لا تعطي الشمات وجه و تخليـه
يغتال فرصـه بالشماتـه علينـا


ما تلحق النفس الشقيـه مشاريـه
اطلب وفي ما تطلبـه حاضرينـا


قلب يحبك ما اختلف عن مباديه
الا علـى فرقـاك دايـم حزينـا


اسمك ليا جاني مع الناس طاريـه
افز فـزة مـن طـواه الحنينـا


فزت خفوق الطير مع حس راعيه
ولاجفـول ذيـرت بالبطيـنـا


يا شمعة عيون نظرها تضويـه
لك انت وحدك مالـك مشاركينـا


والله لـو تدخـل لقلبـي تلاقيـه
مطبوع فيه اسمك ورسمك يبينـا


بيتك بصندوق الضماير مسويـه
اسكن فؤادي كل وقـت وحينـا


ان ماسكنته نلحقـك بالمشاريـه
كانك نسيـت الحـب لا مانسينـا


حنا على عهدك وحبـك نداريـه
لا تطول المشوار عـود علينـا