الوقت عتمه ودمك اليوم قنديل
من طيب دمك الف مجد شعلته

من قهوة جدودك ل هقوة هل الهيل
اركنت فعلك فوق اصلك وفحته

صبيت من روحك لمجدك فناجيل
ماقلت بس وكل عز شربته

اركزت فعلك في قلوب الأقاويل
في راس مجدك كل قلب نحرته

قسمت عمرك في عيون التهاويل
من يلمحك هول بعينك هولته

مطنوخ من طنخ النخاوي مع الخيل
مافيه صعب مانتخيت وكسرته

انا اشهد انك يالشهم تفضح الليل
وأنا اشهد انك للستر مافضحته

فززت مخلاب الوطن يومك تخيل
نصر شلعت بوسط نحره عطبته

شفت الوطن دايم يشيل الرجاجيل
بس انت شفتك يابن الاجواد شلته

وشفت السما عذرى تطش الهلاهيل
وشفت العلم رجال بيدك رفعته

المجد يالعالي يجيلك تساهيل
من طول اصلك كل علو قصرته

ايقنت انك يالشهم تشبه السيل
وايقنت صعبك لا وطيته جرحته

خلها تسيل الارض فعل وتماثيل
خلها تذكر دام فعلك ذكرته

جيتك وانا انبض من عيون الفحيحيل
يوم قلبك وسط صدري نبضته

الشعر ليل ويسكن بداخله ليل
لكنه اقمر يوم صيتك قمرته

جيتك عرفت ان الوطن بالرجاجيل
من يوم شفتك يابن الاجواد شلته