في بيت بندر ........
بندر والجوهره سهرانين على التلفزيون والجوهره بس تفكر حس بندر فيها قصر على التلفزيون ومسك يدها
بندر : وش فيك حبيبتي
الجوهره : سلامتك
بندر : أفااا انا بندوره حبيبك سولفي لي
الجوهره : بندر أبي بيبي
بندر (عقد حواجبه) : طفل
الجوهره : أيه اليوم الكل يقول ليه ما حملتي وش فيك بندر عنده بنت أخاف العيب منك وأنا ما فيني شيء
بندر : أحنا تكلمنا عن هذا الموضوع واتفقنا ما نبي طفله إلا بعد سنتين ولا ثلاث
الجوهره : بس أنا أبي طفل
بندر : ليه ما تحبين شوق
الجوهره : لا أحبها بس أبي أحس أني أم مثل البنات
بندر (ابتسم ) : جوجو ما عليك من كلامهم انا أحبك وما ابي جسمك يخرب بالوقت الحالي
الجوهره : يعني جسمي السبب شوف انا جسمي بيرجع مثل قبل
بندر (وقف) : جوجو تكلمنا في هذي السالفه وقلت لك حمل قبل سنتين لا ولا تناقشين
الجوهره (توقف بعصبيه تصر على ضروسها) : تصبح علي خير
بندر : تعالي وين
الجوهره : بنام
بندر : وانا بسهر تعالي
الجوهره : عندي صداع وبكره عندي دوام تصبح على خير
بندر (رفع حواجبه) : تصبحين على خير (جلس وشافها تطفي النور واهو يفكر بصمت ) غبي يعني ما لقيت غير جسمها عذر أففففففففف بس وش أسوي أقول أني للحين عايش في نار الشك
وأن لازال عليان بينا رغم انك اعترفتي بحبك بس في بذور شك مو متطمن (تذكر مسج وصله ) والكلام اللي وصلني خلاني في جحيم (اخذ جواله وفتح المسج يطالعه ) آآآه من أنت ياللي تقول أدور مصلحتك وأنت ضيعتني بالشك والغضب لو صدق كلامك وأن الجوهره متفقه مع عليان على اللي صار قبل فتره في بيت أهلها واعتراضه لها والكلام اللي قالته لعبه بينهم عشان يحطون قدام عيوني غشاوه و أصدقها وأثق فيها واهي تأخذ راحتها بدون رقيب (هز رأسه وسكر جواله واتجه للغرفة) وش أسوي وكيف أتصرف أبي ارتاح صدق ولا كذب المسج كثير زيارتك لأهلك يا الجوهره ولما اسألك تقولين عشان امي تعبانه (جلس على سريره وتغطى) وأمك أشوف ما فيها شيء وحتى لما سألت أنتي تعبانه قالت بسم الله علي يا ولدي ما فيني شيء (أنتبه للجوهره تلتف للجهة الثانية وتعطيه ظهرها) ريحيني وش فيك متغيره هالأيام علي قليل اشوفك وكثير في بيت اهلك وش صاير وليه تكذبين علي يا ترى صدق عشان تشوفين عليان تروحين لبيت أهلك وتكحلين عيونك في شوفته أفففففففف انام لا يذبحني التفكير ولا اذبحها اهي
أحيان أفكّر فيـك واحتـار فينـي
واقول في بالي وش اللـي تغيّـر
إنته مثل ما انتـه فـؤادك يبينـي
وآنا مثـل مانـا بحبّـك مسيّـر
طيّب !! وش اللي مبعدك ما تجيني
يعني ضروري أحترق واتحيّر ؟!!
قـرّب واذا ودّك بسكنْـك عينـي
واذا تبي أكثـر .. تعـال وتخيّـر
غمض عيونها يبي يرتاح ويعتقد أن الجوهره نامت ولكن الجوهره جافاها النوم و عطته ظهرها عشان ما يشوف دمعتها على خدها
الجوهره (في نفسها) : تعبت تبعت وش فيه مجافيني وش فيه صاير ما يهتم لي دايم يفكر اختلف صار بندر الاول لو انه ما يرفع يده بس يألم بصده وعدم اهتمامه أنا ألقاها منك ولا من اختي مزون اللي طيحتنا في مشكله اللي يستر منها بتضيع نفسها وتضيعنا آآآآآآآآآآآآآآه يا مزون اللي يسامحك وش سويت فيك عشان تسوين كذا و تحطينا في مواقف أحنا في غنا عنها وتخليني اكذب على زوجي عشانك حسبي الله عليكم استغليتوا اختي في اغراضكم القذره عشان عليان المريض تضيعون اختي يااااارب وش اسوي مصيبه مزون اللي طاحت فيها والسبب أهم ولا بندر وحياتي اللي انقلبت وش تبي اقول لك يالغالي وليه اروح بيت اهلي لو أقول لك اختي وش سوت ممكن تكرهني تطلقني وانا أحبك ما اقدر على فراقك سامحني ما اقدر اقول لك ما اقدر افضح اختي خل الموضوع مستور لين تنتهي سالفة مزون تعدي على خير وأوقفهم عند حدهم واعلمهم ان لحمي مر ومن يتجرأ على اهلي أكله بسنوني ويحسب ربه ما خلقه آآآه يارب افرج لي ولاختي وصبرنا احنا وامي على مصيبتنا يارب وكلت امري لك يارب
أنادي لك ولا أسمع سوى صوت الصدى غادي
غيابك يوم أو يومين .. ترى الغيبه هي الغيبه
تبي أكْذِب ؟ وأقول إنِّه غيابك : مَرِّني عادي !
وأنا أدري .. بأنـي لو أكذِّب .. الكـِذِب خيبه
تعبت .. و ضاقت الدنيا علي ومِت في بعادي
وأشوف الشوق من لحظة غيابك صار له هيبه !
غفت عيونها وبالها مشغول غفت عينها ودمعتها على خدها وتردد بلسانها يارب انت المعين يارب صبرني يارب أجرني في مصيبتي واخلف لي خيرا منها يارب
يااااااااااااااااااااااااااااااااارب
----------------------
في مكان آخر بعيد عن السعوديه بريطانيا ....
قدر اليوم يطلعها من الشقه اللي مأجرها رغم عنها يشوفها ذبلانه وقليل كلامها كثير سرحانها وغزير دمعها على خدها تمسك دموعها بحضوره وتطلق لها العنان بغيابه صحاها من سرحانها صوته
فيصل : عهد
عهد (رفعت نظرها له) : هلا
فيصل : شربي قهوتك قبل تبرد
عهد : وصلت
فيصل (أبتسم بألم على حالهم) : من زمان
عهد (أخذت فنجان القهوه) : حلو ريحتها
فيصل (يشرب قهوته) : وطعمها حلو ... كلمتي امك
عهد : أيه وتسأل متى نرجع
فيصل : تو الناس ما صار لنا 10 أيام حتى
عهد : مليت برجع الديره
فيصل : قصدك بتهربين مني
عهد : أهرب ليه منك
فيصل : أيه
عهد : يتهيأ لك
فيصل : اذا احنا هنا وشقتنا عباره عن غرفه وصاله ومطبخ وحمام ما اقدر اجلس معك كله تشغلين نفسك عني
عهد : ..............
فيصل : وش فيك
عهد : ما في شيء (وقفت وأخذت شنطتها) ممكن تدفع الحساب ونروح الشقه برتاح راسي مصدع
فيصل : عهد
عهد : فيصل رجاء خلنا نمشي
فيصل (وقف ودفع الحساب وطلعوا) : امرنا لله خلنا نوصل الشقه واتفاهم معك
عهد (طالعت له بنظره وابتسمت بأستهزاء) : ......................
فيصل (عصب من نظرتها مسك يدها وطلعوا) : خلينا نمشي قبل اسوي شيء يزعلك
عهد (بهمس) : وش اللي باقي ما سويته
فيصل ألتفت لها و يبي يتكلم ما تركت مجال طلعت من المطعم ركبوا تاكسي واتجهوا لشقته سبقت فيصل وفتحت الشقه واهو كان يحاسب التاكسي دخلت وآخذت بجامه تآخذ لها دش قبل لا فيصل يوصل وفعلا اخذت بجامه واتجهت للحمام وأهي تشوفه سكر الباب ويقول لها عهد بس هي ولا اهتمت كملت طريقها صر على ضروسه لا ينفجر منها وجلس على السرير بعد ما رمى الجاكيت ويهز رجله بعصبيه ما أخذت 10 دقائق طلعت تنشف شعرها عن الماء وقفت قدام المرايه واهي تسرق النظره له وتشوف حركته بلعت ريقها بس ما عاد يهمها جرح فيصل ميت فيها الأحساس فيه ما حست بنفسها واهي سرحانه إلا باللي مسكها من زندها ولفها له
عهد (شهقت) : وش تبي
فيصل (يصر على ضروسه) : وبعدين معاك لمتى هذا الأسلوب
عهد (تحاول تفك نفسها منه ) : أأأي تعورني أتركني
فيصل : جاوبي لمتى صار لنا متزوجين تقريبا اسبوع تعبت من اسلوبك معي
عهد : عادي ريح عمرك
فيصل : قولي لي الحل وانا راضي
عهد (أبتعدت عنه وألتفت للمرايه تمشط شعرها) : طلقني
فيصل(بصدمه) : شنووووو
عهد (ألتفت له وببرود) : انصدمت مو هذي نهاية حياتنا
فيصل : لا من قال
عهد : هههههههههههههههه مو لازم تقول
فيصل (يجلس على السرير) : عهد كم مره اتأسف لك كم ليه ما ترضين
عهد (تطالع له من المرايه) : يهمك رضاي لو يهمك ما تجرح لو انا اهمك ما جرحتني
فيصل : يعني
عهد (تجلس جنبه) : شوف انا وانت أخوان يعني حياتنا اخوه صح
فيصل (يطالع لها مستغرب ) : عهد
عهد : ههههههههههههه وش فيك متعجب هذا اتفاقنا يعني كنا اصدقاء بس صداقتنا صار فيها شرخ ما يخلينا نثق في بعض وكفايه فهمك لهذا خلنا اخوان (أشرت لراسه) يلين هذا الراس اليابس ونتطلق
فيصل : اخوان
عهد (نامت على السرير وتغطت ) : يس تصبح على خير يا اخي العزيز
فيصل (بخبث أبتسم ) : أختي العزيزه
عهد : هممم
فيصل (قرب ونام جنبها ) : راح تنامين
عهد : أيه
فيصل : وانا
عهد : وش فيك
فيصل : ما اعرف انام
عهد (تأشر على الوساده) : حط راسك وسم بالرحمن ونام
فيصل : طيب بنام جنبك
عهد : لا
فيصل : اعلم امي عليك وأقول أختي ما تطيع
عهد (ألتفت عنه) : بقول لأمي ان اخوي ما يجلس عاقل وينام
فيصل (قرب منها) : طيب والله اكون عاقل
عهد( لفت راسها له تطالعه) : أشوف اعجبتك سالفة اختي واخوي
فيصل (رفع حاجبه بخبث) : ومن يكره اخت مثلك
عهد : فيصل
فيصل : نعم أختي الغاليه
عهد : نام
فيصل : حاضر
عهد (صرت على ضروسها) : فيصل
فيصل (مغمض عيونه) : هممممم
عهد : قلت نام بس أبتعد عني
فيصل : اخاف
عهد : فييييييييييييييييييييييييصل
فيصل (كتم ضحكته) : فيصل خارج منطقة التغطيه يحلم ويشخر
عهد : ياااااااااااااااااااربي
فيصل : أختي طفي النور بنام
عهد (طفت النور بعصبيه ) : ناااااااام بس أتركني بنام
فيصل : مرتاح كذا وبعدين بقول لامي تدعي لاختي عهد العسل بالصحه والعافيه
عهد : بقول لها تدعي لك بالعقل والثقل وتزوجك يارب واتطلق انا
فيصل (تنهد وسكت) : ....................
عهد ( في نفسها) : وش تبي مني يا فيصل تلعب بأعصابي تبي قربي بعد ما ابعدتني تبيني بعد ما نبذتني تظن بصدقك أنك موافق علي كزوجه وانت أعلنها أنك تعتبرني اخت هذا انا ارد لك الصاع صاعين وأعيش في حدود الأخوه اخوان ايه اخوان وحياتنا لا يمكن تتعدى هذا الشيء تعاملي معك أخ وبس ولازم انت ما تنكر كلامك انت اللي بدأت وأخترت مسمى للعلاقه بينا مو زوج وزوجته لا أخت واخوها أصدقاء سكت كثير وتخيلت كثير أني بعيش معك حياه ورديه وانك كسرت حاجز بينا اللي كان السبب فيه محسن بس وضحت الحقيقه وانزل الستار وأعلنت ختام هالمسرحيه مسرحيه الأقنعه اللي سقطت وظهرت مشاعرك الحقيقه ونظرتك لي وضحت تشوفني مو بنت بس ليت الزمن يرجع ولا اصدق كلامك لما عرفت حقيقتي واني مو بنت تقول بتصبر تقول ما تجرح تقول ما همك اللي صار وانت شايل بقلبك وساكت كيف يا فيصل توعد بشيء ولا تنفذه ما اقدر اثق في وعودك بعد اليوم ما اقدر
فيصل ( مغمض عيونه يتصنع النوم وأهو يفكر بصمت) : غلطت واعترف قلت شيء ما كان لازم اقول ليه تعاقبني كذا انا احاول بس انا بشر رجل صعب علي والله صعب كلمة ابوي دايم افكر فيها قال لي اعتبرها مطلقه مو معتدى عليها بس انتي ما تساعديني وشكلك ما تبين تساعديني أحط ايدي في أيديك ونبدأ حياة جديده كزوجين .. تبين اخ واخت يعني مسكتي علي هالكلمه هههههههههههههه بس انتي بكذا شلتي حواجز بينا وانتي ما تعرفين كيف تعامل الاخت والاخو نسيتي كيف أعامل سمر ومنى أوكيييييييه يا عهودتي الحلوه انتظري من اخوك فيصل كل شيء وتوقعي مني أي شيء مو أختي وحبيبتي ابي رضاها ههههههههههههههههههههه
عهد (حست بهزت جسمه لانه كان يكتم ضحكته على افكاره) : فيصل انت قاعد
فيصل (صد عنها وعطاها ظهره) : تصبحين على خير يا اختي العزيزه
عهد (رفعت حاجبها واهي تحس بكلامه استهزاء) : تصبح على خير
فيصل : لا لا وين كلمة أخي
عهد (صرت على ضروسها تكتم عصبيتها لما عرفت انه يستهزأ) : أخي
فيصل : شاطره ( بعد صمت) عهد
عهد : نعم
فيصل : انا اكبر صح
عهد : اففففف ايه
فيصل : أها طيب يعني الكبير لازم نطيعه
عهد (جلست ولفت له بعصبيه) : وش تبي توصل له ترى صدعت راسي بناااااااااااااااااااااااااااااااااام
فيصل (ألتفت لها ومسك كتفها ونزل راسها للوساده ) : بس نامي من ماسكك خلاص بسكت
عهد (تبي تقوم بس اهو منعها ومسك كتوفها) : .................
لـو بكيـت دمـوع عينـي ما تفيد
وإن شكيت الشكوى ما فيها مســد
كل يـوم يذوب فـي قلبـي وريــد
أتصبّـر مـيــر ما عـنـــدي جـلــــد
نار شوقـي لك يذوب لـهـا الحديد
وإنتثـر دمعـي علـى خـدي بـــدد
فيصل : نامي بسكت
لو يموت الشوق بقلوب البشر
ما يموت بخافقي شوقي عليك
خذ مسافة يوم أسبوع وشهر
واعرف إني طول عمري مشتريك
بيننا الأيام وأحكام الدهر
وراح تعرف وش كثر قلبي يبيك
رجع وغمض عيونه يبي النوم واهو بدأ تخطيط لها واهي غمضت عيونها لا تذبحه وما أخذت فتره إلا والسكون عم المكان وكل واحد غاب في احلامه
تصبحون على خير فديتكم ^_^
-------------------------------
اليوم الثاني في كلية ليالي ................
ليالي مع صاحباتها جالسات في الكفتريا ويباركوا لها على الملكه واهي تبتسم
ألهام : الله يهينك يارب
ليالي : تسلمين والفال لك
ألهام : وووووويه متى بس خلاص ذبحني الشوق للعرس
البنات : ههههههههههههههههههههههههههه
ليالي : ههههههههههههه أستحي على وجهك
سلوى : وش تستحي ما تدري عن العرس وهمه تحسب طلعات ووناسه ودلع
ألهام : اسكتي انتي أعرستي وعقدتينا
البنات : هههههههههههههههههههههههههههه
سعاد : طيب معك صوره له متشوقه أشوف من آخذ هالزين كله
ليالي : لا ما معي بصوره وأجيبه تشوفونه
سلوى : حددتوا العرس
ليالي : تو الناس أمس مملكين نعرس اليوم
سعاد : في ناس تملك وعرس خلال شهر
ليالي : لا طبعا أبي أتعود عليه ويتعود علي
ألهام : ليه مو تعرفونه ولد عمك صح سالم (غمز لها) حبيب القلب
ليالي : .............................
سعاد(طالعت ألهام بنظرت عتاب) : .............
ليالي (توقف) : المحاضرة ما باقي عليها شيء خلونا نروح
وقفت سلوى وتقدمت مع ليالي وخلفهم ألهام وسعاد
ألهام (بهمس) : وش فيكم
سعاد : يعني ما تعرفين أن اللي خطبها مو سالم
ألهام (بصدمه) : لا أحلفي مو حب حياتها واللي تتمناه
سعاد (طالعت لليالي بحزن) : مسكينه ما تطابقن التحاليل وانكسر قلبها وأخذت واحد ثاني
ألهام : يا قلبي عليها
ليالي (متجهه للمحاضره وتفكر بصمت) : حبيب القلب مدري وينه ووين أراضيه وحشني ووحشتني سوالفه ناصر صار ما يتكلم كثير عنه كأنه متعمد ما يطريه قدامي مدري خايف على قلبي من الألم واهو ما يعرف أني أتألم لما ما يذكره أبي اسأله كيفه وأبي أسأل عن أحواله أهو بخير أهو بصحه يأكل ولا لا سمعت انه كثير نحف سمعت أن صار منطوي منعزل عنهم قليل كلامه قليل أكله قليل المرح اللي اختفى من قاموس حياته قلبي موجوع يالغالي تمنيت أيدي تنشل أمس ولا أوقع بس تعوذت من الشيطان تمنيت اصرخ في وجه أبوي وأقول ما أبي أتزوج ببقى طول حياتي كذا عايشه على حب الغالي بس أبوي ما اقتنع ما اقتنع آآآآآآه يا ضيقه بقلبي عيت تتقبل جاسم أيه جاسم المسكين ماله ذنب عارفه والله بس غلط باختياره لإنسانه قلبها ملك لشخص ثاني أتقبله ممكن أتقبل وجوده في حياتي بس أسلمه قلبي هذا اللي مو ممكن قلبي سكن وجلس على عرشه إنسان لا يمكن ينافسه في العرش شخص ثاني بتقولون حرام بقول الحرام اللي صار وسواه أبوي أجبرني على جاسم واهو نفسه يعرف بشعوري من ملكه مشاعري أحاسيسي كياني كلي له اهو لوحده
ســــــــــــــــــــالـــــــــــــــــــــــم
المسأله لو هي على " ضيقة الخلق ". .....................
.....................هونتها وآقول : ضيقة دقايق !!
المسأله عبرة سجينه بـ هالحلق......................
..................... ترقى دموع وترجع .. لـ [ صدر ضايق ] !
ليالي اللي منغمسة في التفكير العميق في سالم وما لاحظت العيون الغاضبة المنبعثة منها شرار القهر الرفض التام لما سمعت
هنادي (ألتفت بعصبيه) : اللي تقولين صدق
بشاير(بلعت ريقها بخوف من نظراتها) : والله حبيبي صدق
هنادي : متى
جميله : أمس ملكتها .. ما تشوف الخاتم في يدها
هنادي (مسكتها من رقبتها بعصبيه) : وتعرف من أمس ليه ما قلت لي
جميله (تحاول تفك رقبتها) : أتركني بعدين أنت ما كنت فاضي اتصلت وقلت لي مشغول مع حبايب
هنادي (دفتها بعصبيه) : الله يلعني غبي غبي لو اعرف إن الأمر عن لولو تركت الدنيا آآآآآآآآخ
بشاير (تقرب بدلع) : هادي وش فيك خلها عنك
هنادي ( ألتفت لها بعصبيه) : بشاير أبتعدي عني ترى شياطين الأرض تنط قدامي انقلعي
بشاير : أففففف هذا كله عشان (أشرت على ليالي) هذي مدري وش فيها زود
هنادي( تطالع لليالي ) : هذي الزين هذي اللي ملكت القلب هذي الشموخ وعدم الرضوخ هذي اللي أبيها
جميله : بس راحت منك
هنادي (ابتسمت بخبث) : مثل ما راحت ترجع لي أنا
جميله : للحين مقرره تسويها
هنادي : عطيني يومين وبعدها بتكون لي وبتشوفينها جالسه معي هنا بقربي أملكها وتكون مثل الدمية في أيدي
بشاير : وش بتسوي
هنادي (خزت بشاير) : ملقوفه كم مره قلت لا تدخلين بشيء وإذا أتكلم أنا وجميل أنتي على تبن تسكتين
بشاير (أخذت شنطتها بدلع) : سوري أروح أحسن وإذا تحب تشوفني بينا فون (قربت وباست خدها) بايو بيبي
هنادي (تسمح خدها بعصبيه) : روحه بلا رده
جميله : أتركك منها وقل وش تبي تسوي
هنادي : السحر (جلست على الكرسي) أجلته لما تركت ولد عمها وقلت ما يحتاج بس لما تزوجت لا كذا ما اقبل تكون لغيري وخصوصا الرجال يا كرهي لهم
جميله ( تجلس جنبها) : يضرها
هنادي (غمزت لها) : يعني أهم شيء بتكره زوجها وتكره قربه وشوفته بتشوفه بشكل ثاني شكل ما تتقبله وقلبها ينفر من وجوده بتكون بينهم مشاكل كثيره وبدل تعطيه الحب تعطيه كراهية
جميله : بس
هنادي : وش
جميله : يعني ليالي بيصير لها شيء
هنادي (توقف وتبتعد عنها) : لما سألت الحرمة اللي بتسوي لي السحر قالت لا بس شوي بتكون تحس بتعب خمول كذا أشياء ما تذبحها لان نبهت عليها لو ليالي صابها شيء (ألتفت لها) بيكون موتها على يدي إلا اللولو ما أبي غزت دبوس تصيبها كيف عن التعب
جميله (تقرب لها) : طيب بيكون كذا تحت تأثير السحر طول حياتها
هنادي : لا طبعا بس اضمن أنها تطلقت منه وكانت تحت أمري وسيطرتي أفك السحر عنها
جميله : والسحر بيخليها تتقبلك وترضى تكون لك وحبيبتك
هنادي : هذا اتفاقي مع الساحرة تفرقها عن زوجها وتجمعني معها وتكون لي
جميله : والمبلغ
هنادي : لو تطلب فلوس الدنيا تكون تحت رجولها بس ليالي لي
جميله (ابتسمت) : خبيث
هنادي : القلب عشقها
جميله : هههههههههههههههه يالله نمشي
هنادي (تطلع جوالها) : يالله بتصل عليها وأشوف متى تقدر تنفذ السحر لي (رفعت الجوال عند أذنها واهي تمشي) هاي أنا هادي ...... أهلا بسألك متى أقدر أمر عليك أبي اللي اتفقنا عليه ....... أيوه أسمعك (وقفت) بس أنتي ما قلتي لي عن هذا الشيء ........ لا ........ كيف أوصل ...... لا مهي من أهلي (ألتفت لجميله اللي وقفت) طيب يومين ويكون عندك كل شيء .. بايو
جميله : خير
هنادي(بعصبيه) : الحماره توها تقول لي
جميله : وش ما تقدر تسوي لك السحر
هنادي : لا تقدر بس لازم نجيب أثر غرض يخص ليالي عشان نقدر نعمل السحر
جميله : وكيف بتوصل لهذا الشيء
هنادي : أففففففففف صعب صعب
جميله : كثير وخصوصا أن ما نقرب لها وتقرب لنا عشان نقدر نأخذ شيء منها
هنادي (بعد صمت ابتسمت بخبث) : لا سهل أسمعي عندي خطه نقدر نوصل لأشيائها في شنطتها بس لازم ننفذها عدل (ألتفت ) هذي وين
جميله : من
هنادي : بشاير الزفت
جميله : تو تطردها والحين تسأل وينها
هنادي : مو أهي اللي تبي تنفذ خطتي
جميله : بتوافق
هنادي : غصب عنها خلنا بس ندور عليها وبفهمك كل شيء وإحنا ندور
جميله : يالله
( وَاتَّبَعُوا مَا تَتْلُوا الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلا يَنفَعُهُمْ وَلَقَدْ عَلِمُوا لَمَنْ اشْتَرَاهُ مَا لَهُ فِي الأخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُوا يَعْلَمُونَ ) ( سورة البقرة – الآية 102 )
-----------------------------
في مكان آخر في كليه سمر ...
وضحه : وش فيك هاديه
سمر : هاه
وضحه : حتى المحاضرة ولا أنتبهتي لها
مي : فعلا كل سرحانة
سمر : مشغول بالي والله
بدور : سمسم وش فيك
سمر (انتبهت لهاجر تقرب) : بعدين
هاجر : هاي بنات
البنات : هاي
مي : وين هديل عنك لوحدك
هاجر : مع صاحباتنا (مسكت يد سمر) كنت أبغى سمر شوي سوري بنات
سمر : دقائق وراجعه
ابتعدت سمر وهاجر ....
مي (تطالع ساعتها) : ترى آخر محاضرتين ما بحضرهم
وضحه : ليه
مي : من سطام بيرجع بدري اليوم وأصر إلا أرجع قبله
ثريه : كذا بينزل مستواك ويكثر غيابك
مي : وش أسوي مهدد يقول لي كله مشغولة بالدراسة وأنا لا
دلع : ياربي من هالرجال ما يملى عينهم غير التراب يعني مستقبلك
مي : اسكتي أنا ساكتة ومتحملة مزاجه مره يا حلوه يرفعني فوق السماء ومره يضرب في الأرض بأسلوبه الهمجي كله أوامر وكله عصبيه والله مرات أحس انه عند انفصام في الشخصية هالرجال
بدور : أنتي بأول حياتك وهذي السوالف تصير بس لما تعرفين طبيعته واللي يحب ويكره بيكون أسهل عليك تتعاملين معه وتتجنبين تغير مزاجه
وضحه : يا حلوك يا بدور خبره
بدور (ابتسمت) : تعودت من أنخطبت
دلع : قصدت عقلتي
البنات : هههههههههههههههههههههههههههه
-------------------------------------
|