--------------------------------------

في القريه ...


فرح (تنسدح على الفراش) : وااااااه يا ظهري تعبت
وضحه (تنزل لفتها ونقابها) : الطريق متعب
ليالي (تجلس وتستند على الجدار) : صدق ومن وصلنا وبس سلامات الحريم ما شاء الله
وضحه : من طبعنا اللي عنده عرس الناس تجتمع من بدري وتشوفينهم من الصبح في بيت اهل المعرس
ليالي : يا حليل الرياض يالله تشوفهم في الليل
وضحه : بتشوفين بكره البيت كله حريم
ليالي : بس الاكل شيء عجيب ما شاء الله
وضحه : طبخ حريمنا مو مثلكم بوفيه وشغل مطاعم الله يديمه نعمه
ليالي : اسكتي الله يستر ما أكرش والسبب اكلكم
وضحه : بكره بخبز لكم خبز بسمن وحليب من ايدي
فرح : لا تذكرن الاكل بليييييز معدتي تقلب علي آآآخ
ليالي : اكلتي أكل كأنك ما عمرك شفتي اكل
فرح : ريحة السمن والزعفران تشد الواحد
ليالي : عاد انتي على الأكل ما في مثلك بس انتبهي لا تسمنين العرس ما باقي عليه شيء
وضحه : ترى العصر بتجي نقاشه للحناء
ليالي : لا لا ما ابي حناء
فرح : انا أبي خاطري بنقش
ليالي (تطالع أيدها) : لا ما احب منكير يكفي
وضحه : على راحتك تبن نتمشى بعد هالاكل الدسم ولا تنامن شوي
فرح (تغمض عيونها) : انا بنام وبرتاح بكره نتمشى إذا ربي احيانا
وضحه (ألتفت لليالي) : وأنتي
ليالي : لا ما بنام بس برتاح شوي وبتصل في سمر أشوف وش اخبارهم
وضحه : سلمي عليها (وقفت ) اجل بروح أسوي شاي نعناع ونتقهوى
ليالي : حلو شاي يعدل المزاج (طلعت جوالها وأتصلت) ألو هاي يا عسل
سمر : لوووولو وحشتيني حبيبتي
ليالي : بكاشه وحشتك تونا البارح مع بعض
سمر : هههههههههههه منتي وجه غزل
ليالي : مالت على الغزل وصاحبته
سمر : زين على تبن هاه وش اخبار القريه

عدلت لفتها ولبست النقاب وفتحت الشباك لان بيت خالها دور واحد وسطح بيت قديم بس معدل ماله طابق ثاني والبيت في مزرعه كبيره حولها بيوت بس بعيده شوي كل بيت عنده مزرعه خاصه البيوت تبعد كم كيلو عن بعض نظام البيوت تشوف بيت وقدامه مجلس رجال كبير بعيد شوي عن اهل البيت والجزء الخلفي من البيت في مزرعه كبيره وممتده خضار سبحان الله رائع لأن التطور ما أثرت عليه

ليالي (تتجه لشباك الغرفه ) : تمام وضحه تسلم عليك
سمر : يسلمك ويسلمها وفروحه كيفها
ليالي (طالعت لفرح) : تشاخر ههههههههههههه
سمر : نايمه هههههههه
ليالي : وشتاخر بعد من التعب
سمر : خاطري تصورينها لي ههههههههههههه
ليالي : تذبحني
سمر : طيب سويتي التحاليل
ليالي : أيه بتطلع بعد أسبوع
سمر : أها
ليالي (تطالع للمزرعه من الشباك) : سمر سالم ضعفان كثير
سمر : ليالي انسي
ليالي : شفته امس اهو ما ياكل ولا وش فيه
سمر : ليالي لا تعورين قلبي وقلبك تكفين أنتي عارفه انك بتدخلين حياه ما يكون سالم فيها يمكن يكون جاسم وبتفكيرك في رجل ثاني تعتبر خيانه
ليالي : انا للحين مو له ويمكن ما اكون
سمر : وحطي احتمال تكونين له
ليالي : سمر بس بس
سمر : بس انتي عيشي حياتك وارمي الماضي وراك سالم لو شافك كذا ما راح يعيش حياته وعلى فكره أمي تدور لسالم عروس
ليالي (غمضت عيونها) : عروس
سمر : أيه عروس لازم سالم تستمر حياته ولا يدفن نفسه عمرنا ما تمنينا غيرك له بس هذا نصيبكم وما توقفونه عند هذي النقطه
ليالي : احم طيب الله يرزقه وش قاعده تسوين طفش عندنا
سمر : هههههههههههههه قاعده اطالع عذاري رايحه وجايه
ليالي : وش فيها
سمر : أمي قالت لها ان سليمان بيدخل يجلس معها واهي متوتره
ليالي : ههههههههههههههه لا فاتني
سمر : سكتي تحسينها بتبكي من الخوف
ليالي : لهذي الدرجه صدق مسكينه الله يهنيها يارب
سمر : ويهنيك يارب
ليالي : طيب سلمي على عذاري مع السلامه
سمر : مع السلامه
ليالي (طالعت لفرح وقربت منها) : فرح فرح
فرح : هممممم وش تبين
ليالي : قومي
فرح : روحي عني بنام تعبانه
ليالي : أففففففففففففف
وضحه (دخلت وأبتسمت) : وش فيك
ليالي : طفش وهذي تشاخر
وضحه : اجلسي بس نتقهوى هي شوي وتصحى
ليالي (تجلس) : اليوم ملكة خليفة
وضحه : أيه
ليالي : وليه ما ملك من قبل يعني فتره
وضحه : أبو العنود كان مسافر في علاج برا ورجع قبل كم يوم وخليفه قال بملك وثاني يوم بعرس عشان ما يذبحني الشوق لها
ليالي : ما شافها
وضحه : لا عندنا هنا مولازم مثلكم الجلسات والشوفات
ليالي : أريح يا بنت (تذكرت عذاري ) ههههههههههههههههههههههه
وضحه : وش فيك
ليالي : تذكرت عذاري
وضحه : وش فيها
ليالي : توني اكلم سمر وقالت ان عذاري متوتره وتمشي رايحه جايه في البيت
وضحه(رفعت حاجبها) : ليه
ليالي : سليمان بيجيهم ويجلس معها
وضحه : امانه صدق
ليالي : والله
وضحه وليالي : ههههههههههههههههههههههههههههههه

في مجلس الرجال ..

محمد : ما شاء الله الناس هنا اهل كرم
سالم : أسكت كل واحد يعزم بكره الغداء عنده واللي بعده العشاء ومدري
خليفه : هههههههههههههههه رحمكم ان عشاء ملكتي اليوم وبكره العرس
فهد (مسند) : يا اخي حاط خيمه ما عندكم هنا صاله ولا قصر للعرس
خليفه : لا وبعدين بيت الشعر وش حلوه كبير
ناصر : وعندكم طباخين للعرس
خليفه : أيه
سالم : صراحه وصلت كثير ذبايح وقعود حلو
خليفه : لازم نقدم قعود على عشاء العرس
فهد : متى تملكون
خليفه : بعد صلاة المغرب الشيخ يحضر بأذن الله
فهد (أبتسم) : بأذن الله
ناصر (يتثاوب) : نعست والله
سالم : أقول خلنا نتمشى في المزرعه أحسن من النوم
خليفه : لا تنام بهذا الوقت عشان تنام بدري ترى الناس هنا قليل يسهرون لليل
فهد : الناس هنا مو احنا يعني نسهرك معنا
خليفه : وش يسهرني انا معرس بنام وارتاح
محمد : ههههههههههههههههه والله يجافيك النوم بس تفكر ببكره
خليفه (أبتسم) : من ألحين أفكر
سالم : خلونا نطلع نتمشى في المزرعه
محمد : انا اسمحوا لي بجلس هنا
خليفه : انا ما اقدر أروح بدخل آخذ دش من الصبح أشغال
ناصر : أنا بروح معك فهد تجي
فهد : لا عندي مكالمه
ناصر : ههههههههههههه مكالمه
فهد (رفسه برجله) : أنقلع
الكل : ههههههههههههههههههههههههههههههه

طلع سالم وناصر يتمشون في القريه

سالم : اممممم يا حلو ريحه الزرع مو هناك ما تشم غير ريحه عادم السيارات وازعاج الطريق أفففففففف
ناصر (يطالع حوله) : تصدق أتمنى اعيش هنا بوسط هالهدوء
سالم : أنا أول مره اجي عند خالك بس صراحه متندم أني ما جيت من قبل
ناصر : تعرف لما احي هنا استحي من نفسي قدام هيبة الاطفال هنا يعني اطفال بس رجال والله
سالم : أييييييييه اتذكر لما وصلنا والعيال عمرهم 8 و10 يرحبون فينا
ناصر : وعيالنا
سالم : ول عيال نجود ولا طلال أشك الواحد يركض لامه يبكي يمه ألحقيني رجال يكلمني
ناصر : هههههههههههههههههههههههههههههههه
سالم : والله صدق مهبل
ناصر : ممكن اصدق طلال أيه بس عيال نجود والله يفركون خشته في الأرض ليه تتجرأ وتكلمني
سالم : ههههههههههههههههه يكره نفسه والله
ناصر : تصدق أخاف منهم هالثلاثي
سالم : من صدق
ناصر : والله مره كنت في مجلس بيتكم دخلت انت تجيب قهوه وشاي وركض لي أحمد واهو يبكي يقول أخوي طاح في البركه وامسك ثوبي وألحقه وللبركه وادعي ربي يستر لا يموت الولد واقرب من البركه واشوف ثوب يعوم خفت ونطيت حتى بثوبي من الخوف وأسبح له ولما قربت تعرف وش شفت
سالم : أتذكر بالونه كبيره منفوخه داخل الثوب يعني احمد لانه منفوخ ههههههههههههههههه
ناصر : انا من الخوف ما انتبهت ان ما في راس ورجلين بس انتبهت لثوب يعوم ألتفت واشوفهم الثلاثي يضحكون علي وكان احمد ما عليه ثوب بس سروال وفلينه تعرف يا وقاحهتم قالوا لي جيب ثوب اخوي معاك وانا كلي ماء ووجهي احمر من القهر واهم يضحكون علي
سالم : هذا عادي يا كثر ما المقالب في سمر وعذاري مسكينات تعرف مره وش المقلب
ناصر (ياخذ غصن على الأرض ويكمل مشي) : وش
سالم : قالوا يبون يقدمون هديه لخالتهم سمر وطلبوا من امهم تشتري لها شيء بسيط نجود أشترت لها خاتم ذهب وقالوا لها ما يصير عذاري لا وشرت نفس الشيء ما تفرق بينهم بس عيالها اعترضوا منى ما يصير على اساس انهم ثلاثه وكل واحد يقدم هديه نجود شرت الخواتم وفعلا عطت كل واحد علبه خاتم وقالوا لها نزلي قبلنا بس لا تقولين لهم شيء نجود مسكينه صدقت عيالها عقلوا حتى كانت بتذبح ذبايح من الفرحه
ناصر : ههههههههههههههههههههههههههههههههه
سالم : أسمع بس
ناصر (مسح دموعه) : ههههههههههههههه تذبح ذبايح الظاهر يأست منهم
سالم : كثير ههههههههههههههههههههه
ناصر : كمل
سالم : المهم دخلوا وكنا جالسين كلنا تقدم حمد لمنى وباس خدها وقدم لها علبه ومحمد قدام لسمر وعذاري قدم لها أحمد سمر وعذاري بصراحه ما انتظرن أحمد فتحن العلب وليتهن ما فتحن المسكينات
ناصر : ليه
سالم : طلع صرصور من كل علبه وما تسمع غير الصراااااااااخ
ناصر : هههههههههههههههههههههههههههههههههههههههههههههههههه ه
سالم : هههههههههههههههه والله يا ناصر ما تشوف غير غبرت سمر وعذاري وصراخ واحنا ضحكنا ضحك
ناصر : لا لا ههههههههههههههههههههههههههههههههه
سالم : والمسكينه منى رفضت تفتح علبتها ونجود تفشلت واهي تقول لنا من نزلت من فوق عيالي مؤدبين و صايرين حبوبين
ناصر : ههههههههههههههه وعلبة مني
سالم : رفضنا نفتحها بس محمد فتحها وكان فيه 3 خواتم ولما سألتهم امهم ليه 3 خواتم هنا قال كل واحد فينا يبي يقدم لخاله منى فأتفقنا نقدمها 3 خواتم لها واحترنا في سمر وعذاري خفنا يزعلن ولا لقينا شيء
ناصر : لقوا صراصير هههههههههههههههههههههههه
سالم : أرخص
ناصر وسالم : هههههههههههههههههههههههههههههههه
سالم : خلنا نرجع بيؤذن العصر
ناصر : خلنا نرجع

-------------------------------------

في بيت أبو سالم ...


سمر : صدعتي راسي
عذاري (تطالع ساعتها) : أففففففف تأخر
سمر (غمزت لها وبخبث) : مشتاقه
عذاري (رمتها بالكوشيه بعصبيه) : أسكتي بعدين الرجال رايحين من زمان واهو قال بعد الغداء
سمر (تمسك الكوشه ): ههههههههههههههههههههه
عذاري : بس أسكتي
سمر : هههههههههههههه
عذاري (تقرب منها وتسكر فمها بأيدها) : بس أسمعي
سمر (توقف) : وش هالصوت
الام (تنزل هي ونجود) : وش هالصوت
نجود : يمه من برا
الام : هذي صوت رجال

قربوا من الشباك المطل على الحوش يطالعوا من الشباك

عذاري (شهقت) : عبدالله
نجود : عبدالله ليه ماسك سلطان كذا
الام : يا ويلي بيذبحه سمر جيبي عباتي
نجود : يمه لا تطلعين ابوي واخواني برا وبعدين شوفي عيال عمه وش يطلعك
الأم : بيذبحه
نجود : خلينا نسمع وش بيصير

عند الرجال عبدالله لما وصل بيت فهد طق الباب ومن حضه فتح سلطان اللي اعتقد ان اللي يضرب الباب سليمان بس خاب ضنه يوم شاف اللي مسكه من ثوبه وسدحه في الأرض واهو فوقه وبدأ يضربه بعصبيه وسلطان يحاول يبعده عنه

سلطان : أبعد يا عبدالله
عبدالله (ضربه على وجه بقس وبعصبيه) : أنا بذبحك
سلطان : يا حيوااااااااااااااااان أبعد لا تشوف شيء ما يسرك
عبدالله (مسكه من ثوبه ووقفه وبعصبيه ضربه في بطنه) : أنا اللي بوريك شيء ما يسرك واخليك تندم
حسن : عبدالله أتركه

طلع على هالصوت أبو إبراهيم والجد لأن محد موجود إبراهيم راح لبيت عمه عشان سلمى وفيصل سافر مع عهد قرب أبو إبراهيم وحاول يبعد عبدالله

سلطان : ابعد يبه هذا حقير ولا يحترم
أبو إبراهيم : عبدالله أتركه وش تبي متهجم على بيتنا
عبدالله : أبي حق جدتي وعمي
سلطان(يدفه بعيد عنه ) : مالك حق
حسين وقف قدام عبدالله يمنع انه يتقدم
عبدالله : لنا حق مثل ما زوجتوا عذاري تطلقونها
سلطان : هااااااااهاي ضحكتني ليه ما قال لك ابوي لما اتصلت عليه وش صار
عبدالله (أشر له وبعصبيه) : قال بس مو انا اللي ارضخ لك البنت بآخذها

سليمان وصل وشاف الباب مفتوح ودخل تفاجئ بشكل سلطان والدم على ثوبه وزرراته المقطوعه وشماغه على الأرض

سليمان : وش في
سلطان : سليمان لا تتدخل مشاكل عائليه
عبدالله (ألتفت للرجال الواقف وقرب منه وبعصبيه) : انت سليمان
سلطان (قرب منه وبعصبيه) : مالك دخل فيه
عبدالله : أنت سليمان
سليمان (طالع لعبدالله وبعدها سلطان) : ايه انا وش فيه
عبدالله : أنت اللي تزوجة عذاري
سليمان : ومن انت عشان تجيب سيرتها
عبدالله : انا عبدالله ولد عمها وخطيبها
سليمان (عقد حواجبه) : خطيبها
عبدالله : أيه عذاري مسميه لي ولازم تطلقها
سليمان (أنصدم) : اطلقها
عبدالله : أيه هذا الزواج ما تم لان مو برغبة أبوها وموافقته
سلطان : أنا المسؤول عنها واخوها وموكلتني
عبدالله : الرأي لا لك ولا لها وهاللعبه اللي صارت بتدفعون ثمنها
أبو إبراهيم (قرب وبعصبيه) : شوف الزواج تم ومالكم حكم على عذاري لانها بحماية رجلها سليمان يعني اللي خططتم له فشل
عبدالله (يصفق وبأستهزاء) : برافوا انا قلت محد يفكر كذا إلا فهد ولا احد يقدر يخطط هالتخطيط الرهيب غيره داهيه
سلطان(مسكه من ثوبه وثبته على الجدار وبعصبيه) : احترم نفسك لما تكلم أبوي
عبدالله(يبعده بعصبيه) : مو أبوك أبوك أحمد هذا زوج خالتك فاهم بس زوج خالتك وبس
سلطان : لااااااا هذا ابوي وتاج على راسي وألحين اطلع من الباب لا اطلب لك الشرطه
عبدالله : تسويها بس انا بطلبك في المحكمه
الكل : محكمه
عبدالله (يأخذ شماغه) : أيه محكمه اللي بتطلق عذاري من سليمان لعدم تكافئ الأنساب يعني احنا عائلة من وسليمان من ولده
أبو إبراهيم : بتدخل عيال عمك للمحكمه
عبدالله (أشر لسليمان) : بيده يجنبهم هذا يطلقها بهدوء
سليمان : ما تقدر تطلقها مني وغصب عنك انا كفو لها وانا بوقف بوجهك
عبدالله : هههههههههههه ليه ما عمرك سمعت بحالات الطلاق بسبب عدم تكافئ النسب وانا لي طرقي
سليمان (بعصبيه) : أعلى ما في خليك أركبه طلاق لا
عبدالله : ههههههههههههههههههه نشوف سلام يالله حسن وحسين
حسين (أشر لسلطان على جواله ) : ......................
سلطان (هز راسه بنعم) : ..........................
الجد : لا حول ولا قوة إلا بالله
سلطان (يمسح فمه عند الدم) : اسمح لنا يا سليمان على اللي صار ما كنت بدخلك في مشاكلنا
سليمان : وش فيه وشنو سالفة ولد عمك ومعصب
سلطان (طالع لأبوه فهد) : يبه
أبو إبراهيم : حياك يا ولدي انا بقول لك كل شيء


دخل سليمان مع أبو إبراهيم وسلطان دخل البيت يغسل وشاف عذاري اللي تبكي ولما شافته صعدت غرفتها ناداها بس ما ردت عليه وسكرت باب غرفتها عليها وقفلته منحرجه من اللي صار قدام سليمان ومقهوره وتدعي على عبدالله وتتحسبن عليهم كلهم يحطمون فرحتها ليه سليمان فهم كل شيء وتوعد يوقف في وجه عبدالله واللي اكبر منه بس ما يترك عذاري طلب يشوفها بس هي رفضت أحترم رغبتها ان اللي صار قوي عليها وقرر يزورها وقت ثاني وطلع لبيتهم ..............


------------------------------

نعود للقريه ...


خليفه كان يحسب الوقت وفرحان واهو يشوف الشيخ يكتب عقد القران وأهو يبتسم للكل

الشيخ : بطاقات الشهود
فهد (وقف وقرب من خليفه) : انا طالبك يا خليفه تقول تم
خليفه (أبتسم) : تم
فهد : اكون شاهد عرسك
خليفه : أفا عليك هذا اول شهود يا شيخ
فهد (يطلع بطاقته للشيخ ) : تفضل يا شيخ (ألتفت لخاله ) بس لازم اطلبك يا خال وتقول تم
ابو خليفه (أبتسم) : تم يا ولدي وانا ماني رافض تشهد على زواجه بدل ابوه
فهد : قول تم
أبو خليفه : تم والله
فهد (رفع يده ) : اشهدوا قال تم
أبو خليفه : هههههههههههههه تم تم
فهد (طالع لأبوه واهو يتبسم) : ملك لي على بنتك وخطيبتي اليوم مع خليفه

صمت الهدوء عم المكان تبادل النظرات بين الكل

فهد (رفع حاجبه) : انت قلت تم يا خال (طالع للرجال) حبيت تصير فرحتين مو فرحه والكل يعرف ان بنت خالي محمد مسميه لي ومخطوبه لي
أبو خليفه : صح بس ما يقدر يكتب لكم إلا بالتحاليل
فهد (طلع من الجيب وقدمهن لخاله) : هذي التحاليل جاهزه وتأكد صحيحه
خليفه (أخذ التحاليل وقراهن رفع النظر لأبوه وهز راسه نعم) : .....................

أبو خليفه طالع لابو خالد اللي بانت الصدمه على وجهه ونزل عيونه منحرج بلع ريقه وألتفت للشيخ

أبو خليفه : ملك لهم
فهد (أبتسم وأهو يشوف الكل يبارك له واهو يقول) : الله يبارك فيكم
الشيخ : من وكيل العروس
أبو خليفه : انا
الشيخ : على بركة الله نعقد اليوم لوضحه بنت محمد على فهد أبن إبراهيم
فهد : توكلنا على الله

فعلا تم الزواج ولان وضحه موكله ابوها أنعقد قرانها وقله المشايخ يلزمون يسمعون موافقة البنت بنفسها يعني اخوها ولا ابوها يقول انا وكيلها يثبت على هذا الأساس الزواج تم عقد القران والكل قام يبارك لهم قرب فهد من ابوه يبي يبوس راسه

الأب (أبعد راسه) : كسرت كلمتي
فهد : يبه ما سويت شيء حرام
الاب (يوقف) : فهد كسرت كلمتي ونزلت راسي
فهد : يبه
الاب : لا تقول يبه

طلع الأبو من بيت الشعر للخارج ووقف عند سيارته حس بخطوات خلفه ألتفت

أبو خالد : أبو خليفه
أبو خليفه : كنت تعرف
أبو خالد : والله ما كنت اعرف ياخوي باللي يبي يسويه
أبو خليفه : اللي صار صار وضحه امانه في رقبتك
أبو خالد : وضحه بنت لي وتهمني مثل فرح
أبو خليفه (حط يده على كتف أبو خالد) : ادعي ليه
أبو خالد : وين رايح
أبو خليفه : لازم ابلغ وضحه
أبو خالد : سامحني
أبو خليفه : ما أخطيت الخطاء مني عطيته كلمه قبل أعرف وش يبي بس اخذتني العزه حسبت ان يقول لي قل تم عشان يشهد على زواج خليفه
أبو خالد : فهد داهيه
أبو خليفه : صدقت يالله بروح واجي
أبو خالد : روح الله يسترها

دخل أبو وضحه بعد ما اعطي خبر للحريم واتجه لغرفته وقال لزوجته تجيب وضحه وتجي معها الكل استغربت وش فيه مرت دقايق وفجأه سمعوا صرخت كانت صرخه وضحه

لااااااااااااااااااااااااااااااااااااااااااااااااا


أغمى على وضحه حزن قهر ألم غضب صدمه

صدمه

صدمه

فهد فاز واهي خسرت


بعد ما صحت وضحه بكت بكت كثير وتورمت عيونها من البكي ورفضت تشوف احد وفي اليوم الثاني كان زواج أخوها ولما احد يشوفها ما يعتقد ان هذا فرح اخوها ليالي وفرح كانوا قايمات في العرس والرقص اكثر من وضحه اللي انطفأت فرحتها بعرس أخوها بصدمتها بزواجها من فهد

بعد كم يوم من العرس رجعوا للرياض عشان الدراسه بس وضحه رفضت ترجع بيت ابوخالد ما تقدر تتحمل فهد يوم ما كان محرم لها كيف وألحين محرم لها ما تبي تعطيه فرص أبدا لا يتحكم ولا يتجرأ عليها أبو وليد قال وضحه بتعيش عندي في بيتي وفعلا نقلوها لغرفه خاصه فيها كانت لوليد جهزها لها لوحده وليالي فرحة كثير ان صار في احد عندها في البيت بدل ما كانت لوحده ناصر ومحمد صاروا قليل يدخلون البيت واكثر في المجلس عشان تآخذ راحتها ومن يوم القريه ما شافت فهد أبدا وضحه أغلب الوقت في الغرفه تذاكر بس الحقيقه انها تنغمس في الحقيقه المره واهي تكرر ودمعتها على خدها


وضحه : خسرت وربحت يا فهد

سمعت ضرب الباب وانفتح

ليالي ( بوجه حزين ) : مشغوله
وضحه (مسحت دمعتها ) : حياك يا عروسنا
ليالي (دخلت وجلست جنبها) : وضحه تعبانه وأبي ابكي
وضحه (قربت لها وجلست) : لا لا تبكين تتورم عيونك والليلة ملكتك وش بيكون شكلك مع المكياج
ليالي (دمعت عيونها) : ما يهمني بس مو قادره مو قادره احلامي تشتت كان عندي امل بالتحاليل ما تطابق بس تطابقت
وضحه : ليالي جاسم رجال ما عليه كلام
ليالي (أشرت لقلبها) : هذا اللي مو قادر يتقبل
وضحه : ما باقي شيء ونملك لك وتقولين هذا الكلام
ليالي : محد سمعني بس انتي سمعتي
وضحه : ما يفيد هذا النصيب على الاقل انتي احسن مني جاسم رجال يحبك مو مثل فهد اللي يكرهني وأخذني بس يبي يكسرني
ليالي : من شاف بلاوي غيره هانت بلاويه
وضحه : قومي خذي دش عشان الصالونه بتوصل
ليالي (توقف) : بروح بس ما احس اني بروح جسد بلا روح

أتجهت لغرفتها وأهي تبكي رمت نفسها على السرير تبكي اليوم بتكون لشخص غير سالم حست بدخول احد ألتفت وشافت خوله ركضت لها وبكت بكت بكت لين حست خلاص تعبت وخوله سكت عنها لين هدأت وقفتها ولا قالت شيء دخلتها الحمام (وانتو بكرامه) وخلتها تآخذ دش وبعدها وصلت الكوافيره وبدات شغل وليالي بس صمت ودموع والكل حولها يحاول يخفف عنها


في مجلس الرجال ...


الصمت كان متملك من سالم اللي واقف بالعرس وكأن عرس اخته كاتم في قلبه ويساعد ناصر يسرح شوي لما يشوف جاسم ويصحى من خياله يشوفه جنب ليالي على الكوشه ألم حزن حقيقه مره مره مره اليوم تصير ملك شخص غيره يشوفها يجلس معها يقول لها حبيبتي عمري زوجتي

زوجتي

زوجتي

وليالي تقول لشخص غيره حبيبي وحياتي انت تجلس معه وتتدلع عليه وتطلبه وتكون قربه وتأشر عليه

زوجي

زوجي


شاف الشيخ يكتب البيانات حط الدله وطلع للحديقه شافه ناصر ولحقه

ناصر : سالم
سالم (يسحب نفس) : مخنوق
ناصر : أهدى
سالم : مو قادر أكتم بصرخ (ألتفت لوليد شايل الكتاب ودخل الصاله) بتوقع
ناصر : ربي يعوضك ( رن جواله بمسج فتحه ) قول الحمـ..
سكت ناصر واهو يطالع الرساله بصدمه ولا تقدر يتحرك سالم ألتفت له وشافه يطالع لجواله سحب الجوال وطالع المسج
سالم (يقراه بصدمه) : مبروك زواج اختك الغاليه وخسارة صديق طفولتك حبه قلت لك يا ناصر أرد لك الكف بأغلى ناسك وما في أغلى من سالم وليالي عندك لعبت في التحاليل أيه اعترف أنا ريوف دفعت رشيت المسؤول عن التحاليل وغيرها خسرت بنت عمك و انكسر قلب أختك وصديق الطفوله وصارت لغيره هههههههههههههههه

رمى الجوال وركض للصاله بيلحقها يقول لا توقعين بس وقف لما شاف وليد يطلع بالكتاب وسمع صوت اللوشه والزغاريط

ليالي وقعت

وقعت

وقعت

كلوووووووووووووووووولووووووووووووووش

حط أيديه على أذونه ما يبي يسمعهم

وتعلى صوت الحريم يلولوشون

لوووووووووووولووووووووووش كلووووووووووووولووووووووووووش


جلس على ركبته في الحديقه واهي يسكر أذونه وصوت الاغاني علت

سالم (يصرخ وقلبه يصرخ ) : لااااااااااااااااااااااااااااااااااااااااااااااااا اااااااااااااااااااااااااااااااااااااااا


--------------------------------

أنتهى البارت ^_^