلبتي بس نرمس امج
واخذ جواله دق عليها
ماكان يبي يرمسها بس لازم يقول لها انه بياخذ بنته وياه عشان ماتستهم
لاكنها ماردت عليه فنزل الجوال من اذنه وطغتت عليه الكابه
شوق:بابا ثو فيك ماما ماتباني الوح بابا "قالتها بعصبيه"انا المثك
"شو فيم ماما ماتباني اروح باباب انا ارمسك"
توه بيتكلم الا يسمع حس وراه لف شافها هي بشحمها
...............................................
طلال كان يطالع بالسما ومنسدح على التراب دمعه خانته وهو يذكر ذاك اليوم
كان طلال عمره 18 سنه وفي ذاك اليوم كان راجع للبيت فرحان بيبشر ابوه بنجاحه بس استوقفه رجال عند الباب كان مبين عليه سوري
الرجال:السلام عليكم
طلال:هلا والله وعليكم السلام والرحمه
الرجال:هاد بيت طلال سعد الـ
طلال:هيه وياك طلال امرني بغيت شئ
الرجال:اخيراا لايتك طلال"وكانت الفرحه مبينه على وجهه"
طلال:خيير شوفيه شغلت بالي
الرجال:اييه مابتألأ حبيبي انا خالك نوري
طلال بصدمه:خالي
نوري:ايه شوبك طلال
طلال يطالعه ساكت منو هذا
نوري:انا أجيت لهون مشان اعطيك هيدا الرساله من امك
طلال:امي
نوري:طلال شوبك بتعيد كلامي بك شئ تعبان
طلال:مين انتى
نوري توه بيتكلم الا شاف بو هلال طالع
نوري :عن ازنك طلال بنحكي
وحط ورقه بيد طلال وراح
طلال دخل البيت وراح على طول غررفته حتى ماسلم على ابوه فتح الورقه وقراها
"طلال سامحني ياابني بعرف انك ببتعزب وتزوق الاهانات بس استحمل ابني انا مابدي اياك تستسلم طلال انا انظلمت من مرت لابوك مشان هيك بييك طلئني مابدي اياك تئسى عليه بس هو معذور وكل شخص بمكانو بيشوووف مع زوجته ورقه البيت ونقل الملكيه شوبدك ياه يساوي بس مابدي غير اول كنت الضحيه لمراات ابوك وماكنت بؤدر اخذك معي لاني ماانرحمت من بيييك طلال بدياك تعرفني اكتر من هيك وبدياك تسامحني لاني تركتك لبييك الي بيئسى عليك"
..................................
شروق:مجاهد
مجاهد بخنقه:هلا "كان بيكمل بيقول هلا حبي بس تذكر الحاجز الي يفصل بينهم"
هلا ياللي تمنيتك نصيبي
هلا يافرحي وسعدي وطيبي
هلا يانصفي الثاني هلابك
هلا باللي اناديه بحبيبي
شروق بلعت رييقها:انا ييت عسب اخذ شووق لان
قاطعها مجاهد وهو يوقف ويمشي لسيارته:انا بسير وياها للسوبر ماركت اختصرتي على الطريج بالاتصال عن اذنج
راح فتح لبنته الباب وسكر الباب وجا بيروح لجهته لين يشوفها واقفه للحين
مجاهد:شو بغيتي شئ
شروق تبلعمت:هاه ..لابس...بس بغييت اييب جكيت شوق عسب ماتمرض ورجعت على ورا وراحت تييب جكيت بنتها واول ماطلعت لقته واقف بنفس المكان
شروق:تفضل وحط بالك عليها
مجاهد قهرته كلمتها:حبيت اذكرش شروق تراي ابوهااااااا
وراح عنها بعد ماعطاها نظره اول مرره تطلع منه ركب السياره روح
شروق شافته بعد طاحت من طولها ودمعتها تتسحب بمكر على اوجانها توي عرفت قدرك يامجاهد
والله اني كنت الوم الي يضيق ان غاب خله ,,
لين جربت المحبه
والفراق وقلت
"تـــــــــوبه"
لعنبو جد المفارق فيه هم وذله ..!
اثر كل الحب لذه..,
والفراق
((اكـــــــــبر عيــــــــــوبه))
مجاهد كان حاله اردى منها شخط بالسياره مب عارف ليه سوى لهاكذا وقف بعد ماتاكد انه ابتعد عن المخيم وقف سيارته وحط راسه على الدركسون ونزلت دموعه بغزاره كان يحاول يتماسك بس ماعرفتوا من هي شروق بالنسبه لمجاهد هي الهوى الي يتنفسه كان يتنى تحبه بس وينها احين شوفوا شلون بغبائها وين وصلتهم محد يستاهل دموعه غيرها ومع ذالك هي ماراعتهم
ترااا لولا القلوب عيون ولادموع العيون اهداب
حشى ماتنزل الدمعه لغيرج لو تركتيني
انا اول من عرف قدرج وانا توي صغير وشاب
وابي منج مدام انج عرفتيني تحبيني
مادام كل من يحي على وجهه التراب تراب
عسى تساني الدنيا مادام انتي ذكرتيني
شوق:بابا من ذعلاك وخلاك تصيح
"بابا من زعلالاك"
استوعب ان معاه بنته فرفع راسه
مجاهد:منو قالج اني لصيح>>>>>تلعب على منو
شوق طاحت بحضن ابوها وحطت راسها بدلع على صدره
مجاهد مسح على راسها وحضنها بقوووه
شوق:بابا لا تقث علي
"بابا لاتقص علي"
مجاهد :مااجذب انا
شوق تباعد ابوها وتمسح دموعه الي طلت من جديد
شوق:سنو هذا
مجاهد ساكت ويطالع تقاسيم وجههها
شوق:اذا تحبني بابا لاتثيح ولا اذعل عليك ولا المثك
"اذا تحبني بابا لاتصيح ولا ازعل عليك ولا ارمسك"
مجاهد ابتسم:انشاء الله تامرين امر
وراااح معها على السوبر ماركت
.................................................. .
مايقدر ينسى ذاك اليوم وكيف ابوه ضربه يوم قال له عن امه كان ابوه يعترف له عن امه ويقول انها خاينه ونصابه كانت ذيك اول مررره يذكر فيها امه واخر مره وكان اول مره يضربه وااخرمرره ماينكر هجر الكل وماتت مشاعره من ذاك اليوم وصار تايه من يصدق امه ولا ابوه امه ابسطت له الحنان بس برساله وابوه طول الوقت يشعم فيه ماينكر جاه خاله وسال عن امه وعرف انها مظاومه بس ابوه راااح وهدددهم مايقربون منه
طلال:آآخ يايبه ماتباني اشوفها وماتباني انا شو ذنبي
ابتسم طلال ودمعه طاحت مع بسمته الي كانت بداخله ميته
سمع صوت
*الله يخليلك هالابتسامه
طالع ضاري وزاددت ابتسامته لانه كان يفكر
"الحمد لله انه ام هلال هب امي"
طلال:شوتبا فيني واحد مستانس بيعرس شو تبا فيه
ضاري طالعه بصمت وجلس جمبه
ضاري وهو يمسح الدمعه الي كانت على خده:والي فرحان انه بيعرس تنزل دمعته وويهه جي معفوس
طلال يطالع ضاري مصدوم كيف صرت كتاب مفتوح قدامه
ضاري يطالع بالفراغ:طلال انتى هب مجبور تتزوج من نواره تلاى الزواج ماييي بالغصيبه
طلال:ومنو قالك اني ابجي كانت دمعه فرح لااكثر ولااقل
ضاري:هيه مايحتاي تجذب علي
طلال:ضاري تباني احلف لك اني صادق
ضاري طالعه وهو ساكت
طلال عرف ان ضاري مو مقتنع الا لما يقوله عن السبب الحققي للدموعه فسحب هواء
طلال:ضاري يمكن انت الوحيد اللي بتعرف بهاي الشئ مع مجاهد ضاري انا هب ولد ام هلال اتى شوف ابويه"وااشر على ابوه اللي يبتسم لهلال"جيف يعامل هلال وجيف عاملني لاني ولد امينه ولد الي على قولته سرقته كل الي حولك عبالهم اني ولدهم بس مادرواا شوا صايرمن وراهم انا تعبت منهم وايد بس قلت هلي ومالي غنى عنهم وقبل شهور دق ابويه عسب يسال عني وكنت في هييج الفتره في امريكا ادرس طب ردت عليه مرت رفيجي قام وجلب الدنيا على راسي وردني لديره وسحب جواز سفري وهزبني وهالزواجه على قولتهم باتادب منها بس اتادب عشو ماااعرف وهاي الابتسامه لاني كنت ارمس روحي اني بفتك من الالم ةالمعاناه معا نوره واحمد ربي انا ام هلال هب امي آآآآآ وهاي هي السالفه كلها
ضاري ظل يطالعه هو ساكت
طلال:شورايك نروح للشباب
ضاري:يلاااا
..............................................
الساعه8:00 صباحا
حصه:نوروه شوفي هاي حرراتها مرتفعه نار
نوره كانت سرحانه:شو
حصه وهي حاطه يدها على راس مرووه :اقولج مرووه حرراتها مرتفعه
نوره قربت منهم:طب اتصلي على محمد
حصه:سويت له بس مايرد
مروه هنا توعت بس كانت تهذي:يباااااااه..........يماااااااه........مـ حــ........ـمد.....محـــمد
نوره:انالازم اسير اجوفه حراام البنت وايد تعبانه
حصه:يلسي نوره هو يانا الصبح وعطاها الدواا
نوره وهي تقعد:الله يصبرها
حصه:آآميييين
..........................
محمد:احس اني انا المسؤوول عنها ويوم رمستني عمتي عبير في ذاك اليوم
انها تعبانه ياني شعور وحسسني اني لازم اهتم فيها مادام عمتي ماتبا تراعيها فوجب عليه انا اراعيها
امس يوم شفتها الصبح شو اقولك شو براءه شو جمال ماقدرت اخوز عيني عنها صج انها حرمتي حلالي بس هب عارف شاقول طاحت علي بالمحطه وصارت تهذي باسمي علقتني فيها ويوم ييت عقب المغرب تخرطفت وطحت على الارض لمست بحسها شئ غريب كان صوتها غريب وله نعمه مميزه ولفيت اضحك من الوناسه اعرف انه تعبانه بس مارمستها عن التعب ويوم قالت بسير للبنات حبيت اوصلها بنفسي ومشيت ويوم حطيت ايدي على وييها طلعتلي انتى وبعدى ماشفت حرراتها مرتفعه قلت الها بخلي دواج عندي الا يطلع لي اخوك ........مااعرلاف افسر شعوري
ذعار:محمد شو تعني لك مرروه؟؟؟؟؟؟؟؟؟
سؤااال كان يبي له جوااااب لاكن للاسف الصمت هو اللي حل
محمد:..................................
ذعار:طب تخاف عليها؟؟
محمد:وايد اذا قلت لك اني خايف عليها من يلستها في بيت عمتي وابا الزواج يتم بسرعه بتصدق رمستي
ذعار اتسم:محمد لاتنكر هاي الرمسه ات تحبها صح
محمد وكان عقرب لدغه:لاشوهالرمسه ذعار....مستحيل احبها او اعشقها حتى ......هاي هب حقيقه يمكن اهتماام......يمكن
بيرد ذعار الا يدق جواله
ذعار:آآآآآلووووو هلا غراام شوفيج
غراام:هلا حبيبي شحالك
ذعار:بخير شحالج انتي الغاليه
غرام:بخير....ذعارووه بتخبرك محمد ولد عمي وياااك
ذعار:هيه ويايه ليه شوفيج
غرام تكلم الي جمبها:هاه شفتي وياه
وماحس الا بصوت انثوي مو بصوت اخته المرجوجه:الوو
ذعار يطالع محمد:هلا
حصه:محمد شحاللك
ذعار:لا اناهب محمد اكاهو وياج
حصه انصدمت ذعار بس سسكتت
ذعار:محمد هاي اختك حصه تباك
محمد:حـصـه..الو ..هلا حصه
حصه:محمد انتى وينك
محمد:انا ويا ذعار ولد عمي
حصه:محمد مروه تعبانه تعال
محمد وقف:انا جاااي
سكر ورااح يمشي بسرعه بتجاه المخيمذعار يلحقه:محمد شوفي محمد
محمد وهو يمشي:مروه تعبانه بسير اشوفها
.................................................. ....
>>>>>>ياللي تغرك ضحكتي بعض الاوقات
احيان بعض الضحك معناه موتي
اوقات تلقاني احاكيك بسكات
يوم الكلام يموت داخل سكوتي
يوم الحناجر تحتضر فيهخا الآهات
واعجز عن السكون ولو طال صوتي<<<<<<<<<<<<<
كانت ضحكته مميزه برنتها الحلوه لاكنها مكسوره وحزنه للي بيفهمها قدر يغطيها كانوا مجتمعين طلال وماجد وضاري وحمدان
طلال:هههههههههههههههههههههههههههههههههههههههه
ضاري:هيه عاد عطيناك ويه زياده عن اللزوم سير ابويه روح جوف بزارينك
طلال يطالع فيه بخقه:وي محترمني انتى لاشو لاتحسب عمرك راح تغلبني انا طلال
ماجد:وشو يعني طلال
طلال وقف وقام يستعرض:اذا هاي هب عاجبنك"ويوريهم عضلاته"شو راح يعجبك الشيخ ماجد
وهو واقف شاف نوره طالعه من الخيمه ظل يطالعها بعدين عرفها
طلال:شباب شوفو من هاي الغرشوب لاانتوا لاتطالعون بس انتى ضروووي جوف جوف
ماحس الا بكشته مسحوبه
طلال:آآي......آآآي...شو تسوي ضروي
ضار ي فيه الضحكه:احشم عاد احشم شوهاي قعد يتغزل فيها قدام خلق الله احشم
طلال يحجاول يخلص شعره:شوفيك محتر من شعري "وبنفس اللحظه حس بالم بجنبه"
ضاري:مابقى الا طلول اغار من شعره
ودزه على الارض
طلال:اهب عليك ترااهي خطيبتي يابو نسب
ضاري:اوووه نسيت انته نسيبي
حمدان:والله انك مخفه ههههه
ماحسا الا بنوره جايه
نوره:السلام عليكم
كلهم وعليكم السلام
الا طلال الي تنهد بعمق وكلهم قامو يضحكون عليه
نوره استغربت بس طنشت:ضاري ابك عند السياره
ماشافو الا ذاك الي متعلق بضاري من وراا:وانا ماامشي
ضاري وهو يطالعه وهو متعلق عليه ويدزه:هب كنا عطيناك ويهه
طلال وهو على الارض:عاد من حلات ويهك لو قلت انكم عطيتوني ويه الي جدامك هب احسن واحلى
ضاري هنا ضحك:ههههههههههههههه الله يستر عليك ومنك يلا النوري نسير
وهم يمشون ماحسوااا الا بصرخه عمهم بوهلال
بو هلال:طلااااااااااااااااااااااااالوووووووووووووه
|