منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-30-2011

عند سمر وهاجر .........

سمر (كتفت أيديها) : هو أرسلك
هاجر: لا لا والله ما يعرف
سمر (طالعت لها) : هجوره ما يعرف مثل سالفة القصيدة
هاجر : لا القصيدة اهو أجبرني بس والله أنا اللي قررت أقول لك
سمر : وش عرفك
هاجر : قال لي عن مشاعره لك
سمر : كذا
هاجر : شوفي أنا وعمي عبدالرحمن أصدقاء يعني نحكي لبعض ونشكي لبعض وقال عن لقاءه معك في السوق وكيف أنك أبهرتيه وسلبتي عقله وتملكتي قلبه
سمر : أسفه باللي بقوله بس قلب عمك فندق مو قلب كل بنت تسكنه
هاجر : عمي هدم الفندق وبنى بدله فيلا ملكتها إنسانه وحده أنتي
سمر : ههههههههههههههههههههههههههههههههه
هاجر (ابتسمت) : أعجبتك الفيلا
سمر : ههههههههههههههههههه بس
هاجر (غمزت لها) : ترى ذوق عمي شوي مو حلو بس الفيلا ملك لك
سمر : عمك ذوقه كله مو حلو
هاجر(ابتسمت وغمزت لها) : إلا ذوقه في اختيار شريكه حياته
سمر : هاجر خلينا واقعيين عبدالرحمن خلى في حياتي بصمه له بس بصمه كانت سوده
هاجر : بتعاقبين عبدالرحمن على ماضيه مراهقته
سمر : ....................
هاجر : سكتي لان كلامي صح أسمه ماضي وأنتي بتكونين حاضر سمر عطيه فرصه والله والله انتي لو تعرفين بحبه لك وش كثر لتنصدمين عبدالرحمن ما صار له سيره غيرك يتخيل وجودك بينا يتخيلك زوجته ويضحك معك يتكلم معك مرات يقول لو سمر معنا أنا ما أطالع لك ولا اهتم لك
سمر : هاجر بس كلام عنه
هاجر : تكفين يا سمر والله عمي صدق يتمناك مو انه تحدي ولا رجوع لماضي رفضك له وصدك لا عمي غير وما يبي غير سمر
: لان أنتي يا بنت سيف لعبي في عقله
ألتفت سمر وهاجر وتفاجئن في مشاعل اللي واقفه وباين معصبه....
هاجر : وش فيك يا بنت عايد
مشاعل : فيني اللي فيني مالك دخل وبعدين قاعدة تسولفين معها وتتحايلين عليها تأخذ عبدالرحمن
هاجر : وأنتي وش دخلك
مشاعل : زوجي
سمر (رفعت حاجبها وباستهزاء) : متى أعرستي
مشاعل : أقصد بيكون زوجي
هاجر (بعصبيه) : تحلمين وعمي قال لجدي مشاعل ما أبيها والكل يعرف إن يبي سمر
مشاعل : لعبتوا في عقله
هاجر : لو لعبنا بعقله كان ما دفع لك مبلغ كبير عشان معلومات عن سمر كان ما اهتم لها ولا عبرها مثل البنات الثانيات كان ما استغل طمعك في الوصول لها
مشاعل (أنصدمت) : تعرفين
سمر (تطالع لمشاعل وهاجر) : وش فيه
هاجر(تطالع لمشاعل) : أبدا سالفة
سمر : لا بعرف
مشاعل : دام تبين تعرفين اجل اسمعي يا بنت فهد
هاجر : مشاعل اقصري الشر ومالك دخل فيها
مشاعل : مالي دخل فيها من تعدى حدوده خطافة الرجال
هاجر : عمي عبدالرحمن بيزعل لو عرف ترى تعرفينه إذا عصب كيف يكون
سمر (بعصبيه ) : تكلمي عدل معي ولا أقول أنا ليه واقفة اسمع لوحده مثلك
مشاعل (تشوفها تلتفت تبي تروح) : لأنك عارفه أن كلامي صح
سمر (ألتفت لها وقربت منها بعصبيه) : أني خطافة رجال على فكره إذا ما عندك خبر عبدالرحمن خطبني مره ورفضته وتقدم لي مره ثانيه وشكلي بوافق
مشاعل : توااااااااافقين
سمر (كتفت أيديها) : ليه ما أوافق
مشاعل : ليه ترضين
سمر : وش يمنع ما أرضى فيه رجال ما شاء الله أخلاق وأصل ونعم الرجال والزوج
هاجر : ما عليك زود
مشاعل : أقول أقصري الشر يا بنت فهد واتركي عبدالرحمن لأنه لي
هاجر : عمي مو لك وانتي جاك العلم أنه رفضك رغم إن جدي كلمه بس رفض
مشاعل : يرضى عني غصب عليه
هاجر : تكذبين على نفسك عبدالرحمن ما ينغصب وش تحسبينه بنت
مشاعل : أقول مالي خلق أرد على بزر مثلك كلامي مع خطافة الرجال
سمر : شوفي ترى والله ماسكه نفسي عنك فلا تخليني أعلمك قدر نفسك
مشاعل : سمر أنتي تعرفيني إذا قلت أنفذ تراني للحين ما نسيت اللي صار لي منك ومن أختك
سمر (رفعت حاجبها) : وش صار ومن أختي
مشاعل : عذاري (أشرت بقلبها) للحين بقلبي وقولي لها على لساني أرد لها الصاع صاعين
سمر : تقصدين يوم عرس منى
مشاعل : أيه
هاجر : بس عمي قال لك ما تتعرضين لها
سمر (ألتفت لها) : قال
هاجر(طالعت مشاعل) : مو بس قال عمي ضربها لأنها فكرت تضرك
مشاعل : كف عبدالرحمن أرده له بزود
هاجر : روحي بس قبل أوصل هالكلام لعمي ويعرف كيف يردها لك
مشاعل : بروح بس فكري يا سمر بكلامي ترى فاض فيني منك كل شيء اقبله بس عبدالرحمن اللي يقرب منه أحرقه فاهمه
سمر : ...............
هاجر(تشوف مشاعل تبعد) : سمر لا تهتمين لها
سمر : وش سالفة الضرب
هاجر : الحقيقه مره عمي سمعها تكلم وحده يوم صورتك وتسولف لها عمي مسكها وضربها وقال لو تقرب لك يا ويلك
سمر : ليه
هاجر : لأنه يحبك
سمر : هاجر بسألك سؤال عمك أول ما عرفني كان يلحقني من مكان لمكان (شافت هاجر بترد) سمعي للنهاية ولا تقولين كذب اعتقد انه قال لك عن سالفة يوم وقفنا بالشارع يبي أكلمه حركه كانت جرئيه منه ومتهورة
هاجر : عبدالرحمن صح متهور بس والله أنتي السبب
سمر (استغربت) : أنا
هاجر : أيه والله قلبتي حياته من عرفك سمعي بقول لك شيء وأحكمي
سمر : خير
هاجر : تذكرين يوم سويتي تحاليل عشان زواجك من ناصر أنتي طلعتي مع أخوك صح
سمر : صح بس وش دخل هذا في عبدالرحمن
هاجر : أنتي شفتي عبدالرحمن بالكوفي
سمر : شفته برا لما طاح
هاجر : أنهار قصدك
سمر : طاح انهار كله واحد
هاجر : بس كان بسبب انه عرف انك صرتي لغيره
سمر (أنصدمت) : شنو
هاجر : أيه لما عرف أن ناصر خطبك وان انسدت في وجهه كل الأبواب للوصول لك يا سمر عبدالرحمن مو بس يحبك يموت فيك زعل كثير وترك البيت كم يوم أختفى من كسر قلبه ما قدر يتقبل فكرت أن بتكونين لغيره وفضل يكون لوحده بعد كم يوم عرفنا انه في الشرقيه بالشاليه سافر له جدي وعمي ضاري قالوا لنا كيف تأثر في بعدك شافوه منها والحب اللي شاله لك في قلبه ضاع وصرتي لغيره
سمر : حب
هاجر : تكفين فكري والله عمي يحبك ولا يعرف إني بكلمك بس يعورني قلبي لما أشوفه يسأل جدتي بشري اتصلوا ولما يحط أيده على قلبه على كل رنة من جوال جدتي يخاف إن أمك متصلة يخاف ترفضين مره ثانيه مثل المرة الأولى أو انك انخطبتي واهو تأخر
سمر : هاجر أنتي دخلتيني بدوامه مالها قاع وتقولين طلعي نفسك
هاجر : ما عندي كلام زيادة اللي أبيه وصلته لك
سمر : أنتي ما وصلتي كلام أنتي شتتي تفكيري
هاجر (قربت وباست خدها) : فكري بقلبك وعقلك وكلامي ولا تهتمين لمشاعل لأن عمي عبدالرحمن ما يرضى بشيء يضر الريميه
سمر (عقدت حواجبها وبهمس ) : ريميه
هاجر (ابتسمت) : تعرفين إن أول اسم قاله لك يوم كنت مجهولة بالنسبة له
سمر : هاجر
هاجر (تطالع ساعتها) : سوري عندي محاضره بينا ألو باااااااايو
سمر (تفكر في صمت) : للحين ما نسى الاسم الريميه (حست بيد على كتفها ألتفت) مشاعل
مشاعل : أيه لا تظنين السالفة انتهت سمعي يا سمر
سمر : خير
مشاعل : عبدالرحمن ما يحبك ولا يبي شيء غير يكسر غرورك
سمر (كتفت أيديها): والله
مشاعل : ليه ما قالت لك هاجر عن سالفة مهمة قالت لك عن كل شيء بس أهم شيء أخفته عنك
سمر : وش
مشاعل : اسأليها عن طلعت المزرعة اسأليها عن الإسطبل وعمها وش كان يخطط
سمر : مو فاهمه ليه تتكلمين في الألغاز
مشاعل : معليه أخلي الكلام لحبيبة عمها هاجر أعتقد بعد ما تعرفين سالفة الإسطبل تعرفين حقيقة عبدالرحمن
سمر : مشاعل أنتي ليه تسوين كذا
مشاعل : عشانك
سمر : لا عشانك أيه عشانك عبدالرحمن ما تحبينه ولا عمرك حبيتيه أنتي تحبين جيبه فلوسه بطاقته كم فيها رصيد تحبين اسمه ومركزه
مشاعل : مو خطأ أني أضمن نفسي وحياتي
سمر (طالعت لها من فوق لتحت) : قصدت تضمنين من يستر على فعايلك بس ما فكرتي أن عبدالرحمن ولد خالك وحرام تضرين أهلك لمتى
مشاعل (قلدت حركت سمر وكتفت أيديها) : مصلحه اجتماعيه وش دخلك وبعدين قلتي أهلي يعني أبتعدي عنهم وأنتي غريبة
سمر : أسلوبك هذا يضرك ترى مو سمر اللي ينقال لها كذا
مشاعل : أنتي غريبة وتظلين غريبة
سمر (قربت وضربت كتفها بشويش) : الظاهر تشجعيني أكون قريبه بدل غريبة (همست بأذنها) بكون قريبه من حبيبي عبدالرحمن
مشاعل (أنصدمت) : توافقين
سمر : أنا وافقت مو موافقة
مشاعل : أعرفك بس كلام
سمر (طلعت جوالها ) : بتسمعين بنفسك (اتصلت وحطت الجوال عند أذنها) ألو السلام عليكم .. هلا يبه كيفك عساك بخير ... يبه بخصوص موضوع خطبت عبدالرحمن لي ... (فتحت السبيكر واهي تطالع لمشاعل)
الأب : وش فيه
سمر : أنت طلعت الصبح قبل أقول لك قراري
الأب : أي قرار تتخذينه أنا موافق عليه
سمر(تطالع لمشاعل المصدومة) : أنا موافقة
الأب (بفرح) : شنو
سمر : موافقة يبه
الأب : صدق
سمر : والله وين ألقى أحسن من عبدالرحمن وانت تمدح فيه ونعم الرجال
الأب : الله يبارك لك والحين بتصل بأبو سيف وأبلغه
سمر : طيب يبه عندي محاضره بسكر
الأب : الله يحفظك يا حبيبتي مع السلامة
سمر : مع السلامة (سكرت الجوال وببرود) ما تبين تباركين لزوجة ولد خالك اللي صارت اقرب له منك وبدل أكون أنا الغريبة صرتي أنتي الغريبة
مشاعل (هزت رأسها بصدمه) : الله لا يوفقك الله لا يهنيك والله لتندمين أنتي اللي جنيتي على نفسك وعلى أختك
سمر (تبتعد عنها) : أعلى ما في خيلك أركبيه ( وقفت بدون لا تلتفت ) ما سمعتي الرسول صلى الله عليه وسلم النبي صلى الله عليه وسلم يوما ، فقال : ( يا غلام ، إني أُعلمك كلمات : احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ، واعلم أن الأُمة لو اجتمعت على أَن ينفعـوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك، رفعت الأقلام وجفت الصحف )
مشاعل (تشوفها تبتعد و أهي تصر على ضروسها) : والله لأخليك تندمين والله لتعضين أصابعك ندم لو ما تراجعتي الأيام بينا يا سمر الحيوانه الكلام بينا

كل وحده اتجهت في طريق سمر رجعت للبنات ومشاعل رجعت لصاحباتها ...

كلن على همه سرى .. ^_^

-------------------------------------

في المستشفى ...

منى تجهز شنطتها عشان لما يوصل مشاري تطلع من المستشفى اللي ملت منه أنفتح الباب وشافت مشاري يقرب واهو يبتسم

آفكـــــــــر فيــكـ
آفكــر كييف آعيش بدونكـ؟
ونا ســارحــة بفكـــري
آدمع ــتـ عيني وصرخ قلبي يناديكـ!
وآكتشفتـ آني مستح ـيل آخليكـ!
ومستح ـيل يح ـب قلبي غيركـ !
وآكتشفتـ آني دايم اقسى عليكـ!!!
وعرفتـ قدري عندكـ لأنكـ ماتعاقبني بخ ـطاي!!
وتنسى كل حاجة سويتها فيكـ!
بأختصــــار
بع ـد طوول تفكيري
عرفتـ!
آن حبيبي
مافية مثلة
ومستح ـيل!!
يح ـبني حد قدهـ
آو
يقدرني كثر مايقدرني
ياعساني ماانح ـرم منة
ولاتدمــع آعيوني على بع ـدهـ

مشاري (قرب وباس خدها) : جاهزة
منى : أيه
مشاري (يشيل الشنطه) : بيجيبون لك كرسي
منى : ما يحتاج
مشاري : منى يا كرسي يا أنا أشيلك
منى : هههههههههه لا كرسي يا حلو شكلنا وأنت شايلني
مشاري (غمز لها) : حلو كثير
منى (ضربته على كتفه) : أقول خلك بالشنطه
مشاري : ههههههههههههه طيب بس بهذا الوقت يالله مشينا
مني (تشوف الممرضة تدخل في الكرسي) : يالله

اتجهوا للسيارة وركبوا ...

مشاري : تعرفين لو الطيارة مو خطر عليك وعلى الجنين كان سافرنا كم يوم أنا وأنتي
منى : نعوضها
مشاري : صح نعوضها المهم نكون مع بعض
منى : قلت لأحد إني بطلع اليوم
مشاري : لا حبيت تكون مفاجئه
منى : أها
مشاري : مناي وش فيك
منى : سلامتك طيب وصيت السواق يجيب طلال
مشاري : أمك رفضت قالت بيكون يومين عندهم
منى : ما قالت لي
مشاري : أمس اتصلت وقلت لها عنك واهي قررت يبقى طلال عندهم
منى : طيب
مشاري (حس في أسلوبها برود) : متأكدة انك بخير
منى : إيه
مشاري (سكت لين وصلوا البيت ومسك يدها ) : الله ننزل
منى : طيب

مشاري دخل اهو ومنى البيت وقال للخدامة تجيب شنطة منى من السيارة شافوا أم مشاري وسلمت عليها منى كانت تبي تجلس في الصالة بس مشاري رفض وقال الدكتورة تقول تنامين عشان رجلك والجنين عاندت وكان أعند منها لدرجه إن رمى عكازها وشالها للغرفة وأمه تضحك عليهم حط منى على السرير

منى (بعصبيه) : بس بس كل شوي أوامر
مشاري : قلت لك اصعدي قلتي لا وش أسوي فيك لازم أجبرك
منى (كتفت أيديها وبعصبيه) : أسبوووووووووووووووع ما كفاك خلاص
مشاري (جلس جنبها على السرير) : اها فهمت ألحين
منى : وش
مشاري : أشوف أسلوبك زعلانه يعني
منى : أيه ومن حقي أزعل واعصب يعني سويت اللي في بالك
مشاري : وش
منى : حلفت ما تطلعني لين ارجع معك بس شوف بقول لك من ألحين مو معناها اني رجعت معك موافقة عليك ولا رضيت
مشاري : والمعنى
منى : مالك دخل فيني كأني في بيت أهلي
مشاري : احلفي
منى : أيه
مشاري : شكلك للحين راسك يابس
منى : مو أيبس من راسك
مشاري (بخبث أبتسم) : صدقتي
منى (انتبهت لابتسامته) : وش عندك
مشاري ( يوقف ويتجه للباب) : أبدا بقول لامي أني تعبان بنام لان العصر عندي شغل في المستشفى وما أبي احد يزعجني (ألتفت لها ) قصدي يزعجنا
منى : وش يزعجنا أنت تبي تنام خلني انزل أنا لخالتي وأتسلى معها وبعدين جيب لي العكاز ليه مخليه تحت ما أبي أطيح وما اقدر أتوازن بدونه
مشاري : أنسى العكاز بوجودي أنا هنا وأي شيء تحتاجينه موجود
منى : ما أبي مساعدتك مشكور
مشاري (قرب منها وصار وجهه قرب من وجها) : راجع لك والله لأنزل هالعناد اللي براسك هين
منى( بعدت وجها عنه ) : أيه مو ضمنت إني في بيتك
مشاري (يكمل بخبث وأهو يبتسم) : ضمنت انك معي بعد وقريبه مني
منى (بهمس) : نذل
مشاري (سمعها) : هههههههههههههههه طيب مقبولة دقائق وراجع أتفاهم معك يالطفله
منى (بعصبيه) : مشااااااااااااااااااااااااري
مشاري : هههههههههههههههههههههههه

طلع مشاري وقال لوالدته إن منى تبي تنام وترتاح وان يبي ينام عشان العصر عنده شغل وما يبي أحد يزعجه وأخذ عكاز منى وصعد لشقته سكر الباب ودخل غرفة النوم شافها على حالها وأنتبه لها يوم تطالعه بنظرات حقد لانه قال طفله أتجه للكبت وحط العكاز فوق رغم اعتراض منى بس اهو عارف أنها ما تقدر توصل له وقرر ينزله إذا اتجه لخارج البيت ودام اهو موجود ما يعطيها مجال تعتمد إلا عليه دخل وغير لبسه ببجامه وطلع لها

مشاري : ما تبين تغيرين
منى (تكتفت) : لا
مشاري : ما تبين تنامين
منى (على وضعها) : لا
مشاري ( أنسدح جنبها على السرير على بطنه ويلعب بخصله من شعرها) : مناي لمتى العناد
منى (باستهزاء) : طفله
مشاري ( أبتعد وحط رأسها على الوسادة ويطالع لها) : ترى الأطفال يتعاقبون
منى : مشكور بابا
مشاري : هههههههههههههه صدق طفله
منى (ضربته في كتفه بعصبيه) : لا تقولها
مشاري : أنتي تقولين طفله
منى : أنا حره أنت لا
مشاري (يجلس ويقابلها) : لا يا شيخه حره أنتي
منى : أيه
مشاري : مناي
منى : .....................
مشاري : طيب أنا أسف وحقك علي وما أقول طفله بقول أجمل أنثى شافتها عيوني
منى : .........................
مشاري : منى ( حط أيده على خده ) حرام عليك ما كسرت خاطرك سامحيني
منى (انتبهت لملامحه وابتسمت) : ........................
مشاري (أبتسم وببراءة تشبه الطفل) : سماح
منى : لا منى
مشاري ومنى : هههههههههههههههههههههههههههههههههه
مشاري (قرب وضمها ) : فديت الضحكة وصاحبتها والله وحشتيني
منى : وأنت والله بس حبيت أعاقبك وأعلمك درس ما تنساه
مشاري (أبتعد عنها واهو ماسك يدها) : ما فهمت
منى (حطت يدها على بطنها) : كنت بعلمك أن الألم والشوق والحب والاشتياق لي مثل اللي أحسه ناحية جنيني أتألم لو صابه شيء وفقدته مثل ما أنت تألمت لما حسيت انك فقدتني وابتعدت عنك والشوق ذابحني أشوفه وألمسه وأضمه لي لصدري مثل ما أنت اشتقت لي ولقربي كنت بعلمك أني أحب جنيني وطفلي مو بس أنت تحب وتعرف أن حب الأم لطفلها مثل حبك أنت لمنى
مشاري : توبه والله تعلمت وعرفت قيمة هالجنين وربي يحفظه والمهم انه يكون بصحة ومعافى ويقومك بالسلامة لي وله
منى : أمين
مشاري (يقرب لها ) : سمعي هالأغنيه بقولها لك

ابحكيلك عن احوالي وابيك تشوف لي صرفه

خيالك دايم فـ بـآلي واحس بشئ ما اعرفه

يوديني الفكر ويجيب وشوقي لك معنيني

لأأنكـ لما عني تغيب تضيق الدنيا في عيني

وش احكي لك وش افسر عن احوالي وعن علومي ؟؟

كثر شوقي لك تصور اشوفك حتى في نومي

تعب حالي وقلبي ضاق يشيلك سر في صدري

وانا من زحمة الأشواق اخاف اموت وماتدري

ومن حبك وتأثيرك فؤادي ينبض بطاريك

صعب يهوا احد غيرك وهو ميت اساسا فيك

وش احكي لك وش افسر عن احوالي وعن علومي ..؟

منى (أستحت منه ) :شنو
مشاري : يعني بما أنا تصالحنا يعني
منى : مشاري
مشاري (بحب) : قلبه

منى سكتت واهي تشوفه يقرب وفجأة أنفتح الباب وتخرعوا من اللي اندفع للغرفه ومشاري ابتعد ما شاف غير جسم صغير يركض ويضم منى

مشاري (بعصبيه) : وش جابك
سهام (واقفة عن الباب) : أنا هههههههههههههههههه
مشاري (ألتفت لها) : وأنتي هنا بعد
غلا(تبوس منى) : وحشتيني
مشاري : أهي وحشتك بس أنتي
سهام(تقرب وتسلم على منى) : طالعه من الشر
منى : ما تشوفين الشر
مشاري : سهام
سهام (تجلس جنب منى) : نعم
مشاري : امممم ما شفتي أمي تحت
سهام : شفتها
مشاري : ما قالت شيء
سهام : خلني أتذكر (حطت أيديها على خدها) قالت انك تعبان وبتنام
مشاري (كتف ايديه ) : وبعد
سهام : وان ما يبي احد يزعجه بس غلا عرفت بوجود منى وما حبيت اكسر بخاطر بنتي

مشاري قرب وشال غلا عن حضن منى ومسك سهام من زندها ومشى لباب الشقة طلعها وعطاها بنتها

مشاري (ماسك الباب) : تصبحين على خير
سهام(شافته يسكر الباب بوجها ضربت الباب ) : مشاري
مشاري (من ورا الباب) : سهام أقلبي وجهك تحت
سهام : طيب بسلم على منى
مشاري : أنا اسلم لك عليها
سهام : مشااااااااري أفتح
مشاري : باي
غلا : ماما أبي خاله منى
سهام (ابتسمت واهي تضم بنتها) : خاله منى لو شنو تسوين خالك مشاري ما يفتح لك تعالي نروح لجدتك بدل أحنا واقفين هنا تقولين طرارات
غلا : ما احب خالو
سهام (تنزل الدرج) : ههههههههههههههه فديتك خالوا ولا داري عنك وعن حبك الله يهنيك ياخوي ويرزقك يالخير أنتي ومنى

واحنا نقول أمين يارب ^_^

-------------------------