الحب عندك مثل فستان سهره
ماتلبسينه بالعمر غير ليله





من بعدها ماله معالم وشهره
وأبقى ضحية حب(ن)أعلن رحيله





الحب جردتيه من كل طهره
ماعاد له غايات وأسمى نبيله





أحيان أنا وأنتي على شط نهره
أشرب زلال الحب من سلسبيله





وأحيان لا من جيت له دار ظهره
وأزهمك وتسوين فيها ثقيله





ما هوب أنا اللي تقلب أرياه مهره
أنا أعسفها لين ترجع ذليله





والفارس المغوار ياصعب قهره
والله مايرضى بغير الطويله





دامك خذيتي الحب فستان سهره
أنا خذيته تاج راسي وأشيله





مادمت أميز بين شوكه وزهره
حلفت أشيله لو أموت بسبيله